وجع الحب بقلم شيماء منير ج٢
فتون بضيق:وانا ماليش دعوه انا عايزه اروح معها
مازن:مفيش خروج انا قولت ويلا عشان ننزل كفايه تاخير بقا
نزلوا
وبعد الفطار
فتون كانت قاعده هي وشهيره
شهيره:يعني ايه مش هتيجي
فتون:مازن مش موافق
شهيره:يعني هتسيبي بنت خالك في يوم زي دا
فتون:اعمل ايه …انا مرتضش اطول معه لو عاند مش هيخليني احضر الخطوبه كمان
موبيل فتون رن
وكانت يارا
فتون وفتحت الخط
فتون:ايوه يايويو
يارا:ايوه يافتون ايه يابنتي مجتيش ليه
فتون:اجي فين؟؟
يارا:عندنا ونطلع مع عربية مروان نجيب الشبكه
فتون :ماهو انا مش هعرف اجي
يارا بضيق:ليه ان شاء الله
فتون:مش مهم النهارده وهكون موجوده معاكي في الخطوبه
يارا بزعل اه يبقى مازن مرضيش صح منه لله والله
فتون:يابت اخرسي متدعيش عليه ماهو جوزي بردوه وبحبه
يارا بضيق:ايوه ياختي ماهو الحب دا اللي موديكي في داهيه..
____________””
بعد ساعه
مازن كان بيخلص شغل في مكتبه
موبيله رن وكان مروان
مازن:الو
مروان:ايوه يامازن عامل ايه
مازن:كويس ياعريس وانت؟؟
مروان:تمام..انا بس كنت عايز منك طلب
مازن:عايز ايه قول ابعتلك فلوس
مروان:لالا خالص انا بس كنت عايزك تخلي فتون تيحي معانا واحنا بنجيب الشبكه يارا زعلانه انها مش هتيجي وهي تقريبا ملهاش صحاب غير فتون
مازن:مش لازم يعني هتكون موجوده معايا في الخطوبه
مروان:عشان خاطري يامازن خليها تيجي النهارده كمان دا طلب انا بطلبه منك
مازن:وانا مش هقدر ارد لك طلب يامروان
مروان بسعاده :تمام كلمها بها وقولها
مازن:تمام
قفل مع مروان
ورن على فتون
مازن:الو
فتون:ايوه
مازن:اجهزي وابقى روحي مع ماما وطنط شهيره وهنا وهما بيجبوا الشبكه
فتون باستغراب:غريبه ايه اللي غير رايك من الصبح لدلوقت
مازن:عشان مروان كلمني لكن انتي المفروض متخرجيش من البيت اصلا
فتون بضيق:ليه في سجن؟؟
مازن كان هيرد بس الباب خبط
ودخلت زينه
زينه بدلعها المعتاد:القهوه
مازن بجديه:شكرا يازينه
زينه ووضعت القهوه انت تؤمر بس
مازن:شكرا اتفضلي انتي
فتون كانت قاعده بتعض عل شفايفها من الغيظ
مازن:الو
فتون بضيق:اممم
مازن وعارف انها بتضايق من زينه
مازن:تعالي اشربي قهوه
فتون بضيق:لاخويا شكرا
مازن:اخوكي ايه يابت اتكلمي عدل ..تروحي وترجعي معهم مع السواق متروحيش اي مكان سامعه
فتون بضيق:ماشي
فتون قفلت معه وراحت تجهز
لبست طقم عباره عن بنطلون اسود واسع وبلوزه من اللون الموف وطرحه منقوشه من اللون المووف والاسود
