زواج تحت التهديد بقلم اسراء محمود ج5

وهيبه ماشي روحوا انتم كمان اتغدوا على ما احنا ما نتغدى وجهزوا الشاي والقهوه على طول
هنادي عمرك يا ست الحجه.
وهيبه يلا يا حاج يلا يا فهيمه يا خيتي يلا يا اولاد قوموا علشان تاكلوا. قام الجميع واستعدوا وجلسوا على مائده الطعام. وكان كلا منهم يجلس وبجواره زوجته. وكان يتراس السفره الحاج مهران كبير العائله. وكانت الحاجه وهيبه قد اعدت غداء بارعا به كل ما لذ وطاب
عيسى بانبهار بسم الله ما شاء الله تسلم ايدك ياما الوكل شكله بس يفتح النفس لا وايه مش مخليه حاجه مش عاملاها ربنا يخليك لينا يا امي.
وهيبه بابتسامه بشوشه ربنا يبارك فيك يا ولدي بالهناء والشفاء مطرح ما يسري يمري اتغذى زين.
عيسى ماشي يا امي حاضر من عيني.
محمد بطريقه مسرحيه يا عيني عليك يا محمد يا اللي ما حدش بيقول لك اتغذى. ايوه اصل هو عيسى العريس مش انا
وهيبه واه كيف ده اتغذى زين يا ولدي ومطرح ما يسري يمري.
محمد تسلميلي يا مرات عمي يا غاليه وما اتحرمش منك ابدا
وهيبه تسلمي يا ولد. وفعلا بداوا ياكلوا تحت ابتسامات وشغب بين عيسى ومحمد ويونس. على الطعام وكانوا سعداء جدا بتلك اللمه. وصباكانت فرحانه جدا وسعيده بسبب الترابط الاسري اللي بتحبه جدا وحب ودفئ العيله دي. اللي بقى يحوطها من كل ناحيه. فضلت الحياه هاديه ومريحه بين صبا واهل عيسى وكانت كل يوم هم بيحبوها اكثر وهي كمان بتحبهم اكثر واكثر كمان اولادها خلصوا امتحانات وجابهم عيسى وبداوا يعيشوا معاهم في البيت. عيسى كان بيهتم بكل كبيره وصغيره في حياه الاولاد دولا لدرجه انك صبا بدات ترتاح من ناحيه اولادها جدا. سبب خوف عيسى واهتمامه بيهم قدام لدرجه ان الولاده نفسهم اتعلقوا بعيسى جدا مش بيقولوا له غير يا بابا .
اما بقى صبا وعيسى فالحب بدا يزيد ما بينهم لدرجه انه تحول ان اكبر صوره من صور العشق وده كان واضح في تعاملاتهم جدا
وفعلا صدق اللي قال رب صدفه خير من الف ميعاد. هناك صدفه حزينه جمعت بين قلبين كان من المستحيل ان يتقابل يوما ما ولكن حصلت المعجزه وتقابلوا وتزوجوا واصبحوا عاشقين. وهذا ما يقال عليه اصحابي القدر. المهم
في يوم عيسى صحي من النوم كالعاده عيسى اخذ الشاور بتاعه وغير هدوم وكانت صبا لسه نايمه كمان صلى الفرض. وقعد جنبها وضع ايده على خدها برفقه يتحسسه بحنان
عيسى حبيبي قوم يلا بطلي كسل.
