رواية بقلم اسراء ابراهيم

….يتبع بعتذر ان البارت منزلش امبارح بي النت فصل وانهاردة جه متأخر رأيكم يهمني جداا وتعليقاتكم بتفرحني ياريت تشجعوني عشقته_قبلها بقلمي_اسراء_ابراهيم اسكربت عشقته قبلها الجزء الثالث فتحت الهام الباب و دخلت باندفاع وهيا بتقؤل بسرعة سيبك منها يا عمار انت هتصدق كلامها الغريب ده دي بنت متربتش وكانت بتبص لجوز اختها رفعت فتون عيونها وبصت لامها بخيبة امل وقامت ووقفت قدامها وهيا خلاص مقررة تطلع كل اللي في قلبها تطلع كبت سنين فضلت مخبياه عن كل الناس حتي ابوها فبصت في عيون الهام امها وقالت بهدوء غريب لسة مصممة تكدبي لسة مصممة تطلعيني وحشة زي كل مرة مش كفاية خلتيني اكره اختي بسببك وبسبب اللي عملتيه معايا عمار اټصدم وقام هو كمان وقرب منهم وقال بحدة انا عايز افهم كل حاجة دلوقتي انتو بتتكلمو عن ايه بالظبط قبل ما الهام تتكلم كانت اتكلمت فتون بسرعة واندفاع وكأنها بتحمله ذنبها انا هقؤلك ايه اللي حصل بالظبط يا بابا ولفت فتون وبصت لابوها وكملت في انك دايما كنت بعيد وعلطول بتسيبنا وتسافر وترجع ومكنتش حتي بتحاول تفهم ايه اللي بيحصل هنا وهو ان اللي المفروض انها امي كانت بتعاملني معاملة مرات الاب ولا كأني بنتها زي فاتن بالظبط كانت دايما بتفضلها عني في كل حاجة دايما بتفرق في معاملتنا لدرجة انها خلتني اكره اختي عشان بتحبها اكتر مني وللاسف کرهت اختي فيا عشان كانت بتشوف معاملة امي معايا عاملة ازاي عمار كان مصډوم من اللي بيسمعه وقعد عالكنبة پصدمة وهو سامع فتون بتكمل وبتقؤل كانت بتفضلها عني في كل حاجة لحد ما كبرنا وبقت فاتن تعاملني بنفس المعاملة وكل ده ليييه عشان كانت بتشوف امنا پتكرهني وبتحبها اكتر مني امي كانت پتكرهني وانا كل يوم اسأل نفسي السبب ايه يمكم فاتن كانت اجرأ مني واناا انا كنت دايما بحس اني غريبة عنهم كنت اجبن من اني اشتكي واقؤل علي اللي بيحصلي وقعدت فتون عالكنبة بحزن وكملت وهيا بتغمض عيونها بخزلان فضلت اسكت واتنازل لحد ما اختي وصل بيها انها ټخطف مني الانسان الوحيد اللي حبيته وكملت بابتسامة سخرية ولما امي عرفت كالعادة صدقت فاتن وكدبتني واتهموني اني انا اللي عايزة اخدو منها لحد هنا والهام كانت بتسمع پخوف وقلق وهيا باصة لعمار بتوتر وصړخت في فتون جامد وهيا بتقؤل اخرسسي انتي كدابة متصدقهاش يا عمار انا معرفش حاجة عن اللي بتتكلم عنه ده دي بنت سكتت الهام فجأة لما عمار شاورلها بايديه وهو بيقوم وقرب من فتون وهو حاسس انه للاسف اب فاشل لانه مكنش عارف ايه اللي بيحصل في بيته فمسح دموع فتون بايديه وهو بيقؤل بهدوء اانا مصدقك يا حبيبة بابا بس بعتب عليكي انك عيشتي كل ده يا فتون ومقولتليش انا المفروض امانك وحمايتك حقك عليا يا قلب ابوكي روحي اغسلي وشك وسيبيني انا وامك لوحدينا شوية ابتسمت فتون بدموع وحركت راسها بموافقة وسابته وخرجت وفضلت الهام اللي كانت بتبص لعمار بقلق من رد فعله بعد ما عرف كل حاجه وفعلا قرب عمار من الهام پغضب فقالتله پخوف صدقني يا عمار دي كدابة دي دي وقفها عمار بصوته لما وقف قدامها وهو بيقول بسخرية وايه اللي يخليني مصدقهاش يا الهام محدش عارفك وحافظك قدي من اول ما اتجوزتك وانتي بان طبعك وحقدك من اهلي وكنت بسكت واقؤل بكرة تتغير وتبقي كويسة بس للاسف عمرك ما اتغيرتي بس عمري ما كنت اتخيل انك ممكن تفرقي في المعاملة بين بناتك وليه عشان فتون بطبعها هادية ومش بتحب المشاكل انتي ازاي كدة ازاي قلبك طاوعك انك تعاملي بنتك وحش وتطلعيها بالشكل ده ازاي تخلي اختها تكرهها وتعاملها وحش وكمان تشجعيها علي كدة دايما كنت بشوف فتون لوحدها وعمري ما شفتك واخداها في حضنك دايما فاتن هيا الاهم طب مجاش في بالك انهم ممكن يأذو بعض الهام كانت بتسمع عمار وهيا قاعدة وحاطة وشها بين ايديها وحاسة بتأنيب الضمير كانت بتكلم نفسها وبتعاتبها انها ليه عملت كدة فتون زي فاتن بالظبط يعني غلاوتهم واحدة ليه حبت واحدة اكتر من التانية وفي نفس الوقت عمار اتكلم كأنه كان سامع افكارها وبيرد عليها تعرفي انتي فرقتي بين بناتك ليه يا الهام عشان فاتن كانت شبهك وواخدة كل طباعك وانتي كبرتي الحقد والكره لاختها فيها من وهيا صغيرة لكن فتون كانت شبهي في كل حاجة كانت بطبعها هادية ومسالمة وعمرها ما تقدر ټجرح حد حتي بكلمة ودلوقتي يا الهام فاتن اهي راحت للي خالقها تقدري تقوليلي كسبتي ايه ياريت تراجعي نفسك قبل فوات الاوان وادعي ان فتون تقدر تسامحك عشان هيا اللي بقيالك دلوقتي هيا الوحيدة اللي المفروض كانت تهون عليكي فراق فاتن غمضت الهام عنيها بحزن وندم بياكل في قلبها واتمنت لو الزمن يرجع وتقدر تغير كل حاجة بس للاسف .