وجع الحب بقلم شيماء منير ج٢
نزلت على السلم
كان فريده وشهيره وهنا منتظراها
فريده اول ما شافتها وان شاء الله المحروس ابني عارف انك هتخرجي كدا
فتون بصتلها بصمت ومردتش عليها
فريده بشماته ساخره :الظاهر يوم ما ضربها ضربها على بوقها اتكمت معتدش بتتكلم ولا ترد
فتون بردوه مردتش عليها
هنا:خلاص بقا ياماما مفيش داعي للكلام دا ..وكمان يلا اتاخرنا
خرجوا وركبوا مع السواق
وصلوا المحل وطلعوا الدور الثاني كان هناك يارا ومروان ورحمه
الكل سلم على بعض
ويارا كانت فرحانه بوجود فتون
واقفوا يختارو الشبكه
فتون ووقفت جمب يارا
بعد شويه
اتفاجئوا بدخول مازن
فتون ارتبكت واتوترت متوقعتش انه يجي عشان كدا لبست البنطلون وهي عارفه انه ممنوع عندهم
مازن وبصلها وابتسم ابتسامه وحست ان وراها انفجار
قرب منهم وبارك ليارا ومروان
مازن ولف ايده حولين وسط فتون ضمها ليه ايه فاضل كتير
فتون بتوتر لا تقريبا ..خلاص
مازن وقرب من ودنها اهدي اكيد العقاب مش هيكون هنا وقدام الناس
فتون ابتسمت بتوتر وسكتت
خلصوا وكل ركب عربيتهم
مروان اخد رحمه ويارا على بيت عثمان
..
وفريده وشهيره وهنا مع السواق
فتون ركبت طبعا مع مازن
مازن كان سايق في جو من الصمت وباصص للطريق
فتون بتختلس ليه النظرات وخايفه من صمته ورد فعله
افتكرت يوم ما ضرب اخته هنا عشان كانت خرجت ببنطلون غمضت عيونها بتوتر
فاقت على صوته
مازن وخرج عن صمته:بس حلو البنطلون اللي انتي لبساه دا
فتون بتوتر:اه ..قولت البسه عشان المطر وكدا ..والجو في شتاء وكدا
مازن بغضب انتي هتستهبلي ياحيلتها شتاء ايه هو انت بتمشي على رجلك انتي بتركبي العربيه من قبل ماتخرجي من بوابة القصر ونزلتي قدام المحل وركبتي بردوه من هناك وهتنزلي في القصر
فتون بارتباك انا قولت تغييير مش اكتر وبعدين دا واسع مش ضيق دا شبه الچيب وبعدين يارا كانت جيباه ليا هديه في عيد ميلادي
مازن بغضب التغير دا يبقا في اللبس المحترم ومش اللبس دا وبعدين انتي عارفه بناطيل ممنوع واسع اوضيق
فتون بضيق:خلاص مش هلبسه تاني
مازن بعصبيه:انتي عارفه لبسنا عامل ازاي واعتقد لبسك كله منه ..والله يافتون ان مظبطيش نفسك لهتشوفي مني وش اوحش من اللي شوفتيه قبل كدا وطريقة لبسك تفضل زي ماهي انا مليش دعوه بحد
فتون وفهمت وهو بيرمي ل ايه:خلاص خلاص انا قولت مش هلبسه تاني
