ندبات القدر بقلم الشيماء مسعد ج4 والأخير

كانت قدر منبهرة وهي تطالعه بدقة
حثها رازي على ان تتبعه قائلا : تعالى دلوقتي ارتاحي وبكرة ان شاء الله هفرجك على المكان كله .
تحركت وصعدا درجات السلم دلفوا للداخل
وبعدها أفرغت هي الحقائب ودلف هو لينعم بحمام دافئ حينما أنهى حمامه وخرج ، اقترب منها قائلا بهدوء : قدر مش بحب أكرر كلامي اكتر من مرة ، فيه حاجة حصلت زعلتك
نظرت له بتحدي وقالت : إنت ليه حاسس اني زعلانة ، انت عملت حاجة تزعل
زفر بحنق وقال : يعني عشان سيبتك اليوم كله ، مانا قولتلك رحت أزور واحد صاحبي
لوت فمها وقالت : صاحبك دا حلو بقى

ضيق عينيه وبحركة منه حاصرها بين ذراعيه والحائط كان مستندا بذراعيه على الحائط وهي أسيرة في المنتصف
قال بهمس : ماتقولي اللي في قلبك من غير لف ودوران

تعالت ضربات قلبها اضطرابا رفعت وجهها لأعلى لتنظر في عينيه لكنها لم تستطع ان تطيل النظر اليهما تشعر بتشتت حينما تنظر اليهما ، تمالكت اعصابها و اغمضت عينيها

قالت بغضب : انت كداب كنت مع صاحبتك مش صاحبك ، أنا شوفتك من الفراندا وانت واقف معاها وبتضحكوا
فتحت عينيها ببطء لتجد ابتسامة خفيفة على ثغره
قال بهدوء : احنا كنا واقفين في الشارع وسط الناس ايه اللي يزعل في كده
قالت بغضب حقيقي : اللي يزعل انك ما قدرتش تصبر اول ما وصلنا جريت عليها
زفر الهواء من فمه وقال : أنا ماكنتش معاها على فكرة ، ماليش اي علاقة بيها هي بس معرفة قديمة لكن مش هي الصديق المقرب اللي كنت عنده ، ولو حابة تكلميها دلوقتي انا معنديش مانع
تابع وهو يضيق عينيه : بس انا عايز اسأل انتي غيرانة ليه

توترت كثيرا من سؤاله المفاجئ تلعثمت وقالت بحروف متقطعة : أنا، مش ، غيرانة
ابتسم وهمس بجانب اذنها : هافكرك تاني من حقك انك تقلقي عليا ، وتزعلي مني ، وضيفي ليهم انك تغيري عليا
ابتعد عنها ليجدها مجمدة من كلماته التي اسرت قلبها كانت تفكر بسعادة : لقد اعطاني تصريحا بالغيرة عليه
قال وهو يتجه إلى المطبخ : عشان تعرفي اني جنتل مان ، أنا هاتبرع واجهزلك العشا تعبيرا عن أسفي لأنك سببتلك الغيرة والزعل دا كله
جاهدت في كبح ابتسامتها وهي تقول : ماشي ، لما نشوف بتعرف تطبخ ولا هنقضيها تلبك معوي
عاد إليها ليقترب مرة أخرى وهو يهمس لها : أنا كنج في كل حاجة .
قالت بتأثر مصطنع : اوووه ، متواضع بطريقة مستفزة
ضحك هو وامسك يدها متجها إلى المطبخ الصغير وقال : أنا بس بحب افكرك