رواية أنين

ورشة عزت الجويني

لقد رفع أذان العصر، وأنين ما زالت تعمل في سيارة عبد القادر، قد أصابت زي العمل الرسمي بعض الأوساخ والشحوم، أمسكت بكوب من الشاي وهي تقوم بفك أحد المسامير وتحدث دونجل قائله

أنين ..العربية دي كتر خيرها أنها لسة عايشة مع الحاج عبد القادر

دونجل ..دا مبيصرفش عليها إلا لما تجيب اخرها وتبقي قربت تشتمة

أنين …هههههههههههه عندك حق، دي أهانة كبيرة في حق العربيات والله، و…

قاطع حديثها وصول جلال وزهرة التي صاحت بأسمها قائله

زهرة ..أنييين

ألتفتت أنين سريعا وهي تضع كوب الشاي مكانة وتبتسم بسعادة حين رأت صديقتها قائلة

أنين ..زهرة وحشتيني

هرولت زهرت لأحتضانها لتوقفها قائله

أنين ..أستني يا مجنونة هتتوسخي

زهرة ..مش مشكلة، كيفك يا خيتي وحشتيني

أمسكت أنين بأحدي الأقمشة الخاصة بأزالة الأوساخ لتنظف يدها قائلة

أنين ..الحمد لله بخير، وأنتي كمان وحشتيني

تنحنح جلال حتي ينتبه لوجوده، لتنظر له أنين ببسمة قائلة

أنين ..حمدلله علي السلامة

جلال ..الله يسلمك، كيفك؟

أنين ..الحمد لله

جلال ..زين، ناجصك حاجة؟

أنين لنفسها ..أنت

أنين ..لا شكرا

زهرة ..بجولك أي أنا هتدلي أشتري شوية حاجات ناجصاني، تعالي معانا

جلال ..متعطليهاش يا زهرة

أنين ببسمة ..لا مفيش عطلة هاخد شاور بسرعة وأغير وجاية معاكم، تعالو أتفضلوا فوق

جلال ..لا هنستناكي هنا

أنين ..يالهوي أزاي تقفوا في الشارع، عيب والله، يلا علي فوق، دونجل

دونجل ..نعم يا أسطي

أنين ..خلص أنت العربية دي، وأنا عندي مصلحة في السريع وجاية

دونجل ..حاضر يا اسطي، لو أتأخرتي اقفل انا؟

أنين ..أة، يلا أتفضلوا

صعدت مرة أخري الدرج ودلفت لمسكنها الخاص قائلة

أنين ..أتفضلوا أتفضلوا،والله نورتوني

دلف جلال للداخل، لينبهر من نظام المنزل، لانة لم يدلفة سوي وقت عقد قرانه علي أنين، تفاجأ بحائط كامل يحمل صورها برفقة أبيها وبعض الصور الخاصة بيها، سرح بجمالها، فهو لم يراها إلا بملابس العمل، لا يعرف عنها شئ، ولا عن حياتها شئ، فاق من شرودة حين وضعت أمامه كوب من العصير قائلة

أنين ..مش هتأخر، علي ما تشربوا العصير هكون جيت

دلفت للداخل سريعا حتي تستحم وتبدل ملابسها سريعا

زهرة ..شجتها حلوة جوي، بموت في طريقتها في الترتيب

جلال ..وأنتي إيش عرفك بطريجتها!

زهرة ..أنا معاها طول اليوم علي النت، وببجي فاتحة الكاميرا وشايفاها كمان وهي بتطبخ أو بتنضف أو بتذاكر

جلال بمزاح ..وأنا أجول كل شويه تجوليلي الباجة خلصت يا أخوي، أتاريكي مضيعاها علي الست أنين

زهرة ..هههههههههه الله مش صاحبتي، بجولك يا أخوي ينفع أجولها تيجي تفرش ويانا وتحضر ترتيبات الفرح من الأول، لو مش هيضايجك

جلال ..ينفع مش هضايج يا لمضة

زهرة ..ههههههههههههه أحلي أخ وربنا

أتأخرت عليكم

توجهت أنظارهم لتلك الفاتنة، لينبهر جلال من هيئتها، حيث كانت ترتدي بنطال من الجينز الأسود علية كنزة من الصوف الابيض وترتدي قبعة أيضا من الصوف الأبيض نظرا لبرودة الجو وحذاء رياضي من نفس اللون ،صعق جلال من لطافتها وبرائتها، لم يظن أنها بهذا الجمال، فملابس العمل كانت تخبئ كل هذا الجمال لتقول مرة اخري

أنين ..مالكم!

زهرة ..بصراحة أنتي حلوة جوي

أنين بخجل ..بس يا رخمة

زهرة …هههههههههههه أتكسفتي من كلمتي، طب أي رأيك يا اخوي، بذمتك مش حلوة

جلال بدون وعي ..حلوة جوي

نظرت له الفتاتين بصدمة ليعي لما تفوه به، ليتنحنح واقفا وهو يقول

جلال ..هموا عاد هنتأخر

تقدمت زهرة من أنين ومالت علي أذنيها قائلة

زهرة …جلال الجبالي بينلو عشجك يابت الجويني

……….يتبع…………

مني الاسيوطي

تيسير محمد