بدات تتحرك صبا في السرير دليل على استيقاظها وهي تبتسم ابتسامه مشرقه
صباصباح الخير يا حبيبي
عيسى احلى صباح من احلى عيون في الدنيا كلها ايه مالك نايمه انت بالعاده بتصحي قبل مني النهارده تاخرتي
صبا وهي تتثاوب بكسل والله مش عارفه حاسه اني كسلانه وتعبانه مش قادره اقوم
عيسى بخضه مالك يا حبيبتي فيك ايه ابعت اجيب الدكتوره
صبا بابتسامه لا يا حبيبي اطمن مش للدرجه دي هو شويه ارهاق وخلاص. حاسه اني عايزه افضل نايمه في السرير
عيسى وهو يقبل راسها ماشي يا حبيبتي خليك نايمه في السرير بس اوعي تنسي الاكل لازم تاكلي
صبا وهي تحاول النهوض لا يا حبيبي انا هقوم عشانك وعلشان الاولاد لا يحتاجوا حاجه
(زواج تحت التهديد بقلمي اسراء محمود لا اله الا الله سيدنا محمد رسول الله لا اله الا الله وحده لا شريك له له الملك وله الحمد يحيي ويميت وهو على كل شيء قدير وسبحان الله والحمد لله ولا اله الا الله والله اكبر ولا حول ولا قوه الا بالله العلي العظيم)
عيسى ما لكيش دعوه بيا ولا بالاولاد انا هنزل افطر والاولاد كمان هيفطروا معايا وكمان جدتهم معاهم والخدم تحت لو احتاجوا حاجه كمان من المربيه بتاعتهم معاهم ما تقلقيش . نامي انت شويه وانت عارفه الولاد بيحبوا وردوهيبقى يلعبوا معاها. لحد ما تقوم
صبا يا حبيبي ورد حامل ومش حمل شقاوه الاطفال
عيسى عايزك تطمني ونامي شويه علشان تقومي نشيطه ومرتاحه بدل ما تقومي دلوقتي ويبقى جسمك مرهق ممكن تتعبي اكتر.
صبا وهي ترقد على السرير مره اخرى ماشي يا حبيبي توصل بالسلامه افطر كويس
عيسى وهو يقبلها في راسها حاضر يا روح قلبي. ثم تركها ونزل وهي وضعت راسها وذهبت في سبات عميق.
عيسى اول ما نزل تحت الاطفال اولاد صبا شافوه جريوا عليه حضنه وبسوه
عيسى اهلا اهلا بحبايب قلبي اللي منورين حياتي كلها
الاطفال صباح الخير يا بابا
عيسى صباح الورد على احلى شطار في الدنيا
الاطفال امال فين ماما يا بابا
عيسى ماما نايمه شويه علشان هي مرهقه ولما تقوم هتنزل على طول تمام
الاطفال تمام يا بابا
عيسى المهم انا عايز حبايب بابا ويسمعوا الكلام ناكل كويس ونعمل الواجب بتاعنا كويس نقعد نلعب جنب تيته وعمته ورد ومش نعمل مشاكل عشان ماما هتنزل لما تعرف انكم عاملين مشاكل ولو نزلت وهي مرهقه هتتعب وانتم اكيد مش عايزين ماما تتعب صح
الاطفال طبعا يا بابا اطمن احنا مش هنعمل مشاكل خالص وهنلعب مع اولاد عمو يونس وعمته جميله وكمان مع اولاد عمته صفا
عيسى حبايب قلبي يلا بينا علشان نفطر. واخذهم ودخل على غرفه الطعام.
عيسى السلام عليكم ورحمه الله وبركاته
الجميع وعليكم السلام ورحمه الله وبركاته
عيسى صباح الخير يا ابويا صباح الخير يا امي وقبل يد امه وابوه.
مهران صباح النور يا ولدي
وهيبه صباح الهنا والسعاده على بدنك يا ولدي امال مرتك فين
عيسى مرتي نايمه وسيبوها نايمه شويه
وهيبه خير يا ولدي مالها
عيسى ما فيش يا امي هى بس مرهقه شويه
وهيبه ماشي يا ولدى . خليها نايمه وانا شويه كده وهبقى اطلع اطمن عليها وانزلها علشان تاكل.
عيسى ما اتحرمش منك ابدا يا امي. بس سيبيها وهي هتبقى تنزل لوحدها.
وهيبه ولا منك يا قلب امك. حاضر يا ولدي.
عيسى حبايب قلب بابا اسمعوا الكلام اي حاجه تقول عليها او جدو او من العمات نقول عليها حاضر
الاولاد حاضر يا بابا
وهيبه بابتسامه وهي تضم الاولاد اليها ما تقلقش يا ولدى دول نن عيني من جوه
عيسى تسلم عيونك يا ست الكل طيب هقوم انا عشان عندي شغل سلام عليكم
الجميع وعليكم السلام ورحمه الله وبركاته
مهران ربنا يوفقك يا ولدي. مش عيسى وفضلت صبا زي ما هي في السرير نايمه ولكن بعد فتره بسيطه صحيت من النوم بعد ما شعرت بان هناك الم فظيع في معدتها وتشعر بالغثيان قامت ودخلت الى المرحاض وتاتي بكل ما في معدتها. ظلت صبا هكذا فتره حتى بدات تشعر بالدوار فتمالكت اعصابها ونفسها وحاولت قدر الامكان ان تخرج من الحمام ولكنها سقطت مغشي عليها.. وظلت هكذا ولم يشعر بها احد.
