بدر الصعيد بقلم مها العيسوى

________________________________________
انى فيوم حبتها بحسها غريبه عنى ماببقاش عايز اتكلم معاها
تالا ليه
جاسر بصلها قوى مش عارف يمكن علشان مش فاكرها
تالا بصت لعنيه قوى مش شرط الى بيحب حد قلبه بيبقى فاكره حتى لو العقل ناسى
جاسر كمان تاه فى عنيها الحزينه معاكى حق يعنى مثلا انا معرفكيش ومع ذلك عمال احكليك واتكلم معاكى زى ماكون اعرفك من سنين
تالا بصتله قوى معاك حق ساعات بنحس ان الناس الغريبه قريبه مننا قوى حتى اكتر من الاهل
جاسر ابتسم عموما انا تشرفت بيكى قوى ياانسه تالا وانشاء الله هتصل اطمن عليكى
تالا تالا بس ياجاسر تالا كفايه
جاسر قلبه عمال يدق پعنف ومش عايزها تنزل وتسيبه معقول هو ده الحب من اول نظره
تالا كمان مش عايزه تنزل وتسيبه اجبرت نفسها تنزل من العربيه وطلعت على اوضتها جرى اما جاسر فضل واقف وقلبه بيقوله اطلع وراها بس طاوع عقله ومشى
تالا دخلت اوضتها ودموعها سبقاها رمت نفسها على السرير بقهره فقدت الذاكره ياجاسر نسيتنى ياحبيبى
فى بيت الدهاشنه كان بدر قاعد مع صالح الى بيحاول يهدى فيه من ساعة الى حصل يابدر ياولدى الحمد لله انها چت لحد اكده وانت ماسكتش وضړبته لما عدمته العافيه
بدر بغل مش كفايه حاسس ان نارى لساتها جايده.
صالح بصله قوى مالك يابدر عمرى ماشفتك جايد بالشكل ديه
بدر اومال انت عايزنى ابجى كيف لما ادخل الاقى المنظر الى شوفته ديه اروح اخده بالحضن ولا انسى واجول حصل خير واهى چت سليمه
صالح انى مجولتش اكده بس خلى عيندك عجل شويه انت من ساعت مارچعنا امبارح وانت على كلمه واحده هجتله
بدر قام وقف ولساتى على حديدى يابوى عمار يستاهل الجتل
لا يابدر وانى ميردنيش انك تبجى جاتل وابجى انى السبب
لف بدر لقى مريم واقفه ومسنوده على الحيطه وباين على وشها التعب جرى عليها سندها ايه الى نزلك وانتى لساتك تعبانه تعالى اجعدى
مريم بدموع ابوس يدك يابدر باعد عنه انى معايزاش يبجى فى ډم بسببى والحمد لله چت سليمه
بدر بعصبيه انتى كمان هتجوليلى جت سليمه
مريم ايوا هجول يابدر وكفايه لحد اكده عمار بان على حجيجته ويمكن رابنا عمل اكده ميشان بيحبنى ورايدلى انى مكملش معاه وكله خير من عيند رابنا
صالح قرب منه وطبطب على كتفه ياولدى انت جولت للدكتور بلاها بوليس ميشان الشوشره چاى دلوقيت عايز تروح تتعارك معاه ولا تجتله ميشان الناس تجول عمل اكده ليه وميشان ايه
مريم اسمع الحديد يابدر واذا كان عليا انى هسيب البلد واروح اعيش فى بيت الطالبات فى مصر
بدر بصلها بنرفزه تروحى فين !!! كانك اتچنيتى عايزه تروحى تعيشى لحالك ليه مالكيش اهل !! بلاش مفكرتيش فى يونس
مريم بصت للارض وردت بتوتر مانى هخده معايا
بدر صوته علا كمانى ياصلاة النبى ماتخديش امى كمان معاكى
مريم اتعصبت انت بتتريج عليا
بدر