صبري بقلم مروة حمدي

الفصل الأول استيقظت من نومها بنفضه، تنهض مسرعة من فراشها بعدما أزاحت عنها الغطاء،أرتجفت أوصالها من البرد، لم تكترث وهى تسرع بخطاها نحو نافذتها الصغيرة بلهفة، تيبست قدماها و اتسعت عيناها بصدمة وضعت يدها على فمها تكتم شهقاتها حتى لا تستيقظ والدتها القابعة معها بنفس الغرفة، انتبهت لحالها سريعا توارت بجسدها تستند على الحائط جوارها،أغمضت عينيها بحزن تستمع لصدى ضحكاته وقد شقت سكون الليل، تابعها صوته العالى وهو يشدو بالأغاني؛ أُعتصر قلبها من الألم وهى تنصت لصوته المتحشرج بعدما تبدل الحال وأخذ يبكى وينوح كطفل مذعور. تهمس ويدها موضوعة على قلبها الملكوم ... "اه يا صبرى" لم تلحظ تلك التى استيقظت من نومها ولم تجد ابنتها إلى جوارها، حسرة أعتلت قلبها هزت رأسها بقلة حيلة وهى تديرها باتجاه النافذة متيقنة بأنها تقف هناك كحالها كل ليلة تسائلت بحزن عليها وعلى ما تفعله بنفسها: وبعدهالك يا بتى؟ لحد ميتا هتفضلى على ده الحال ياوردة ؟! ثوانى مرت لتتعالى اصوات الجيران الغاضبة من أفعال ذلك المجنون ؛ جعلتها تهبط على الأرض تستند على ركبتيها لا يظهر منها سوى عيناها الفزعة وهى تراقبهم وقد غلب خوفها عليه خجلها. جار ١وهو يطرق على باب منزله بعنف : ما تتهد بجا يخرب بيتك انت ايه يا شيخ، ملبوس مرة ضحك مرة بكا يا حزين، مش عارفين نتخمدوا من حسك العالى اتهد واتخمض لأجى احش رجبتك. وردة بهمس غاضب: انشالله رجبتك انت ولا هو. جار٢: انت بتتحدت مع مين هو دارى بحاجه من الأساس ده واقف ملط فى البوابه فى عز البرد وعيترقص. جار٣: لا إكده زاد عن حده جوى افترض حرمة طلت من شباكها توعاله أكده. صرخه عالية أفزعتهم، انفضوا على أثرها إلى الخلف، تعلق نظرهم على الباب المغلق بخوف عقب ذاك السكون بعدها. ابتلع أحدهم ريقه بصعوبه، يرفع يده يشير باتجاه الباب ما هم بالحديث ليقاطعه صوت ضحكات صاخبة عالية. جار٤: لااااا الحال ده ما يتسكتش عليه ابدا، هموا بينا على بيت الحج حسين . جار٢: دلووووجت تلاجيه نايم . جار١: هو ينام مرتاح البال فى فرشته وبالينا بالهم ده يالا بينا. جار ٣ : ولا ليها عازة روحتكم ليه؛ يعنى هو مخبرش بعمايل ولد أخوه. جار٤ وهو يدفعه من الخلف يحسه على السير معهم: بردك تاجي ويانا، يكش لما يلاجينا كلنا جبنا اخرنا منه يشوفله صرفة بعيد عنينا. نظرت لاثرهم وهى تتمتم: ربنا يكفيك شرهم وشر ال رايحين ليه ويشفى عنك يارب. ** على اول الحى حيث الوحده الصحية الخاصة بتلك القرية. يقف أمام البوابة الحديدية وهو يرفع إحدى قدميه يثنيها ثم يعيدها لموضعها مرة أخرى يتحدث بتذمر لمن يرافقه: اخيرا وصلنا ده انا رجليا تعبت من المشى. الغفير: معلش ياضاكتور ما هو الوجت ده وبالذات فى الشتاء ما تلاجيش مواصلة وخصوصى أن المحطة مشوارها طويل وبتعدى على خوص ياما. احمد: طب كنت اتصرفت فى حما*ر نركبه حتى. الغفيربابتسامة سمجه وهو يخرج المفتاح من جيبه لفتح البوابة: والله لو عندى واحد ماكنت عزيته عنك ابدا هىهىهىهى. الطبيب وهو ينظر حوله بفضول: الحمدلله البيوت قليله اوى ال حوالينا، انت لما قولتى واحنا جايين أنها فى شارع وحواليها بيوت قولت هتبقى صداع وقلة راحة ليل نهار كده انت توريني اوضتى واريح كم ساعة فى هدوء لحسن عظمى رصرص من البرد وقعدة القطر. الغفير وهو يحرك شفتيه فى الاتجاهين هامسا: هدوء شكلك مش عتطول ياضاكتور. احمد: بتقول ايه؟ على صوتك. الغفير: بجول اتفضل لأجل البرد و... قطع حديثه وهو يبصر الرجال يهرولون بسرعة من أمامه يرتسم التذمر والوجوم على ملامحهم ، يوفقهم بصوته: هو فى ايه يا ويلد منك ليه، رايحين فين بربطه المعلم الساعة أدى؟! احدهم:رايحين للحج حسين يشوفلنا صرفة. ضيق عينه وقد أنتبه إلى ذاك الواقف إلى جواره متابعا. "الاا مين ال وياك ده يا عمجابر، شكله غريب عن نواحينا؟" الغفيرجابر: ده ضاكتور الوحده الجديد. يهم بالرد مرحبا ليأخذه أحدهم يسحبه من يده: يالا يا اخويا نخلص من الهم ال احنا فيه وبعدين ابجا رحب براحتك يالا يالا. احمد بدون فهم ينظر للغفير إلى جواره بعد رحيلهم: هو فى ايه؟ مالهم دول؟ قبل أن يتلقى الرد وصل إلى مسامعه صوت صرخات عاليه نفضته فى وقفته ليمسك بالباب الحديدى بفزع ينظر حوله لعله يجد مصدرها يهم بالسؤال عنها لتتسع عينيه وقد تحولت الصرخات لضحكات. احمد: ايه ده؟ الغفيروهو يحمل الحقيبة ويدلف من الباب: ده صبرى. احمد : صبرى مين؟ لم يجبه وتحرك للداخل واحمد مهرولا خلفه ليقف أمام المبنى . احمد وهو يتطلع حوله برأسه بريبه وهو يستمع إلى نفس الصوت ولكن تلك المرة يبكى بمرارة. يبتلع ريقه : ايه صبرى ده يعنى ؟ عفريت يعنى ولا بنى ادم زينا؟ الغفيربتجاهل لسؤاله ونبره الخوف به : زى ما انت شايف ياضاكتور الوحده دور واحد على الناحيه اليمين اوضة استقبال لاصقة فيها اوضة الكشف وف ريحها اوضته التطعيمات بتاعه العيال الصغيرة وعلى الناحيه الشمال اوضتك وفى وشها دورة المياة ودى السلم ال مابين اوضتك والحمام بتوديك السطح. احمد وهو يهزه من كتفه: بقولك مين صبرى ده؟ الغفير بلا إهتمام : ده واحد من جيرانك يا ضاكتور. احمد : وهو بيعمل كده ليه يبكى يصوت يضحك فى نفس الوقت؟! الغفير: ربنا يزيح عنه وعن الجميع حداه شوية تعب فى مخه ماتشغلش بالك إنت. خد اهو مفتاح اوضتك روح ريحلك هباهبة قبل الشمش ما تطلع والناس تبجى فوق راسك. يهم بالتحرك ليمسكه احمد من يده: انت رايح فين وهتسبنى لوحدى مع ال اسمه صبرى ده. الغفير: يا دكتور انا واقف على الباب متخفش من ايتها حاجه وقت ما تعوزنى عييط عليا عجيك قوام وبعدين الغلبان ده محبوس فى بيتهم ما منهوش خوف واهو سكت يبجى نام وانت كمان ريحلك هبابه ده مشوارك يهد يابوى. احمد وهو يحمل حقيبته ويرحل من امامه: وتيجى من فين الراحه وأهى باينه من اولها اهى. ** جففت دموع عينيها بيديها وهى تراه ملقى على الأرض اسفله مغمض العينين، قامت من مجلسها وعيناها لا تنزاح عنه، مررت يدها على حافة النافذة برقة وكأنها تربط على ظهره بينما والدتها قد فاض بها الكيل من ابنتها لتجلى صوتها منادية. "وردة بتعملى ايه حداكى فى البرد ده، اقفلى المدعوج ده وتعالى جارى ورانا شقا من الفجرية يابتى الله يهديكى" ورده وهى لا تزال تنظر تجيبها بتوهان. "حاضر ياما" الام بنفاذ صبر: وردة. أغلقت النافذة بعدما استودعته لخالقها، سارت بآلية اتجاه الفراش، افسحت لها والدتها لتندس إلى جوارها وعيناها معلقة بالسقف، هزت والدتها رأسها بقلة حيلة وحزن عليها لتسحبها إلى احضانها، وكأنها كانت تنتظرها لتتشبث بها بقوه تستمد منها الدفء لجسدها وقلبها، أسندت رأسها على صدرها لتربط الأخرى عليه بهدوء. تنهيدة عميقة خرجت منها حارقة وهى تجفل بعيناها عائدة إلى ذكرى ذلك اليوم. "اه يا رجلى يانى انا تعبت يا وردة يابتى تعالى نريح هبابه اهنه وبعدين نكمل لف، حسبى الله ونعم الوكيل فى كل واحد معاه ومستجوى على الغلبان" ورده: خليكى انتى هنا ياما ريحى وانا هطل فى الشارع ديه يمكن الاجى لينا مكان . الأم بذعر: لع ماتهملنيش، خليكى جارى رجلى على رجلك دى بلد غريبة عننا نعرفوش فيها حد ولا نعرف طبع ناسها وعوايدهم. ورده: ياما ماتخافيش وبعدين الشارع قصيير وبيوته قليله يعنى مش هغيب عن عينك ما تخافيش. ربطت على يدها ورحلت من أمامها. بينما الأخرى عيناها تتبعها بخوف ، تتذكر سبب تركها لبيتها الصغير وقريتها التى ولدت وعاشت وتزوجت بها وقد تركتها هاربة بإبنتها لتحميها من شر النفوس الفاسدة التى لا تراعى حرمة ولا تكترث لشرف وبالأخص عندما تكون فتاة كابنتها صغيرة جميلة فقيرة ليس لها اب او اخ يدفع عنها ويحميها او عائلة تكن لها ظهرا يسد عنها. افاقت فزعة على صوت فتح البوابة التى تستند عليها لتهب واقفة من مكانها مع خروج احدهم منها. الام : بسم الله الرحمن الرحيم. الغفير: ما تخافيش يا ست، انا عم جابرغفير الوحده سمعت صوت بره فجولت اشوف الحكاية الام ببعض الراحه : اعذرنى يا عم جابركنت بريح هبابة من اللف وبتى معايا. الغفيرجابر: شكلك مش من إهنه ؛ الطلة الزينة دى اول مرة أوعالها. الام بابتسامة خفيفة: تسلم وتعيش ياعم، احنا من بلد جريبة منيكم وبنلف على بيت نأجروه ومحدش راضى بينا يا عم وال يرضى بيغلي علينا الاجره يعنى بيطيروا ورانا بالحسيس. الغفير وهو يعقد حاحبيه: ليه انتوا من أنهى بدنه من بيت مين؟ اجابته وهى تطرق رأسها لاسفل: بدنه على باب الله. هز رأسه بتفهم فنسبهم يعود إلى ما يطلق عليه الحلب ومعظم بيوت العائلات لا تقبل بهم هنا سوا للخدمة فقط بسبب تلك السمعة التى توارثتها الاجيال عبر الزمن. عادات عفى عليها الزمن ولا تزال موجوده ببعض المناطق حتى الآن. لمعت براسه فكرة ليقول مسرعا: فى الناحية القبلية بيوت كتير بتأجر وهتلاقى ناس كتير هناك من بدنتك. رفعت رأسها له وترقرت الدموع من عينيها: روحت ولجيت بس. الغفير : بس ايه غلوا عليكى؟ تعالى وياى وانا اشندلهملك ومحدش يجدر يفتح خشمه. هزت رأسها ب لا تجيبه بحزن الغفير بعدم فهم: أومال؟! صمتت على اثر صوت ابنتها التى أتت مهرولة تنادى: لجيت بيت ياما لجيت بيت. رفعت نظرها لابنتها القادمة باتجاهها تتذكر نظرات ذلك الرجل الوقحة لابنتها لتتركه وترحل بعدما اتفقت معه على الإيجار. نظر الغفير للفتاة ليبتسم عليها: تبارك الرحمن. هز رأسه بقله حيلة، الفتاة جميلة وصغيرة بالتأكيد أنه أحد هؤلاء الأن*ذال آثار بقلب والدتها الخوف على ابنتها وربما على نفسها هى أيضا ولا يستبعد أن يكون سعفان ذلك المتصابى الوقح. عاد بنظره للمرأة: هملتى بيتك وبلدك ببنية كيه بتك ليه يابتى؟ رفعت الام نظرها لإبنتها الواقفة تنظر لهما بعدم فهم " راجلنا مات يا عم" وقد خانتها دمعة من عيناها أزاحتها الفتاة سريعا بيديها وهى تتحدث لها. وردة: تزعليش ياما لجيت بيت مقفول وانشالله أصحابه يأجروه لينا. الغفير بخبرة رجل عاش كثيرا ومر عليه الكثيروقد فهم ما تعرضتا له نساء وحيدات مثلهن من مضايقات. ليقرر بينه وبين حاله أن يساعدها على قدر استطاعته. الغفير: جوليلى يا بتى أنهى بيت ده. ورده: وهى تشير له على منزل من الطوب الأخضر صغير يقع على بعد منزلين منهما. هز الرجل راسه: امممم البيت ده أصحابه ناس زينه وولاد حلال. الام: يعنى انت عارفاهم يا عم. الغفير : اومال انا اعرف كل ال فى البلد وخصوصى ال فى الشارع ديه واصحاب البيت ديه اعرفهم من وهما صغار كمان. الام: بالله عليك اتوسطلنا عنديهم يأجروهولنا. الغفير بتنهيدة ينظر لها : الصراحه يا بتى دول هوارة وكل ال فى الشارع ده جرايب فى بعديهم وأولاد عم مش بيسكنوا حد غريب من عيلة تانية فايش قولك لما يكون يعنى لا مؤاخذة. هزت رأسها بتفهم واطرقت لاسفل. ورده: يا عم انت جولت عليهم اولاد حلال جرب يمكن، الله يخليك. الغفير ناظرا لها ولجمالها يفكر كيف يمكن أن يساعدهما، نظر للأم متحدثا: اصحابه شابين اخوات عايشين لحالهم فى البيت ال فى وش البيت ال بتك شاورت عليه . الام بهلع: ايه شابين ولحالهم ورده: لحالهم فى البيت ده ، ده واسع جوى. الام: وانتى عرفتى من فين يكش تكونى دخلتيه؟ ورده: لاا ياما سور ال محاوط البيت واخد يجى نص الشارع اطلعى وراكى كده تلاقى السور عدل. الغفير: ده قيراطين بادئ من جارنا هنا لجوه. الام بيأس : يالا نشوفلنا حته ولا جامع ننام فيه الليلة دى العشا على آذان والدنيا ظلمت والبلد سكتت. الغفير وهو يغلق البوابة بعدما خرج: البلد هنا بتسكت من المغرب، اسمعى يا بتى من عمك احنا هنعمل كيف ما البنية جالت هنروح ونشوف يمكن. الام: بس دول شباب يا عم. الغفير: هو انتوا عتعيشوا معاهم هما لحالهم وانتوا لحالكم، بس دارى وشوشكم بالبردة زين ما تبينوش منها حاجة واصل علشان لو وافقوا يبقا قلبك مرتاح وتطمئنى واظن انك فهمانى. هزت رأسها: صوح ياعم، اعملى كييف ما عمك جال يا وردة. وردة: حاضر ياما. الغفيرجابر: اصحاب البيت دول شابين"صبرى" الكبير وأخوه "محمد" الصغير ابوهم وامهم تعيشوا انتوا فات لعياله البيتين دول وبيت تالت فى نص البلد وأرض وصبرى كمل علامة ومسك ارض ابوه والأرض والخير زاد على يده، رجل محترم طيب العيبة ما تطلع من خشمه ابداا. الام: ربنا يجبر بخاطرنا معاه. الغفيرجابر: صبرى طيب وال فى يده مش ليه عمره ما رد حد دق بابه، فشحال اتنين ولايا لحالهم؟! الغفير وهويقف أمام باب خشبى كبير يدق عليه: بإذن الله مجبورين. بينما ورده انهك جسدها التعب من المشى والبحث، لم تأكل شيئا منذ الصباح وكانت كلما سألتها والدتها إجابتها بأنها ليست جائعة حتى لا تثقل عليها، بدأ الدوار يصيبها ولكنها تماسكت وشئ يخبرها أن هذا الصبرى لن يردهن خائبات. "مين بره" الغفيرجابر: افتح يا محمد يا ولدى عمك جابر. محمد : مرحب يا عم اتفضل. الغفير: وسع هبابه من المدخل معايا ناس. محمد وهو ينزاح جانبا: يا مرحب بيك انت وضيوفك ياعم. دخل جابروخلفه السيدات . جابرلمحمد: جول لصبري عمك جابرعايزك ضرورى. ماهم محمد بالتحرك لياتى صوته الرخيم. صبرى بوجه بشوش: وهو صبرى يقدر يسمع صوت عمه جابرفى داره وما ينزلش يرحب بيه. الغفير جابر: عيشت يا ولدى. تلك النغمة الرنانه هزت شيئا بقلب تلك المراهقة الصغيرة ذلك اللطف وهو يقطر من حديثه جعلها ترفع راسها قليلا من أسفل عباءتها تتطلع بفضول لصاحب تلك الأخلاق الحميدة التى تغنى بها ذاك الغفير الطيب. جسد طويل أظهر الجلباب الاسود رشاقته، رفعت رأسها لأعلى حتى تتبين ملامح وجهه ليتوقف نظرها على ذاك الوجه القمحى بابتسامته الصافية وعيناه السوداء بخصلات شعره التى تنافسها باللون. ترنحت قليلا فى وقفتها لتمسك والدتها بيدها هامسة: مالك يابتى؟ انتى زينة؟ ورده بنفس الهمس: ما تجلجيش ياما انى زينة. الغفير جابرحتى لا يطيل بوقفتهم: استريحوا انتوا على الدكة" الكنبة" نظر إلى صبرى متابعا... "عايزك فى خدمة للغلابة دول يا ولدى" صبرى دون أن ينظر لهما: لو بيدى ما هتأخر يا عم جابر. سرد له ما يتعلق بالسيدات مع بعض الإشارات المبطنة لوضعهن وما تعرضن له من مضايقات حتى لا يحرجن أمامه. ليصمت صبرى وهو يذم شفتيه بتفكير ليتحدث أخاه محمد بتسرع كعادته.. -ما انت عارف يا عم احنا ما بنأجرش بيوتنا ولوحوصل اكيد مش لحلب لا نعرفلهم اصل من فصل ولا ايه ال وراءهم. شهقة خافته تنذر بموجه من البكاء خرجت من فم تلك الصغيرة لتمسك والدتها بيدها وتقف من مجلسها. "جومى بينا يا بتى ولينا رب اسمه الكريم، تشكر يا ولدى" صبرى: استنى يا خالة. نظر إلى أخاه بعتاب ليشيح الآخر بنظره إلى الجهة الأخرى. " خوى ما يقصدش حاجه عفشة ولأجلك ولأجل البنية ال معاكى" اخرج من جيب جلبابه مفتاح وضعه بيد عم جابر. ده يا عم مفتاح البيت وربنا يعلم أنه عزيز علينا وغالى وخصوصى أنه من ريحة الحبايب، مش هوصيكم عليه" الام بلهفة تسلم وتعيش يا بن الأصول. نظرت إلى الغفير تشير له بيدها على النقود. ليفهم عليها سريعا. الغفيرجابر: الأجرة كام يا ولدى وخليك حنين لأجل عمك جابر. صبرى: واه يا عم جابربقولك من ريحة الحبايب تقولى فلوس بردك. محمد بنفاذ صبر: كاااامان بلوشي. صبرى: محممممممد! المرأة بحرج: اعذرنى يا ولدى وانا مش هجبل اخطى فيه غير لما نتفجوا الاول على أجرته. صبرى حتى لا يحرجها اكثر: خلاص وال يطلع من ذمتك انا راضى بيه. الام: يبقا هتكون .... زى ما اتفقت مع الرجل ال كنت هسكن حداه. صبرى: وانا موافق يا خالة. عم جابر: يالا على بيتك الجديد يا حجه ريحى انتى وبتك يالا. هزت رأسها له تنظر إلى بنتها" يالا يا وردة يا بتى" قامت بوهن لتتحدث بضعف" حاضر ياما" ما كادت تخطو خطوة واحده لتسقط على الأرض فاقدة للوعى. ضربت الام على صدرها برعب "بتى" محمد: وادى اول النصايب ال هتهل من وراهم، يكش تكون ماتت ونروح فى ابو نكله. صبرى وهو يهبط إلى مستواها هو والعم جابر: اتلم يا محمد كأنها مسورقه. جابر: البت لسه صغار ما اتحملتش اللف من الصبح وتلاقيها ما اكلتش. صبرى وهو يحملها بين ذراعيه وخلفه والدتها تبكى: اسبقنى يا عم اجابروافتح لهم دارهم. دلف بها وهم خلفه يريحها على الأريكة القابعة خلف الباب. التقط انفاسه، بعد ما خرج: ابقى فوقيها يا خالة على راحتك ما تتخلعيش عليها هى بس وجعت من التعب. هزت رأسها ليخرج الرجال وتغلق خلفهم الباب. محمد : هتهملهم البيت بعفشة؟! صبرى : دول يدوب دكه وسرير وكم طبق لحقت خليتهم عفش! جدامى يا محمد الله يهديكى. محمد:وولاد عمك الواقفين زى الغفر دول هتقولهم ايه؟ نظر إلى الواقف إلى جوارهم معتذرا: لا مؤاخذه يا عم جابر. صبرى: ايش حشرهم هما! هو انا اجرت ليها دارهم ولا دارى عجايب! التفت متابعا حديثه: عم جابرمعلش استنى هبابه خد للجماعة وكل. محمد: وكل كمان! جابر: ابعته ليهم انت يا ولدى انت ها انت ، الوحده لحالها عوجت معاكم وانت عارف ولاد المؤذية كتير. صبرى : خلاص روح شوف اشغالك وانا هدهولهم من على الباب وامشى. بعد وقت وقف أمام الباب يحمل بيده حقيبة بلاستيكية طرق بلطف على الباب. الام من الداخل وهى تساعد ابنتها على النهوض والاعتدال استمعت إلى الطرق، ابتلعت ريقها برعب؛ فمن سياتى لهم فى هذة الساعه من الليل؟! بل من يعرفهم هنا من الأساس؟! ‐ مين؟ صبرى: انا يا خالة، صبرى. فتحت الباب بسرعة بخوف لربما تراجع فى حديثه معهم: خير ياولدى. خدى يا حجه دى حاجه على الكد من خير الأرض معلش محدناش حريم كنا قمنا معاكى بالواجب. تغللت إلى انفها تلك الرائحة التى تهيم بها عشقا ولا تأكلها الا نادرا لتصيح بدون وعى منطلقة باتجاه الباب تمسك الكيس بلهفة: "مااانجا". للحق تفاجأ بها وهى تقف أمامه بوجهها الابيض عيناها بلون القهوة ملامحها الطفولية، وهى تجذبك لتدقق النظر بها ، شعرها بلونه البنى وقد انزاح غطاء رأسه عنه قليلا. الام بخجل من ابنتها: تشكر وتعيش يا ولدى. تنحنح بحرج يعطى ظهره لهم: تصبحوا على خير. أغلقت الباب خلفه، ليهمس . "على رأى محمد ده كأنه هيبقى مرار طافح، البت صغار والكلاب كتير" "بس يا خسارة الحلو مايكملش تغور، الحلاوة من غير اصل وفصل" انتفض ناظرا له ، يخرب بيتك انت اهنه من امتى؟ محمد وهو يشير بيده: من وجت خير الأرض. صبرى: محمد انا عارف انك تحب الهزار والضحك وتبان ثجيل ومشفتش رباية. محمد وهو يضرب على صدره بيده بفخر: تعيش يا خوى. صبرى متابعا: بس كمان موتاكد أن اخوى رجل صوح ويصون عرض الولايا وميجيش عليهم وخصوصى لما تكون بنية صغيرة كيه دى محتاج اخ. محمد: صغارمين؟ دى كدى او اقل هبابه. صبرى: محمد. محمد بضحكه وهو يسير إلى جواره: بضحك معاك يا عريس، المهم خلاص نويت بكرا على قراءة الفاتحه على بت علوانى. صبرى: بإذن الله. محمد بضيق : والله انا ماعجبنى النسب ده. صبرى: دول من طرف عمك. محمد : ما هو علشان إكده مش عجبنى. صبرى وهو يضربه على مؤخرة راسه: يالا يابو نص لسان اهو الحق اخش الدنيا قبل ما البس فى الجيش بسبب جنابك. محمد : قلبك اسود يا اخوى. صبرى: جوووى. لم تشح نظرها عنه من خلف الباب المغلق نسبيا وبيدها ثمرة المانجا تأكلها بنهم حتى أتت والدتها.. -واجفة إكده ليه؟ تعالى غسلت الفاكهه تعالى كولى، الواحد محسش بقرصة الجوع غير وهو بيغسلها ريحتها تجرى الريق، الله يزيده ويوسع عليه. ورده: يارب ياما. دمعة سقطت من عينيها المغمضة وهى تتذكر بعدها كيف كان يقف إلى جوارهن، بوجه كل من يعترض على وجودهن، كيف ساعدهم برفقة عمها جابرعلى العمل بفرش صغير من الخضار على اول الشارع فى مقابل الوحده تبيع وتشترى حتى لا تضطر للنزول إلى الحقول والتعرض للمضايقات، كيف كان يقف على بعد منها يحميها من مضايقات الفتية حتى محمد أخاه كانت تشعر وكأنه مكلف بحراستهن هى ووالدتها. رأت فيه ذلك البطل بأحلامها فارسها المغوار من أمن لها منزلا دافئا، عملا رغم بساطته الا انه خاص بهن ، فعل كل هذا ولم يرفع عينه بها قط لا هى ولا والدتها، قدرهن واحترمهن ماذا تريد الفتاة اكثر من هذا ليغرق قلبها بعشق رجل كهذا؟! اغمضت عينيها تقبض على دموعها المتساقطة تكتم شهقة حارقة داخل صدرها حتى لا تشعر بها والدتها، لكن قلب الأم لا يغفل عن حال ابناءه لتشتد بضمها قبلت أعلى رأسها بقبلة حانية دعت لها بصدق. "ربنا يريح قلبك ويهديلك حالك يا بتى" بينما الاخرى فى عالم آخر ومعالم ذلك اليوم تعاد إليها من جديد. 'صبري" الفصل الثانى تقف بنافذتها عيناها معلقه على اول الحى تنتظره لا تصدق بأنه اليوم هو يوم زفافه، كذبت عيناها وهى ترى حبال الإضاءة وقد انارت الشارع باكملة تلك الذبائح التى وزع لحمها صباحا حتى انها كذبت أذنيها وهو يعطى لها منها نصيب بيدها ويخبرها بضرورة تواجدها هى ووالدتها اليوم مساءٍ فى الحفل. دخلت والدتها إلى الغرفة نظرت لها بحزن فدائما ما كانت تشعر بأن ابنتها تميل لهذا الشاب الطيب الخلوق ولكن اين هم منه؟ كيف استطاعت التفكير بأمر كهذا؟ هزت رأسها بقلة حيلة تتمتم لنفسها "وهل على القلب سلطان" أجلت صوتها منادية: يالا يا وردة يا بتى لسه ملبستيش الاستاذ صبرى زمانه على وصول هو وعروسته وعيزنهوش يزعل منينا الرجل جمايله مسلسلانا يابتى. لم ترد عليها هى من الأساس لم تستمع لها، لتقترب منها أدارتها لها، نظرت لعينيها الدامعة بقوة، متجاهلة السؤال عن ما بها. "البسى جلبيتك الجديدة علشان نحضر فرح الاستاذ صبرى" ورده بتوهان " فرحه" الأم بتأكيد:ايوه يابتى فرحه ويالا همى. مشت بآليه تنفذ ما اخبرتها به والدتها بينما الأخرى تدعو برجاء أن يقتلع ذاك الحب من قلب ابنتها الأخضر، متأملة أنها عندما تراه جوار عروسة ستفيق لحالها؛ هكذا أملت.. مر الوقت وها هى تجلس بجوار السيدات فى انتظار العروس هناك من يغنى وهناك من يطلق الزغاريط من الحين للأخر ولم يخلو الأمر من الأحاديث الجانبية. اعيرة نارية بالهواء أعلنت عن وصول الموكب، لتسوقها قدماها للخارج والسيدات خلفها بفضول لرؤية كيف تبدو العروس المنتظرة، بينما هى عيناها لم تتركه ابتسامته سعادتة التى أشرقت وجهه، جلبابه ناصع البياض تلك التى تتبأطا ذراعه، هذة النظرات التى يختصها بها كل هذا أكد لها أن كل ما يحدث حقيقى، لم تستطع الوقوف اكثر أطلقت ساقاها للريح هاربة من ذاك المكان، ارتمت على فراشها تدفن رأسها تحت الوسادة حتى لا تصل لها تلك الأصوات التى تؤكد لها مرة بعد مرة أنه أصبح لأخرى غيرها بعدما هائمت به روحها. أخذت تدعو الله بقلب مكلوم. "يارب ابعدها عنه يارب زيحها من طريقه يا كريم مش هى دى ال هتسعده ، مش دى ال هتشيله فوج رأسها، انا بصيت عليها زين؛ عينها اطلعت على الكل الإ هو، يارب ابعدها عنه يارب" عادت من شرودها تهمس بصوت وصل واضحا لوالدتها. "يا ريتني ما كنت دعيت الدعوة دى، يا ريتها فضلت جنبه وفضل هو بعقله وعافيته ياريت كان انجطع لسانى وقتها ولا حوصل ال حوصل" الام : كله ال بيحصلنا يابتى سوا خير أو شر مقدر ومكتوب يا حبييتى ادعى يابتى يزيح عن الغلبان ده مافيش حاجة بعيدة على ربنا. ورده: يارب. بينما بمكان اخر ، ايقظته زوجته من نومه . -حسين قوم يا راجل شوف البلاوي ال بتتحدف علينا فى نصاص الليالى. حسين: عايزة ايه يا بومه الساعة دى. زوجته: مش انى، فى رجالة قاعدين تحت فى المندرة جاين ليك بشكوى. حسين وهو يزيح الغطاء بزهق: وماتستناش الشكوى دى للصبح. زوجته وهى تندس تحت الغطاء: روح جولهم هما الحديت ده انا ماليش صالح. هبط إلى أسفل وهو يكاد لا يرى شيئا امامه دخل إلى المضافة ملقيا السلام بإهمال وهو يجلس على الأريكة. يتحدث وعينه نصف مغلقة: خير ايه ال رماكوا عليا الساعة دى؟ جميعهم بصوت واحد: صبرى. وكأنها كلمة السر، سريعا ايقظت عقله ونشطت كل خليه بجسده حتى يفيق، ليعتدل سريعا بجلسته ينظر لهم بريبه لبعض ثوانى وهناك آلاف الظنون والسناريوهات تجرى داخله عقله، لينطق بعد برهه بكلمة واحده. "ماله" لم يزد عليها ولكنها كانت كافية وافية ليبدا كل شخص منهم بشكواه منه ليلا كيف يبكى يضحك، يصرخ فى نفس الوقت كيف يضجرهم بصوته والأخير هو وقوفه عاريا فى بهو منزله المكشوف. فى الحقيقة ارتاح كثيرا عندما علم انهم فقط متضايقون منه ولا شئ اخر كما اسعده حديثهم وللغاية لذا ترك لهم الحديث يستمتع بكل كلمة تخرجهم من فاهمهم دون تعليق حتى انتهوا. صمتوا ناظرين له بانتظار حديثه. حسين بعد فترة من الصمت: والمطلوب؟ جار٤: شوفلنا صرفة معاه. جار٢: يمشى من البيت إحنا تعبنا. جار٣مكملا: او حتى يروح مستشفى المجانين أو المدعوكه ال اسمها المصحة! هنا هب حسين من مجلسه كمن لدغة عقرب. " وهو عيل عويل زيك ولد إمبارح هيجولى اعمل ايه مع ولد اخوى لا وكمان عايزنى ازعطه من داره وارميه فى مصحة يتبهدل. جار٣ بهمس: ده على اساس انك مراعيه ماهوه اهنه ماهو متبهدل ومبهدلنا معاه. حديثه وصل له والباقين واضح ولكنه أثر الا يعلق عليه، ليلتف لهم بمكر. " الا جولولى اخبار الزرعة السنة دى ايه؟ نظروا لبعضهم بدون فهم ليجيب أحدهم: زينة ومبشرة بالخير. حسين وهو يذم شفتيه: يعنى بعدما ما هتبيعوا المحصول هتقدروا تسدوا تمن إيجار الأرض الجديد. الأربعة فى وقت واحد: إيجار الارض الجديد؟ حسين وهو يجلس على الاريكه يضع إحدى ساقيه تحته والاخرى يثنيه ينظر لهما وهو يفرك كفيه ببعضهما. _اومال فاكرين ايه؟ ماهو علشان انجله بيت جديد أو حتى مصحة فلازم ليه مصاريف كتير وبعدين دى فى الاول والاخر أرضه وانا موزعها عليكم وقولت اهم من العيلة يزرعوها بدل ما تبور وهما يستفيدوا واجرتها اهو تنفع الغلبان ده فى مصاريفه لكن طالما المصاريف هتزيد يبقى الاجره هتزيد كومان اومال هجيب من فين انا؟ هسرج ياك! تهاوى الأربعة على المقاعد وقد شحب وجههم لم يستطع أحدهم الحديث فلقد وضعهم بين شقى الرحى. نظر لهم واعتلت ابتسامة رضا ملامحه، ليتنهد وهو يهز رأسه بنفاذ صبر. _طيبة قلبى دى موداينى فى ابو نكله، اسمع ياد منك ليه. انتبهوا له الأربعة. _انى مش هغلى عليكم الأجره. تهللت وجوهم من جديد. اكمل متابعا: وصبرى مش هيتحرك من بيته. احدهم: بس.. الحج حسين مقاطعا: من غير بسبسه، استحملوا ولد عمكم فى شدته واقفلوا شبابيكم زبن بالليل والأوضة ال بتطل على الشارع بلاش نومه فيها اصلها محبكتش يعنى. احدهم: ووقفته الجديدة ملط، نعمل فيها ايه؟ وحريمنا فى البيت؟ الحج حسين: ال عنده معزة يلمها، اكده ولا اكده بلاه كله بالليل ايه ال يخلى حرمه تطل من الشبايبك بالليالى يا دكر منك ليك. ابتلع كل واحد منهم ريقه بصعوبة وقد اهانهم ببراعة دون أن يخطئ بحرف. ليكمل: انقلبوا على بيوتكم وماتجونيش مرة تانية فى وجت زى ديه البيوت ليها حرمه. هزوا رؤسهم وخرجوا دون حديث يجرون خلفهم أذيال الخيبة. جلس على الأريكة يستعيد حديثهم بسعادة متحدثا بغل " خلاص هانت قربت قربت جوى، شويه إكده جدام وأزود العيار" استند برأسه إلى الخلف شاردا فى ذلك اليوم الذى تغيرت به حياته للأفضل. محمد بخوف: طمئنى يا دكتور على اخويا هيرجع تانى زين؟ الطبيب بعدما نزع نظارته الطبية وتعلقت به زوجين. من العيون فى انتظار حديثه بلهفة خوف وترقب وزوج ثالث شارد بمكان أخر. الطبيب: ما تقلقوش هو الموضوع فى الاول كان صدمة عصبية بس انتوا أتاخرتوا شوية واتحول لفوبيا وخوف مرضى كان محتاج شوية جلسات يهدئ وحد يطمئنه أنه كويس وأنه هو وسطكم فى امان وبعد ال حصل مع مراته وعيلتها حسه أنه انكسر قدام نفسه وقدامها وقدامكم وده زود الضغط على دماغه. الحج حسين: يعنى ايه الحديت ده يا ضاكتور؟ ولد اخويا هيبقى زين ولا لا. محمد وهو ينظر إلى أخيه الشارد بسقف الغرفة: بالله عليك يا دكتور فهمنى يعنى هيرجع زى الاول ولا لا. الدكتور بابتسامه صغيرة مطمئنة: هو الموضوع هياخد وقت شوية بس صبر منكم وتعامل بهدوء وتتفهموو وضعه. محمد : هشيله فوق راسى لأخر يوم فى عمرى. حسين بنزق: اومال ده احنا نشيلوو جو عيونا اومال. خرج الثلاث من عيادة الطبيب محمد يمسك باخاه الشارد فى ملكوت خاص به وقبلهم ببضع خطوات عمهم يسير بضيق كم كان يتمنى أن يزف له الطبيب خبر فقدانه لرشده على الأخير حتى تهدى تلك النيران المستعرة بقلبه ولو قليلا ولكن .. "اخ على الحظ المجندل ال حداى" هكذا همس لنفسه قبل أن يبصر لتلك السيارة القادمة بسرعه اتجاهم ليسرع بالقفز على الجانب الأخر من الطريق بينما أبناء أخاه لم يسعفهم الوقت انهمك محمد بازاحه أخاه الشارد يبعده عنها لتصطدم به هو ليطير جسده بالهواء ساقطا على بعض أمتار والدماء تتدفق من وجهه وقد ولى سائقها هاربا ولم يلتفت ولو لمرة واحده للخلف . ليجثو صبرى على قدميه أمام ج..ثة أخيه الراكده بدمائه، يتحسس بيده يهمس باسمه ولا يتلقى أى رد ليبدأ بالصراخ مناديا عليه ... ابتسم بانتشاء متذكرا ذاك اليوم عندما اخذه من يده وجعله يقف بعزاء أخيه وهو على حالته التى زادت سوءٍ؛ ليتأكد الجميع بأن حالته أصبحت مستعصية، كيف اخبرهم بحديث الطبيب بأنه لا رجاء منه بعد الان، كيف ترك منزله القديم المبنى من الطين ليعيش بمنزلهم الجديد بمنتصف البلده وقد بناه صبرى خصيصا لمحمد ليستقر به عندما يتزوج. أطلق تنهيده عاليه براحه وابتسامه ساخره اعتلت ملامحه وقد تبسم له الحظ ليدير هو كل شئ يمتلكه اولاد اخوه الوحيد . مر خاطرا بعقله لتحتد ملامحه ناظرا أمامه متحدثا بغل يقطر من كلماته.. - اهى خلفتك يا عبد الصمد يا خوى واحد سكن التربة والتانى اتجن، خلفتك ال ابوك بسببها فضلك عليا ووهب ليك حتة الأرض ال حيلته انت وعيالك بحجه أنى فلاطى ومش بينلى رجاء للخلفة وانك انت ال هتحافظ عليها، بجيت تديني كل اول شهر زى الشحات حسنتك وانت فاكر نفسك بتكرمنى حتى أولادك مشيوا على ال انت رسمته انت وابوى بجيت استنى كل شهر هلت ولدك عليا بالمصروف مستنى صدقته من مالى وحجى فى الاخر كله بجا ليا ولوحدى بتاعى كل ال عملته وشقيت عليه صب فى حجرى كل ال ولادك كملوه بعدك بتمرمغ فى نعيمه وولدى من بعدى. عايرتنى بقلة خلفتى يا ابوى ، كل شهرين بقى ليا عروسة لحد ما وحده منهم بطنها شالت واهو انا ال كسبت وضحكت فى الأخر. أشرق صباح . قام الطبيب احمد من جلسته وهو يفرد ذراعيه، فرك عينيه بيديه لعله يفيق وهو يستمع لاصوات ضجه عالية قادمه من الخارج. طرق على الباب يعقبه صوت الغفير جابرمناديا: ياضاكتور احمد، يا ضاكتور. فتح له الباب وهو يتثاءب: صباح الخير يا عم جابر. عم جابر: صباح الخير يا ضاكتور، نمت زين؟ احمد: انتوا هنا عندكم اسود مش نموس يا عم جابر. عم جابربابتسامة: بكرة تتعود عليهم يا ضاكتور. احمد: ايه الدوشة ال بره دى. الغفيرجابر: ابدا دول اهل البلد اول ما عرفوا ان دكتور الصحة الجديد وصل بجا كل ال رجله وجعاه ال معدته ماشية عليه ال حداها عيل عايز يطعم ال معرفش ابصر ايه؟! جاب بعضه وجه؛ فاصحى كده وفوج للناس دى وانا هروح اريح هبابه. احمد: انت هتسبنى لوحدى هنا وانا معرفش حاجه ولا حد ولا ايه الوضع. الغفير جابر: الواد على ولدى شغال كاتب هنا معاك بعته يجيب إفطار ليك وزمانه على وصول ما تجلجش. الطبيب يهز رأسه ليرحل الآخر. انهمك مع المرضى وقد تزاحمت الغرفة بهم ، هذة تسحبها لها من يده حتى يكشف على صغيرها الممدد على الفراش ، لتتشابك معها أخرى تأمرها بالابتعاد فقد اتت هى اولا واخر يحاول سحبه من معطفه من الخلف. " سيبك من الحريم ال عايزة الحرج دى، امانه لتطل على البجرة وتشوفها بطلت حلب ليه؟ احمد بنفاذ صبر: يا سيد هنا وحده بشرية مش بطرية. طفل صغير أمسكه من بنطاله يهزه حتى ينتبه له: أمى بتجولك عندكوا وسيلة تيجى تأخدها. احمد بنزق: خلصت قول لأمك هنجيب بكرة. ووضع يده على اذنه يلتف حول نفسه بحيرة تكاد اصوات صراخ الرضع من حوله تفتك برأسه، حتى دخل عليه أحدهم: صباح الخير يا دكتور، شكلى كده اتاخرت عليك! أكمل وهو يصفق بيده بعدما وضع ما بيده من طعام على المكتب.. ‐يالا على بره، استنوا فى الأوضة ال جبنا وبالدور وال يدخل يكشف يدخل معاه واحد بس ويستحسن لوحده مش ناقصة وجع دماغ وصداع يالا، بيتك بيتك...هش هش. بدقيقة أصبحت الغرفة فارغة الإ منهما ليلتفت برأسه متابعا... -ما تبدأش كشف لوحدك معاهم، هيطلعوا عنيك ومش بعيد حد يلبسك نصيبه يادكتور. اشار له الاخر وهو يضيق عينيه متسائلا: على! ليهز رأسه بايجاب: ايوه على بن عم جابروالكاتب هنا. ابتسم الطبيب على ذاك الشاب، جلس سريعا على الكرسى يفتح الكيس بلهفة جائع بعدما تغللغت الرائحة إلى أنفه واثارت معدته. احمد: جيت فى وقتك ده ايه الدوشة دى! مرستان، مش كفاية دوشة بالليل وكمان بالنهار... على بحزن : جصدك صبرى، ربنا يشفى عنه هو ده كان فى حد فى عقله الكبير، اللاه يسامح ولد الحرام ويشفى عنه يارب. احمد: شكله عزيز عليك أنت ووالدك! على: ده صاحبى، أطيب قلب ممكن تشوفه. احمد: حصله ايه؟ على: بعدين يادكتور هبجى احكيلك بس الاول نفضوا المولد ال بره ده! احمد بتخوف: وهو هيبقى كل يوم زى كده! على بضحكه صغيرة: لا، ده بس علشان الوحده بجالها فترة من غير ضاكتور والناس اشتهته كيه الفاكهه وعلى رأى ال قال الغربال الجديد له شده، ده احنا هتعدى علينا ايام مفيش دبانه هتعبرنا. احمد بهمس لنفسه: الله يقرفك يا شيخ، يالا يكون احسن برضه بعد ال شفته فى النص ساعه دى. مر اليوم تحت إشراف على وتنظيمه للمرضى للدخول على الطبيب حتى انتهوا وشكره احمد على مساعدته. احمد: مش عارف من غيرك كنت هعمل ايه؟ على: تستنانى ما تعملش حاجه دول يبلعوك صاحى، بعدين ده شغلى يا دكتور ال باخد عليه مورتب ياله هم أمى شيعت صنيه الغداء من بدرى وكنت معينها فى الأوضة حداك لحد ما تخلص واه ياريت اوضتك تبجى تقفلها بالمفتاح من هنا ورايح زى ما انا دخلت ممكن وسط الزحمه غيرى يدخل ويقلبك ويمشى ولاد المؤذية كتير. احمد: مكنش ليه لزوم تعب الحجه ده يا على! على: تعبك راحة ده انت ضيفنا. احمد: هروح اغسل ايدى وجاى. على: اكون انا روجت المكان. خرج من غرفة الكشف، انتبه لوجود شئ ما يتحرك أمامه وهو يتلصص يمينا ويسارا ضيق عينيه بشك وسار بخفه باتجاهه حريصا على عدم اصدار أى صوت. تأمل ذاك الغطاء الملتفحة به" البرده" ليعلم أنها أنثى.. احمد: ودى مالها دى كمان بتعمل ايه عند اوضتى؟ جايه تسرق زى ما قال عاى ولا عايزة تكشف واتلغبطت؟! قطع تساؤله رؤيتها لها صاعده الدرج المؤدى إلى السطح ، ليرفع احد حاجبيه وقد أثارت فضوله لمعرفة ماذا تريد تلك الملتفحة؟ ** استيقظت بعد سويعات، لتهب من على الفراش مرة واحده ولسانها يردد ما كان يدور بخلدها أثناء نومها المتقطع " صبرى" بسرعه توجهت إلى نافذتها حتى تراه وتطمئن عليه، لم تجده بموضعه ليله أمس، دب القلق بأوصالها وهى تقف بالنافذة تنتظر مروره، سيره ذهابا وايابا بصحن الدار- كعادته- ولكن هذا لم يحدث. لتضرب بيدها على صدرها بخوف" يا حومتنى ليكون عيىئ ولا راقد فى حته بالدار جوه بعد نومته فى الطل امبارح بعز البرد" الام دالفة إلى الغرفه تنظر إلى الفراش الخالى من ابنتها لتتنهد بضيق تحدثها دون أن تلتف لها وهى تعلم أين تقف الان: وبعدهالك فى الوقفة دى! هو صبح وعشيه وفجرية! مش هنشوفوا مصالحنا ولا أكل عيشنا عاد! وردة بتهته: ياما.. الام: جومى طسى وشك بشويه ميه وغيرى ريقك اكون اخدت الخضار من ام ميحسن واجعدى بيه اكون انا جبنت الرايب ال شيعوه ببت الحج كمال.. وردة وهى تشير للنافذة: بس ياما، ده.. الام بتجاهل: انتى ليه هتبسبسى، بقولك همى اول الشهر جرب عايزين نلموا الأجره للى ما يتسمى يالا انقلبى.. وعلى ذكر سيرة ذاك الشخص، اقشعر جسدها بإشمئزاز لا تعلم السبب تحديدا هلى هى نظراته الوقحة أم مايقترفه بحق حبيب قلبها. بعد خروجها من الغرفة نظرت الام لاثر ابنتها: يابتى عارفة انى بجسى عليكى بس اسوى ايه لو انكسرت علينا الأجرة وقتها السداد هيكون صعب علينا والخسيس ده يبيع ويشترى فينا بعد ما اتملك.. وبنبرة صادقة أكملت.." الله يشفى عنك يا صبرى يا ولدى، كنت باب مانع عنا الكلاب" خرجت من المنزل، تهرول ناحيه الباب بمقابلتهم، تحاول استراق السمع لأى همسه اى صوت أو حركه ولكن للأسف؛ لا شئ. صارت بمحاذاة السور ويدها تسير على الحائط ترفع رأسها لأعلى تنظر لذلك البيت وعيناها تسأله عن موضع صاحبه منه الان؟! توقفت أمام باب الوحده المفتوح على مصراعيه والناس يدلفون تباعا، تبادلت النظر للمبنى وللبيت وجالت بعقلها فكرة ما، لتسير بخفه للداخل تتطالع المبنى بعيناها، نظرت إلى الدرج ثم إلى أعلى ومنه إلى البيت المجاور. يد وضعت على كتفها أفزعتها.. -جاية تكشفى انتى كمان يا ورد. ورد بلجلجه: ها، لا، ده بس قولت اشوف الخلج الكتير دى جايه هنا ليه؟ ‐الضاكتور الجديد جه، فكل ال حداه عله جاله. هزت رأسها والتفت لتخرج لتوقفها صوت المرأة: ابقى حشيلى ربطتين كزبرة على جنب اخدهم منك وانى معاودة بعد ما اخلص كشف للواد. ورد: حاضر ياخيتى. خرجت هامسة لنفسها: لما الزحمه دى تخف اعاود وابرد نار جلبى. قضت الوقت على الفرش الصغير الخاص بها وبوالدتها وعيناها لا تنزاح عن بوابه الوحده حتى هدأت الحركة بداخلها، نظرت إلى الفرش الفارغ برضا متمته.. " الحمدلله، جبرنا" أمسكت الكيس المخبئ بعنايه تحت أحد الاقفاص لتضعه تحت ذراعها واحكمت وضع الغطاء عليها ودخلت من الباب تتلفت يمينا ويسارا حتى وقفت أمام الدرج، تتطلع له بخوف ولكن قلقها ورعبها عليه تغلبا على خوفها ما إن رأءها احدهم، لتصعد بسرعه متلهفة... لم تنظر مرة واحده للخلف، لكانت أبصرت ذاك المراقب وقد صعد خلفها بصمت، وقف على الدرج متوارى بجسده وعيناه تتبعانها وهى تسير كالمجذوبه تنظر لاسفل تنتقل من بقعه إلى أخرى، حتى وقفت وأمسكت بحافة الحائط تميل بنصف جسدها إلى أسفل لدرجه جعلته يخرج من مخبأه برعب من ان تسقط ولكنه توقف بمكانه وهو على بعد خطوات منها، يراها تعتدل بوقفتها تخرج شيئا من أسفل ملابسها وبهدوء اسقطته لاسفل... كانت تبحث عنه كمجذوبه والسطح يكشف لها مناطق كثيرة بالمنزل سوا الرواق الموصل بين الغرف العلوية سطح منزله صحن الدار وخلفه، بحثت عنه بعيناها حتى وجدته يتسطح الاريكه أسفل الحائط بين منزله والوحده ينام بعمق مرتديا جلباب فقط وقد تغير لونه من كثرة اتساخه، تأملت ملامحه وقد اشتاقت لها لأول مرة منذ فترة تتطلع نحوه بهذا القرب لتسقط دموع عينيها تباعا عليه وعلى حاله، كيف كان وكيف أصبح. تذكرت ذاك الكيس لتخرجه من تحت ردائها وبهمس تحدثه كأنه يستمع لها.. " ده وكل يا حبه الجلب حته جبنه خضرا من ال بتحبها ودبداب وبصل أخضر وليمون اجرشه لأجل البرد ما يتملكش منك، الباب اتفتح وعلى قد ما هقدر هطل عليك يا غالى. همت بالتحرك ليختبئ الطبيب سريعا خلف عمود خرسانى بالمنتصف لتتحرك من أمامه وعيناه لا تفارقها حتى هبطت الدرج وبنفس الطريقة تسحبت حتى خرجت من البوابه بينما هو خرج من مخبأة وكلماتها التى استمع لها جعلته ينظر بفضول إلى ما كانت تنظر له، ليتفأجا بذلك النائم وجسده لا يستره سوا جلباب بالى والكيس إلى جواره.. -يا ترى ده مين ده كمان؟ ومين هى دى وتقربله ايه؟ وعلى ذكرها بسرعه توجه ناحيه الحافة المطله على الحى ليجدها تخرج من الباب تتوجه نحو فرش من صناديق فارغة أمام الوحده تجمعه بعنايه وتضعه فوق رأسها رحلة إلى داخل الحى وعيناه عليها حتى اختفت من امامه داخل منزل صغير بالجهة المقابلة على بعد منهم. ليهبط الدرج بفكر مشغول وسؤال واحد يتردد داخله: هو ايه الحكاية؟ "صبري" الفصل الثالث دلف إلى الغرفة حيث ينتظره على الذى بادر بسؤاله... -عوجت يا دكتور، كول ده علشان تغسل يدك ده انا كنت طالعك. أحمد: ها، لا اصل... صمت يفكر لثوانى، جلس بعدها وبلؤم: اصل رجلى خدتنى للسطح. على:السطوح! احمد وهو يضع لقمه بفمه: اه، حبيت اشوف المجنون ال منومنيش طول الليل من بكا وصريخ وضحك، لا وكله فى نفس واحد ما بيفصلش، لاقيت واحد نايم على كنبه تحت الحيط ال بينا وبينهم فمعرفتش هو ده ولا حد تانى معاه ولا هما اصلا اتنين واحد بيبكى والتانى بيصرخ ما اهو اصل ال بيحصل ده مش طبيعى! على بعدما وضع الطعام من يده بحزن: لا يا دكتور هو واحد بس ال عايش فى البيت الطويل العريض ده لحاله " صبرى" والله كان زينه الشباب ولا كان فى عله ولا ياحزنون يكش بس ال حصله يوميها، على رأى أمى كأنها عين وصابته. أحمد: وهو ايه ال ممكن يحصل لبنى آدم يخليه يتجنن بالشكل ده؟ على: الخوف. احمد: يعنى ايه؟ على بتنهيدة: صبرى كان راجل طيب حنين القلب غلبان، راح على الجيش لما أخوه بلغ السن، وهناك جراله ال جراله. احمد: هو كل ال بيدخل الجيش بيتجنن ما تعقل كلامك يا على، ولا انت قصدك شله اتلموا عليه وكانوا بيخوفوه وكده تن**مر يعنى! هز رأسه بالنفى متابعا: لا مش إكده واصل، ده كان محبوب من وسط زمايله والقاده بتوعه.. احمد برفعه حاجب: وانت عرفت من فين؟ مش يمكن كان بيقول كده قدامك يدارى على ال بيحصل معاه وخصوصا انك قولت عليه طيب. على وهو يعود بظهره إلى الخلف، يعقد ذراعيه وعيناه شارده بنقطه ما يتابع... -انا كنت معاه فى الجيش بس هو فرجة وانى فرجة تانية وكنا اوقات كتير بنتجمع يا انا وهو ياانا وحد من فرجته، كنت بشوف حبهم واحترامهم ليه فى حديتهم. احمد بحيرة: يعنى ايه ال حصله؟ على: يبوووى على ال حصل ، يوميها هو خلص خدمه وكانت خدمته فى سيناء، راح على الاوضه ينام وصبرى كانت فيه عادة مبيعرفش ينام والنور قايد وعلشان هو مش لحاله بالأوضه وعساكر طالعه داخله كان ينام تحت السرير ويدلدل الملايه المفروشة عليه كأنها ستارة تمنع عنه النور وكان زميله ال بينام على السرير الفوقانى بينام مكانه. أحمد: ها وبعدين! على: يومها صحى من نومه بعد ما حس بقلق وحركة غريبه وزى ما يكون مياه بتنقط على وشه، بجى يمسح بايده ويرجع ينام ولما زهق جام يشوف ايه سبب المياة دى وبيتوعد لزميله لو كان كب مياة على السرير ليجرسه وسط الفرجة ويقول انه بيعملها على روحه وهو نايم... صمت يلتقط أنفاسه...