الجميلة والعشاق السبعة بقلم منى عبد العزيز ج2

تحضير نفسها عشان تخرج مع مسك ونجيب يتفسحو بره السريا.
مي حاضر يا عموا هاجي انا واخويا الصغير بعد اذنك لان ماما سافرت تنهي شويه اوراق مهمين تبع شغلها.
نجيب تمام بس سنه قد ايه .
مي عنده اتناشر سنه يا عموا متقلقش.
. قفل معها وفهم نجيب الصغير هيعمل ايه
وبعد شوية حضرت مي واخوها سيف
تعرف نجيب علي سيف وحبه جدا
جات مسك رافعه النقاب لتسلم علي مي
فجاءة سمع الجميع صفير التفوا للصوت لقوا سيف واقف يبص على مسك ويصفر ببقه معجب بجمال مسك.
سيف واو ايه القمر انت حقيقيه كده ولا ملاك نزل من السماء.
مسك أكيد انت سيف صح .
سيف دا انا طلعت مشهور بقي وليا معجبين حلوين.
نجیب الصغير سيف انت متاكد انك طفل ايه يابني دانا اتخرجت من الجامعه ومقدرش القول نص كلامك.
سيف دي قدرات يا حضرت ابق تعالي يوم افضيلك نفسي واعلمك.
ضحك الكل علي كلام سيف وطلعوا ونجيب بيبص على مسك اللي بترتعش پخوف وتوتر ومسك طول ما هى ماشية تبص وراها لحد ما طلعوا من السرايا مشيوا شوية بالبلد نجيب الصغير ماسك ايد سيف ومى مسكة ايد مسك بعد شوية ركبوا العربية وراحوا للمدينة مسك حست براحة وسيف اللى قدر يطلع مسك من التوتر و
الخۏف راحوا الي المدينه مسك مذهولة من اللي بتشوفه المحلات والناس اللي رايحة جاية والبنات الصغيرة اللى ماشيه لوحدها
مي مبسوطه يامسك.
مسك مبسوطه دي حاجه قليله انا فرحتي عامله زي الاعمي اللى فضل طول عمرة مش بيشوف وفجأة فتح .
فضلوا وقت كبير يتمشوا لحد ماتعبوا وشاورت مسك على مطعم ومدت مشيتها قبل منهم وهم وراها بقت تشاور على اللي عاوزة تاكله بفرحة غريبة سيف يبص لمى ويشاور لها على حركات مسك وهى بتطلب الاكل .
سيف يابنتي ال يشوفك وانتي بتاكلي الفول والطعميه بالطريقه دي يقولوا بتاكلي كباب وكفته.
مسك دول عندي احسن من كل الاكل ال في الدنيا نجيب انا عوزة اشرب عصير قصب واروح المولد.
نجيب عصير القصب ممكن لكن المولد مش ممكن ده زحمه جدا وكمان عمي نحيب مشترط علينا بلاش الاماكن الزحمه ونرجع قبل المغرب …يدوب نلحق نفرجك علي المحلات ونرجع بسرعه … نستعد لسفر عشان فسحه الملاهي
سيف الله ملاهى انا فيها السفريه دي هي امته
ميلا يا استاذ حضرتك عندك مدرسه كفايه عليك النهاردة.
مسك مي وحياتي عندك تخلي سيف يجي ده لذيذ وانا حبيته اوي وكمان عشان الرحله دي تكون دافع ليه للمزاكرة .
مي عشان خاطرك انتي يامسك هقنع ماما هنسافر امته يا استاذ نجيب عشان اقدم علي الإجازة من المعمل
نجيب ان شاء الله بعد بكرة هنسافر كلنا زي مسك طلبت بالقطار .
سيف يا وعدي انت عسل يا مسك انا بحب القطار اوي دانا حبتك اكتر من الاول .
نجيب يا بني بس بكلامك ده بتخليني اتحصر علي نفسي.