في الاسفل
ورد وبعدين ياما صبا ما نزلتش لحد دلوقتي ومش بعاده. انا قلقانه عليها
وهيبه ومين سمعك يا بنتي النهار قرب يخلص والبنيه لسه فوق نايمه حتى ما كلتش لقمه واحده تسند بها قلبها بس اعمل ايه اخوك قال لي ما حدش يطلع عندها سبوها نايمه.
جميله بس يا مرات عمي اكده خطر عليها دي ممكن يجيها هبوط وهي نايمه انا من راي ي تطلعي تصحيها تاكل لقمه. ولو لسه عايزه تنام تبقى تنام تاني بس على الاقل تاكل حاجه تسند بيها قلبها
صفا صح ياما قومي انت اطلعي صحيها وهو نطمن عليها
وهيبه ماشي يا بنات و فعلا قامت علشان تطلع تصحي صبا. لكن في اللحظه دي سمعت صوت عيسى وهو داخل من باب البيت
عيسى السلام عليكم ورحمه الله وبركاته
وهيبه وعليكم السلام ورحمه الله وبركاته حمد لله على السلامه يا ولدي
عيسى الله يسلمك يا امي رايحه فين اكده
وهيبه كنت طالعه اشوف مرتك يا ولدي النهار خلص والبنيه ما اكلتش حاجه من امبارح خفت يجرى لها حاجه قلت اطلع اصحيها تاكل لقمه وتبقى تنام ثاني لو عايزه
عيسى باستغراب هي صبا لسه نايمه
وهيبه ايوه يا ولدي والصراحه احنا قلقانين عليها ما رضيتش اخلي حد يطلع فوق زي ما انت طلبت عمالين نقول هتنزل دلوقتي بس خلاص احنا القلق نهش قلبنا عايزين نطمن عليها. خاف عيسى جدا من كلام امه وطلع يجري من قدامها على فوق علشان يطمن على صبا وهو مستغرب سبب نومها الطويل ده كله فهي نائمه منذ امس ولم تستيقظ سوى بعد اللحظات عندما ايقظها في الصباح. طلع عيسى جري على الجناح بتاعه. كمان طلعت وراه وهيبه وصفا وجميله وورد. وعندما فتح باب وفتح الضوء لم يجد صبا على السرير
عيسى بصوت متوسط صبا حبيبي انت في الحمام. ولكن لم يجد رد اقترب من باب الحمام المغلق وخبط عليه
عيسى صبا حبيبى انتى جوه. ولكن لم يجد رد كانت قد وصلت وهيبه وصفا وورد وجميله.
وهيبه خير يا ولدي هي فين
عيسى مش عارف يا امي. ثم بعد ذلك فتح باب الحمام ودخل ولكن تصنم في وقفته عندما وجد صبا ملقاه على الارض مغشي عليها.
عيسى بصوت عالي صبا وجرى عليها وجروا جميعا ناحيه الحمام وصدموا عندما وجدوها بهذه الحاله.
صفا مالها يا اخوي فيها ايه
وهيبه يا مري مالك يا بنتي فيك ايه ما كنت زينه وكيف الورده المفتحه ايه اللي صابق.
ورده شيلها يا اخوي طلعها بره
جميله ايوه شيلها طلعها بره عقبال ما ارن على يونس يبعت لنا دكتور بيطمن عليها
عيسى قولي ليونس ابعت دكتوره دكتوره يا جميله.
جميله حاضر بس شيلها طلعها من الحمام. فعلا عيسى شال صبا نيمها على السرير وطلب منهم يخرجوا يخرجوا كلهم بره وجاب لها لبس من الدولاب وغيرلها هدومها وبعد ما انتهى سمع خبط على الباب
عيسى مين.
ورد الدكتوره جات يا اخويا.
عيسى دخليها بسرعه يا ورد. وفعلا دخلت الدكتوره اللى طلبت منهم يخرجوا كلهم بره واللي فضلت معاها كانت الحاجه وهيبه.
