بني سليمان بقلم زينب سمير ج3

تابعت خطواته بخطوات متسارعة وهي تضحك عليه وعلي الحماس الذي اصابه لاجل موافقتها، ذلك الرجل بداخله طفل هي تشعر بذلك، طفل كبر قبل اوانه، رأي وسمع ما جعله متحفظ الملامح، لكن مشاعره مشاعر طفل يريد الحب ويريد المرح.. لا يريد غير ذلك

طرقت منال علي باب غرفة السيدة سوزان ثم دخلت بعدما سمحت لها الاخري بذلك، دخلت فوجدت السيدة سوزان تجلس علي مقعدها المقابل لشرفة الغرفة، توجهت نحوها وجلست علي مقعد اخر موجود.. نظرت لحيث مرمي نظر السيده سوزان فوجدت سوزان تنظر بشرود لـ حديقة القصر، عيونها كانت معلقة علي شجرة كبيرة تتوسط حديقة القصر ذرعها زوجها عبد الحميد مع احفاده مازالت تتذكر ذلك اليوم حيث تعاون ثلاثتهم معا ليقوما بذرعها وهم يتضحكون بسعادة، كاد يسقط سليمان وهو يقوم بجلب احدي ادوات الزراعة لجدة لكن تلقفته يد واجد الذي سارع بأمسكاه وراح عابد ينفض اتربته بخوف عليه، ذلك المشهد لا يبرح تفكيرها لحظة..

تنهدت عاليا بوجع قبل ان تقول موجه حديثها لمنال وعيونها مازلت ناظرة للأمام:-
_كانوا في يوم من الايام اخوات.. بيخافوا علي بعض من بعض، دلوقتي بياكلوا في بعض
قالت اخر عبارة بنبرة أسي واضحة، منال بنبرة متأملة:-
_متخافيش قي يوم الدم هيحن
سوزان بسخرية وهي تنظر لها:-
_دم مين اللي هيحن؟ دم واجد اللي حاول يقتـ،ـل جدته!
شحب وجهه منال وتوسعت عيونها بصدمة واضحة، قاطع صدمتها صوت سوزان الساخر بمرارة:-
_فكرك اني معرفش انه هو اللي اخر معاد دوايا علشان اتعب ويأخر سليمان عن سفره؟ واجد بقي عبارة عن مسخ دلوقتي مهما تتكلمي معاه مش هيتأثر ولا هيغير تفكيره، جواه نار مش هتطفي غير لما تحرقنا وهو معانا
صمتت لدقيقة قبل ان تتابع:-
_ولا مين اللي هيحن؟ سليمان اللي شوية وهتلاقيه خايف ينام في بيته ليلاقي ابن عمه قتـ،ـله؟ ولا سممه في اكله، واحد حاول يوقع اسم عيلته علشان انتقامه تتوقعي ميوصلش حقده لمرحلة القتـ،ـل؟
منال بدفاع عن واجد، رغم انها تعلم بأنه مخطئ:-
_هو بيدور علي حقه
سوزان:-
_وابن عمه مكنش هياكل حقه، جده حفظ مكانته وحفظ فلوسه، ابنك في اول مطب كنتي هتلاقيه بيبيع نصيبه وعلشان عبد الحميد خاف من ان يدخل غريب بينا خلي كل حاجة في ايد سليمان اللي مستحيل يتخلي عن شبر من ممتلكاتنا
منال بملامح متوجعة:-
_واجد غيران..
نظرت لها سوزان بحدة وهي تقول بتعنيف:-
_وانتي السبب، غيران لان امه كانت غيرانة، هي اللي صبت فيه من غيرتها دي، حاولتي تفرقي الاخوات زمان وتخلي جوزك ياخد كل حاجة علشان كنتي غيرانة من توفيق ومراته.. راح حصل اية؟
ظهر الوجع علي ملامح منال ونظرت لها بدموع ترجوها ان تصمت، لكن سوزان تابعت بقلب ام محترق:-
_خرج توفيق غضبان من القصر بعد ما ولعتي الدنيا بينه هو واخوه ومرجعش، خرج ورجعلي ميت علي كفن هو ومراته بسببك وبسبب غيرتك يامنال، ولدي مات بسببك يامنال واوعي تفكري اني ممكن هنسي دا