خداع انثى بقلم دودو محمد ج٤
نظرت له بأستغراب وقالت
رقيه :- انا رقيه يا دكتور
حرك رأسه يمينا ويسارا وقال
-انا مش بقولك اسمك ايه انا بسألك انتى ايه حكايتك ايه وراكى ليه مش حابه حد يعرف مكانك خايفه الشرطه توصلك صح
حدقة به بصدمه وقالت بتساؤل
رقيه :- الشرطه توصل ليا انا ليه انا مش فاهمه حاجه ممكن تفهمني يا دكتور ايه الحكايه
نظر لها بضيق وقال
-انا روحت سألت امبارح زى ما طلبتى منى وهناك عرفت انك انتى اللى ولعتى فى الشقه وفى مرات ابوكى وهربتى والشرطه بدور عليكى علشان تحقق معاكى
حركت رأسها بعدم تصديق وقالت
رقيه:- انا مستحيل اعمل كده طيب لو انا اللى عملت كده فى مرات ابويا هعمل فى نفسى كده انا كمان والله العظيم ما انا
رد عليها سريعا وقال
-طيب لو مش انتى مين اللى عمل فيكم كده احكيلى الحكايه علشان افهم
نظرت له بحزن وقالت
رقيه :- هقولك، وبدأت تقص عليه الحكايه من اولها
نظر لها بصدمه وقال بعدم تصديق
-معقول فيه ناس بالشر ده انا مش قادر اصدق لدرجاتى أرواح الناس لعبه فى ايديهم
اومأت رأسها بدموع وقالت من بين شهقاتها
رقيه :- والله العظيم هو ده اللى حصل ومن يومها وانا هنا ومعرفش مين اللى خرجنى ومين اللى جابنى هنا
جلس على المقعد بصدمه وقال
-انا حاسس نفسى جوه فيلم ولا مسلسل اكشن عمرى ما اتخيلت أن فيه ناس كده فى الحقيقه طيب وانتى ناويه تعملى ايه
تنهدت بضيق وقالت
رقيه :-مش عارفه المهم طمنى مرات ابويا اخبارها ايه
نظر لها بتوتر وقال
-مرات ابوكى اتوفت فى الحريق ما هى لو كانت عايشه كانت قالت الحقيقه وانك مش انتى الفاعله للحريق
جحظت عيناها بصدمه وقالت بدموع
رقيه :- ماتت!!
اومأ رأسه بالتأكيد وقال
-ايوه لاقوه جثتها هى وواحد تانى متفحمه وماتوا فورا
نظرت له بأستغراب وقالت بتساؤل
رقيه :- واحد تانى !! مين ده وايه جاب جثته فى الشقه
رد عليها سريعا وقال
-بيقولوا اسمه ماجد على ما اعتقد سمعت الاسم ده منك كذا مره
نظرت له بصدمه وقالت
رقيه :- م م ماجد مات م م مستحيل بالله قول ان انت سمعت الاسم غلط بترجاك متقولش ماجد مات لا لا لا انا حاسه ان بحلم لا ده كابوس ايه جاب ماجد الشقه يااااارب ليه كل حد غالى عليا تخده ده هو الوحيد اللى كان واقف جنبى ليه يا ماجد موت وسيبتنى ليه روحت بدرى ليه ووضعت يدها على وجهها وظلت تبكى بشده
