رواية خداع أنثى(الفصل الثامن والثلاثون إلى الأخير) بقلم دودو محمد | Full Contemporary Fiction
“البارت الثامن والثلاثون”
سمعت رقيه صوت الجرس يدوى نظرت إلى الباب بقلق ونهضت ببطئ شديد وتحركت اتجاه الباب وقالت بصوت مرتعش
رقيه :-م م مين
اجاب عليها صوت رائد قائلا
-انا يا رقيه افتحى
تنهدت بأرتياح وفتحت الباب وجحظت عيناها بصدمه وقالت
رقيه :- ط ط طنط سهير !!
اقتربت منها وقالت بنبره حزينه
سهير :- ماما سهير يا رقيه
ابتلعت ريقها بتوتر ونظرت إلى رائد ثم قالت
رقيه :- ح ح حضرتك عرفتى !؟
اومأت رأسها بالتأكيد وقالت
سهير :- ايوه يا بنتى رائد قالى كل حاجه كده برضه يا رقيه تدارى عليا انك عايشه طيب كنتى ريحى قلب ام هتموت على بنتها ام قلبها محروق وموجوع فى صمت علشان متوجعش قلب ابنها أنا زعلانه منك يا رقيه زعلانه اوى واخده على خاطرى منك
اقتربت اكثر منها وارتمت داخل أحضانها وتمسكت بها بقوه وظلت تبكى وقالت من بين شهقاتها
رقيه :- غصب عنى يا ماما كنت خايفه تعرفى الحقيقه وتكرهينى ولا تبعدى رائد عنى أنا كان واحشنى حضنك ده اوى كتير كنت عايزه اقولك على الحقيقه علشان اترمى فى حضنك كده واحس بالأمان انا اسفه يا ماما أرجوكى متزعليش منى
ربت على ظهرها بحنو وقالت
سهير :-انا عمرى ما اقدر اكرهك وحياة من حط محبتك فى قلبى انتى غاليه اوى عندى انتى بنتى اللى مجبتهاش يا رقيه وسبق وقولتلك الكلام ده وعلى قد ما كنت حاسه انك انتى رقيه بس انصدمت لما رائد قالى وفى نفس الوقت قلبى طار من الفرحه ربنا يخليكى يا حبيبتى لينا ويحميكى لشبابك
ربت على ظهرهم بسعاده وقال
رائد :- ربنا يخليكم ليا وميحرمنيش منكم ابدا
ابتعدت سريعا عن حضن سهير ونظرت إلى رائد وقالت بغضب
رقيه :- هى فاطمه كانت بتعمل ايه عندكم وعايزه ايه منك وعرفت مكانك ازاى
رد عليها بضيق وقال
رائد :- وايه عرفنى انا اتفاجئت بيها زيك بالظبط وبعدين دى واحده مريضه
نظرت له بقلق وقالت
رقيه :- أنا خايفه منها اوى عيونها كلها شر وشكلها مش هتسكت وهتعرف أنا مين
امسك يدها وابتسم لها ابتسامه هادئه وقال
رائد :- متقلقيش يا حبيبتى هى هتعرفك منين بس، شكلك متغير جدا ومستحيل يجى فى دماغها انك انتى رقيه
زفرت بضيق وقالت بقلق
رقيه :- ربنا يستر ادخلوا واقفين ليه كده على الباب وافسحت لهم الطريق
نظر لها بسعاده وقال
رائد :- اخيرا هدخلينى شقتك ده انا كنت هموت واشوفها
ابتسمت له بحب وقالت