احمد بفضول قاتل لمعرفة التالى : ايه يا على هو انا هسحب منك الكلام سحب ولا ايه؟ على: غصب يا دكتور، ما هو ال حصل صعب على العقل ينساه او يفتكره من جسوته وبشاعته. -حصل ايه؟ -طلع من تحت السرير بيزعق وبيقول وهو رافع ايده، ايه المياة دى يا كمال، سكت وعينه وسعت وهو شايف كمال نايم غرقان فى دمه، برعب بص فى ايده لاقى عليها دم حتى هدومه، قرب منه يهزه ويصرخ عليه انه يقوم والتانى كانت روحه راحت للى خالقها، اداير ينادى على أى حد يغيته، وقف الكلام على لسانه وهو شايفه الباقيه نايمين محدش حاسس بيه منهم، بقا يتنقل من سرير لسرير ينادى عليهم كل واحد باسمه ، بس مين ال هيرد عليه وولاد الك**ب استفردوا بيهم فى نومتهم من غير رحمه ولا دين وخلصوا عليهم كيه الفروج. قعد فى الأرض يبكى ويصرخ اجتمعوا الباقيه على صوته، وشافوا المجزرة ال محدش حس بيها ونقلوه على المستشفي بسبب حالته وبعدها سرحوه من الخدمه والموضوع اتكتم عليه. أحمد مغمضا عينيه بتأثر: صعب اوى ده يا على. على: صعب عليك وانت سمعته فما بالك من ال شافه! احمد: ومن وقتها وهو كده؟! على: لا يا دكتور، مكنش إكده، كان ساكت ودايما سرحان ولو النور قطع او مرته طفته لأجل تنام يصرخ بفزع... أحمد: هو متجوز؟ على: كان يا دكتور، وحده رديه بنت قليلة أصل، قال ايه خافت منه وراحت حدا ناسها ورفعت قض..ية لأجل تتطلق منه بدل ما تقف معاه فى محنته والغلبان راح وراءها لأجل يراضيها ويرجعها مع ان انا ومحمد ال يرحمه وابوى قولناله لا خليها تغور لحال سبيلها بس هو قال بلاش يخرب البيت وصمم وراح من غيرنا. احمد: ورجعت؟ على: هو ال رجع بحال غير الحال. احمد: ازاى؟ على: هدومه متقطعه، وشه مورم وشفته بتنزف ودراعه اتجبس ساعيتها. احمد: ليه حصل ايه؟ على بصدق: علمى علمك حاولنا كتير انا والمرحوم نعرف منه ما اتكلمش الوحيد ال راح معاه كان عمه حسين، وال عرف بال حصل ليه بعدها أبوى حتى هو ما نطقش ولا رضى يجول. احمد:ليه؟ على: مش عارف، بس يظهر أنها حاجه واعرة علشان كان يقولى قفل على الموضوع ده، محمد حمجى وبعد ال حصل لصبري صفى بطوله ومش هيقدر على متولى وعياله وخصوصى ان عمه مش هيخلى واحد من عيال عمه يقف معاه وقليل ما جاب الحج عليهم. أحمد: مين محمد ومين متولى ده كمان؟ على : محمد ده أخوه الصغير ال يرحمه اتوفى فى حادثه كان بيفادى فيها أخوه بعد ما راحوا لدكتور فى المركز يشوف حالته... احمد: يا حول الله يارب. على: اهو موت محمد ده هو ال طير اخر برج فى عقل صبرى. احمد: ومين متولى ده؟ على: ابو طليقته. أحمد: وياترى لحد دلوقت معرفتش حصل ايه يوميها؟ على: ذله لسان من ابوى وهو قاعد زعلان على محمد وشبابه قال انه كان خايف عليه من متولى وعياله ويتكاتروا عليه و يضربوه كيه ما عملوا مع صبرى وضربوه. احمد: هو مش كان عمه معاه؟ ازاى يضربوه قدامه؟ على: هو ده كان حد عامله قيمة وقتها، ومش بعيد تلاقيه هو ال وزهم كمان يعملوا اكده. احمد: لا ما توصلش بيه لكده أكيد. على: انت ما تعرفهوش ده شيطان ماشى على الأرض، خد كل حاجه فى عبئه ورماه فى البيت لحاله وقافل عليه ولا سأل عليه ولا مخلى حد يسأل عليه. أحمد: تصدق انا كنت لسه هسأل بيأكل ازاى؟ عايش ازاى ؟ وازاى سايبينه كده؟ محدش خده لدكتور حتى يعالجه؟ يعنى فين حميه القرايب؟! على: عمه خده لدكتور مع المرحوم يوم الحادثه وقال إن الصدمه اثرت علي دماغه وبموت محمد كمل عليه وده احنا شفناه فى العز كان بياخد الواجب يسكت يسكت ويضحك بصوت عالى، اجتمعت العيلة وعمه قال هياخده مصحه بحرى، رجع بيه بعد يومين وقال إن فى المصحه دخلوه قسم المجاذبيب هناك ومعاملتهم ليه كيه الكلاب ضرب وتجويع وأنه مش هيقبل ده على ولد اخوه وان بيته اولى بيه وعلشان الأمان وأنه مش بعقله هيقفل عليه بالمفتاح ليعمل مصيبه وهو مش دارى . احمد: وأمنوا على كلامه بسهولة كده؟ على: حسين ده عوايلى لا بتاع شغل ولا غيره، خد الأرض ووزعها على عيال عمهم بالاجرة ، وأرض صبرى معروفه احسن زرعه منيها فالخير ال داخلهم من وراها خلاهم سكتوا. احمد: وعلى كده بيجى يزوره ويراعيه طيب؟ اصل المنظر ال شفته ما بيقولش كده خالص. على: كل فين وفين على ما يجئ، ولأن صبرى حبايبه كتير كانت الناس ترميله الاكل فى أكياس من فوق السور بس الله لا يرحمه دنيا ولا أخره وقف وزعق وقال ان هو ليه اكل مخصوص ياكله وعلاج هو مسئول يدهوله وان وكلنا ده هيزود حاله الهياج ال عنده! احمد باستهزاء: وصدقتوه! على : ما هو فعلا حالته بجت اسوء وصريخ وبكا متواصل الا قليل فالناس آمنت وريحوا ضميرهم بقوله " يعنى هنكون عليه احن من عمه!" أحمد وهو يطلق زفره طويلة بتأثر: صحيح ال يعيش ياما يشوف! على بانتباه على حاله يقم من مجلسه: ياااه ده انا اتكلمت كتير جوى، تلاجيك صدعت منى، اقوم ارجع بالصينية للبيت ، وابوى مع المغرب هيكون حداك ومعاه العشا. احمد: ثوانى يا على ، عايزك فى حاجه مهمه؟ على وهو يعاود للجلوس مرة أخرى: خير يا دكتور. احمد: الاول بلغ والدتك سلامى وقولها تسلم ايدك عن الأكل. على: تعيش يا دكتور. احمد؛ ثانيا انا مش هينفع افضل على الوضع ده واتعبكم معايا، فياريت شوفلي مطعم اتعامل معاه يبعت ليا الاكل على هنا. على: ده كلام تقوله يا دكتور برضه! ده انت تعبك راحه ولا هو احنا مش قد المقام! احمد: لا انا اكيد مقصدش كده، بس صدقنى علشان اكون مرتاح اكتر. على: طيب واذا كان بلدنا مفيهاش غير بياعين الفول والطعميه! احمد: يبقى اساهم فى ثمن الأكل. على: وهه وهه، كده برضه يا دكتور، مكنش العشم والله. احمد: انت زعلت ليه بس؟ ما انا مش ينفع اعيش سفلقة عليكم برضه. على: هو احنا كنا اشتكينا. احمد: كده هكون مرتاح اكتر. على يتنهد بتفكير: طب انا لاقيت حل. احمد: قول. على: بس الحل ده فى ايد أبوي. أحمد: احنا شكلنا مطولين مع بعض فلما تتكلم معايا، أنجز وتعالى دوغرى علشان هى مرارة واحده. على: أم ورده وبتها! احمد: مين دول؟ على: وردة، البت ال بتقعد على فرشة الخضار فى وش الوحده. تحفز جسد أحمد تمام وجلس بانتباه هامسا لنفسه" يعنى اسمها ورده" اجلى صوته: ومالها ست وردة! على: نتفقوا معاهم يطبخوا ويشيعو الوكل. احمد: وهيرضوا؟! على بضحكه صغيرة: دول حلب فقارى، يعنى طالما هياخدوا أجرتهم خلاص. احمد: وعم جابر ايه دخله بالموضوع ده! على:ازاى بجا، اذا كان هو ال متوليهم ومن بعد صبرى مانع اى راجل يخطى لامتهم وما بياخدش ويعطى معاهم غير الحريم، بس الصراحه نفسهم حلو جوى فى الأكل. احمد بأعين تلمع وهو يرى الأمور تتضح أمامه دون جهد، ليباغته بسؤال ماكر: صبرى! وهو ايه دخله بيهم؟ قرايبه يعنى؟ على وهو يضرب كف بالاخر: شكلك مش مركز معايا خالص يا دكتور، جرايب ازاى، اذا كنت بقولك حلب! احمد باستفهام حقيقى: اومال ايه طبيعه العلاقة ال تخلي والدك يأمن لصبرى دون عن الكل معاهم وليه اصلا بباك مهتم قوى كده! على بحماس: هحكيلك، علشان تعرف أن صبرى ده مكنش فيه منه اتنين. قص عليه ما أخبرهم به أباه من سنتين على العشا عندما قدمت وردة ووالدتها، بحثا عن منزل، حيرتهم وخوف الام الجلي، وما فعله صبرى أنذاء لهما. ليصمت احمد قليلا وشبح ابتسامه صغيرة رسمت على محياه متمتا : خسارة شخص زيه تكون دى أخرته! على بحزن: كان زينه الشباب يا دكتور. احمد: ليه محسسنى انه مات؟ على: الموت أهون من ال هو فيه ده! اكمل مغايرا مجرى الحوار بعدما تحشرج صوته ودمعت عيناه: انا هتحددت مع ابوي ولما يجى ابجوا اتفجوا سوا. تحرك من مكانه يحمل صنيه الطعام ليتوقف لثوانى يعاود برأسه لأحمد: امانه يا دكتور ما تحكى مع ابويا ولا تقوله على حاجه من ال قولتهالك، لحسن ده دايما يبكتنى ويقول علي كيه الحريم، ما فيش وراي غير الحكاوى واللت والعجن. احمد بضحكه صغيرة: لا معندهوش حق. على بتنهيدة: الله يهديه . على..تحرك من جديد ليوقفه أحمد مرة أخرى بسؤاله: -انا من امبارح بحاول اتصل بأهلى اطمئنهم عليا والتليفون مش مجمع شبكه خالص، ما فيش مكان فيه شبكه تودينى ليه او حتى مكان فى تليفون ارضى شغال طالما تليفون الوحده بايظ ومحطوط زينه. على: يادى الخيبة ال الواحد فيها! وضع صنيه الطعام من يده مرة أخرى، ثم طلب من أحمد الافساح قليلا، ليفعل تحت نظرات الدهشة منه... احمد بصدمه وهو يرى ما يخرجه من درج المكتب السفلى: يخرب بيتك انت شايل سلك التليفون! على وهو يصله: يعنى اعمل ايه؟ والعيال كل ما تيجى تلعب فيه! احمد: مش خايف من المسأله لو جات لجنة من الوزارة! على: لجنة من الوزارة حته واحده! هو احنا حد بيعبرنا من أساسه دول لطعونا يا مؤمن ست شهور لحد ما شيعولنا دكتور للوحده على الرغم ان البلد بنواحيها مفيهاش غير الوحده دى، ومش بعيدة يكونوا شيعوك بعد ما فصلت التليفون لأجل ما تشوف المخروبة دى جرالها ايه؟ وبعدين دى عهده عليا ولازم احافظ عليها. أحمد: فى حاجه تانى فاصلها، تلفزيون مثلا مخبيه! على: لا فى هبابه راديو صغير وكمان فيه مسجل لو معاك شريط وحابب تسمع حاجه هتلاقيه فى اوضتك، واه بالحق لو عايز تتكلم فى المحمول اطلع على السطوح الشبكة هتلقط معاك. احمد: وهو لسه فى حد بيمشى بشريط دلوقت. على: انا عندى هبجا اجبلك شريط بصوت الشيخ عبد الباسط عبد الصمد. تحرك من جديد بعدما انتهى ليوقفه أحمد مرة أخرى متذكرا أمرا: على. على: نعم. احمد: انت خريج ايه؟ على: دبلوم زراعه. أحمد وهوويشير على الحائط خلفه بأصبعه: وصبرى! على: كليه زراعه، كمل بعد الدبلون. قالها وأطلق ساقيه للريح وهو يشعر بأنه افصح بأكثر مما ينبغى بجلسه واحده هامسا" ده انا ابوي هيمرمرنى لو شم خبر" بينما الأخر لم يندهش كثيرا فبعد ما قاله ذاك العلى توقع ان شخصا بعقلية ذلك الصبرى أتم تعليمه. أمسك بيد الهاتف الارضى ، يصله صوت الحرارة ليبتسم بقله حيلة واضعا إياها بمكانها مخرج هاتفه ولا يجد اى إشارة ليقرر الصعود إلى السطح لمهاتفه ذويه ولسبب اخر يسوقه فضوله إليه. بالفعل كانت الإشارة بالأعلى جيدة ، أنهى اتصاله مع والدته ولم يخلو سؤاله عن أخته زهرة واذا ما تواصلت معاهم ام لا. ليغلق الهاتف وقبل ان يستدير للعودة، توجه إلى حافة السور ببطء، اراح يده عليها ينظر لذلك الغافى بملكوته وكل كلمه اباح بها ذاك العلي تعاد على مسامعه من جديد، جعلت قلبه يتألم لأجل ذاك الصبرى كما لو كان بينهما سابق معرفه! عقد حاجبيه وهو يراه يتململ فى نومه وبدلا من ان يسحب للخلف، تقدم يميل بجسده اكثر يتابع وسؤال عقله: ترى هل سيصرخ ام سيبكى! وفضول الطبيب داخله ثبت قدميه بالأرض؛ ليلعم كيف تكون تعابير وجهه عندما تاتيه احد تلك الحالات. لقد كان مستلقيٍ على جانبه الايمن، تثاؤب بشده بعدما فتح عينيه وظل ساكنا للحظات اعتدل بعدها بهدوء، يدور براسه وهو يطالع للمكان يشد جلبابه البالى عليه، رفع قدميه عن الأرض ضامنا اياهم إلى صدره، ظل على وضعه المستكين هذا لدقائق لتبدا عيناه مرة أخرى بالبحث حوله وقد استشف ذاك المتابع برغبته فى تناول الطعام من طريقه وضع يده على معدته وابتلاعه لريقه مرات متتالية. انزل قدميه وهم بالقيام مستندا بوضع يده على الاريكة اسفله، لتصطدم بشى ما التفت له بلهفة جليه اندهش لها ذاك المراقب من أعلى. فتح الكيس وبأعين مغمضه قربه إلى أنفه يستنشق رائحة الجبن بداخله بعدما اخرج بعض منه هامسا بصوت مسموع: ورده. أعاد احمد همسه من جديد بدهشه: وردة! ازاح دهشته سريعا وتابع مراقبته بكثب وهو يراه يتناول طعامه بنهم وابتسامه خافته شاحبه مرسومه على وجهه. احمد بهمس ضعيف: ما انت قاعد عاقل أهو! عقبما انتهى اعتدل بظهره إلى الخلف صامتا لثوانى ابتسم عليه احمد بها وقد قرر النزول بعد شعوره بالألم بساقه ليدرك انه وقف اكثر مما يجب، استدار بجسده وتحرك خطوة فالأخرى وقبل ان تتطا قدمه الأرض بالثالثة توقف على سماع صوت مناداه على شخص ما. -محمد احمد: محمد! -ما تزعلش منى علشان كلت الجبنه كلها وجورت على منابك، انت عارف انى عحب جبنه ورده كده ايه! بس بوص سبتلك دبداب اهو علشان نتعشوا بيه بالليل. صمت لبرهه مع ابتسامه جعلت ذلك المراقب وقد عاد لمكانه من جديد، يبحث حتى يستشف مكان وجود ذاك المحمد واين هو من يهديه تلك الإبتسامه؟ بينما بالاسفل تابع حديثه: طب تتحمقش أكده ما هو لازم أشاركك بيه ألاه، يعنى انت مش خابر انى كمان بحب الدبداب من تحت يدها... صمت لثوانى وعاد ليكمل... طب تزعلش تعال جارى وانا هصالحك، هحكيلك حكاية حلوة زى ال كنت بحكهيالك زمان وانت صغير فاكر يا خوى! -خبط احمد على جبهته بيده وقد تذكر" محمد أخاه المتوفى" الثانى متابعا... هحكيلك حكاية اخين عاشوا لحالهم بعد ابوهم وامهم ما هملوهم وراحوا للى خالقهم، وافتكروا ان ده اخر حزن هيعدى عليهم لحد ما فى يوم اتفرق الأخوات واللقاء بينتهم بجا صعيب يا ولد أبوى. ختم حديثه بشهقات تؤنب بنوبه بكاء قادمه جعلت حيرة ذاك المراقب تصل لذروتها بعدما ازاح احمد يده عن اذنه، فلقد كان يهيئ نفسه لصرخات كمثيلة ليله امس وهو يراها اقتصرت على دموع تجرى كشلال من المياة وصاحبها يتقوقع على نفسه من جديد كطفل صغير وبدون مقدمات ذهب بثبات عميق. ليطلق زفيرا عاليا: شكل حكايتك حكاية يا صبرى. ** غابت الشمس بالافق لينسدل الليل بستائره، خرج أحمد من غرفته بعدما نادى عليه العم جابر ليتناولوا طعام العشاء. احمد: هو مش لسه بدرى على الاكل يا عم جابر؟ الغفير: ياضاكتور احنا بلدنا بتقفل من المغرب وكله بيتك بيتك يتعشى ويجوم يريح لأجل شقى تانى يوم. احمد وهو يلك الطعام: انا كنت اتكلمت مع على فى موضوع كده بخصوص الاكل، جابلك سيرة؟! الغفير جابر: وهو علي بيعرف يسكت برضه الرطاط ده! احمد بضحكات صغيرة متتالية حاول على قدر الإمكان حجزها: اخدت لبالى. الغفير جابر: على العموم قالى وانى زعلت منك جوى فيها دى يا ضاكتور، برضه إكده تشتمنى بالحثيث! احمد: والله ما اقصد حاجه بس حقيقى انا مش هكون مرتاح غير كده! الغفير جابر: على راحتك يا ضاكتور، على العموم الوقت إتاخر انى اخبط على الولايا، بكره الصبح قبل ما اعاود دارى هروحلهم واتفقلك معاهم. احمد ناظرا للهدوء من حوله: يعنى الدنيا ليلت اهى وصاحبك ساكت، ده حتى الشارع نفسه مسكت. الغفير جابر: ما انا قولتلك من المغرب إهنه كله بيته، بس يا دكتور ال تقصده مش صاحبى وبس لاا ده فى مقام ابنى بعدين الحالة إلى انت سمعتها امبارح مش هتكون حداه على طول. احمد: يعنى ايه؟ الغفير جابر: يعنى بيكون ساكت منسمعلوش حس ومرة واحده يبجى زى صرينه المطافي ما تفهملوش، ساعه هادى ساعه يبكى ساعه يضحك ساعه يصرخ ساعه يغنى واهو غلب وكان مستخبيله. كانا يجلسون خلف البوابه مباشرة أمام قصعه تشتعل بداخلها النيران، ليقف أحمد من مكانه يتحرك للجهة الأخرى ينظر إلى الطريق والمنازل. أحمد: تعرف يا عم جابر انى. بجب الهدوء جدا. العم جابر: وهو مين يحب وجع الدماغ؟ احمد متلفتا للبيوت بنظره: نفسى اسكن فى شارع زى كده بكتير اربع خمس بيوت فيه. العم جابر: كلهم قرايب وعيلة وحده مايدخلوش غريب واصل عليهم غير وردة ال سكنت فى البيت الطين الوحيد ال قبال باب بيت صبرى. تحركت عيناه على الوصف بعدما اعتدل بجسده وعينه على ذاك الشباك المفتوح نسبيا، ومنه إلى البوابه الخشبية أمامه، ضيق عينيه مبصرا كتله سوداء تقف أمام ذاك الباب توليه ظهرها، احتار من أمره، هل يؤهى له؟ أم أنه تأثير الظلام من حوله فأغشى على عينه؟! او هل هناك أحد حقا يقف هناك! كان يتسائل وقدمه تسير للخارج للحصول على إجابه لاسئلته ** بقلب قلق عادت إلى منزلها، أتمت أعمالها وهى صامته شارده لا تنتبه إلى حديث والدتها فقط تائهه بحيرتها. -يا ترى كل؟ طب صحى، حاسس بالعيئ؟ جلبى واكلنى عليه ومش عارفه ليه؟ تناولت قليلا من الطعام بصمت. -ما تكملي لجمتك يا بتى؟ -ماليش نفس ياما هحوشها لبليل عشان بجوع. الام: بهمس لنفسها " بتجوعى برضك" الام: طب ابجى خلى بالك لحسن وكل الليل بيتعب القلب والمعدة. نفضت يدها من الطعام تحمد الله متابعه. -انا داخلة انام لأجل بكرة والهم ال مستنى لمى ورانا وغسلى واطلعى نامى. أؤمات برأسها وانتظرت خلود والدتها إلى النوم باكرا -كعادتها- بخفة صعدت إلى الغرفة تتأكد منها، اتجهت إلى الشباك تبحث عنه بعيناها ولكنها لم تجده خشيت عليه. نظرت إلى كيس الطعام بيدها، كيف تلقيه وهو غير موجود بباحه الدار، تطلعت على الحئ يمينا ويسارا وقد أغلقت الأبواب على ساكينها، لتبتعد هابطه لاسفل حاملة ملفحتها وقد ارتدها قباله الباب وحرصت الا يظهر منها شئ ، لتخرج تاركه باب منزلهم مفتوح قليلا. بلهفة تتحرك إلى غايتها ومن تلك الفسحة الصغيرة بين البابين الخشببن المتهالكين نادت بصوت هادئ. -سى صبرى، سى صبرى... لم تتلقى إجابه لتنادى من جديد وقد اعتصر قلبها خوفا ولم تعى بذلك القادم من الخلف. -أمانة يا سى صبرى لترد عليا وتطمئن قلبى عليك، سى صبرى، انت فين؟ تابعت وقد أوشكت على العويل: يا مرى يا حزنى، طب أعمل ايه، ليكون جرالته حاجه عفشة من عشية ، طاب الطم ألم الناس ولا اصرخ واجول الحقوا يا خلج، يا مرك يا وردة. عادت تنظر من جديد وقد خطت الدموع مجراها على وجنتيها تنادى كغريق: سى صبرى، سى صبرى... حتى ظهرت أمامها عيناه فجاءة لترتد فزعه إلى الخلف وضعت يدها على قلبها تهدأ من ضرباته العالية، التقطت أنفاسها تنظر إليها بعتب: كنت فين يا سيد الناس وانا بنادى عليك من بدرى، أشار بيده خلف الباب دون حديث -كعادته- استغرب له ذاك المراقب ليتابع المشاهدة بانتباه والأخرى بعتاب يقطر عشقا لا يعلم هل لاقى صدى بقلب ذاك المجنون ام لا؟! -وهنت عليك تردش علي، ده انا كنت شويه وهلم الناس. أولاها ظهره ولم يجب، لتكمل هى.. -عارفه انك زعلان منى علشان عشية مجيتش يمتك، طب أعمل ايه والشارع كان متروس رجالة لأجل ختمه عمك خليل، ولما خلصوا كان الوقت إتاخر وانت امبارح معرفاش ايه ال حصله خلاك تصرخ إكده وكمان كنت .... صمتت وقد اشتعلت وجنتيها لتكمل. -سايق عليك ما تعملها تانى، انامش عارفة لو كنت فاهمنى ولا لا، بس ما تعملها تانى قلبى أتوجع عليك جوى يا غالى. أزاحت دموع عينيها واخرجت كيس الطعام وبصعوبه مررته من تلك الفتحه. -اتعشى وادخل ريح وابعد عن البوابه الطل شديد لتعيء واهو النور قايد ما تخفش ومتنساش كل ما تخاف اطلع على الشباك هكون هناك معاك. تحركت مبتعدة واوقفها سؤاله بغتته بعدما خرج منه دون قصد؟ -للدرجه دى بتحبيه؟ التفت برأسها للوراء لتجد شخصا غريب عنها اتسعت عينيها برعب وبسرعه تسابق الربح ركضت إلى منزلها مغلقه الباب خلفها تهمس... ده شافنى، استر يارب...عقدت حاجبيها لتكمل... بس مين ده؟ بينما هو عيناه تنظر إلى أثرها ثم ارتفعت إلى النافذة حيث ذكرت ليعقد حاجبيه وهو يرى ظهرا لأحدهم قد رحل عنها وبالتأكيد لم تكن تلك الوردة؟ التى لم يتبين ملامحها حتى الآن. نظر إلى الباب تقدم من الفتحه، ينظر منها ولا يجد اثر لاحد وسؤال ملح؟ هل يعقل استمع لها؟ ولما لم يحدثها وهو يتكلم؟ باسئلته عاد إدراجه، ليجد العم جابر لازال يتحدث ولم يلاحظ غيابه حتى متمتا بقله حيلة. -يظهر ان العيلة كلها تموت فى الرغى. العم جابر : وبس يا ضاكتور ودى عوايدنا جلس جواره وفعل مثله مد يده باتجاه النار يلتمس الدفء. عم جابر: ماهى قعدتك جار الباب أكيد بردتك. هز رأسه بايماءه، وعقله يحاول استيعاب كل تلك الاحداث التى تدور من حوله منذ وطأة تلك القرية. بابتسامه صغيرة علق: هادئ يعنى! شكله بيسمع كلامها. العم جابر: بتقول حاجه يا دكتور. أحمد بلؤم لم يكتشفه الإ هنا وجه الحديث بطريقة ملتوية حتى يصل لغايته لعل تلك الخطوط المتشابكه بعقله يجد لها حلا. -بس ساكت يعنى انهاردة؟ -ما انا قولتلك حالات. -طب بما ان مافيش حاجه تؤنسنا والليل عندكوا طويل، ما تحكيلى عنه شوية. -عن مين؟ -عن ال بتتنهد بوجع كل ما يجى اسمه. -وليه تقلب فى المواجع؟ -نفسى اعرف عنه اكتر. -وده شاغلك فى ايه؟ احمد بصدق: اعرف الشخصية ال الكل بيحبها الحب ده كله كانت عاملة ازاى؟! العم جابر بخبرة رجل خط الشيب رأسه: يبجى ابن المركوب ولدى، فضى ال فى عئبه كله. احمد بضحكه صغيرة على ذكاء هذا الرجل: هو الصراحه اه، اتكلم معايا بس ماقالش كتير. العم جابر: ما تحلهاش يا ضاكتور، ده كيه كيه أمه لا بيقعد فى بطنه وكل ولا حديت. أطلق زفيرا عالى متابعا: طالما اللى يرزقه بزغطه تفطسه اتحدت وياك عايز تعرف ايه تانى. أحمد: كان عامل ازاى يا عم جابر؟ العم جابر: غلبان وفقايرى وال فى يده مش ليه! احمد: هو غير الصراخ والغناء بيتكلم مع حد او حد بيكلمه؟ العم جابر : من ساعه ال حصله فى الجيش وانا مسمعتش صوته غير مرتين اول مرة لما جه من حدا اهل مرته واترمى فى حضنى يبكى كيه العيل الصغير ويقولى. صبرى ببكاء وعويل: انا انضربت يا عم جابر، كسرتني كسرتني لاخر يوم فى عمرى. العم جابر: لا عاش ولا كان ال يكسرك يا ولدى ، قولى مين ال عمل فيك إكده. صبرى: كتفونى ليها يا عم، اتكاتروا عليا ابوها وأخواتها وكتفونى. علت شهقاته حتى كاد يختنق منها، ليربط جابر على ظهره مسرعا. جابر: اهدئ يا ولدى اهدئ مش إكده. صبرى بنواح: رفعت عليا شبشبها يا عم وضربتنى جابر بصدمه: مرتك!! صبرى: رميت عليها اليمين هناك وانا خارج من حداهم بعد ما حد من خواتها قالها كفاية على إكده ليموت فى ايدك ونروحوا فى ابو نكله من تحت رأس المجنون ده. رفع عينيه له: صوح انا مجنون يا عم. جابر بدموع يضم رأسه لصدره: هما ال مجانين يا ولدى. رفعها من جديد وبغضب : هو مش المحروق عمك كان وياكم، كيف سابهم يعملوا فيك إكده؟! دخل معايا وطلع بره قال يتحددت معاها فلأول يعقلها وبعدين انى اكلمها وبعدها هو خرج وقال رايح مشوار ضرورى عند واحد نواحيهم وراجع، ولما عاود كان حصل ال حصل. جابر: وبعدين؟ صبرى بشهقات متقطعه: زعق فيهم قالوله قعد يصرخ ورفع على بتنا السك..ينه. جابر: ها وبعدين... صبرى مطأطا الرأس فقط دموع منسابه يعيد حديث عمه. "كده برضه يا صبرى يا ولدى، مش قولنا هنتكلموا بالعقل، على العموم حقكم علينا يا جماعه" احمد بأنفعال: ااااايه؟ ده ال ربنا قدر عليه! جابر ولا يزال حبيس ذكرى ذلك اليوم عندما ذهب له. حسين: مالك يا جابر جاى بتنفخ نار من مناخيرك ليه؟ جابر: كيه يبجوا ضاربين واد اخوك وانت قاعد إكده ولا همك ولا حتى عيطت معاهم. حسين ببرود : ولدنا غلطان جابر: ايش مايعمل عمرها ما توصل انهم يضربوه فى قعر دارهم وكمان من حرمه مش من راجل، قبلتها كيف دى؟! حسين: اديك قولت فى قعر دارهم، كنت عايزنى اعمل ايه ولا اسوى ايه؟ ولا انضرب انا كمان وياه! وبعدين مالك محموج جوى إكده ليه! انا ال عمه مش انت. جابر: عندك حق، وعلشان إكده انا هقول لفتحى يلم عيال عمه ويروح يجيب حق أخوه ال اتهان. حسين: هيروح لحاله وهيجراله كيه أخوه لما عم عيال عمه يقول: ان صبرى هو ال غلطان ووقتها هنشوف هيصدقوا مين فينا الغفير ولا عمهم؟! جابر بعصبيه: انت بتعمل إكده ليه؟ حسين: انا واحد بطفئ نار فتنه وتار ممكن تحرق الكل؛ وحده وطلقناها وراحت لحال سبيلها وخلاص ال حوصل ادفن هناك فى بيتهم وانا مش هتكلم ولا هحكى إلا إذا... قام من مجلسه يدور حوله : انت ال حكيت وتبقى انت محرات الشر ال عايزها تولع. جابر يغمض عينيه بحسره: حطيت مركوب فى خشمى وسكت اصل هقول ايه بعد حديته ده! كتفنى كيه الحية الاهى يرزقه بطريشة عميا مطرح ما هو مخموض تفضل تلسع فيه للصبح. أحمد بتأثر: وتانى مرة! جابر: لما محمد مات، اترمى لتانى مرة فى حضنى فى العزا بعد ما كان بيبكى ويصرخ وقالى: فدانى، فدانى، دمه غرق ايدى كيفهم يا عم وبعدها فضل يبص على ايده ويضحك. جابر متابعا بتأنيب ضمير: لتانى مرة معرفتش اعمله حاجه غير انى اخده فى حضنى واطبطب عليه ومن بعدها مسمعتش حسه واصل. أطلق تنهيدة عاليه متابعا: لولا الأغانى ال بيروشنا بيها طول الليل كنت قولت عليه بجا اخرس من ال شافه. "بس عارف يا دكتور انا حكيت معاك ليه؟" قالها وهو يغلق البوابه الحديدية ويضع عليها القفل من الداخل. احمد: ليه؟ جابر: علشان حاسس ان بسكوتى ليا يد فى ال حصله ولو يرجع الزمن بيا تانى كنت اتكلمت وقولت ولو على موتى. احمد: الظروف والحجج ال اتحطت قدامك كانت أقوى منك يا عم جابر ما تشيلي نفسك فوق طاقتها. جابر : له يا ولدى، زى ما رميت كلام حسين من طول دراعى وبحدفه الاكل من اهنه كنت رميته زمان واتكلمت، حسبى الله على كل قوى. اكمل: روح ريحلك هبابه يا دكتور بقينا نص الليل خلاص وانا اهو مجعمز جار الباب لو عوزت حاجه قول يا عم. احمد وهو يقم من مجلسه: تصبح على خير يا عم. العم جابر : وانت من اهل الخير يا ولدى. رحل للداخل وبدلا من الدلوف للغرفة وقف أمام الدرج للحظات وقد عاد الفضول له من جديد لمعرفة إجابة سؤاله الاخير. بخفه صدع إلى الأعلى، توجه نحو السور المطل على بوابه المنزل الواسعه خاصته ولم يبصره، توجه بعدها إلى السور القابعه اسفله تلك الاريكه التى استلقى عليها صباحا ولم يجده، بابتسامه صغيرة استدار ادراجه ولكن تيبس مكانه وهو يدور براسه مرة أخرى ينظر لذلك المنزل، لم ينتبه أثناء سيرة وراء تلك الوردة ان جميع إضاءات المنزل مضاءه، وهنا ضرب عقله جملتها تلك. "واهو النور قايد" بسرعه ذهب يبحث بعيناه ليجده جالس بتلك الردهه بمقابلته وهناك شخصا ما معه لم يستطع تبين ملامحه، أخرج هاتفه وشغل تسجيل الفيديو مفعلا وضع الزووم بالكاميرا، وعيناه تضييق بعد فهم لكل ما يحدث أمامه الان. مرت دقائق خرج بها الرجل من المنزل تاركا ذاك الصبرى بمكانه ليتابعه احمد بعينيه بعدما توارى بجسده أسفل السور فقط عيناه تظهر منه فسلوك ذلك الرجل والتفافة يمين ويسار بتلك الطريقة كانت مريبة وما جعله يتأكد بأن وراءه أمرا ما عندما اخرج هاتفه يسجل ما يفعل ذلك الرجل عقب إغلاقه البوابه لتصدح صرخات صبرى بعدما مباشرة.. ليوقف التسجيل، يقف من مخبأه ينظر لذلك المنزل الغارق فى الظلام الدامس لا يصدر عنه صور صرخات لا يقدر على تحديد مكان صاحبها. نقر بسرعه على شاشه الهاتف يستمع إلى الجرس من الجهة الأخرى، مرة لم يتلقى إجابه فالاخرى. احمد بتوتر: رد يا فؤاد رد. فؤاد بنعاس: ايه يا اخى انت هتفضل قارفنى كده كتير حتى بعد ما رحت الصعيد؟ احمد: فوق يا فؤاد انا فى مصيبة. فؤاد : ما ياما قولتلك شغل الحكومة ما يجيش من وراءه غير الهم تعال معايا فى الخاص. احمد وهو يجذب خصلات شعره ينظر أمامه بقلة حيلة: يا فؤاد انا حاسس ان فى جري..مه بتحصل قدام عينى ومش عارف اعمل ايه؟ فؤاد وقد اختفى من عينيه النوم: جر..يمه ايه يخرب بيتك ده انت مكملتش ٢٤ ساعه عندك... وصل له صوت صرخات عاليه ثم نواح. فؤاد من الجهة الأخرى: ايه الصوت ده؟ احمد مبتلعا ريقه: ماهى دى المصيبة. "صبري" الفصل الرابع مر أسبوع على تلك الليلة، ظاهريا لم يكن هناك جديد يذكر سوا تلك الوجبات التى يتلقاها احمد من منزل والدة وردة اما من خلال علي نهارا او العم جابر مساء وحتى هذة اللحظه لم يتلقى بوردة وجها لوجه منذ ذاك المساء. بينما وردة تقتطف اللحظات التى ياخذ منها علي الطعام دالفا إلى غرفه الطبيب صاعدة للسطح وبالليل تقتنص الفرص لتؤنس وحدته بصوتها وبوقوفها فى النافذة دون أن يراها أحدهم او هكذا ظنت هى. على والعم جابر يبقى الحال كما هو عليه فأحدهم حزين على صديقه والأخر يفتك بقلبه الندم القهر والحزن. بينما ذاك الحسين فهو فى قمه سعادته فلقد انتصفت زوجته بشهور حملها واستطاع الشعور بحركة الجنين داخل رحمها ليذبح عجلا كان قد نذره سابقا لأجل تلك اللحظه ولما لا فهى الفرحه التى طال انتظارها لخمسون عاما منذ تزوج أول مرة وهو بعمر العشرين. اما عن ذلك الصبرى فلقد زاد الوضع سوء، حتى أصبح الليل كاللعنة له وللجميع وبمساء اول ليله بالأسبوع الثانى هبط أحمد من على الدرج بسرعة متوجها إلى مكان جلوس العم جابر وجملة واحدة ألقاها بوجهه كانت كافيه لتحفيز سائر جسده. احمد بدون مقدمات: عم جابر، لو جاتلك فرصة تكفر بيها عن ذنبك فى حق صبرى و... لم يدعه جابر يكمل هاباً من مجلسه: ولو فيها موتى همسكها بأيديا وأسنانى. احمد بابتسامه مقتربا منه يربط على كتفه: ما تقلقش يا عم جابر ال جاى خير بإذن الله. العم جابر: بس ازاى يا ولدى؟ احمد: بكره مع الظهر نتجمع سوا انا وانت وعلي و وردة وقتها هتعرف. العم جابر باستغراب: انا وعلى مبلوعه بس ورده ليه؟ عايز منيها ايه؟ وايه دخلها من أساسه؟! احمد: وردة اهم وحده فينا يا عم جابر وضروري تحضر. العم جابر: طب ما تفهمني وتريحنى يا ولدى! احمد: بكرة يا عم جابر وقتها ال هيفهمنا كلنا حد تانى مش انا. العم جابر: كلامك كله ألغاظ ليه؟ ومين الحد ده؟! احمد وهو يوليه ظهره راحلا من امامه: بكرة كل الالغاز هتتفك ووقتها هتعرف كل حاجه. ** تجلس كمن يرقد على البيض وعيناها لا تنزاح عن البوابه منذ أن أخبرها العم جابر بضرورة حضورها أمام طبيب الوحده ظهرا ومئات الأفكار تعصف بها. " معجول يكون شافني وانا عطلع السطوح، طب ما يمكن الوكل مش عاجبه؟! بس ده ليه اسبوع ما اشتكاش منيه! طب يمكن وكل إمبارح ما انا رقيت الفطير وعقلى مكنش فيي، من خوفى على الغالى وال بيحصله! وعم جابر مجعمز ليه لحد دلوكيت ومروحش، طب هو هيدخل معايا ماهو انا لا يمكن ادخل لوحدى، طب اشيع لأمى بس العم جابر نبه علي ما اتحددتش واصل، ياربى هو فى ايه؟! والظهر عوج كده ليه؟!" بينما جابر يجلس أمام البوابه، منتظرا، تتلاقى نظراته مع وردة من حين لاخر، يستطيع أن يرى بها حيرتها الواضحه واسئلتها التى لا يمتلك له أو لها اى إجابه. وزوج ثالث من الأعين ينظر من أعلاه منتظرا ساعه اللقاء. وبالداخل مع خروج اخر مريض من الوحده، دلف علي مسرعا للمكتب بلهفة. علي: ها يا دكتور مأنش الأوان. احمد ممسكا بالهاتف ناظرا لشاشته: انا زي زيكم مستنى اهو. ضرب على راسه بيده متمتا: يادى النيله على الغباء. قالها مسرعا للخارج وعلي خلفه بدون فهم: فى ايه؟ حوصل ايه؟ أحمد: هيتصل ازاى وما فيش شبكة جوه. وبمجرد خروجه رن هاتفه لينظر له والدرج، ليعلق علي بسماجه: شكلى نسيت اقولك ان بعيد عن الاوض فالشبكة شغالة فى الطورجة والجنينة. نظر له احمد جاز على اسنانه، يجيب: الو. ابعد السماعه عن اذنه وصوت صراخ الاخر عليه وصل واضحا لمسامع علي الواقف إلى جواره . -ليا نص ساعه بحاول ارن عليك يا طور. علي: بيقولك يا طور. احمد لاكزا اياه : اصل كنت قاعد فى حته ما فيهاش شبكة. من الجهة الاخرى: هو انا مش منبه عليك على المعاد فالمفروض تستنى ف حته قبلها فيها زفت شبكه. علي: نفضك كيه حصيرة المندرة. احمد: طب علي اهو واقف معايا ها واقف معايا. من الجهة الاخرى: اه يعنى ايه؟ احمد هامسا وهو يحيط فاهه بيده: ااحترمنى شويه يا فؤاد ده شغال معايا. من الجهة الاخرى: جمعهم ورن عليا فيديو. احمد: تمام. أغلق المكالمه موجه حديثه لعلي: بالراحه ومن غير دوشة قول لأبوك يدخل ويجيب وردة. علي بقلق من القادم: حاضر. بمجرد رؤيه العم الجابر لملامح وجه ابنه القادم باتجاهه، قام سريعا من مجلسه ينفض عباءته وقبل ان يدلف اشار إلى وردة بالقدوم لتهز رأسها يالايجاب، تجمع بعدها الاقفاص وتضعها أعلى رأسها متوجهه للداخل. اما عن الأعين الثالثة فمنذ رؤيتها لحركة يد العم جابر هبطت مسرعه من أعلاها للحاق بهم. ** بالداخل لا يزال يقف بالردهه وإلى جواره على ووالده ينتظرون قدوم وردة التى دلفت تحمل اغراضها فوق رأسها تمسك بطرف ملفحتها بفمها حتى لاتسقط عن رأسها. العم جابر لابنه: روح شيل من عليها يا لطخ ياللى معندكش ريحه النخوه. وردة: ماتتعبهوش يا عم خفاف. العم جابر: ادهمله يركنهم على جنب شكل الموضوع مطول وتعالى يا بنيتى. وردة بقلق: خير يا عم هو فى ايه؟ من الصبحية لما خبطت وقولتيلى وانى خايفة. العم جابر: العلم علمك يا بنتى، اهو يا خبر بفلوس. بينما فى تلك الأثناء كان احمد يتصل على فؤاد وقد أجاب منذ اللحظه الأولى... احمد: يا جماعه قبل أى حاجه احب اعرفكم على الدكتور فؤاد. قالها وهو يرفع شاشة الهاتف أمامهم. العم جابر: اهلا بيك يا بنى معاك عمك جابر. بينما فؤاد لم ينتبه له فقط لتلك المتقدمه باتجاهه وملامح وجهها تتضح تدريجيا لينطق متناسيا من يقف إلى جواره: وانتى مين يا عسل؟ العم جابر: ايه، عسل! تجصد مين انت؟ استفاق فؤاد على حاله وكذلك احمد الشارد بها؛ فهو لأول مرة يراها وجها لوجه بهذا الوضوح كذلك بالنهار ولم يتخيل يوما أنها على هذا القدر من الحسن. ليحمحم مستغفرٍ ربه بسره، يبتعد عنها بنظراته. فؤاد سريعا: فى حد كده ناقص. على يقف إلى جوار والده: انا هو" علي" بينما وردة تنظر للهاتف بدهشه لم تستطع أخفائها كانت ترى الصبيه يمسكون بهواتف مثله بالحى ولكن ان يتحدثوا من خلاله لشخص ما يرونه ويراهم اكبر من مخيلتها. توشك على مد يدها لتمسك به تفحصه كطفل صغير تجذبه لعبه ما. العم جابر وهو يعيد يدها من جديد اثر حديث فؤاد. "امانه لتخلو ام عيون غزلان دى تبعد عن الشاشة لحسن قربت انسى انا جامعكم ليه" ليعلق: -دى مكالمه يا بتى طالعين فيها جديد اسمها فيديو، يعنى اتكلمى ايا كان يسوى ولا ميسوواش . اتكا على حروف كلمته وهو ينظر للشاشة بتهديد واضح ليعلق فؤاد وهو يربط على صدره بفخر: تشكر يا عم جابر. يتابع بعدها جابر: صوت وصورة زى ما انتى شايفه إكده. فؤاد: طيب يا جماعه علشان نكسب وقت، انا كنت طلبت من أحمد انه يجمعكم إنهاردة علشان نتكلم بخصوص صبرى وال احنا واثقين ان انتوا أكتر ناس يهمها أمره. -وانا كمان يا ولدى يهمنى أمره و جميله فى رقبتى ليوم الدين مسلسلنى. التفوا برؤوسهم للخلف حيث مصدر الصوت. ورده معلقة: أما. والدة وردة وهى تقف إلى جوار وردة تنظر لعينيها بعتاب.. ورده: اما، أنا... والدة وردة لما نرجعوا البيت لينا حديت سوا. العم جابر: سامحيها يا بتى، انا ال قولتلها تاجى من غير ما تقولك. والدة وردة: وانا واخده على خاطرى منك يا عم جابر، يعنى انت مش عارف غلاوة صبرى عندى. العم جابر وهو يشير باتجاه احمد والهاتف بيده: انا لحد دلوقيت معرفش ايه الموضوع؟ نظرت الام باتجاه احمد: مرحبابه بيك يا ضاكتور أنا أم وردة. فؤاد : ما هو أكيد مامى نحله علشان تجيب العسل ده كله. احمد: الله يخرب بيتك على وهو يأخذ الهاتف من يد على ينظر لفؤاد: دكتور فؤاد معلش يعنى احترمنى أصل انى مش عواطف واقفة معاهم مرة البت ومرة أمها. العم جابر وهو يعمر بندقيته: وللصبر حدود الام بعدم فهم: هو عيجول اايه ده؟ احمد: بيقول خلينا فى موضوعنا. فؤاد وقد وجد طوق نجاة من نظراتهم: بالظبط، بس فى الاول فى حاجه مهمه فاتت عليكم. الجميع: ايه؟ فؤاد: وقفتكم دى غلط ممكن اى حد يدخل ويسمعنا زى ما عملت النحلة اقصد أم وردة فمن فضلكم شوفولكم اوضه ادخلوا فيها واقفلوا الباب لان الكلام مهم ومش لازم حد يسمعه. احمد: الاوض ما فيهاش شبكه. علي: وحتى لو فيها مينفعش. فؤاد: ليه؟ أم وردة: ووه، كيف أنا وبنتى نجعد مع رجاله لوحدينا جوه اوضه مقفول علينا باب. فؤاد: طالعه ووه منك عسل. احمد بابتسامه صفرا يمسك الهاتف يديره إلى وجه ملتفا بظهره للجهة الاخرى: اتلم يا فؤاد فى ليلتك بدل ما اجيلك انا على نقالة. فؤاد: صحيح الصعيد كله خير. احمد: طب الحمد الله أنك مجتش كنت هتعمل مصيبة. فؤاد: اصل حبك مش مكلبش فى قلبى لدرجه اجيلك من القاهرة للصعيد الجوانى، بس لو اعرف ان وردة وامها كده كنت جيت جرى. احمد: واط**ئ. فؤاد: طول عمرى. التف احمد على حديث العم جابر " لاجيتها " انتبهوا له جميعا ماعدا تلك الوردة الشاردة منذ ذكره لأسم صبرى وأرتفع وجيب قلبها والقلق يأكلها من الداخل. العم جابر: احناهنقعد فى الجنينه، مكان مفتوح محدش هيقدر يخطى من الباب غير لما نشوفوه ده أول هام، تأنى هام لو حد دخل وشافنا محدش هيقدر يفتح بقه لما يلاجينا فى الطل ولو سأل هيبقى بنتفق مع ام وردة وبتها على نظافة للأوض أو وكل. فؤاد : سمعتوا الرجل الطيب بيقول ايه؟ يالا على الجنينة. بعد دقائق... الجميع يجلس بصمت مطبق ليتولى فؤاد مهمه الحديث. فؤاد: انا عارف انكم عايزين تعرفوا انا جمعتكم هنا ليه؟ وايه علاقة صبرى بالموضوع وايه علاقتى انا بكل ده؟! علي: ياريت. فؤاد: فى الأول يا على انا احب انك تعرف انى دكتور أمراض نفسية وعصبيه يعنى الحالات ال زى صبرى من تخصصى. وردة بتمنى: يعنى هتأجى تكشف عليه؟ ابتسم لها فؤاد ولتلك النبرة بصوتها: صبرى محتاجكم انتوا جنبه يا وردة مش انا. علي: يا دكتور انا مفهيمش يعنى جصدك ايه ؟ فؤاد: فى الأول قبل ما اتكلم وأفهمكم، دكتور أحمد هيخليكم تشوفوا حاجه على التليفون بعدها الشرح هيكون أسهل. اخذ احمد الهاتف وقام بتشغيل أحد المقاطع ثم وضعه بالمنتصف لتلتف جمييع الرؤوس حوله، يتولى دفة الحديث يقص عليهم ما يرونه بداخل ذاك الفيديو. أحمد : انا من اسبوع وبالظبط من تانى ليله ليا هنا، لما قولتى اطلع ريح يا عم جابر، رجليا جبتنى للسطح وعندى فضول اعرف يا ترى صبرى هيسمع كلامها ويدخل ولا هيفضل بره. العم جابر بعقل يقظ وعيناه لا تنزاح عن الشاشة: كلام مين؟ احمد: وردة. رفعوا رأسهم عن الشاشة ما عدا هى ينظرون لها ثم له بعدم فهم. فؤاد وهو لا يزال يجرى المحادثة : ياجماعه كل حاجة هنتكلم فيها بس كملوا الفيديو الأول. عادوا من جديد لمشاهدة الفيديو ليكمل أحمد: اخدت لبالى انه قاعد فى الطورقة من جوه مش فى الاوض ولا من بره والنور والع وهو ساكت بس فى حد جنبه. العم جابر: ده الزفت عمه. أحمد: وبيديله حاجه فى بقه. وردة: الدواء، هو بيجى بالليل فى الأوجات دى يديهوله ساعات بلمحه. نظر لها كلا من على ووالده باستغراب بينما والدتها لم تعلق، ابتسم عليها أحمد ابتسامه صغيرة وعلق بعدها علي علي: عمر الحداية ما تحدف كتاكيت، داخليش دماغى موضوع الدواء ده! احمد: بعدها لاحظت انه فضل يكلم فيه كتيير وبعدها خرج من عنده وفضل يبص يمين وشمال ووقف قدام علبه جنب الباب، لما قربت الفيديو عليه مكنش واضحه اوى هى ايه؟ العم جابر و وردة: بيت الكهرباء. العم جابر متابعا: صبرى كان عاملها بصندوق ليه مفتاح علشان فى الشارع وخايف العيال تلعب فيها وحد يتأذى. احمد: وزى ما انتوا شايفين فصل الكهربا عن البيت كله وما فيش ثوانى كان صبرى ابتدا صريخ. "قالها تزامنا مع صدوح صرخات صبرى العالية" انتهى الفيديو وفتحت الكاميرا أمام فؤاد يمرر نظره على الجالسين يرى نظراتهم وقد تباينت ما بين خوف وعدم فهم واستنكار . العم جابر: اتكلم دوغرى يا ولدى علشان ال وصلى عقلى مش مصدقه. احمد: وقتها انا حسيت ان فى حاجه مش طبيعية بتحصل وعلى طول اتصلت على فؤاد وقولتله. فؤاد: وانا طلبت منه يبعتلى الفيديو وبعد ما شفته طلبت منه يقولى ايه يعرفه عن صبرى ؟وقتها هو قالى كل كلمه قولتهاله يا عم جابر انت و علي عن شخصيته وطبيعتها وال حصل ليه فى الجيش ومراته واخوه، ده غير ال احمد شافه وسمعه منه بنفسه. فؤاد متابعا: وقتها طلبت منه يتابعه يراقبه واى حاجه غريبه يسجلها ويدينى تقرير يومى عنها وفعلا أحمد عمل كده من غير ما حد ياخد لباله . صمت فؤاد لثوانى يحاول إيجاد طريقه يخبرهم بالاتى... العم جابر: ما تفكرش كتيير جول ال عندك كله يا ولدى . فؤاد مطلقا قنبلته : صبرى مش مجنون يا عم جابر صبرى مريض نفسى . علي: طب فرجت يا دكتور. فؤاد: اكيد يا علي ، صبرى مش محتاج غيىر علاج وجلسات وهيبقى كويس. علي: والصراخ والبكاء والضحك طول الليل ده مش جنون. فؤاد: ده بيحصل بفعل فاعل يا علي يعنى حالته من الأساس ما فيهاش الأعراض دى. العم جابر: قصدك يعنى... فؤاد: بالظبط فى حد قاصد يطلع صبرى مجنون رسمى وللاسف الموضوع بدا يطور. علي: مين ال يعمل كده فى صبرى؟ العم جابر جازا على أسنانه: حسين. علي: ازاى؟ فؤاد: الدواء ال بياخده. والدة وردة: يعنى ده دواء يخلى يبقى مجنون ! فؤاد: مش بالظبط. وررده تنظر للهاتف باعين دامعة رق لها قلب الفؤاد شفقة على تلك الفتاة وقد أخبره عنها احمد وعن تلك العادات التى توصم فتاة مثلها بدون ذنب ، ترقب سؤالها وهو يلاحظ ارتعاش شفتيها وصوتها المبحوح اخرج أمنية قلبها ودعاءه كل ليلة. -يعنى سى صبرى هيبقى كويس! -لو مشيتوا على التعليمات والخطة من غير خوف هيبقى كويس. أكمل بمغزى: مستعدة يا وردة؟ أكمل موجها الحديث للجميع: قبل ما اكمل، مستعدين؟ وردة قبل الجميع: لو هتطلب عمرى يا دكتور. صمت تام كان على رؤوسهم الطير، احمد وعلى بدهشة سيطرت عليهم من تلك الفتاة تلك النبرة الصدق النابع من قلبها وعلى الرغم من حالة ذاك الصبرى الإ انها النفس البشرية يا سادة فلقد اتفقا على جملة واحده حتى ولم تنطقها الألسن . "يا بختك يا صبرى" بيننا العم صابر تنهد وقد تحول شكه إلى يقين: كان يغشى ان يقع قلب تلك الصغيرة بالهوى مع من لا أمل بوصاله ولكنه غرق للمنتهى . بينما والدتها عقدت حاجبيها بضيق، فابنتها دون أن تقصد افضت بمكنون قلبها أمام الجميع. العم جابر : صبرى ليه حق عليا وواجب أنى ارده ليه. علي: صبرى صاحبى وعشرة وال هتطلبه منى هعمله. والدة وردة: صحيح احنا زى مابيقولوا علينا حلب بس الراجل ده سترنى وستر بتى ولو يطلب عينى ما أتأخر عنيه. فؤاد متنهدا براحه: كويس خالص، بصوا يا جماعه، خلال أسبوع المراقبة لاحظنا ان اول حاجه ال اسمه حسين ده مافيش مرة دخل على صبرى بأكل وصبرى عايش على الوجبة ال ورده بتحاول توصلها ليه الصبح او الظهر من هنا على السطوح وبالليل من شباكها او من الفتحه الصغيرة ال بين البابين الخشب بتوع بيته، ده غير ال بيرمي ليه عم جابر. اتسعت عيناها فلقد راقبها الطبيب جيدا دون أن تدرى. علي: ابن ال*** فؤاد: مش عايز مقاطعه يا علي، اول ملاحظة صبرى عارف ومدرك اذا كان الاكل من بيت عم جابر او من عند وردة وبيكون مستنيه كمان. وهنا اخبرهم احمد عن شمه للطعام وذكر اسم ورده وحديثه مع الهواء كأنه أخاه وتعابيره عندما يتناول طعام العم جابر. علي بإحراج: أصله ما بيحبش طبيخ أمى. بينما ورده زحفت الحمرة إلى وجنتيها بغريزة طبيعية لفتاة ينقاء قلبها. فؤاد متابعا: وده اتكرر خلال الأسبوع، يعنى هو الإدراك عنده شغال مش مغيب. اخذ نفس عميق: تانى نفطه الكلام مع نفسه ومانعه عنكم، صبرى حاسس بوحده بيصحى يلاقي نفسه لوحده بيفضل يدور على اى حد يكلمه فبيفتكر أخوه ونيسه ال راح منه وبيتكلم وده بيحصل بالنهار فقط مش بالليل بسبب الفوبيا ال عنده. والدة وردة: يعنى ايه فبببويا ده ياولدى، حاجة عفشة؟ فؤاد: يعنى حاجه بيخاف منها وصبرى بيخاف من. العم جابر/وردة: الظلمه. فؤاد: بالظبط ومن كتر خوفه بالليل لما الدنيا تظلم لسانه بيتربط ومع ان بيبقى النور شغال بس هو عارف انه ممكن يقطع ف اى وقت فجهازه العصبى بيكون فى حالة تحفز وتوتر عاليه وبيقعد فى الاول مستنى وردة تيجى تتكلم معاه الشوية ال بتقف فيهم قدام الباب بدليل انه بيفضل مستنيها وراء الباب من بعد المغرب وال لو لاحظتى يا وردة ان اليوم ال مبتقدريش تقفى فيه الحالة عنده بتكون شديدة. التزم كلا من جابر وعلي الصمت وهم يرونها تهز رأسها بالإيجاب فعلى ما يبدو أن هناك الكثير لا يعلمون بشأنه. فؤاد: وسبب الفوبيا هو ال حصله لما كان نايم فى ظلمه وصحى لاقى زمايله متوفين فبقى عنده إحساس ان كل مانور يطفئ ويولع هيلاقى نصيبة مستنياه ده غير فوبيا الدم ال لما صحى لقاه على ايده هدومه وشه وكمان دم أخوه. -اما عن سكوته فده ليه سبببين اول سبب انه اتكسر قدام نفسه لما حصل ال حصل مع مراته. وردة ووالدتها: هو حصل ايه معاها؟ اخبرهم العم جابر بإختصار عما حدث . وضعت يدها على فمها سريعا طالقة العنان لدموعها بينما والدتها بغضب: طب بيمين مرة مش راجل لأكون انى ال مخلصة تارك يا صبرى يا ولدى منها بت المراكيب دى. فؤاد بترقب: هتعملى ايه؟ والدة وردة: حجيبها الأرض تحت رجلى وان كانت هى عملتها فى دارهم فأنا هعملها وسط الخلج. فؤاد: ازاى؟ والدة وردة : ده شغل حريم عاد. فؤاد: ليكون فى خطر عليكى والدة وردة: ال يعرفني فؤاد: طيب انا بقا عايز علي يكون معاكى وقتها. والدة وردة : جرا ايه يا ضاكتور معرفوهوش من بردتها عرفوها من ولدها. فؤاد: يكون واقف بعيد يصور ال هيحصل صدقينى ده مهم جدا. والدة وردة: خلاص هظبوطها واقوله. فؤاد: متيسرة اهى ، نرجع لكلامنا والسبب التانى لسكوته هو أن طريقة بيعاتبكم بيها على وحدته وسجنه ال انفرض عليه. وهى دى حالة صبرى يا جماعه: اكتئاب من الوحده فوبيا وصدمه عصبية ما اتعالجتش. علي: ودول ال يخلوه يصرخ. فؤاد: لا وده الجزء الثانى من الموضوع وال مش عارف اذا كنتوا هتصدقوه ولا لا. العم جابر: هنصدق يا ولدى اصل لا انت ولا دكتور أحمد مجبرين على حاجه لا ليكم فيها ولا تخصصكم. فؤاد بابتسامة: ال بيحصل كله من تحت رأس عمه. الجميع ما عدا احمد: حسين. فؤاد: هو الوحيد ال بيدخل عليه البيت بيديله برشام ويطلع يطفى النور فالتفسير الوحيد انه بيديله برشام هلوسة. الجميع : هلوسة! فؤاد: هلوسة على اساس انه علاج ويفضل جنبه يتكلم فى ودنه يفكره بخوفه من الظلمه الدم ال حصل معاه ولما الأعراض الخاصة بالحبة تبدأ تظهر بيطلع بسرعه من البيت ويكمل بقطع النور وبكده بيحبسه فى مخاوفه فى الواقع فبيصرخ بصوت عال كطلب نجده والبكاء على ال راح منه والضحك على ال حصله وأما تقطيع هدومه فده دليل انه زود عليه الجرعه وما استبعدتش انه من ضمن كلامه معاه بيقوله هدومه عليها دم فبيخلعها او يرميها وبالنسبة انه يقف عريان مش حاسس ببرد فده برجعه لبرشام مخدر من التيمول ترمادول الحاجات ال بتفقده الاحساس مؤقت. احمد: فؤاد هو كده بياخد هلوسة ولا بيدليه كيمو. فؤاد: الاتنين بالتبادل. العم جابر: يعنى هو على إكده بقا مدمن. فؤاد: لا يا عم جابر من مراقبة احمد فمافيش حاجه ظهرت من اعراض الإدمان وبعدين ال زى حسين ده مش فى مصلحته ان صبرى يكون مدمن علشان لو حصله حاجه هو الوحيد ال هيلبسها. هو بيدهالوه برجعات صغيرة جدا غلى فترات طويلة فلما مثلا ربع قرص مع هلوسة بتكون الحالة عند صبرى شديدة زى اول ليلة قضاها احمد هنا. علي: يا دكتور محدش عارف البرشام ال بياخده ده ايه؟ مش يمكن برشام من ال بيروح العقل على الأخير ويخلص نفسه. فؤاد: اولا ده محتاج دكتور وعقر كمان يكتبله بروتوكول يمشى عليه والدكتور ال هيعمل كده اكيد مش لله وهينطف ريشه دى حاجه، العلاج نفسه غالى جدا؛ فى حين ان البرشامه البمبى ب١٠ وبعد الغلا ب٣٥ و٤٥ جنية وبيستخدمها قول على خمس مرات والهلوسة ما فيش ارخص منها وهيأدوا نفس الأعراض ال عايز اهل البلد تشوفها وتسمعها وواحد زيه اكيد مش هيحب يصرف عليه بالعكس ازاى ياخد منه. احمد: وانت عرفت الاسعار دى ازاى يخرب بيتك! انت بتضرب كيمو يا فؤاد. فؤاد: على صوتك ، خلى النقابة تسحب الكارنيه، صميم عملى يا ... ولا بلاش . علي: الموضوع مش داخل دماغى جوى ما كان حطه فى اى مصحه وخصوصى انه خده قبل سابق ورجع بيه. العم جابر للدكاترة: معلش مخه طخين زى أمه...وجه حديثه لابنه... وانت يا بغل دخلت عليك انه وداه من أساسه. علي: يوه ياباه مش عايز افهم. فؤاد: زى ما قولنا يا على واحد زيه عايز ياخد مش يادى فعلشان يرميه فى مصحه لو حكومى هناك هيتعالج وهتتعرف حالته الأساسية ده غير أن الحكومى فى الحالات زى صبرى ليها فترة معينه ويطلعوا يكملوا علاجهم فى البيت فلما يرجع أكيد الناس هتاخد بالها من التغيير وأنه فى تحسن وحجته هتبطل، أما الخاص فده. عايز منه بنك ما يخلصش ، وصلتلك. وردة: ده شيطان انا ساعات بشوفه بيديله الحبوب بس كنت فاكراه علاجه زى ما بيقول عليه انا لو كنت اعرف ال عيعمله كنت خنقته بيدى. فؤاد: المشكلة دلوقت انه زود الجرعه بدل مة كان بيجيى كل تلات ايام اربعه يديله البرشام بقا كل يومين وقطع النور بقا كل يوم وده لسبب عند ال اسمه حسين محدش يعرفه غيره فعلشان كده نبهت على احمد يجمعكم نلحق نتصرف قبل الوضع ما يبقى إدمان او حاجه تانى بيخططلها الزفت ده. الجميع/ نعمل ايه؟ فؤاد: اول حاجه السريه. ثانيا ورده دورك انتى اهم وحده فينا كلنا. وردة: أنى! فؤاد: انتى ال صبرى بيسمعلها وبيثق فيها. وردة: أعمل ايه؟ فؤاد: عايزك تزودي المدة ال بتقفى فيها قدام الباب وانتى بتكلميه. وردة: غصب عنى بخاف حد يوعالى. والدة وردة: انا هقف على باب البيت اراقب الطريق لو حد معدى هشاورلك. العم جابر: وانا هقف على باب الوحده من بره اراقب البيوت اشوف لو حد طل من شباك او بلكونه. علي: وانى... فؤاد مقاطعا: لا انت هيبقى دورك من جوه يا على اصبر... اكمل بعدها... كده حلو اوى عايزك تتكلمى معاه فى اى حاجه احكيلة حكايات إلهي عقله زى ما بتلهى عيل صغير وبعدها عايزك تطلبي منه طلب. وردة: ايه هو؟ صبرى: تطلبي منه اى برشام ياخده من حسين يرميه من بقه من غير حسين ما يشوفه. وردة: وهيسمع كلامى! احمد بابتسامه: من ال انا شفته هيسمع يا وردة. فؤاد متابعا : صبرى محتاج شويه مقويات وفيتامينات هتحطهاله فى الأكل علشان تقوى العصب ال اتوتر هكتبها واحمد هو ال يروح الصيدلية يجبها علشان محدش يشك فيه. وردة: حاضر. فؤاد: لسه دورك مش خلص، الوقت ال بتطلعي فيه السطح هو بيكون نايم عايزك تصحيه انتى وتديله الاكل عايزة يصحى يلاقي حد جنبه علشان نقلل من شعور الوحده ومن هنا احمد هيستلم المهمه منك وانا مفهمه كويس هيعمل ايه. وبعدها دورك انت يا عم جابر عايزك من فترة للتانية تطلع تتكلم معاه. فؤاد: قطع النور، بمجرد النور ما يقطع من غير برشام هيصرخ برضه من الخوف فده جلسات متقدمه انا هعملها ليه لما حالته تتحسن بس لحد الوقت ده فالمطلوب منكم بمجرد ما النور يقطع. علي سريعا: نرجع نرفع السك..ينه تانى. العم جابر: انا جولت بغل محدش صدقنى، انت ناسى ان المفتاح مع الزفت حسين. احمد: وغير كده لما يجئ الصبح يرفعها زى ما بيعمل هيلاحظ! فؤاد: هتشغلوا الكشافات ال على السور وتوجهوها على البيت. وهو لوحده هيجى ناحيتها ويقف وهناك يا على انت تكون واقف مع احمد وتتكلم معاه بالأخص ان ده بيحصل فى نص الليل وانتى يا وردة عايزك تقفى فى الشباك لو خوفه منعه من ان يتحرك من مكانه عايزة يلاقيكى فى مكانك زى ما قولتيله فاكرة من تلات ايام لما النور قطع بس كانت ليله قمر وقف وعينه عليكى وقتها انتى فضلت مولعه نور اوضتك فترة طويلة وهو كان هادئ. من وقتها وفى سؤال محيرنى: عارفه انه بيخاف من الظلمه ليه مش بتولعى نور اوضتك و انتى واقفه علشان يشوفك حتى الحالة ال عنده تهدأ شوية. اغمضت عينيها بقلة حيلة لتجيب الام: الحق عندى يا ولدى، انا ال ببكتها على وقفتها لحد ياخد لباله واحنا غلابه بعدها الكلام يكتر ويستوطوا حيطتنا والسؤال يجيب سؤال وليه نورهم قايد فى نصاص الليالى و ضمائر الناس مش صافية. أطلقت تنهيدة: انا فى كل مرة بتى بتطلع من الدار ببقا واقفه فى الشباك وبدعى ربنا يستر ومحدش يوعالها الاكل ال بتحوشه من خشمها وتخليه ليه بجيت بزود فى الطبخة على كد ما اقدر لأجل يقضيها ويقضيه ، صحيح بشد عليها مش عفاشة منى بس خوف على بتى من القيل والقال، انا لما عمى جابر خبط الصبح وسمعته وهو عيتحدت معاها قلبى كلنى وخوفت وفضلت واقفة مستنياها تدخل وبسرعه جيت وراءها وسمعتكم، عارفة انه عليا غلط بس ما كنتش اعرف ان بولعه نور اوضه بتى هساعد الغلبان ده! فؤاد: انتى معلكيش ذنب يا أمى انتى اتصرفتى بطبيعة أى ام. بينما احمد شارد وقد عرف الان هوية ذلك الظل بالنافذة. علي: ولما نعمل ده كله! وقتها هيتحسن. فؤاد بابتسامه: بإذن الله. العم جابر شارد فى نقطه ما: وحسين هيغفل عن حاجه زى دى! فؤاد: ووقتها انا هقولكم تعملوا ايه! علي: التنفيذ من أمتى؟ فؤاد : من دلوقت وردة تطلع السطوح بالأكل لو نايم تصحيه ولو صاحى تكلمه. واحمد هيتابع اول باول ويبلغنى. العم جابر: فى حاجه تاهت عننا. فؤاد: ايه هى يا عم جابر. العم جابر: انا هشيع فى البلد ان ليلة امبارح حد استغل فوتي على الحمام وقام زرق ودخل على الدكتور أحمد فى اوضته يقلبه ولما الراجل قلق التانى رمح. على: هاه وليه عاد؟ العم جابر: علشان يا بن المنتول، اش عجب وقفتى قدام البوابة من إنهاردة وانا بقفلها من العشا والكشافات ال عمرها ما ولعت وال هتشتغل حسب الاتفاق، نسقوا احنا. فؤاد مصفقا: عليا النعمه دماغ متكلفه. العم جابر متابعا: وعايزك بلسانه ديه ترمى حكاوي كتير عن الموضوع وانت يا دكتور احمد ال بسألك أمم وقول شفته وهو طالع وما تحققتش منه. هز رأسه احمد بالموافقة. فؤاد: تمام العم جابر: تمام يالا يا بتى، واحنا هنتفرجوا علشان القعدة طولت ممكن حد ياخد لباله. هزوا رأسهم بتأكيد... وردة بإحراج من الموجودين جلت صوتها: انا طالعه. افتحوا لها الطريق ، فقامت بإخراج الكيس من احد الصناديق ، سارت أمامهم بخجل تصعد الدرج بينماوالدتها حملت الصناديق عائدة إلى المنزل ثم وجهت حديثها لعلى: خمسة وتعال خد صنية الغدا يا ولدى. احمد: روح ريح انت يا عم جابر ريح شويه وانت يا علي تابع هنا وانا طالع وراءها. ** بالأعلى وقفت على السور متناسية كل ما يدور من حولها ماعداه، تتأمله كيف يستلقى على تلك الاريكه قلبها يقفز فرحا وإحدى أمانيها تتحقق ، كم حلمت ان توقظه يوما على صوتها ان تكون صورتها هى اول ما تبصره عيناه عند استيقاظه، وبكل العاطفة التى تحملها بقلبها له نادت عليه بصوت ارتجفت له أوصال ذاك المراقب من على مسافة" -سى صبرى، سى صبرى اصحى، اصحى يا غالى. صبرى بنعاس: وردة. -قلبها ودنيتها يا أغلى الناس اصحى شوف انا جبتلك ايه؟ عقد حاجبيه أثناء نومه، لتنادى عليه من جديد... سى صبرى، اصحى يالا...بضحكه صغيرة عفوية طرب لها قلب المتابع قبل السامع تابعت ..." مكنتش اعرف ان نومك تقيل جوى إكده" هب من مجلسه وقد ايقن وجودها، التفت حوله وقد خرج همسه باسمها كسهام نافذة لقلبها أغمضت عيناها عقب سماعه لتهبط دمعه حارة من عينيها سقطت على وجنته ليرفع عينه لأعلى بعدما شعر بها وتلمسها بيده حتى يعلم مصدرها لتتسع عيناه وهو يبصرها أمامه ليقف معتدلا من مجلسه بلهفة وشوق لملامحها التى يراها بوضح النهار منذ فترة طويلة وقد كانت له القريبه البعيدة لتنظر له بحب خالص مرددة. "صباح الخير على عيونك يا سى صبرى" اغمض عينيه وقد اخترقت كلماتها جدار قلبه وعقله تعيد له ذكرى تلك الأيام التى كانت تحيه صباحا بتلك التحية التى لا تزال حتى الآن تدغدغ جنبات قلبه ولا يعلم حتى الآن لما؟! اخرجته بمبداعباتها اللطيفة له كطفل صغير تهاديه والدته... -شفت انا جبتلك ايه؟ فطير بسمنه وسكر من ال بتحبه لأجل تفطر بيه، يالا القف منى... مد يده ببسمه صغيرة تزامنا معها وهى تمد يدها هى الأخرى تلقيها له... تلقفها منها، استنشق رائحتها بتلذذ وبعجله اخرجها من الكيس يتناولها بجوع آلم قلبها عليه، لتزيح تلك الدمعة التى تهدد بالهطول بطرف اصبعها، وبرجاء همست باسمه من جديد. -سى صبرى. رفع رأسه لها وقد توقف عن المضغ. -سى صبرى لو طلبت منك طلب تعملهولى! اخفض رأسه بعجز واضح، لتتابع سريعا... -هو فى مقدرتك ولو عملته صدقنى الدنيا مش هتساعنى من الفرحة.. أكملت بأمل...ده لو ليا خاطر عندك. -رفع رأسه لها وأشار بذقنه يحثها على المتابعه لتخبره وقد احتدت نظراتها بغضب مكبوت وقالت..... بقلم مروة حمدي "صبري" الفصل الخامس. يقف كصنم، لا يصدق بهذة السهولة؟ فقط اماء برأسه عقب انتهاء حديثها، لم ياخذ برهه حتى للتفكير، أى علاقة تجمع هذان الأثنين. بينما هى بوادى اخر ابتسامتها وقد اشرق بها وجهها لموافقته حديثها جعلت قلبها يرقص طربا على وقع الدقات. أطال النظر بها فتخصبت وجنتيها خجلا واخفضت نظرها لأسفل، بينما يداها تعبث بطرف ملفحتها، حاولت إخراج صوتها حتى نجحت أخيرا. -استنانى انهاردة بالليل جيالك يا سيد الناس. قالتها واندفعت لاسفل بسرعه لم تبصر ذاك الذى مد يده لها يوقفها وقد صرخ قلبه باسمها بعدما عجز لسانه. بينما احمد متسع العينين يردد. "سيد الناس" فينك يا لمياء الكل*ب تيجى تشوفى، مش علشان تعين جه فى الصعيد تدلقنى و تتخطب لابن خالها. اخذ نفس عميق، اطلقه بقوة يستجمع شجعاته فقد حان دوره. جالس على الاريكه يمسك بباقى فطيرته بين يديه وعيناه شارده يهم بالحديث للهواء، ليوقف الكلمات على حلقه يعاود رفع رأسه بسرعه مع صوت تلك الحمحمة القادمه لأعلى، ضيق بين عينيه وقد تحولت لهفته إلى استغراب، يعتدل بسرعه وعيناه على ذاك الغريب وهو يراه لأول مرة. احمد: مساء الخير، معاك دكتور أحمد دكتور الوحده الجديد. -لارد -انا هنا من كم يوم.. -لارد احمد يضع يديه المتربعه على حافة السور بأريحية متابعا بعدما نظر حوله يتنهد بصوت عالى: وما اعرفش حد هنا ولا حد يعرفني. -لارد بابتسامه صغيرة: وبما انى لوحدى وحفظت حيطان اوضتى حيطا حيطا ويعتبر معظم اليوم فاضى جه فى عقل بالى اتعرف على جيرانى واهو نبقى اصحاب. -لارد -وانت اقرب جار. -لارد -موافق تبقى صاحبى يا صبرى. -لو صبرى بقا صاحبك فهو اخوي يا دكتور. حاد بنظره من هذا إلى ذاك الواقف إلى جواره وقد انضم له توا ونظرة عتاب بعثها له محملة بكثير وكثير من الأحاديث الصامته، فهمها الأخر كاملة. على بصوت مختنق: حقك علي يا أخوي وصاحبى وعشرة عمرى، بس والله كان صعيب علي اشوفك ك.. صمت يبتلع تلك الصرخه عقب ضغط أحمد بحذائه على رجله من أسفل، ليكمل الاخر . على: بس من هنا ورايح هصدعك كيه زمان مش هخليك تفرفط منى سواء برضاك او برضاك برضه. وبابتسامه حزينه تابع: علشان انت دايما كنت تقولى: تقل دمك على قلبى عسل. اخفض رأسه بحزن ولم يجب والاخر صامت لا يجد كلمات يبرر بها خطأه بحق صديقه وقد عرف للتو فداحة ما فعل... أحمد بمحاولة لتغيير الأجواء: اه يعنى وقعت بين اتنين حبايبى اطلع منها انا بقا. على وهو يزيح دموعه: صبرى، يا اخوي الدكتور أحمد ده دكتور طيب جوى وعتحبه جوى جوى هو صحيح زملكاوي بس معلش طيبة قلبه تشفعله. أحمد: يعنى انا وقعت بين اتنين أهلاوية. على: ومتعصبين كمان. احمد: شفناكم الماتش ال فات. على:شفناكم انتوا فى ال قبله. احمد: ال بينى وبينك التحليل. قالها وهو يخرج المذياع الصغير على قناة الشباب والرياضه والاثنين يتابعان بجدية والثالث عاد للجلوس على الاريكة مدعيا عدم الأهتمام، ولكن تحفز جسده ، ارتفاع اذنه، طرف عيناه، جعل أحمد يبتسم بسمه صغيرة برضا وهو يستشعر نجاح اول خطوة بتبديد وحدته. لم يتركوه الا قرب المغرب . على : هروح لأمى يا صبرى لتزعطنى وتقفل علي الباب انت خابرها زين وبكرة هكون عندك يا ابو الصحاب. لم يجبه، فقط جالس مستندا بظهره على الحائط خلفه، يضم قدميه إلى صدره. وقبل ان يرحل: بكرة يا دكتور هجيب كرسين من البيت نحطوهم إهنه لحسن الوقفة تكسر الظهر. احمد: ومن البيت ليه أومال الكراسى ال تحت فى الاستقبال دى قصرت فى حاجه؟ على: عهدددددددددة هروح فى ابو نكلة لو حصل جرد. احمد: وانا الدكتور وبقولك طلع تلات كراسي وطربيزة يا علي. علي: تمضى إقرار على الكلام ده ية دكتور. احمد: شايف الندالة يا صبرى! لا، ياسى علي انا همضى على نقلك. علي: لا وعلى ايه اربط الحمار، فوتكم بعافية. عقب رحيله، احمد معلقا: عم جابر عنده حق، مخه طخين. لم يفت على احمد تحفز جسد صبرى وتشجنه عند سماع الاسم ولكنه تابع على ايه حال. احمد بتمطع: تعرف عندى واحد صحبى اسمه " التعلب" بس ثوانى ده شهرته عندنا هو اسمه فؤاد، بس عارف جدع جدع وصاحب صاحبه، رغم ال هو فيه بس فرفوش شاف كتير وقلبه اتوجع بس استاذ فى رسم الضحكه على الوشوش، عارف يا صبرى سمناه ليه التعلب؟ -لارد -ذكى جدا، كل حاجه ليها عنده حل! رن هاتف أحمد بتلك اللحظه لينظر إلى الشاشة معلقا: ابن الحلال عند ذكره يبان... أجاب المكالمة وفعل خاصية السماعة الخارجية: الو، دلوقت ال افتكرت ان ليك صاحب. -اعمل ايه الدنيا تلاهى وظروف يا أحمد ونصيحه منى، اوعى تزعل من صاحبك ماتعرفش ايه ال مانعه عنك، بس قولى ايه الهو ال انت فيه ده؟ -احمد: ابدا خلصت بدرى وطلعت السطح وهو قاعدين انا وصبرى ندردش. فؤاد بصوت انثوى: حب جديد، اه يا خاين. احمد بابتسامه: صاحب جديد وجاري وصفى النية هتشبهنا. فؤاد: اه يا عم انت عندك مروق وانا هنا طالع عينى مع الحالات. احمد مقربا الهاتف باتجاه السور يمده لاسفل نحو صبرى الجالس على الاريكه يعطيه ظهره متابعا: -وانت يا بتاع اتفضل هنا على الشازلونج بتتعب فى ايه؟ فؤاد بصدق: التعب هنا تعب عصبى ، انت بتتعامل مع الحالة بتعيش ظروفها بتحط نفسك مكانها علشان تلاقى الحل، طب ياسيدى ونروح بعيد ليه انا انهاردة جاتني حالة عندها فوبيا مز الدم. احمد: ناس كتير عندها الفوبيا دى! فؤاد: المشكلة لما يكون ال عنده الفوبيا ده دكتور وجراحه كمان. احمد: ازاى ده؟ اومال تخصص ليه فى المجال ده طالما عنده الفوبيا دى؟ اصلا ليه دخل طب؟ فؤاد: ما هى الفوبيا دى جاتله قريب بسبب حادثة حصلت معاه هو ومراته وابنه على الطريق، خسر فيها مراته وابنه وهو فضل وقت جوا العربية ماسك ايد ابنه بيبكى وهو شايف النبض بيروح منه وحده وحده وهو متكتف مش عارف يسعفه ولا يسعف نفسه حتى. احمد بتأثر حقيقى: ياه يا فؤاد صعب قوى ده. فؤاد: الدنيا فيها كتيير يا صحبى، كل واحد بيقف على مشاكله ويقول اشمعنا انا ال بيحصل معايا كده مع انه لو شاف غيره هيعرف ان ربنا رحيم بينا وبيدى كل ابتلاء كأختبار للثبات ومافيش امتحان الا لو كان واثق انك يا عبد تقدر عليه. احمد: وعملت معاه ايه؟ فؤاد: بالبداية سألته لو حالة جاتله غرقانه فى دمها او صدف وقابل حد محتاج مساعدة يسيبه دمه يتصفى لحد ما يموت لمجرد انه خايف يلمسه ولا يقوى على خوفه ده ويساعده، هو مش عارف الشخص ده وراء ايه ام زوجه أطفال او ابن وحيد لامه او زوجه عندها أولاد، ممكن بانقاذ شخص واحد تنقذ عيلة كاملة. احمد : واقتنع! فؤاد: نصحته يمر على أصحابه فى المستشفى ويحاول يتغلب على خوفه ولأجل الحظ جات حالة مستعجلة لطفل عنده ١١سنه ومحتاجين دكتور جراحه ومكنش فى حد، بيقولى شاف ابنه فيه، صراخ أمه وانهيارها خلاه من غير ما يحس يدخل اوضه العمليات، عارف يا أحمد. احمد: ايه؟ فؤاد: قالى حس بجسمه كله بتنفض، قلبه بيدق بسرعه وجسمه عرق وساب المشرط بعد ما كان جهز واتعمق وكان خارج، بس صورة ابنه وال اتمنى يعمله ليه صوت ام الولد خلته رجع تانى ومسكه بكل قوته وغمض عنيه بيدعى الثبات وفتحها واشتغل وتناسى خوفه وفكر فى حاجه واحده بس ان فى روح مسئولة منه دلوقت. احمد: ياااه، ده محتاج قوة علشان تتغلب على مخاوفك أكيد اللحظات دى مرت عليه صعبه. فؤاد: ده حقيقى وهو نفسه قال كده بس لما خرج ووالدته الطفل وقفت بدموعها تشكره تدعيله بدد جواه كل تعب أكمل بمغزى: شوية شجاعه يا صبرى وارادة منك استقام بظهره عقب سماعه لاسمه والاخر متابعا من الجهة الاخرى.... وتصميم يا أحمد هتخليك تتغلب على خوفك ال انت أقوى منه اصلا، صحيح هتعدى بفترة صعبة علشان تعمل ده بس ده وقت قليل جدا قدام الراحة ال هتحس بيها بعدين. صمت حل الجميع لثوانى بدده فؤاد: يا خبر، اقفل اقفل وقتك خلص عندى حالة عندها فوبيا من الظلمه مش عايز اتاخر عليه. -هستناك تحكيلي حصل معاها ايه؟ -مش انهاردة يوم تانى، يلا مع السلامه يا صبرى مع السلامة يا أحمد. أغلق المكالمة ليتثاءب احمد: دوشتك ية عم صبرى اسيبك انا دلوقت اريح شويه لدوشة بكره، تصبح على خير. هبط من على الدرج متوجها للصيدلية بينما الصبرى وعقب ذهابه دون إرادة منه اخذ عقله يعيد التفكير فى كلمات ذاك الفؤاد حتى أذن العشاء، هرول باتجاه الباب، جلس على الأرضية مسندا بظهره عليه، مغمض العنين بخوف حتى مع الإضاءة المشتعلة ، حتى وصل إلى مسامعه صوتها الحنون الهامس. -سى صبرى. هب من مجلسه وبسرعه نظر من الفتحه تحاول تمرير الطعام بعدما وضعت داخله الحبوب التى احضرها الطبيب أحمد واعطاها إلى العم جابر ومنه لها بعدما أخبرها بالجرعه. -تلقاها منها وبإهتمام سالته: جعان! اماء برأسه. -بالهنا والشفا، مش هتجولى عملت ايه انهاردة بعد ما فوتك فى الظهر. -لارد. -اكيد ما اتمرمرمتش زي ولا اتبهدلت. نظر لها باستفسار، لتكمل هى : هحكيلك على الخيبة ال عملتها فى عيش الحج كمال وال عملته أمى فيا لما شافته هابط ومش خمران. اخدت تتحدث معه ووالدتها بالنافذة والعم جابر على البوابة حتى أشارت والدتها لها، لتودعه سريعا... -وقت ما تحتجنى هتلاقينى فى الشباك واوعى تنسى ال قولنا عليه وليك علي هفطرك بكرة وكله بتحبها قوى، سلام دلوقت. بالفعل بعد سويعات قليلة أتى عمه وبعد خروجه انقطعت الكهربا ، وقف على الباب وقد تأخر الصياح ، يهم بالدخول لمعرفه ما هنالك ولما صامت ذلك الصبرى حتى صدحت صرخاته، صحيح لم تكن قوية ولكنها لم تمنع رسم تلك الإبتسامه على شفتيه. ليهمس" دلوقتى يسخن ويلعلع" بعد خروجه من الحى اشار العم جابر للطبيب ليشعل على الكشافات من الاسفل ثم يصعد خلفه وكل واحد منهم يمسك بكشاف يوجهه نحو باحه منزل صبرى، لتهدأ صرخاته مقتربا من مصدر الضوء بعدما توارى بجسديهما أسفل السور حتى لا يبصر أحدا منهما، فلقد شدد عليهم فؤاد انه فى هذة الحالة لا يجب أن يظهر أمامهم كالضعيف وخاصة انه يشعر بالضعف والانكسارمنذ حادثة زوجته ولا يجب تعزيز هذا الشعور. مرت ثلاث أيام على ذلك اليوم والجميع يسير على الخطوات التى قام فؤاد برسمها لهم، توقظه ورده ويتسامر مع على واحمد وبعدها أحاديث فؤاد عن مرضاه وبالليل ورده وانضم لها العم جابر فبعد رحيلها تولى جابر مهمه طمأنته انه بالجوار بمروره ذهابا وايابا من أمام الباب وذلك بعدما تجرا باليوم التالى وصعد للسطح وتحدث معه ووعده بالحماية ، واخباره كم هو مقرب منه وكيف هى مكانته لديه.ومع انتشار خبر محاولة سرقة الطبيب لم يندهش احد قاطنى الحى من رؤية الكشافات مضاءة. وبظهر اليوم الرابع، دلف علي على احمد يلتقط أنفاسه... احمد: اهلا بالبيه ال جاى متاخر وساببنى محتاس. على يتحدث بصعوبة: ما هى هووو اهى ما فيش حد. احمد: ده ال رحمك من تحت يدى. على: ما انت لما تعرف اما كنت فين مش هيكون ده كلامك. احمد عاقدا لحاجبيه: فين؟ علي: تعال بس بره هفرجك على حاجه وعايزك تبعتها للدكتور فؤاد يشوفها. خرج أحمد بفضول وبعدما قام علي بإرسال الفيديو له أرسله لفؤاد ثم قام بالمشاهدة لتتسع عينيه وهو يجد امرأة بين ثلاث نساء اقل ما يقال انهم يفتكون بها، ليتهته يحاول تجميع كلماته... -ايه ده؟ علي: ده...صمت ولم يكمل على صوت علو رنات هاتف احمد، ليجيب سريعا. فؤاد: ايه ال باعته ده يخرب بيتك. احمد: علمى علمك انا لسه بتفرج عليه زي زيك دلوقت. علي بابتسامة لا تتلائم مع الموقف بتاتا: انا هقولك يا دكتور... شرد يسرد عليهم ما حدث معه صباحا قبل أن يدلف من البوابة والتفاته على صوت خلفه يربط على كتفه: علي يا ولدى. علي: ها، صباح الخير يا خالة. والده وردة: صباحك خير ورضا، يالا ياولدى أن الأوان تعالى معايا. على: على فين؟ والدة وردة: نجيب حق صبرى. علي: بدكرين البط دوول. قالها وهو يشير إلى ما تحمله بين يديها. والدة وردة: دوول ال هيسهلوا الموضوع. علي: مش فاهم. والدة وردة: هم معاي لحد ما نطلع على السكه اجولك فى الطريق. علي: طب عنك يا خالة. والدة وردة: لا علشان هدومك تتوسخش بعدين مش عايزين حد ياخد لباله اننا مع بعض انت نسيت ولا ايه؟ على: فاتت عليا دى، قوليلى يا خالة هنرجع حقة ازاى؟ والدة وردة: البلد ال منها المحروقة طليقة صبرى انهاردة سوقهم، وانا ساعات بنزل السوق ده استرزق فيه وكنت بلمحها فيه على طول، كل سوق تاجى تعبى وتودى وتيجى تعبى حتى من غير برويطه بتاخد السواقة على دورين فسألت واتقصت من تحت لتحت وعرفت ان ربنا اسمه العدل. علي: خير يا خالة عرفتى ايه؟ طمئنى قلبى لحسن لشماته بتزغرط فى عنيكى. والدة وردة: اتجوزت واحد مخليها ماشية تكلم نفسها واخدها خدامه لأهل البيت تتسوق هى وتغسل وتخبز للبيت كله ولا تقدر تفتح خشمها وتقول بم ، شوف من صبرى ال مستتها للى واخدها فى رجله يخطى بيها، بس عارف الطبع الردئ ردئ. علي: حوصل ايه؟ والدة وردة: مع البهدلة ال هى فيها والمرمطة دى شايفه نفسها على الخلج وخصوصى البياعين. علي: واحنا هنجيب حقه ازاى؟ طالما الزمن جاب حقه منها. والدة وردة: درس ينكسرفيه منخارها ال رافعاه على الخلج ده، يالا فسح عنى فى تيوته معديه نركبوها على السوق وهناك هتعرف. على وهو يقص عليهم بحماس: وروحنا السوق وعملت نفسها ولا تعرفنى، ولقيت مرات صبرى صوح شايله اشى على يدها واشى على رأسها وهدومها معفرة ووشها مترب بس ياخى لسانها كيه القطر كانت بتتشاكل مع بياعه وعايرتها بأصلها وناسها ومشت. احمد وفؤاد: وبعدين. راحت ام وردة حداها واتحدت كلمتين مسمعتهمش ما انا حسب الخطة واقف بعيد مستنى ساعه الصفر. احمد: أنجز يا علي. علي: البياعه سابتها وغيبت دقايق ورجعت بوحده تانية وكل وحده اخدت دكر بط من ام وردة وعاينته فى فرشتها. فؤاد: على أنجز انا بنام بدرى. علي: احنا لسه الظهر. احمد مستغفرا: وبعدين يا على؟ علي: كل وحده فيهم اتلفحت بملفحتها ودارت وشها مابانش منه الهوا وراحوا يمه المحروقة على رأى ام وردة. وحده فيهم معرفش مين من التلاته ، ما هما متلتمين، خبطت فى كتفها بغل زاحتها الناحية التانية، قوم تخبط فى وحده تانية منيهم كانت واقفة متصدرة وزى ما تقول كانت مستنية الخبطة وزعقت لها والتانية ردت والاولى زعقت والتانية شتمت وكلمه هنا وكلمه هناك مسكوها كيه الفار ال وقع بين تلات قطط ومين ياكل منه اكتر ولما فيست منيهم، وسط الزحمه اتسحبوا وخلعوا البرد وكل وحده على فرشتها وأم وردة وقفت قدام البياعة الاولانية وعملت نفسها بتنقى حزمة ملوخية! فؤاد بضحكه: حلفت يمين وقامت بيه حقيقى. احمد : ايه يا فؤاد ؟ نوريه لصبرى؟ فؤاد: ده اكيد وده وقته المظبوط كمان. علي: انا اخده ليه؟ فؤاد: لا مش انت. احمد: انا طيب. فؤاد: ولا انت ولا وردة. علي: اومال مين؟ فؤاد: العم جابر، صدقونى هو ال محتاج يشوف الفيديو ده اكتر من صبرى وصبرى محتاج يشوفه من ايدين عم جابر اكتر من اى حد، بس خلى بالك يا علي احتمال كبير تخسر تليفونك ده ، احنا مش عارفين رد فعل صبرى هيكون ايه؟ على وهو ينظر للهاتف بحسرة: فداه يا دكتور وربنا يعوض عليا ولما يخف...اكمل بتوعد...هخليه يجبلى السامسونج ١٤. مرت دقائق. هرول بعدها العم جابر على الدرج وعيناه تذرف الدموع من السعادة وبلهفة فرحه شماته واضحه نادى بصوته: صبرى، صبرى ياولدى حقك يا ولدى صبرى. اعتدل بجلسته يقف من مكانه، ينظر له بدون فهم. لينزل له العم جابر الهاتف مربوط بحبل معلقا: شوف وانت تعرف انا اقصد ايه؟ أخذه منه بعدم فهم لينظر إلى شاشته وعيناه اتسعت تدريجيا وهو يبصر وجه تلك التى احطت من رجولته أمام نفسه قبل الجميع، على صوت تنفسه واتسعت عيناه شرزا، اشتدت قبضته على الهاتف برهة مرت وعيناه ثابته على الشاشة، عقد حاجيه، ضيق ما بين عينيه ، فتح فاهه وضحكه صغيرة تجاهد بالخروج وهو يراها أمام عينيه تكال لها الضربات تصرخ وتستنجد ولم يتقدم احد لمد يد العون لها، اغمض عينيه يستكين على وقع الصرخات ثم دون اى مقدمات اخذ الهاتف والقاه أرضا وبعينان تشتعلان من الغضب، التقط حجارة من على الأرض يضربه به مرة تلو الأخرى ومع كل مرة تخرج منه زمجرة غاضبة، حتى صار تحت يديه حطاها ليلتقط انفاسه بصعوبه، يده معلقه بالهواء حاملة للهاتف ووجه بلون البركان الثائر داخله. علي بحسرة: مالحقتش افرح بقسطه ال خلص. العم جابر بإشفاق: اهدئ يا ولدى اهدئ اهى خدت جزاتها ده غير المرمطه ال هى فيها، ده جرسة ابوها وهو خارج ملفوف بالملايه بشقه شمال فى المحافظة، حقك رجع منيهم يا ولدى. القى بالحجر من بين يديه والتفت برأسه ناحيته وهو لا يزال على جلسته ، أنفاسه لا تهدأ عيونه دامعه، عروقه نافرة وملامحه منقبضة وصمته هذة المرة اختلف عن سابقه فلقد آثار بداخلهم القلق والخوف عليه. فؤاد المتابع: لازم يهدئ يا جماعه ممكن يعمل فى نفسه حاجه. احمد وقد تذكر حديث وردة معه بالأمس عقب هبوطها. وردة : دكتور أحمد، وقت ما تلاقيه خايف زعلان غضبان ، ولعله قرآن، سى صبرى حافظ لحاجات كتير من كتاب الله ويحب يسمعه، منه يحفظه ويحميه من الخبائث ومنه يهديه ويطمئنه. بسرعه اخذ المذياع من على الطاولة جوارهم واداره على اذاعه القرآن الكريم ، ثم اسنده على السور وعلى آيات الذكر تهدلت كتفاه ، اخفض راسه وفاضت عيناه بالدموع يتخللها شهقات متقاطعة. وفؤاد لا يزال يتابع بعين كالصقر كل حركة تصدر منه لتلمع عيناه وهو يراه يزيح دموعه بطرف جلبابه ودون ان يرفع راسه من جديد توجه نحو الاريكه، ينام على جانبه ولكن هذه المرة باتجاه السور بهدوء وشبح ابتسامه خفيفة رسمت على وجه برضا واضح رسم ابتسامه على وجوه المتابعين من الاعلى، ليشير احمد لهم بالصمت والهبوط مع ترك المذياع دائر. بالاسفل وعقب هبوطهم تحدث فؤاد: الحمدلله يا جماعه فى وقت قصير فى تقدم ملحوظ بإذن الله الجاى من انهاردة كله خير بس نلتزم. العم جابر/احمد/علي: معاك للأخر. بالفعل التزم الجميع بالتعليمات مع ملاحظتهم لتغييرات على حالة صبرى فوجه بدأ يستعيد نظارته كذلك ملابسه صحيح لا تزال متسخه ولكنها ملائمة للجو كأنه بدأ يستشعر طبيعية الأجواء من حوله ، كذلك أحاديث على واحمد معه أصبح يتفاعل معها بحركات جسده تعابير جسده حتى مكالمات الهاتف مع فؤاد يكاد احمد يقسم انه ينتظرها، من طريقة جلسته قرب موعدها ورفع راسه من حين لاخر لأعلى. كل شى كان يسير كما هو مخطط له حتى أتى ذلك اليوم والعم جابر يدلف من الباب على احمد وعلى مرتاعً. " الحق يا دكتور أحمد اتصل على الدكتور فؤاد بلغه بالمصيبة ال وقعت على دماغنا" احمد بخوف يخرج من مكتبه وهو يطلب الرقم سريعا مبتلعا ريقه بصعوبه: مصيبه ايه يا عم جابر، قلقتنى؟ العك جابر: الحقنى بفؤاد وانت هتعرف. علي: خير يابا. العم جابر: ما هو طول ما فيها بوزك هيجى من فين الخير يا خلفة الندامة. علي: كل نصيبه ملبسهانى يابا حرام عليك. فؤاد: من الجهة الاخرى: الو. العم جابر: الحق يا دكتور مصيبة. فؤاد: خير يا عم جابر حصل ايه؟ العم جابر: الواد خضر ابن محمدين. احمد: مين ده علي: واحد من عيال اعمام صبرى ساكن تأنى دار فى الشارع. فؤاد : ماله؟ العم جابر: قابلني انهاردة فى الطريق وقالى لينا كم يوم بناموا مرتاحين لا صراخ ولا بكا ولا نواح، كأن صبرة هيعقل ولا ايه؟ علي: طب ودى حاجة تزعلك برضه. العم جابر: يا طور خضر ده كيه كيهك ما بيتبلش فى خشمه فوله بغبغان بيقول ال عيسمعه وطالما هو اتكلم يبقى الحديت متنطور يمين وشمال. علي بغباء: طب ما ده حاجة زينه. العم جابر: يبقى ليه حق الطور يزعل لما اقول عليك طور ولا له؟! فؤاد: العم جابر يقصد ان كده الكلام هيوصل لحسين ويركز اكتر مع صبرى وانشغالة الفترة ال فاتت بتعب مراته فى الحمل مخلهوش يركز اوى انه يسمع الصراخ قبل ما يمشى بس مع الكلام ده ممكن يقعد ويستنى ويحقق بنفسه. علي: يا داهية دوجى، والعمل؟ فؤاد: صبرى يصرخ. علي: يعنى احنا ماصدقنا انه بدأ يهدأ نرجع نقوله صرخ! فؤاد: مش هنقول كده اكيد. علي: اومال؟! فؤاد: انا كنت عامل حساب حاجه زى كده بس المهم الطريقة؟ صمت لدقائق تحدث بعدها : على هات وردة وامها محتاجين كلنا نفكر سوا. بالفعل مرت نصف ساعه حتى جلس خمستهم بالحديقه والهاتف بالمنتصف ... فؤاد بصوت عالى يفكر معهم: احنا معانا الفيديو ال متسجل فيه صوت صراخه وبكاءه وغناءه ورا بعض مع احمد ومعايا ممكن نشغله بديل عن صبرى بس هنا هتواجهنا مشكلة. علي: ايه؟ فؤاد: صبرى نفسه. احمد: لما يسمع صوت الصراخ. علي: نحطله منوم فى الأكل ال ورده هتديهوله عشية، منه مش هيسمع لكلام عمه ال مش عارفين بيقله ايه؟ ومنه ما يصرخ قدامه والسبب نومه وبعد ما يمشى ويطفى النور نشغل التسجيل لأجل البقية ال فى الشارع. العم جابر: اول مرة تقول حاجه عدله. فؤاد: اقتراح كويس بس فى مخاطرة. احمد: ليه يا فؤاد انا شايف انها فكرة حلوة. فؤاد: صبرى وهو صاحى مش بياخد برشام وده اتاكدنا منه من جسمه ال بدأ يستعيد صحته وتفاعله معانا، واكيد حسين لما هيزوره هيدقق وياخد لباله ومش بعيد يزودله الجرعه ويحطها فى بقه وهو نايم وبكده يبقى تعب الفترة ال راحت على كف عفريت. العم جابر لاكزا ابنه بجنبه: مش تفكر قبل ما تتكلم يا بجم. علي: انت اكيد لاقيني فى خرابة ما هى دى مش معاملة اب لابنه ابدااا. العم جابر: فى زريبة وانت الصادق. احمد: طب والعمل. فؤاد: كفاية هروب، صبرى كلامى كله فى التليفون كانت جلسات بطريق غبر مباشر ليه فاضل العملى لازم يواجهه خوفه بحاجه تانية تشغل باله عنه. ورده: جول نعمل ايه يا دكتور. بعد ما يطلع حسين من البيت ويطفئ النور هيقف يستنى وهنا انت هتتكلم معاه يا جابر دقيقه تلاهيه مسافة ما وردة تحط التسجيل فى الفتحه بتاعه الباب وترجع البيت. وهنا يا على انت الاسبوع ده مش هتروح بيتكم، الكشافات كده كده بقت شغاله من بعد العشا هتقغوا وتخلوه يشوفكم واتكلموا معاه ولاهوه عن الصوت لساعه بس يكون حسين اطمأن ومشى وال فى الشارع سمعوا وصبرى قدر يشغل عقله ويخليه يفصل بين الأصوات وأنه ممكن بسهولة يعزل الحاجه ال تخوفه وكأنها مش موجودة . بالمساء بالفعل أتى حسين وفعل كما توقع منه فؤاد وخرج من المنزل واطفئ الاضواء ووقف قبالة الباب ينتظر، التف للخلف ثم اعتدل بسائر جسده لذلك الواقف قبالته. العم جابر: عاش من شافك يا حج حسين، خير فى حاجه جاى مخصوص لأجلها الساعة دى. حسين: لأجل صبرى اطمئن عليه، ده دمى ولحمى. العم جابر بسخرية مبطنه: فيك الخير والله. حسين رافعا نظره لأعلى لتلك الكشافات التى تضئ تبدد العتمه من حولها وبغضب لم يتمكن من إخفائه: والكشافات دى هتفضل قايده على طول. العم جابر: انت مدرتيش عن ابن الحرام ال كان عايز يسرق. حسين: سمعت بس الحديت عدى عليه وقت وبعد الجرسة ال حصلت فى البلد والموضوع بقى لبانه على لسان الكل ما أفتكرش حد هيتخبط فى نفوخه ويجى نواحيكم تانى. العم جابر: ياعم وهو احنا هندفع حاجه من جيبنا وبعدين احنا كشافتنا البريمو غير لمضك العطلانة ال تقيد بالنهار وتفصل بنصاص الليالى لوحدها. حسين بلجلجه: اهو قولت لوحدها اعملها ايه انى. العم جابر: هاتلها كهربائى يصلحها يخلف عليك ربنا. صدح صوت صراخ فى تلك اللحظه ليلتقط حسين أنفاسه براحه ونظره مليئة بالنصر تابع الحديث مع العم جابر. حسين : وعلبة الكهربا مفتاحها مع صبرى ال اما ابقى اخده منه هبقا اجيب كهربائى وكفاية عليه انت منوراهاله. قالها ساخرا ولم ينظر لمرة واحده للخلف ، ليبصق جابر فى أثره. ** على السطح يقف على واحمد وصبرى قبالتهم ، فبعد انقطاع الكهرباء توجه ناحية الضوء بثبات عكس السابق، ليتفاجأ بوجودهم ولكن صدوح الصرخات جعله ينتفض بمكانه وعيناه تدور بكل الاتجاهات يبحث عن المصدر يلف بجسده وهو اقف بمكانه لا يستمع إلى ايا من مناداتهم عليه أو ايا من احاديثهم يوشك على الركض فزعا حتى اوقفه صوتها. "صبرى" تحفز جسده وقفت قدماه فى الهواء وعلت دقاته وهو يستمع لاسمه من صوتها المميز لاذنيه مجردا لأول مرة، لتكمل هى: عارف ليه احنا سبنا بيتنا وبلدنا وهربنا. رجع بقدمه لمكانها، لتكمل هى بدموع: علشان واحد ندل حليت فى عنيه عيلة صغيرة ابوها مات وكان عايز يضيعها. استدار لها بجسده وقد حازت على انتباه جميع خلايا جسده، وعيناه متسعه يبلع ريقه يخشى القادم . بينما فى تلك الاثناء اشار احمد لعلى بالابتعاد تاركا لهما مساحة، فلقد شعر بأن هذة اللحظه خاصة بهما فقط لا غير. تقابل مع العم جابر بالاسفل يسأله عنها. العم جابر : بعد ما حطت التسجيل وقفت امها على بابهم تراقب وصممت تاجى معاي وقالت إنها خايفة عليه ومش هتعرف تقعد ولا تستنى غير لما تشوفه بعينها. احمد: كويس انها جات ، احنا مقدرناش نسيطر عليه. بالأعلى ورده وهى تزيح دموعها الحارقة لوجنتيها ولقلبه... -حاول بالترغيب التهديد لحد ما اتجرأ لما مالقاش حد يقوله بتعمل ايه؟! وخبط علينا فى انصاص الليالى، هنا امى محملتش وعملت كيه البسة اللى تعدى بعيالها بحور واخدتنى وراحت بيا وهملت كل شئ وراها ومن حته لحته مش لاقين المكان ال يأوينا ويصون عرضها وعرض بتها لحد ما ظهر الشاطر حسن بمفتاح بيته وأمنا وحرسنا وكان لينا الظهر والسند . شوفت فيه ال مشفتهوش فى اى رجل عينه وقعت عليا: شوفت حنية، احترام خوف واهتمام قلبى اتعلق بيه غصب مع إنى عارفة انه صعب بس القلوب ماعلهاش سلطان، يوم فرحه قلبى اتكوى وال صبرنى وجوده قبالى بس كم حاجه عفشة حصلتله وخلته تعب وتعبه تعبنى وتعب قلبى كانت كل صرخه بتطلع منه كان صداها بيطلع من روحى كل دمعه بتنزل من عنيه كانت تنزل على قلبى تكويه كيه الفحم المولع على اللحم، كل ضحكه موجوعه كانت بتشقنى نصين بقت بدعيله فى كل ثانية يزيح عنه او اشيل انا مكانه ولحد ربنا ما استجاب وفى يوم بعت ال يولعله شمعه تنور عتمته، وياخد بيده من ال هو فيه، الفرحه مكنتش سايعانى، ولو طلبوا منى نور عينى وايامى الباقية فى الدنيا لأجل اشوف ضحكه عنيه من تأنى مها اتاخرش. مدت يديها الاثنين وبرجاء: عمر ماحد مد يده ليك ورجعته خايب يا سيد الناس، حلفتك بالغوالى ال راحوا، رجعلى ظهرى وسندى رجعلى الظل ال محادى علي، العيون عرتنى والكلاب كترت والكل عاوز ينهش رجعلى الشاطر حسن رجعلى الباب ال كان حيشهم عنى. بدموع قهر وشهقات عالية ختمت حديثها وفرت من أمامه بعدما تركته بمكانه مصدوم وكأن صاعقة ضربته للتو... ** يقف أمام ذاك الباب وقد غطته الاتربه ونسجت عليه العناكب خيوطها، اغمض عينيه يستجمع قوته يحاول تهدئة دقات قلبه الضاربة ليساره بعنف، لتحضر صورتها أمام عينيه لتمتد يديه تلقائيا تفتح ذاك الباب مصدره صرير عالى. دلف ببطء ورائحة الغبار التى انتشرت بالمكان لم تخفى تلك الرائحة التى أدفئت اوصاله وغمرت قلبه بالحنين، دار بالغرفة، يسترجع كل تلك الاحداث والذكريات التى عاشها سويا بتلك الغرفة حتى وقف أمام صورته المعلقه على الحائط وبدموع: وحشتنى جوى يا ابن ابوى. اغمض عينيه يتنهد بحزن، جر قدميه حتى صار أمام الفراش، جلس بارهاق ، يمرر يده على شرشفه ، ليضع رأسه على الوسادة وكل تلك الاحداث التى مرت عليه منذ ذلك اليوم المشئوم تنعاد أمامه حتى لحظه ااعترافها الصريح له. ليهمس بصوت مسموع: ان الأوان تفوق يا صبرى. ختمها بيده التى امتدت لزر الاضاءه على جانب الفراش تغلقه... "صبري" الفصل السادس. بخطى مترددة تتوجه نحو السور، لاتعلم كيف ستريه وجهها بعدما عرت مشاعرها أمامه بالأمس، والسؤال المؤرق لليلتها يصاحبها. فهى تعلم من نظرته أنه فهم عليها جيدا، صدمته كانت جلية على وجه، ولكن ماذا بعد، هل اهتم؟ هل واخيرا شعر بدقات قلبها؟كيف سيكون اللقاء؟ نظرت من الحافة لتجده جالسا على الاريكة مستندا على يديه يوليها ظهره، حاولت إجلاء صوتها المبحوح من اثر بكاء ليلة البارحه وبصعوبه خرجت كلماتها. سى، سى صبرى. بينما هو يجلس بانتظارها منذ شروق الشمس، ابتسامة عرفت طريقها له عندما شعر بوجودها، فيتأكد حدسه عند سماعه لصوتها وقف سريعا وقد اشتاقت عيناه لملامحها منذ البارحه. -بس صبرى كانت احلى يا وردة. قالها وعيناه مصلطة على خاصتها لتتعالى الضربات بقفصها تزداد وتيرة تنفسها، كلماتها تقف على حافة الشفاة لا تخرج بين شهقاتها المتقاطعه الفرحة مع اتساع بؤبؤ عينيها بلمعة تشع سعادة. وعلى الجهة المقابلة سهم اخر من سهامها نفذ إلى قلبه بقوة بهيئتها تلك، لتنتقل عيناه عن خاصتها تمر على ملامحها تحفرها بداخله. واخيرا استطاعت إخراج بعض الحروف، تتأكد لعلها تتوهم. "سى صبرى" هز رأسه بالنفى يجيبها وببحة صوته المميزة المحفورة بعقلها وقلبها. "صبرى" واخيرا ضحكت، وما أجملها من ضحكه عفوية صادقة عاشقة، اتنقلت له ليضحك هو الاخر. وردة: انا، انا مش مصدجة! انت كويس، حاسس بحاجة، موجوع طيب؟ صبرى وهو يشير على قلبه: الوجع هنا. وردة: انزل انده الدكتور أحمد ياجى يطل عليك. صبرى:استنى ماتتعبيش، بكفاينى تعبتك معايا كتير. وردة: تعبك راحه المهم تبقى بخير. صبرى: ولو التعب طول. وردة: لاخر يوم فى عمرى. صبرى: للدرجه دى يا وردة؟! صمتت بصدمه من المنحنى الذى يأخذه الحديث مع نظراته تلك لتلتف بخجل وبتلعثم: امى، بتنادى عن اذنك يا سى صبرى. اوقفها قبل أن تتحرك: وردة. -نعم...هكذا أجابت دون أن تلتفت. -تانى مرة البرشام ما تحطهوش فى الاكل، ما بتعرفيش تداريه وبيغير طعمه، ابقى ادهولى فى يدي. التفت بجسدها العلوى نصف التفافة وبأعين متسائلة متأملة: وهتأخده من يدى؟! صبرى بصدق: والله لو قولتى خد السم ده يا صبرى من يدى ما هفكر مرتين. لو كان للسعادة صوت لنطقت به كل خلية بجسدها، حادت بعينيها بعيدا عنه، تحاول تنظيم تنفسها العالى وجودها معه الان يشكل خطرا على قواها العقلية والقلبيه. وكانما قرأ أفكارها بالركض فيكمل تسديد ضرباته لها ببراعه بسلوك جديد عليه هو قبلها. -وردة. -نعم. -ما تعوجيش عليا بالليل. حسنا هذا كثير على قلب تلك الصغيرة، لم تقوى على الوقوف اكثر لتنطلق طالقة لساقيها الريح ومنه إلى اسفل، تحمد الله لعدم وجود أحدهم وايقافها بأسئلتهم التى لن تمتلك لها أى إجابات وبالأخص وهى على هذة الحالة . بزمن قياسى وصلت لمنزلها، دلفت بسرعه تغلق الباب خلفها تستند عليه وصدرها يعلو ويهبط. والدتها: مالك يا بتى؟ مزنهرة إكده ليه؟! وردة وهى تقترب منها تمسكها من كتفيها ومع كل كلمه تقبلها. وردة: صبرى يا ما صبرى اوقفتها الام لتسال سريعا بقلق وخوف: ماله سى صبرى وردة : اتحدت وياااى ياما، شكل ال بنعملوه نفع معاه . الام: الف حمد وشكر ليك يارب. انتبهت الام لشئ ما فتتابعت بقصد. -ندعوله يتمم شفاه على خير وبعدها يرجع يشوف حاله وماله ودنيته واحنا نشوف حالنا كومان. وردة: قصدك ايه ياما. الام وهى تمسك يدها تجلسها إلى جوارها على الاريكه وبهدوء تابعت. -يا بتى انا وانتى صفينا لحالنا بعد ابوكى ما راح للى خلقه، وانتى طالعه وحدنيه لا ليكى اخ ولا عم يدور وانا لو عشت إنهاردة مش هعيش ليكى العمر كله. وردة: بعد الشر عليكى ياما. الام: ده حال الدنيا وعلشان إكده عايزة اطمئن عليكى وانك فى حمى راجل. وردة : ما هو صبرى... قاطعتها الام سريعا تتكأ على حروفها بتأكييد: سى صبرى يا وردة سى صبرى ...أخذت نفس عالى مكملة... انا وافقت على ال بيحصل ده؛ فده لأجل الغلبان ال مشفناش منه غير كل خير بس يا بتى ما فيش راجل هيضلل على ست طول العمر متخصهوش وإلا هو وهى مش هيخلصوا من كلام الناس، هو نفسه هيجئ عليه وقت يزهق من المسئولية اللى مش شيلته ؛ فعلشان إكده عايزاك تفكرى فى العريس ال متقدم لك اهو الرجل حاله كيه حالنا وعايز يعمل بيت وعيال ويعيش بما يرضى الله. ورد وهى تشير على قلبها ودموعها كبئر لا ينضب: وده أسوى فيه ايه؟ ألام وهى تزيح دموعها عينيها بيديها: تعقليه ووتحافظى عليه بكفاية وجع الا بيفكر فيه صعب ومحدش هيقبله. وردة: بس ياما.. الام مقاطعه من غير بس، فكرى فى كلامى وقدامك وقت انا مش هغصب عليكى بس برضه مش هسيبك لهوا نفسك والا هتفضلى طول عمرك واقفة فى الشباك وعتشوفيه متجوز وعياله عيكبروا حواليه وانتى صافيه بطولك ومش بعيد مرته تزن عليه يزعطك زى ما كانت عايز تعمل بنت المحروق ال راحت معانا... وردة: بس هو وقفها... الام: ايش ضمنك انه يكررها، وافترضنا مخلف منيها وقتها بفكرك إكده هيشترى خاطر مين؟ فعلشان إكده يا بتى فكرى زين فى حديتى، اذا مكنش العريس ده فغيره مش جسوة منى، لا، محدش فى الدنيا دى يحبك ويخاف عليكى كدى وبكره وانتى وسط عيالك تفتكريني وتقرى الفاتحه وتقولى الله يرحمك ياما كان عندك حق. ألقت بنفسها بين ذراعى والدتها تبكى بحرقه والأخرى تربت على ظهرها برفق متمته. "ربنا يطولى فى عمرك ياما" ** بالعودة إلى الصبرى جالس بمكانه ينتظر صعود احمد وعلى وبالفعل مرت دقائق ليصعدا بشغبهما وجدالهم عن الكرة الاقيا على مسامعه سلاما عابرا ،ابتسم على اثره وهو يستمع إلى مشاجرتهما مع صدوح صوت المذياع على قناة الشباب والرياضه ضلا نصفا ساعه هكذا حتى صفر الحكم. علي: هيحسبها ضربة مرمى اهو. احمد: يا ابو مخ طخين على رأى ابوك ضربه مرمى ازاى هو مين بيودى على فين بس؟ علي: ضربة مرمى يعنى ضربه مرمى. احمد يوشك على الحديث اوقفه صوت صبرى: ضربة جزاء يا على هيحسبها ضربة جزاء. احمد وعلي لبعضهما ثم له بصدمه ليصدح صوت المعلق من المذياع. "الحكم حسبها ضربه جزاء يا شباب" وقفا سريعا من على الكراسى ، على وهو يحتضن احمد بسعادة بادله اياه الاخر: ضربة جزاء يا دكتور ضربة جزاء، الحمد لله. علي ناظرا له له: كفاره يا صبري. احمد: حمد الله بسلامتك يا جارى العزيز. صبرى: تسلم وتعيش يا دكتور. علي: ها يا صبرى فاكر ايه؟ حاسس بزغلله صداع مدروخ إكده، نفسك هفاك على حاجة؟ أحمد: ايه ال بتقول ده؟ صبرى بضحكه: هو إكده على طول...اكمل حديثه...دكتور أحمد عايز أكلم دكتور فؤاد. بأماءة من رأسه أجاب بالايجاب... اخرج الهاتف وأجرى مكالمه فيديو. فؤاد: صباح الخير يا جلاب الهنا. احمد ببسمه: فى حد عايز يتكلم معاك. فؤاد ببسمه: نزله التليفون انا من الصبح مستنيه وبعدها اطرق انت وعلي. رفع احد حاجبيه بضحكه هامسا : حقيقى تعلب. بالفعل أسقط له الهاتف عن طريق الحبل ليتلقاه الاخر ويرحل الاثنين بالأعلى. صبرى وهو يرفع شاشة الهاتف أمام وجه وبابتسامه بادله إياها الاخر: دكتور فؤاد. فؤاد : واخيرا يا صبرى، انا مستنيك من بدرى يا راجل. صبرى: عايز اتحدت واطلع كل ال جواي. فؤاد: وانا احب اسمع. جلس يقص له عن حاله بعد فقدان ذويه ارتباطه باخيه ماحدث معه تلك الطريقة التى استشهد بها زملائه كسرته وخذلانه موت أخيه وما تركه من صدع بنفسه المخاوف التى ارقت ليله ونهاره تلك الأوقات التى يفقد بها التركيز ليستيقظ صباحا على حال بغير حاله قبلها حتى أصبح يخاف النوم. فؤاد مستمع جيد جدا، تركه يفضى ما بجعبته وعندما انتهى شرح له حالته كيف كانت والأسباب التى اودت لتدهوهرها... ضحك صبرى بمرارة استغرب لها الاخر...متابعا بحسرة... عارف يا دكتور عمى باجى على حياتى ليه؟ فؤاد: ليه؟ صبرى: علشان مالقيش حج البيت والأرض انا كنت بوعاله وهو بينبش ويدور عليهم بس حاجه كانت بتمنعنى اريحه ومكنش فارق معايا حاجه وقتها، كانت الدنيا فى عينى طولها زى عرضها. شرد يتذكر ذاك اليوم مساء عندما ذهب لمنزلهم القديم، أخذ يحفر بمساعدة أخيه تحت الدرج. محمد بتعب وهو يجرف التراب:يا ولد ابوى لازمة ايه هدة الحيل دى ؟ يعنى لو بدسها منى كنا قولنا ماشى لكن انت جررنى وراك بانصاص الليالى شغالين فواعليه، بتدارى الحاجه من مين بس؟! صبرى وهو يضربه على مؤخرة رأسه: يا ابو مخ طخين انا كلها كم يوم ورايح الجيش وهتصفى لحالك برب واحد ابن حرام ينط على البيت ياخد الورق والدهبات بتوع الغالية امك. محمد بهمس: والله مافى ولد حرام غير عمك. ضربه من جديد على مؤخره عنقه: ياد عيب اتلم ده عمك. محمد: جربت اشج خلجاتى منيك ، كل الناس شايفاه بعين وانت بعين تانية حولة ، يكنش عملك عمل بالعشق ياااك. صبرى: عمل بصلة الرحم يا خفيف. عاد من شروده على صوت فؤاد ينادى: صبرى، صبرى. صبرى: ماتأخذنيش يا دكتور سرحت شوية. فؤاد بغمزة: فى مكان الورق، صح. صبرى بضحكه يهز رأسه بقله حيلة: يظهر كان عنده حق دكتور أحمد لما سماك تعلب. فؤاد بتاثر: ظلمنى يا صبرى. صبرى بضحكه عالية: واضح يا دكتور. أتى كلا من العم جابر وأم وردة للمباركة والحديث معه من أعلى وعلى الرغم من رؤيته لسعادتهم به ألا انه شعر بنظرات والدة وردة بلمحه حزن لا يعلم مصدرها. أسدل الليل ستائره وبقلب متلهف للقاء ومتخوف من الغد لعلمه ما هى ألا أيام لتنسل تلك السعادة من بين يديها. وقفت أمام الباب وقبل ان تنادى باسمه وقف أمامها وبعتاب... -اتاخرتي. -حقك علي، استنيت لما الدنيا سكتت. -اتفضل. مدت يدها بالطعام يتلقاه منها يمسكه بيده وسريعا دون وعى حاول إمساك يدها حين ابصرها توليه ظهرها توشك على المغادرة لتتلامس الأصابع فقط، نفضه سرت بجسدها جعلته تلتف له تسحب يدها سريعا ترفع إلى صدرها تحيط عليها باليد الاخرى، بينما هو لا زال تحت تأثير تلك الرعشة التى سارت بجسده فلاول مرة تتلامس أنامله مع خاصتها. اجلى صوته محاولا السيطرة على مشاعره المضطربة: مالك يا وردة وردة بكذب: ما فيش يا سيد الناس. صبرى: هتكدبى علي، باين على عيونك انه فيه وأنه تقيل جوى كمان. وردة وهى تزيح دمعه عيناها : الدنيا دايما جاية على الغلبان جوى. صبري : طول عمرها الدنيا غدارة مالهاش امان يا وردة وده مش جديد، الجديد عندك انتى، مالك. وردة: تشغلش بالك بى، خليك فى روحك واوعالها لأجل ما ترجع كيه الأول وأحسن كومان. صبرى: مسيرى هعرف مالك بس الاول زى ما جولتى لازم ارجع بس مش صبرى بتاع زمان، لع صبرى تانى عفى الدنيا علمت على وشه كتيير، ومحتاجك معايا فى ال هعمله. وردة: أؤمر ياسيد الناس. فى الاول عايزك .. اقتربت من الباب تستمع لما يريد. بعد رحيلها نظر فى أثرها وذكرى ذاك اليوم الأول بعدما وقعت عيناه عليها لأول مرة وبعد خروجه لديهم وحديثه مع أخاه بعدها . محمد: وانت مش خايف يا ولد أبوى لما سكنتهم فى الدار؟ عقلك كان فين وانت بتلافيهم المفتاح. صبرى: ليه هيعملوا ايه؟ محمد: ينبشوا ويطلعوا الأمانة. صبرى: محدش هيخطر على باله يعمل إكده الا اذا كان حده موصيه او عنده علم والولايا دول اغراب وميعرفوش عنناحاجه، يبقى اطمئن وحطها حلقة فى ودنك ساعات الغريب يكون احن وأمن عليك من القريب. محمد: فى دى عندك حق، كل الناس امنلها الإ عمك. صبرى: نفسى اعرف عتكره إكده ليه؟ محمد: انا ال نفسى اعرف عتحبه ليه؟ صبرى: من ريحة المرحوم. محمد بنزق: المرحوم نفسه مات بسببه ناقص عمر بعد ما قال منه بوووووووه. عاد من شروده هامسا قبل أن يدلف للداخل: كان سنك أصغر منى بس عقلك واعى عنى يا محمد، الف رحمه ونور تنزل عليك يا حبيبي. مر أسبوع على تلك الاحداث تغير به الكثير فبناء على رغبة صبرى وتأييد فؤاد، تم غلق الكشافات ليلا، يجمع ملابسه المتسخة بشرشف ويليقها لوردة تتلاقها تنظفها وتقوم بنشرها على سطح الوحده من الداخل وتعيدها له، واقتصرت لقاءاتهم على وقت الظهيرة فقط وبالليل والدتها من تمرر له الطعام، حتى وقوفها بالنافذة ؛ لا تظهر أمامه ولكنه يرى طيفها جيدا يشعر بها تقف خلسه عن عينيه، نغصة بقلبه يشعر بها تيتعد عنه ولا يعلم لما ليقرر تصحيح اوضاعه اولا وبعدها ستكون هى وفقط هى اولى أولوياته ، انتظمت مواعيد نومه ينتظر عمه وقبل قدومه يشلح عنه ملابسه النظيفة ويرتدى القديمه البالية المتسخه ياخذ منه الحبوب وينتظر خروجه واطفاء الكهربا ليقف قرب الباب يبدأ بالصراخ باستهزاء منه وعلى الرغم من كل هذا إلا أن هيئة صبرى الجسديه نظارة وجهه عينيه المرفوعة وهو يناظره جعلت الشك والقلق يتسرب بقلب ذاك الحسين.واستمرت جلساته بشكل يومى مع فؤاد الذى نطق واخيرا أمامه وأمام الجميع. فؤاد: انا عايزك يا صبرى تعرف ليه كنت مانع اى حد ينزلك او ينزل سلم يطلعك منه. نظر له بصدمه كيف عرف ما يفكر به كل تلك الفترة الماضية دون ان يخبر به أحد. فؤادمتابعا: مكنتش عارف ايه نوع العقار ال بتاخده لحد ما انت صورتلى البرشام ال بتاخده فكنت خايف من رد فعلك ، ممكن تاذى حد فيهم لو نزل ليك ولو انت طلعت ممكن ترفض تنزل تانى وتعمل دوشة ولأجل ينزلوك الحل الوحيد انهم يرموك من السور. فؤاد متابعا:وتحت اى سيناريو منهم او حتى رجعوك جر من الباب صبح او ليل كان فى مخاطرة ان حد ياخد باله والموضوع يتكشف وقتها كانت فرصتك الوحيدة هتضيع لان عمك هياخد باله وما نعرفش وقتها هيبقى تصرفه معاك ايه؟! صبرى بتنهيده: عندك حق يا دكتور انا حقيقى مش عارف اقولك ايه؟ فؤاد: انا عارف وملهوش لزوم...نزل السلم يا على...تابع متحدثا لصبرى ...السلم تتطلع وتنزل من عليه ويتشال مش عايزين تهور ولا عند، لحد ما هنشوف هنتصرف ازاى؟ صبرى ناظرا للأمام : انا عارف هعمل ايه كويس جوى يا دكتور. صعد السلم وبمجرد هبوطه شعوره الحرية تغلل إلى أعماق روحه لتصدر ضحكات عاليه يضع يده بيد على الممدودة حتى يسحبه لأعلى ليرتمى الصديقان ببعضهما البعض وقد اختنقت ضحكاتهما بعبراتهم. احمد مداعبا: هو من لاقى أصحابه ولا ايه؟ صبرى خارجا من بين ذراعي صديقه يقف أمامه وباعين امتلئت بالعرفان الجميل والشكر نظر له،ليمد احمد له يده يصافحه ليمسك بها صبرى جاذبا اياه إلى صدره يحتضنه يربت على كتفه وبإقرار. -انا مش عارف لو مكنتش ظهرت فى حياتى يا دكتور أحمد مصيرى كان هيكون ايه؟ لو مكنتش اهتميت انت ولا الدكتور فؤاد كان هيبقى حالى ايه؟ علي: روشنا طول الليل. العم جابر المنزوى من بين دموعه: انا قولت طور محدش صدقنى. بخطى ثابته سار له : مبعد عنى ليه ياعم؟ مش عايز تسلم علي؟ العم جابر: خزيان يا ولدى، اكدب عليك مكسوف منك ومن حالى؟ كنت جنبك ومش دارى باللى بيحصل ليك يا ولد الغالين. صبرى وهو يزيح دموعه عينيه بطرف ملفحته ناصعه البياض، ال فات عدى يا عم وانت لو كنت تعرف انا متوكد انك كنت هتفحت فى الصخر علشانى واهو مخيبتش ظنى ووقفت وساعدتنى لما لاجيتلك طريقه. العم حابر: طب تعال فى حضنى يا صبرى لحسن اتوحشتج جوى. أخذه بين ذراعيه ليخرج الاخر منها يقبل يده والعم جابر يربت على كتفه، وقف أمام والدة وردة... -كيفك يا خالة. والدة وردة: لولا الملامة كنت زغرطت لحد ما يتقطع نفسى. صبرى: صدقينى جاى وقت الفرح والزغاريط. وبأعين تتلفت حوله بجميع الاتجاهات ينظر متسائلا ليرجع بنظره إلى والدتها التى فهمت عليه ومع ذلك لم تتحدث. ليطيل الصمت وكلمه واحده خرجت بقلق من عمق قلبه: فين؟ كان الجميع يعلم من يقصد، ومع ذلك لم يستطع احمد منع تلك الغصة التى خنقت قلبه . ابتلعت ريقها وحادت بنظرها عنه وبصوت حاولت صبغه بلمحه من الفرح. -معلش يا ولدى، هى لما عرفت انك بقى يعنى ينفع تطلع وتنزل فرحت جوى بس بس. صبرى: بس ايه يا خاله؟ برعب جلى: هى تعبانه، راقدة. الام: لا كفاله الشر بس جالنا شغل جماعه عايزين خبزة فايش فمقدرتش تاجى بس قالتلى وامنتى اوصلك سلامها. علي بغباء منقطع النظير جعل والده يسبه تحت أنفاسه: صحيح قالت ايه على العريس الرجل واكل دماغى ومستنى. ام وردة وهى تشعر باعين جحيميه مسلطه عليها مهما حاولت تفاديها تشعر بها تخترق اعماقها، ابتلعت ريقها وبصعوبه اجابت: انهاردة الصبح ردت علي وقالتلى انها موافقة. كملت موجهه حديثها لصبرى: شد حيلك إكده ويالا علشان تسلمها لعريسها بنفسك صبري بصوت هادئ حاد بدأ لها مخيف: عريس مين؟ على: الحمد لله هبلغه هخليه يهدأ ويحل عن نافوخى...اكمل موجها. حديثه لصبرى ولا يعلم بصدى وقعه على كلا من صبرى واحمد. -ده واحد كان شافها بالسوق يا صبرى واتهوس عليها وفضل ماشى وراءها لحد ما عرف هى ساكنه فين واطقس وجه لابوي وعمك جابر ماادهوش عقاد نافع فجانى وانا بلغتهم. صبرى ينظر له بغضب: لا فالح. علي وقد استشعر وجود شئ ما خاطئ: هو انا عكيت ولا ايه؟ صبرى بصوت رغم هدوئه الا انه حاد كالسيف: بيت صبرى ما يخطيش عتبته رجل غريب. والدة ورده: يعنى ايه الحديت ده؟ صبري: يعنى ورده ضفر رجلها مش هينكشف على رجل. والدة وردة بعصبيه: بأى حق. صبرى بثقة: جماعتى، تخصنى. على والعم جابر: ايه الحديت ده يا صبرى انت واعى لحالك، دوول.. صمتا بحرج لتلك التى نظرت لهم بأعين دامعه. والدة وردة: سامع يا ولدى، وطالما مش عايز رجل يخطى عتبت بيتك انا هاخد بتى وامشى هى اكده ولا اكده كانت هتروح لبيت جوزها وانا اشوفلى دار انشالله غرفة مسقفه جارها. صبري: ورده قاعدة فى بيتها ده غير لا انتى ولا هى هتخطوا براه. أقترب برأسه منها وبهمس كالافعى : وال رجلها هتعتبها منيكم هكسرهالها. والدة وردة: انت واعى للى بتقوله. صبرى: واعى ووعيت متأخر. العم جابر:صبرى يا ولدى الكلام ده مين... صبرى مقاطعا اياه بيده وعيناه لا تنزاح عن تلك الواقفه تستمع له بأعين متسعة: عمى الكلام ده هو ال هيمشى ... تابع بعدها... وتانى هام يا خالة حريمنا ما بيروحوش اسواق ولا يقضوا شغل لحد ، بيقعد فى بيتهم يتستتوا ويتخدموا وبس... وضع الشال الابيض" الملفحة" يغطى نصف وجهه، متابع. - مافيش كلمه توصل لبتك انا ال هقولها وبنفسى وليها معايا حساب . موجه حديثه للبقيه: عم جابر دكتور أحمد على تعالوا معايا. العم جابر: على فين؟ صبرى: ال مأجله لبكره اليوم ان أوانه وبالنهار احسن من الليل. فؤاد المتابع من على الهاتف: اهدئ يا صبرى وما تاخدش قرار فى ساعه غضب. صبرى: لا يا دكتور ان الأوان ارجع حقى وشقى ابوي. قالها وقبل ان يهبط رفع أصبعه بوجه ام وردة: على الله كلمه من ال قولتها ماتتنفذش. اسرع و البقيه خلفه لا يعلمون على ما ينوى ، بينما جابر وقبل ان يلحق بهم وقف أمامها لتناظره بحيرة تسأله ماذا عليها ان تفعل. والدة وردة: اعمل ايه؟ العم جابر: ولا حاجه، اشترى راحة بتك، بتك ريدان وهو كمان. الام : والناس؟ العم جابر: فى داهية. الام: مش هيملوهم. العم جابر: صبرى ال واقف قدامك ده هيخلى كل واحد يحط مركوب بخشمه، انتى بس ادعى يوفقه فى ال ناوى عليه. الام بصدق: ينصره على مين يعاديه يارب. "صبري " الفصل السابع يسير بالطريق بتململ يحدث نفسه بغضب: كل شوية والتانية يبعتلى يسأل على صبرى وعلى أحواله واخبار علاجه، انا زهججججت ده ايه الغلب ده بس ياربى، امتى اخلص منه وارتاح؟! ده ابوه ما اخدش فى ايدى غلوة من كتر المصايب ال كنت بلبسه فيها واحده وراء وحده لحد ما جلطته وغار، والتانى محمد غار خفيف خفيف، الا الواكلهم ده، قاعدلى كيه المغرز فى ظهرى اعمل ايه تانى؟ -كسر وكسرت نفسه وذليته لما خليت مرته ترفع شبشبها عليه، قال ايه عايز يردها! ويبلينى بعيل، كنت خابر متولى وعقله الزنخ كان عايز يرجعها بقوله خلاص بجا مجنون وال يأجى منه احسن منه بس لا طربقتها على دماغهم. شرد فى ذلك اليوم عندما تحدث مع طليقة صبرى واستشف رغبتها فى الرجوع من خلال سؤالها عن من يدير أحوال المنزل الاراضى محمد ام هو؟ وأنها ستقف إلى جانبه تنؤب عنه فى العمل ليدرك رغبتها بالعودة، ليخبرها. -زين ما عملتى يا بتى، ارجعى واكسر الكلام الشين ال شاعه فى البلد وهو مش دريان . -كلام ايه يا عم حسين. -انه شافك لا مؤاخذة مع اخوه فى الاوضة. عاد من تلك الذكرى بانتشاء وهو يتذكر دموعه وصرخاته " كلكوا علي، كلكوا علي" وهو يقف إلى جوار الباب بالخارج وتلك الراحة التى تتغلغل له مع كل صرخه. عاد يهز رأسه بعدم تصديق ضاربا كف بالاخر: اعمل ايه تانى؟ ده حتى يوم عزا محمد قولت مع ال هو فيه ومع ال حوصل قليلة ما موت نفسه، كل إلا عمله بكا كيه الحريم لولا برشامه الصراصير ال حطتها فى خشمه وانا بطفحه المية قال بهديه ما كان صرخ ولا ضحك ولا الناس صدقتنى. اكمل وهو يزفر بقوة: شكلى غلطت لما مارمتهوش المصحة وإكده ولا إكده الكل كان عارف انه مهوس ومحدش هيدور عليه ولا كل شويه كلم عمك خليل كلم الحج كمال الحق الحج فهمى الحق العمدة هارون وكلهم قلبهم مرفرف عليه وبيطمئنوا ال ما فيهم واحد مد يده وقال خد لعلاجه وعلى قلبهم أكوام أكوام. أطلق ضحكه صغيرة ساخره: مصحه ازاى؟! انت ناسى لما الدكتور قالك كتيره اربع شهورو يبقى كويس ويكمل علاجه معاك مع الرعاية والاهتمام، والفرصة ال رمتها الدنيا فى حجرك تروح منك طب ده لولا برشام الصراصير والبرشامة البنبى والكلمتين ال بتسم بدنه فيهم وانت بتزقهمله فى خشمه وتقلب عليه كل ال فات، كان كله راح من بين ايديك. أكمل وهو يضع قبضة يده بفمه بغل: اااااخ الواد على ربع برشامة كان واقع ماقادر يصلب طوله كان عايش على أكل الزفت جابر، نفسى اعرف بعد ما ببقى يكلفنى فى اليوم برشامه كاملة جسمه عبأ ازاى؟! الصحة ال مش عارف يداريها جاتله من وين؟ قالها وهو يشير بيده فى الهواء لا يعى لنظرات عليه المارة باستغراب وهو يتابع حديث نفسه بعدما افاضت روحه بكراهيته... -سنه كاملة ادور فيها على حجج البيت والأرض ولا لقيتها، قلبت المخروب ال قاعد فيه فوقاتى تحتانى انى الاقيهم! تقول ادفنوا ويا محمد فى تربته! صمت لثوانى يعقلها : صوح وليه لا مافيش مطرح تانى؟ الليلة بعد العشا هنبش عليهم هناك ووقتها اقدر احجر عليه وانا واثق ومش خايف من الباقين ليبركوا على الأرض والبيوت ويقولوا انت عجوز واحنا اولى واهو لا انت ولا احنا معانا حجج. نظر أمامه بوعيد: بس اقسم لو مالقيتهم ليكون اخر يوم فى عمرك يا ولد اخوى وحياة ولدى ال لسه موعاش للدنيا لارقدك جنب اخوك ال بتتحسر عليه. فالأول سيبتك عايش لأجل ما اتطلتش واتاخد سين وجيم ويتعرف الموضوع واطلع بلوشي، قعدتك كانت موقفة التعابين ال اسمهم عيال أعمامك عند حدهم ولا قادرين يتكلموا معايا ولا يستوطوا حيطى ويقولى عليا من غير ذرية وفى الاول والاخير ليهم لكن خلاص الدنيا نصفتنى، ولدى جاى كلها كم اسبوع وهو اولى بكل قرش، هيبقالى نفس على الدنيا اسم يمد فى اسمى وديتك عندى حنش ازرقه من عقب الباب واصرخ واقول ولد اخوي مات ملسوع وكل ال هيشوف جتتك هيتاكد واكرام الميت دفنه والشرع والقانون كله ليا ولولدى والحجج حكايتها هتتقبر معاك وارتاح من قلة القيمه ووقوفى زى التلميذ الخايب قدام كل واحد فاكر نفسه من الكبرات يتشنطر عليا... وقف أمام تلك البوابة الحديدية ينظر لها يعد حاله بأنها ستكون المرة الأخيرة التى سياتى إلى هنا لأجل صبرى. أوشك على طرق الباب، ليفتح من تلقاء نفسه وخروج شاب فى العشرين من عمره يشبه إلى حد كبير والده بابتسامه حياه جابر: كيفك يا بدر يا والدى. بدر بنظرات بدت لحسين غامضة مقلقه: زين يا يا عم. حسين بعدم راحه: العمدة جوه. بدر: ومستنيك كمان، اتفضل. خطى للداخل ليغلق بدر الباب بعنف نفضة بوقفته، يشير له باتجاه المندرة. هز رأسه متابعا السير وبمجرد دلوفه بدأ القلق يزحف إلى اوصاله وهو يرى الجميع اولاد اعمامهم كبار العائلة والعائلات الأخرى جالسين وكأن على رؤوسهم الطير، ليشير بدر له بمكان فارغ للجلوس. لبجلس بجوار احد أبناء عمومتهم هامسا: هو فى ايه؟ ليجيبه الأخر بصدق: العلم علمك يا عم ، العمدة شيعلنا مع ضمرانى وجينا على مالاه وشنا ونبه محدش يتأخر ولا يتحجج. حسين: ده انا كنت فاكره مشيعلى يسأل على أحوال صبرى. -لاااا، صبرى ايه؟ شكل الموضوع كبير قوى شيفش الكبرات قاعدين متجمعين. دخل العمدة هارون ليقف الجميع بإحترام يحيوه وهو يجيب تحيتهم يحثهم على الجلوس. بوقار يليق به ونظرات ثاقبه يمررها على الموجودين واالمسبحة بين اصبعيه يعبث بحباتها حتى توقفت عيناه عليه. -ازيك يا حسين؟ -بخير يا عمدة. -وصبرى؟ -بخير الحمدلله. -اخبار علاجه ايه؟ -كويس. -انا شايف ان العلاج ما جيبش نتيجه ايش قولك ناخدوه ونشوفوا دكتور تانى، انا اعرف دكتور زين جوى. حسين بلجلجه: لا لا مالوش لازمه هو بجا احسن عن الاول برضك ولا ايه؟ قالها وهو يلكز خصر احد أبناء عمومتهم واحد قاطنى الحى خضر إلى جواره: خضر بتوجع يهز رأسه: اه.. العمدة هارون: طب كويس بس تصدج انا ولا مرة شفت الروشته ولا سألت على اسم الدكتور ديه ما تقولى كده اسمه ايه؟ يمكن يكون هو ذات نفسه. -ها، اصل اصل، اه نسيت الاسم ، والروشته فى البيت. -فوق السنتين رايح جاى بتجيب فى علاجه وناسى اسمه! ما علينا. وجه حديثه للجميع: فى واحد حبيبى عنده ظلومة بينه وبين واحد منكم ، جانى ولأجل انه ابن حلال وولد أصول وعااااااقل. قالها وهو يتكأ على حروفها ببطء واكمل... جانى بدل ما يروح للنقطة ويوقف قبال ال من لحمه دمه قدام المحاكم ال ذات نفس اللحم هان عليه ال منه واستحله وومعاه بالدلايل وهو ذات نفسه اكبر دليل طالب حقه. ارتفعت الهمهمات من الجميع بحيرة عمن يقصد العمدة بينما حسين جالس بترقب يشعر بأن الأمر يخصه بطريقة او بأخرى العمده هارون: دخل يا بدر يا ولدى الدكتور أحمد وال معاه وساعدهم. خضر: دكتور الصحه! العمدة هارون: دكتور الصحه يا خضر. دلف احمد مع علي والعم جابر لتزداد الهمهات وترتفع بينما حسين كمن يجلس كجمر مشتعل يحرك يديه حول فاهه بعصبيه يغشى القادم. العمدة هارون: شغل يا دكتور الفيديوهات ال فرجتونى عليها. احمد: ساعدني يابدر نوصلها بشاشة التلفزيون. العمدة هارون: ال هتشوفوه دلوقت هيعرفكم كل حاجه. صمت وترقب واعين الجميع مسلطه غلى الشاشة. ثوانى ليبدا تشغيل اول فيديو قام احمد بتسجيله لترتفع الهمهات، لييشير لهم العمدة بالصمت وبعد انتهاء الفيديو هارون بنظرة ثاقبه. -ايه قولك فى ال شفته ده يا حسين؟ -ولا حاجه، اهو ربنا حب ينصفنى قدامكم ويعرفكم قد ايه براعيه لدرجه انى بحطله البرشامه فى خشمه. ليؤما العمدة هارون برأسه: ماشى، كمل يا ولدى باقى الفيديوهات. ليعرض احمد جميع ما قام بتصويره أثناء اسبوع مراقبته. العمدة هارون: ها ايه قولك عاد؟! حسين بتعرق: ها وايه فيه علشان اقول؟ علاج واكل وبراعيه حتى فى انصاص الليالى كيه ما انتوا شايفين يبجى هقول ايه؟ العمدة هارون: ورينى البرشام ده يا حسين. حسين بتهرب: نسيته فى البيت ما هو أكيد مش همشي بيه فى كل حته. -فى الفيديوهات دى كولها ولا واحد فيهم شفتك داخل عليه بأكل. -بحط فى جيب الجلبيه حته جبنه وبيض وزبادي زى ما قال الدكتور. -بتفصل ليه الكهربا بنصاص الليالى وتولعها الصبح بدرى؟ -هى بتفصل لوحدها. -يا راجل اشحال الكل شافك قدام بيت الكهربا بتفتح وتقفل فيه. -بطمئن على الوصلات علشان ما يتقطعش. العمدة هارون بسخريه: قوم يقطع اول ما تطمئن؟! العم جابر مقاطعا: بعد اذنك يا عمده، ده مش على اساس ان المفتاح مع صبرى ومش معاك. حسين: لا انا مقولتش إكده. العم جابر: ياراجل يبقى انا سمعت غلط. حسين: عمده انا جاى واقع فى عرضك الرجل ده وزى ما كلكم عارفين مش بلعنى ومن زمان وبينا مصانع الحداد ومصور الفيديوهات دى وبيتبلى عليا بالحديت لأجل ما يقل منى قدامكم ويستفرد هو وابنه والدكتور ال معاه بصبرى بحكم انه يراعيه ويقلب الغلبان ال مش دارى بحاجه.. الدكتور احمد: بس انا ال صورت وقتها لا كنت اعرفك ولا اعرف صبرى. حسين: وانا اعرف منين صورتهم امتى؟ بعد ما اتفقتوا ا اكيد ما انت معانا بقالك شهور. خضر، كرم، فايز، وفيق اولاد عمومته وجيرانه، هبوا من اماكنهم: واحنا روحنا فين؟ احنا اولاد عمه وأوله بداره وبارضه . "طب حتى قولوا اولوا بيه وبرعايته، بتقسموا فى مالى ومال ابوي وانى عايش" وقف الجميع من أماكنهم بصدمه لذلك الواقف من مكانه بعدما اشاح الوشاح عن وجهه ليلفظ الجميع بصوت واحد: صبرى. حسين بصدمه ورعب جلى على ملامحه: بس ازاى انت انت.. صبرى مكملا: محبوس فى البيت مش إكده.. خضر، كرم ، فايز، وفيق: ازاى؟ ده انت لعشيه كنت بتصرخ؟! كيف واقف إكده. العمدة هارون قولهم ال قولتهولى يا ولدى؟ حسين: كدب ال قاله وال هيقوله كدب. صبرى: ووه هتكدب عيونك ال شايفانى ولا صوتى! احد الموجودين: بس كيف؟ صبرى: فالأول احب اقولكم ان لولا الدكتور أحمد والدكتور فؤاد والعم جابر وولده والست ام وردة وبتها كان عمى نجح فى ال كان عايزه وأنه يا يجننى يا موتنى بالبطيء بس الاول اسمعوا منهم ال حصل... قص احمد ما راه وماتلى ذلك من أحداث كذلك روى كلا منهم مالديه لياتى الدور على صبرى... صبرى: كانت الوحده قاتلانى ما انا ليل نهار محبوس، بقيت اكلم نفسى لأجل احس بالؤنس، ال كان بيحصلى بالليل ماليش يد فيه والبركه فى عمى... قالها وهو يخرج بضعة حبوب من يده: كان بيدينى برشام إدمان وهلوسه لأجل تصدقوا انى صح مجنون ولو اخدت لبالى بقيت ارميه بعد ما يداير عنى وبحوشهم لأجل ارميهم فى وشه فى. يوم زى ده! قالها وهو يلقيهم بوجهه. خضر مبتلعا ريقه: اومال ال كنت فيه ده اسمه ايه؟ العمدة هارون: اتكلم يا دكتور أحمد. قض عليهم أحمد الحالة المرضية الخاصة بصبرى وخطته علاجه التى استمع حسين لتفاصيلها كما البقيه يستشعر كم كان غبيا وتم التلاعب به بسهولة. العمدة هارون: وحالته دلوقت. إجابه صبرى: انت شايف ايه يا عمدة. العمدة هارون: ومن يتق الله يجعل له مخرجا يا ولدى، حمدلله بسلامتك. التف الجميع حوله لتهنئته ماعدا اولاد عمومته الاربعه جالسين بوجه شاحب كذلك حسين دارت عيناه على المخارج ولا يجد سبيلا فلقد وقع بقصيده احكمها عليه صبرى والعمده . ليقف بجبروت يرفض الانكسار والاعتراف ينتظر القادم. العمده هارون ناظرا للاربعه: ما فيش حمدلله بالسلامه لوادعمكم. نظروا لبعضهم البعض ثم نكسوا رأسهم لاسفل بصمت وقد فهم عليهم صبري ولكنه آثر أمرهم للأخير. حسين: ها وبعد السلامات ايه المطلوب؟ ارضى وبيوتى. -مالكش عندى حاجه دى ارض ابوى ال ابوك طمع فيها لحاله. الحج كمال احد الجالسين: وه الدنيا صغيرة وكلها عارفه بعضيها يا حسين فلوسك كلها راحت فى الصرمحه وقلة الادب موت ابوك بحسرته وبعدها جلطت اخوك وماكفاكش رايح تجنن ولده وتعبى من ماله فى كرشك. ايد الجميع حديثه لمعرفتهم الوثيقة بحسين وما فعله سابقا... حسين: لو معاه ال يثبت انها ارضه يطلعه. صبرى يهز رأسه بأسف: ليخرج من قميص جلبابه بعض الأوراق يضعها بيد العمدة. " حجج البيت والأرض باسم ابوي ومن بعده ليا ولاخوي ومن بعده ليا" الجمت الصدمه حسين عن الكلام بينما صبرى شرد بتلك الوردة عندما جلبتهم له من مخبأهم كما طلب منها. العمدة هارون ضاربا بعصاه الارض: اول هام الأرض ترجع. وقف الاربعه وبصوت عالى: ارض ايه ال ترجع وزرعنا ال لسه ما اتجمعش واحنا دافعين اجرت الحول لحسين؟ العمدة هارون: يبقى بعد ما تجمعوا تهملوها لصاحبها. اكمل موجها حديثه لحسين: البيت تتركه وتشفلك حته تانية تقعد فيها ومن اهنه ورايح انت مش محسوب علينا لا تدخلنا فى فرح ولا تدخلنا فى عزا، تعيش وسطينا لا تخالطنا ولا نخلطوك ياما تهملنا وتفارق ويكون احسن ليك ولينا. حسين: تطلعونى من دارى ومرتى على وش ولاده وبتزعتونى من البلد! العمدة هارون: الدار مش دارك وانا لو عليا كنت سلمتك بيدى بس ابن الطيبين مقبلهاش على عمه وقال حقى يجيبه ليا ربنا. صبري: بعد اذنك يا عمده، انا هفوتله الدار ال هو فيه؟ حسين: ايه هتعطف علي؟ صبرى: لأجل العيل ال جاى فى الدنيا مالوش ذنب غير انك ابوه. العمدة هارون: طلعه يا بدر، ورجلك ما تخطيش هنا تأنى. احد الجالسين: ولا اى دار فى البلد. نظر لهم بغضب ينفث النيران كتنين يزيح يد بدر الممسكة به بعنف يخرج متوعدا. بينما بعد خروجه العمدة هارون: خد بالك منه ومن اذاه يا ولدى انا مش معاك فى المسامحه ال زيه صنف ردئ مالوش امان طالع وعنيه ناوية على الشر. صبرى: لأجل عظم التربه يا عمدة وغير إكده انا واعي ليه. تحمحم متابعا: عمدة! العمدة هارون: ايوة يا ولدى. صبرى : كتب كتاب يوم الخميس ووجودك ووجود الحضور يزدنى شرف. العمدة بضحكه: ووه ووه ومين ال عليها العين؟ صبرى : وردة. العمدة : بت مين يعنى؟ خضر بعصبية : الحلبية هتكتب كتابك على حلبية! صبرى بصوت عالى الجمه واندهش له الباقية: الزم لسانك يا خضر. العمدة بتروى: يا ولدى بنات الأصول والعائلات كتيرانا البنية مسمعتش عنها حاجه عفشة بس دى... صبرى مقاطعا: بنت الأصول والعيلة اهنتنى ورمتنى، وردة عملت هى وامها ال ولاد عمى ماعملهوش علشانى مكنش معاهم غير الشتيمه والدعا علي. نكس الاربعه رأسهم لاسفل بتهرب. وبكلمات تنم عن خيبة الامل: ال ما واحد فكر نفسه كل شرب اتغطى ولأجل ارضى ال راكبينها ما فى واحد منهم قرب منى وقالى حمدلله على السلامه. قولى يا عمده ال تعمل.... واخذيقص عليه كل ما فعلته وردة لاجله تحت ذهول الجميع وصمتهم يتابع ... " اهملها !" تابع باصرار:"لا والله ما يكون" "يبقى تتخلع عنينا." قالها احد الحضور ليكمل متابعا ماهو احنا مش هنقبل بوحده زيها تشيل فى حشاءها عيالنا صبرى: وانا مش هلاقى انظف ولا احسن ولا أصل منها بطن لعيالى وكلمة واحده عليها مش هقبلها ولا هعديها للى هيقولها مين من كان يكون. قالها بتهديد اتسعت على اثره أعين الجميع ما عدا العمدة هارون الجالس بهدوء يستمع للأخير. ليكمل بإصرار: وحتى لو كان التمن انى انخلع عنيكم يعنى انا شفت من وراء العيلة والعزوة والأهل ايه غير كل أذية وشر. وفيق مستغلا الفرصة: والأرض تهملها وترحل بيها بعيد. صبرى: على جثتى اهمل بيتى وارضى وال يفكر يخطيهم هخطى انا على جتته الاول. تقهقر وفيق إلى مكانه بخوف من هيئة صبرى التى يراه عليها لأول مرة كذلك الجميع بينما احمد شارد فى ذاك الصبرى يراه يقف ويدافع عن حبه دون خوف او تردد بشجاعه نابعه عن قوة شعوره ناحية الوردة . شبح ابتسم خط على محياة وقد تأكد الان ان شعوره نحوها مقارنه بما يراه أمامه لا يذكر وأنه فقط لم يتخطى الإعجاب كما أخبره فؤاد ، هو فقط انبهار بالشكل الشخصية والقوة وتفانيها لمساعدة من تهوى. صبرى مكملا: خلاص ال شفته وعيشته ما خلانيش باقى على حاجه ولا على حد. صمت يلتقط أنفاسه بعدما أفضى ما بجعبته مرة واحده وتولى بعده هارون دفة الحديث. العمدة: انا سيبتك تتكلم وتقول ال عندك وان الأوان الكل يسمع بالبداية انا مش هحاسبك على كلامك ده علشان مقدر ال انت فيه. صمت لثوانى مرت عليه ببطء ليرفع رأسه عن مسبحته ينظر لعينيه برضا متابعا. -صبرى انا موافق على جوازك بس صدقنى لو فى ظروف تانية وضع تانى عمرى ما كنت هقبل بس ال تعمل كيه وردة ما تتفتش تنام جنبها مطمئن ان معاك مرة بمية راجل تصون عرضك تسد غيبتك توقفك وقت ما تقع تكون اليد ال تقويك وترفعك وفى نفس الوقت تطبطب عليك وتراعيك. صبرى مقتربا منه مقبلات ليده والاخر يربط على ظهره : مبروك وعلى موافقته بارك الجميع تلك الزيجه. ** يسير راكضا نحو داره متوعدا لايرى أمامه من الغضب، وتلك النظرات التى شملته من الجميع كالزيت الملقى على التار ليتمم بوعيد:هق..تلك يا صبرى ال معملتهوش زمان هعمله والله لانخلك كيه الغربال واشفى غليلى. دلف من الباب صاعدا لأعلى قاصدا غرفه نومه، أخذ يبحث عن مسد..سه، ليخرجه من الخزانه وبنفس السرعه هبط على الدرج ليوقفه صوت رجولى قادم من المطبخ، ليبطء بخطاه يسير باتجاهه. بانفعال: جرا ايه يا نادية شهر مش عارف اتلم عليكى. بسرعه وضعت يدها على فاهه: وطئ صوتك لحد يسمعنا. ازاح يدها عن فمه: مين؟ غراب البين وبره والبت وشيعتيها تخدم امك؟! نادية : الأمر ما يسلمش يا حسين. مقتربا منها بجسده: يابت اتوحشتك. نادية: وانى ؛ بس اعمل ايه غراب البين من ساعة ما خطيت فى التامن وهو واقف فوق راسى مش مهملنى خايف على العيل. وعلى ذكر الجنين.. انخفض بمستواه يقبل بطنها البارزة: وحبيب ابوه عامل ايه؟ نادية: بيقولك قرب يجئ على الدنيا ...اكملت بحسرة: الله يسامحك يابا فيها ايه لو كان تمم جوازنا بدل ما فسخ الخطوبة ورزانى بالعجوز ال اكبر منه هو ذات نفسه. -تصدقى لما فكرت فيها لاقيت عمى عمل الصوح، اهو احنا مع بعض وولدنا جاى على الدنيا وهو مش هيطول اكتر من كده أصله فوق السبعين هيروح فين تأنى والواد على اسمه هياخد ال هو خده من صبرى وهنتمرمغ فيه احنا التلاته بعد ما يتكل. "اه يا ولاد الكلب." صرخ بها حسين بعدما استمع لحديثهم. صكت على صدرها ييدها: ححسين! بينما الأخر اتسعت عيناه بصدمه يبتلع ريقه برعب جلي والاخر يدلف ببطء يشهر بوجههم سلا..حه. نادية: استنى انا انا هفهمك ده يبقى .... حسين ملتفتا لها عشيجك يا خاطية انتهز الاخر صرف انتباهه عنه ليتحرك من مكانه راكضا وهو يزيحه من طريقه، ليقع أرضا على ظهره فيعتدل عاى جانبه وبسرعه يضغط على الزناد لتستقر الطلقة بمنتصف ظهره ترديه قتيلا، لتلطم الآخرة على وجهها تتسحب على الحائط لتخرج من المطبخ ليمسك بها من قدمها لتسقط على بطنها تتاوه بصوت عالى متإلم ليعتدل بجسده، يتقدم نحوها يجثو على ركبته بينما هى نائمه على ظهرها تتلوى من الألم ليرفع سلا..حه يسند فوهته على بطنها. بصعوبة نطقت: حسين اسمعى. حسين: هششش. حرك الفوهه على بطنها وبأعين دامعه استقرت الفوهه على سرتها ينظر لعيناها لتبادله هى برعب. وبصوت يقطر الما حزن وقهر. -مش ولدى. لتخرج اول طلقه. صمتت أهاتها المتألمة كذلك حركتها، بينما هو شارد يحرك رأسه بعشوائية. -انا ماليس عيال. خرجت الثانية. -مش ولدى. قالها بدموع عقب خروج الثالثة. ااااااااااااااه، مش ولدى. الرابعه. -مش ولدى يا خلج الخامسة مش ولدى...وقد انتهت الطلقات ليقم من مجلسه يحدث نفسه بصوت عالى:مطلعش ولدى يا ابوى مطلعش ولدى يا صبرى! مش ولدى انا ماليش عيال خرج من المنزل كالتائه يحدث نفسه يردد : مش ولدى.. وكل من يوقفه بالطريق يسأل عما به، يقف كالحائر ولا يجيب سوا " مش ولدى ماليش عيال" ** ارتفعت دقات الطرق على الباب، لتفتح على عجاله ترفع نظرها للطارق لتصدر عنها شهقة صغيرة متفاجئة" "سى صبرى" -اول واخر مرة تفتحى قبل ما تعرفى مين ال بره؟ -ها؟ -كتب كتابنا يوم الخميس. وردة ولا تزال بصدمتها:-مين؟ كتب الكتاب يوم الخميس والدخلة ال وراه اكون جهزت البيت، نص الامانه التانى ال معاكى شبكتك عايزك تلبسيه يومها. ورده وقلبها يكاد يقف: الدهب! صبرى: اه اكملت بتوهان : -بيت مين؟ ومين ال هيدخل! صبرى على جموده: دخلتنا. ورده وهى تشير بيدها : انا وانت. أكد لها بهزة خفيفة من رأسه. ليقترب منها : ورحمه ابويا فى ترابه: المأذون يولى إكده وانا هعرف شغلى معاكى علشان تقولى " موافقة على العريس" ودلوقت خشى واقفلى الباب. -ها. بحده: اقفلى الباب الناس بتطل علينا. هزت رأسها سريعا تغلقه، تعيد حديثه لا تستوعب بعد، تشعر بأن الأرض تميد بها: هو ،انا ،كتاب، عريس، دخله. لتقف مرة واحده وبسرعه وصوت عالى نادت على والدتها وهى تصعد الدرج: زغرطى ياما. استمع لصرختها من الخارج فشقت الابتسامة وجهه . التف للامام وبخطى ثابته وذكرى ما عاشه خلف تلك البوابة الخشبيه تعاد أمامه وبكل قوته ركلها بقدمه مسقطا اياها للخلف ناظرا لها بانتصار. ** أتى يوم الخميس وامتلئ الحى بالمدعوين، وعلى رأسهم العمدة هارون وشيوخ العائلات. ليتبتلع ايا كان اعتراضه كذلك شخصية صبرى الجديدة جعلتهم يلتزمون الحذر وعليه وعلى الرغم من رفضهم الداخلى لتلك الزيجة الا انهم مكرهين هبطوا من منازلهم وانضموا للجمع. كان قدوم فؤاد كالمفأجاة بالنسبة لصبرى وقد تعرف عليه بمجرد رؤيته له يتلاقاه بالاحضان. عاي واحمد اضافا المرح والبهجة للاجواء والعم جابر بسعادة تولى هو مهمه وكيل العروس. والأم كانت تطلق الزغاريط الفرحه من وقت لاخر وهى تزين ابنتها وترقيها من الأعين. صدحت الإعيرة النارية مجاملة للعريس مع ختام الماذون بجملته الشهيرة واعلانهما زوجا وزوجه. ليقف سريعا من مجلسه متوجها نحو المنزل تحت اصوات الضحكات العالية من المدعوين بعدما طلبت والدته من النساء الخروج حتى يهنئ العريس زوجته.. ومع أغلاقه للباب خلف دخوله بسرعه دارت بظهرها يكاد قلبها يقفز من موضعه تفرك يديها ببعضهما البعض بتوتر ملحوظ. بينما هو عقب استدارته استند بظهره وبسمه تشع عشقا يتأملها وبخطى بطيىه وهمس دافئ. .وردة شهقت تضع يدها على قلبها تحاول تهدئته ولم تقوى على الاستدارة حاوطها من الخلف يده تلتف على خصرها فاغمضت عينيها وقد تراخى جسدها وهى تستشعرانفاسه الدافئة تلفحها بينما صوته الحنون الدافئ خدر حواسها.. عارفة كم مرة فى اليوم كنت بستغغفر ربنا بسببك ! هزت راسها ببطء ليقبلها أسفل أذنها تشتد بقبضه يدها على يده المحوطه لها، ليديرها باتجاهه ينظر لعيناها المغمضة: عارفة كان قد ايه صعب امنع عينى أنها تتطلع عليكى؟! هزت رأسها من جديد ليكون وجهها بين يديه يقبل أجفانها المغلقة "سى صبرى،" قالتها برجاء ان يرحم قلبها وقلة خبرتها. قولى صبرى يا وردتي. صمتت ليشجعها بلهفة واضحة عايزة اسمعه من بين شفايفك. فتحت عيناها تنظر له وبكل ما تحمله له من عاطفة : صبرى. فختم هو حديثها يحتجزها بين ذراعيه يبث لها اشتياقه وشوقه ولهفته مستندا بعدها بجبهته على خاصتها وبضحكات صغيرة نطق بما فاض به القلب: بحبك وردة بخجل : من وقت ما وعيت وعرفت يعنى ايه حب محبتش غيرك يا سيد الناس. صبرى متذكرا: اه، علشان إكده وافقتى على العريس يا وردة. ابتعدت عنه وهى تراه يشمر عن ساعديه يتوعدها، لتركض من أمامه سريعا وهو خلفها صارخه: دى اما ال قالتلى مش انى. صبرى بوعيد يركض خلفها: وهى لو قالتك ارمى بنفسك فى الترعه هترمى؟ توبه توبه ما هسمع كلام حد تانى. صبرى: واقولك يابت مالك تقولى مفيش واتارى فى عريس وردة راكضة:غصب عنى. طب ايه رايك على إكده قدامى على دارنا. وقفت بمكانها تلتف له : ليه؟ حملها بين ذراعيه بغتته متوجها للخارج: دى لسه هتقول ليه؟ وردة : والفرح. صبرى: هنعمله فى السابع. طريقته بحملها والخروج بسرعه من ذاك الدار لذاك جعلت أعين الحضور تتسع بصدمه عقبها ضحكاتهم ضاربين كف بالآخر. "صبرى اتجن" تمت.....