يتيمة في قبضة صعيدي بقلم نرمين حمدي ج2
جليلة : لو طلع الأكل حلو، يمكن
رقيه: طيب لو طلع مش حلو؟
جليلة بهزار: هجبلك ماهر هو الي يحكم
الجميع ضحك
&&&&&&&&&&&&&&&
في الشركة…
عز داخل بوابة الشركة، زحمة قدامه، عمال مجتمعين، وناس بتصور، وصوت عالي في كل مكان
دخل عز الجبالي، خطواته تقيلة وثابتة ليجد
سليم واقف ووشه محمر من الڠضب، والمورد واقف جنب ظابط، والضابط بيكتب محضر
عينه لفّت على المشهد بسرعة
من غير ما يرفع صوته قال بجفاف:
فيه إيه اللي بيحصل هنا؟
الظابط بهدوء:
المهندس معتز – المورد – بيحرر محضر اعتداء ضد أ. سليم… بيقول إنه اتض*رب واتشتم قصاد العمال.
عز بص للمورد، ثم للظابط، بنبرة ثابتة:
مفيش محاضر هتتعمل.
الموضوع دا هيتحل ودي… جوه الشركة.
المورد بحدة:
لا يا عز ، آسف!
أنا اتشتمت واتض*ربت قدام العمال
كرامتي اتداست، ومش هسكت.
أنا جاي أخد حقي بالقانون….
عز قرب خطوة، عينه في عينه، وصوته مفيهوش ټهديد بس تقيل:
كل اللي انت عايزه… هيحصل.
بس في مكتبي.
المورد واقف مكانه:بس أنا…
عز قاطعه بجمود:
قلت… في مكتبي.
معنديش مشاكل تتحل قدام الناس
إنما جوه… الحساب هيكون حقيقي.
بص للظابط وقال بنبرة فيها حسم بدون عداء:
مشكور ياحضرت الضابط، لو احتجناك هنرجعلك.
بس احنا هنحل مشاكلنا بطريقتنا.
الظابط اتنهد وقفل الدفتر وهو بيقول طالما الطرف المتضرر موافق يبقي مقيش مشكلة