ضحكوا كلهم وخرجوا يكملوا فسحه في المدينه ومحلات الملابس والانتيكات واشترت مسك الهدايا تذكرية لليوم ده للكل وبعد كده رجعوا البيت بعد ماوصلوا مى وسيف للبيتهم.
واتفقوا علي معاد السفر للملاهى والاهرمات.
. وصلوا الي البيت و مسك نزله من العربه مسكة في اديها الكياس خبطتت في حد صړخت بړعب اول عنيها شافت اللي خبطتت فيهابوها كان قريب منها جه يجرى وبياخد نفسه بالعافيه شاور لراجل شكلة غريب انه يخرج بره البيت.
نجيب الصغيرعشان يهدى مسك ضاحك ايه يابنتي خاېفه من مين ده سمير قريب عمي نجیب.
مسك بعدت عن ابوها حطتت
اديها على صدرها تهدى روحها و بصوت متوتر بس شكله مرعب اوي ووشه في حجات غريبه
نجيب الصغير دي أثار خياطه وچروح في وشه بسبب خناقات كان بيعملها مع صحابه.
نجيب الكبير وهو ماسك ايد مسك يدخلها للبيت انبصتى يا مسك الفسحة عجبتك عملتى ايه احكلى.
مسك رفعت شنط الهدايا اللي اشترتها ومدت اديها بوحده اتفضل يابابا دى هديتك بعد شوية هروح لداده روحية ولامل اديهم هديتهم
أمنيه راحت الجامعه تتلفت حوليها بدور على اللي بيبعت ليها الهدايا.
دخلت الجامعه. تبص في وشوش زمايلها واي واحد يعدى قريب منها حتى الدكاترة تبص فيهم تشوف حد يشبه التخيلات اللى رسمتها في مخيلاتها لل العاشق.
عدي اليوم عليها مركزتش في المحاضرات عقلها مشغول قلبها بيدق بصوت عالي خلصت محاضرتها وخرجت من الكلية وهى تايهه وحزينه.
سالم يوميا يقف امام الجامعه راح لبياع ورود وشاور على أمنيه وعطالة شنطة هدايا واشتري كل الورود اللى معاه شايف البنت اللي وقفه هناك دى روح اديها الورد والشنطة دى.
بياع الورد راح زى ما قاله سالم عطى امنيه الورد والهدية .
امنیه ذهلت من كميه الورود والهدية سالت مين اللي بعتهم شاور ليها على مكان سالم بصت على مكان ما شاور ملقتش حد شكرت البياع ومشيت لحد ما قعدت على كرسي استرحه حطت الورود جنبها وفتحت شنطة الهدية لقت علبه صغيرة وجواب مسكت العلبة فتحتها لقت سلسله رقیقه جدا به
حرفين الالف والسين ذهلت امنيه من رقه وجمال السلسلة ابتسامة بفرحة وهى تقرى الجواب
يارب تعجبك دول اول حروف اسماءنا عاشق متيم . امنيه بفرحه وسعاده حضنت الجواب وفضلت تقراه اكتر من مرة قامت مرة واحده اخدت الورد والسلسلة اول ما قعد جنبها زميل ليها بيكلمها.
ا . سالم واقف بعيد يراقب حركات امنيه ابتسم وهو يري ردة فعلها مع السلسلة و الجواب
استغرب لما لقي واحد قعد جنب امنيه حس بان جواه ڼار وكان لسه رايح يضرب الشاب لقي امنية وقفت من مكانها واخدت الورد ومشيت بسرعة .
سالم ايه ال بيحصل معايا ده ليه الڼار ال جوايا دي …. لازم اخلص بقي مع امنيه وننهي الموضوع ده خلاص كده هي اتعلقت بيا لازم بقي انفذ الخطه قبل ما عمى جابر يعمل حاجه من ورايا.
ايهم شادى بلغ الكل اننا بعد بكرة ان شآء الله هنروح نتفسح اختاروا الاماكن اللى عاوزين ترحوها وبلغنى عشان اعمل حسابي.