فحصت الطبيبه صبا كويس. وبعد ما انتهت تنهدت باريحيه
وهيبه خير يا دكتوره طمنيني
الدكتوره خير يا حاجه اطمني ما فيش حاجه هي كويسه ودي كلها امور طبيعيه. يعني من الطبيعي مع ستات كثير ان يحصل معاهم وغثيان واغمات كثير وخصوصا في المراحل الاولى من الحاله بتاعتها.
وهيبه حاله ايه يا بنتي انا مش فاهمه حاجه
الدكتوره اطمني يا حاجه والف الف مبروك مدام صبا حامل
وهيبه بصدمه وفرحه ودموع بتتكلم بجد يا بنتي يعني ولدي عيسى هيبقى عنده ولد من ظهره
الطبيبه اه يا حبيبتي المدام حامل بقى لها شهرين تقريبا.
وهيبه الف حمد وشكر ليك يا رب يا ما انت كريم يا رب.
خرجت الطبيبه بعد ان قامت بكتابه بعض الوصفات الطبيه لصبا وقابلها عيسى.
عيسى طمنيني يا دكتور مراتى مالها
الطبيبه اطمن هى بخير
عيسى بخير كيف وهي غميانه
وهيبه مراتك حامل يا عيسى ربنا رضانا ورضاك يا ولدي واخيرا هشوف ولدك يا عيسى.
من يستطيع عيسى تصديق ما كان يسمعه فكانه بحلم واحسى وكانه يتمنى سماع هذه الكلمات ولكنه لم يسمعها صحيحا.
عيسى مالها يعني.
ابتسم الطبيبه مرات حضرتك حامل الف الف مبروك طبيعي جدا اللي حصل معاها انا كتبت لها ادويه وحاجات هنا في الريته دي يا ريت تاخذها بانتظام وتاخدوا بالكم منها الفتره الجايه بلاش ارهاق بلاش حركه كتير ويا ريت تجيبهلى العياده علشان اطمن عليها بالسونار. عن اذنكم
جميله اتفضلي يا دكتوره و شكرا جدا على تعبك معايا
الطبيبه ده واجبي. وانصرفت ونزلت معها جميله
اما عيسى فكان واقفا كال صنم
ورد مالك يا اخويا واقف اكده ليه
صفا ادخل شوف مرتك اطمن عليها يا اخويا والف مبروك ربنا يكمل لها على خير
وهيبه بدموع ادخل يا ولدي وربنا يطمننا عليها.
هز عيسى راسه ودخل واغلق الباب وراءه وجلس بجوار صبا.
امسك عيسى يد صبا وقبلها وسقطت دموع بغزاره فهو كان صامدا لم يسمح بدموعه بالنزول امام احد وعندما دخل مسك يدها اطلق العنان لدموعه حتى تسقط معبره عن مدى فرحته وشوقه لمثل هذه المعجزه
عيسى لما اتجوزتك في البدايه كنت حاسس انك ليكي شيء جوايا مش عارف هو ايه ولما اتاكدت من كل اللي بيحصل عرفت ان ده حب ومزروع في قلبي من اول ما ربي خلقني. صبرت واتمنيت ودعيت دعيت كثير ان ربنا يمن عليا بحبك ليا زي انا كمان ما بحبك وربنا استجاب دعائي وحبتيني وبقيتي ملكي وما كنتش طمعان في اكثر من كده انت خليتيني اسمع كلمه بابا من ولادك وانا كنت عطشان ليها جدا بس برده ما كنتش طمعان ان يكون ليا ابن من ظهرى بس كمان ربنا كرمه كبير قوي علينا ورزقني بطفل من صلبي ومن ظهري والاهم والاحسن من كل ده كله انه هيبقى منك انت وانا بحمد ربنا انه ما منش عليا بالنعمه دي قبل كده علشان اول كلمه بابا لما اجي اسمعها اسمعها من اولادك انت واول سمره تطرح في شجرتي تبقى منك انت. ربنا يخليكي ليا يا سر سعادتي في الدنيا . استيقظت صبا ووجدت عيسى يبكي
صبا بخضه مالك يا حبيبي بتعيط ليه ايه اللي حصل في حاجه حصلت
اقترب منها عيسى وقبلها وحضنها وقال حصلت اعظم حاجه ممكن تحصل لي في الدنيا
صبا ايه يا حبيبي مالك انت وترتني وخوفتني