خداع انثى بقلم دودو محمد ج٥
-استفد ايه دلوقتى صاحب عمرك بعد عنك وسابك بسبب انانيتك وانت رجعت تانى وحيد أنا لازم أكلمه واقوله على كل حاجه واطلب منه يسامحنى
وأمسك الهاتف سريعا وأجرى اتصالا برائد ولكنه تراجع سريعا واغلق الخط وألقى الهاتف مره اخرى على الطاوله وأخذ كأس اخر وظل يأخذ واحد تلو الآخر حتى شعر بدوار شديد وألقى رأسه على الطاوله وفقد الوعى ولم يشعر بشئ اخر.
………………………………………………….
عاد رائد إلى الحاره ومعه رقيه وقف بعيد يرقيبها حتى دخلت المنزل اولا وبعد عدة دقائق دلف خلفها المنزل وصعد إلى الأعلى فتح الباب بالمفتاح ودلف إلى الداخل وجد والده يجلس على الأريكة وبجواره والدته نظر له بضيق وجلس على المقعد دون أن يتكلم
نظرت له بأستغراب وقالت بتساؤل
سهير :- مالك يا ابنى داخل كده من غير كلام وشكلك حزين ومهموم مكنتش كده قبل ما تنزل
زفر بضيق وقال
رائد :- مافيش يا ماما مخنوق شويه
ثم نظر إلى والده وقال
-بيعمل ايه هنا ده ؟
ردت عليه بحزن وقالت
سهير :-ابوك زهق من الرقده على السرير طلب منى يطلع يقعد وسطنا شويه اهو يغير جو
نظر له بغضب وقال
رائد :- زهقك ده مش بيفكرك بحاجه مش بيفكرك بناس انت ظلمتهم ومقفول عليهم باب حديد دلوقتى
نظر له بوهن واومأ رأسه وقال بصوت متقطع
مدحت :- ا ا أنا فاهم قصدك على مين ب ب بس كانوا يستاهلوا كده وزياده كمان علشان فكروا يبصوا لفوق ويلعبوا مع ناس مش من مستواهم
نهض بغضب شديد وقال
رائد :- انت ايه يا شيخ متعظتش من اللى حصلك لسه بتفكر بطريقتك المستفزه دى أنا قولت انك فؤقت وانت كده وهتخرجهم من السجن كفايه اختهم واللى انت عملته فيها
نظرت لهم بأستغراب وقالت
سهير :- انا مش فاهمه حاجه من كلامكم مين دول اللى فى السجن ومين اختهم اللى بتتكلم عليها دى
نظر لها بضيق وقال
رائد :- جوزك عندك اهو اسأليه أنا أقصد مين بكلامى ده
نظرت إلى زوجها بعدم فهم وقالت
سهير :- فهمنى يا مدحت ايه اللى بيحصل
حاول ينهض من على الأريكة بغضب وكاد أن يسقط على الارض لكن سريعا رائد أمسك به ونظر له بحزن وقال
-ليه يا بابا تعمل كده دى البنت الوحيده اللى انا حبيتها وغيرت حياتى كلها علشانها ازاى قدرت تكسر قلب ابنك بأيديك علشان شوية مظاهر ملهمش لازمه أنا عيشت ايام صعبه بسببك ومازلت بعيش فيها بس مقدرش اعمل معاك حاجه مهما كان انت ابويا بس فيه ربنا هو قادر على كل شئ
