نسل الجبالي(انين ) الفصل الثامن والتاسع

أنين … أنت بتعمل أي !

جلال ببساطة … هتسبح عندك مانع ؟

أنين … أي اللي انت لابسة دا ، انت هتقعد كدا 

جلال … خبرك أي يابت انتي ، أي أول مرة تشوفي سديرى و كلسون إياك

أنين .. كلسون !لالا أنت فهمتني غلط خالص ، بص روح لمراتك وأقعد بكلسونك دا عادى 

جلال … عليا الطلاج هبلة و وجعت فيكي ، الله يسامحك ياعزت علي الهبلة دى

أنين ببكاء … الله يسامحك ، و علي العموم أحنا لسة علي البر ممكن تخلص مني عادي ، تصبح علي خير 

نهت حديثها و تسطحت علي الفراش مغمضة عيناها مدعية النوم ، نظر لها متنهدا و ذهب لباب الغرفة مستدعي إحداى الخادمات ليطلب منها بنقل بعض من ملابسة للغرفة .

….

……..

…………

منزل السيوفي ، حيث تمكث زهرة و زوجها و أصبحت دائما الأعتكاف بغرفتها بأمر من زوجها بعد ما فعلت والدتة معها 

نهضت بثقل متجهه للخارج و لكن سبقها دخول عامر للغرفة و الغضب يتراقص بين عيناه ، لاتعلم لما شعرت بالقلق من تلك النظرة ، حاولت تجاهلها و لكنها لم تستطيع قائلة بقلق 

زهرة … م مالك يا عامر ؟

عامر … هسألك سؤال و تردي من غير كدب 

زهرة … كدب ! و انا أكدب لية ؟

عامر بغضب … أنتي تخرسي و تسمعي الحديت للأخر 

زهرة … أخرس ، حاضر هخرس أتفضل جول كل إللي في جوفك يا عامر 

عامر … أنتي إللي زجيتي أمي من علي السلم 

زهرة بفزع … يااامررى هي كويسة ؟

عامر … ردى عليا و متلفيش و تدورى 

نظرت له بلوم قائلة . .

زهرة … الله يسامحك يا عامر ، دا أنا كنت أتمانالها الرضا ترضي ، مين جالك إني زجتها ، أنا مخرجتش من أوضتي طول النهار ، حتي الوكل الشغالين طلعوه إهنه ، و لما زهجت من الجاعدة لحالي قولت أنزل هبابة و ملحجتش لأنك دخلت 

عامر بشك … يعني مش أنتي ؟

زهرة … لاه مش انا ، مين إللي جالك الحديت الفارغ دا 

عامر … محدش جال حاجة ، أطمن علي امي و يحلها ربنا بعد أكدة 

قبضت علي يدة قائلة بقوة 

زهرة … أستني أهنه

عامر بغضب … خير 

زهرة …. أنت سألت و انا رديت و جه دورى ، مين إللي جالك أكدة

عامر بضجر … هو دا وجته عاد ؟

زهرة بصوت مرتفع … وجتة ونص يا واد السيوفي 

عامر … حسك يوطي 

زهرة …لاه مش هوطي حسي ، أنا زهرة عبد الحافظ الجبالي ، أخوي جلال الجبالي ، بنت الحسب و النسب الأصيل ، جيت طلبت يدى و أنا وافجت ، كنت عايشة ملكة في دوار أبوى ، و امك شغلتني خدامة لها ، معترضتش و جولت يابت مهما كان دى ست كبيرة و في مجام أمك ، لكن لاه هي مش امي و في الأخر تتهموني أني زجتها من علي السلم ، لية جالولك عليا تربية شوارع ولا أي ؟