وجع الحب بقلم شيماء منير ج٢
مازن وخرج من عند خاله
باااك
فتون:كل دا حصل وانت محكتليش
مازن:يعني انتي حكتي
فتون:كنت خايفه عليك يامازن
مازن:يابنتي دا حشره واديكي شوفتي
______________
بعد يومين في الشركه وخصوصا مكتب مازن
دخل عليه سعد الراوي بعصبيه ابني فين يابن الشرقاووي
مازن بعصبيه انت اتجننت ازاي تدخل كدا وبعدين انت ابنك ضايع وجاي تدور عليه هنا
سعد:انا عارف انه عندك
مازن ببرود وبعدين؟؟
سعد برجاء:ارجوك سيبه
مازن:وهو مش سايبني في حالي انا ومراتي ليه
سعد:خرجهولي واوعدك انه مش هيقرب منك انت ومراتك ابدا
مازن:لا مش هتوعدني هتمضي انت وابنك على ورق ابيض عشان يوم ما يفكر يقرب اتصرف انا بقا
سعد:موافق بص سيبه ومتأذهوش
بعد مرور شهرين
فريده بغضب:لا والف لا مش موافقه بقا اخرتها تتجوز واحد بيشتغل عندنا
مصطفى :هي دي الكلمه اللي انتي ماسكه فيها وايه يعني
مازن:مبتتحسبش كدا ياماما بنتك بتحبه وهو بيحبها
فريده :بردوه لا
مروان:ياماما خلاص بقا وافقي عشان خاطر هنا كلنا موافقين
فريده:يعني يرضيك يامازن اختك تعيش عيشه اقل من هنا
مازن:من قالك وبعدين احنا مستحيل نسيب اختنا واللي هي عايزاه هنعمله لها واللي علي مش هيقدر يجيبه او يعمله انا مروان هنعمله لها
فريده:وتفضل طوال عمرها محتاجه
مازن:ياماما احنا اخوتها ومش هنسبها وعلي طموح وانا عارف انه هيقدر يدير بيته كويس
مروان:مازن عنده حق ياماما
مازن وقرب منها بحنو والا انتي مش عايزاها تمشي وتسيبك
فريده بدموع انت بتقول فيها دي حته مني هتمشي
مصطفى :دي سنة الحياه يافريده
مازن:خلاص بقا ياماما نعمل الخطوبه مع فرح مروان
فريده :اللي تشوفوه
وبعد اسبوعين
الكل كان بيجهز عشان الليله المنتظره فرح مروان ويارا
وخطوبة علي وهنا
وكانوا في قاعه كبيره
والكل كان فرحان ومبسوط
عدى اسبوعين ومات كامل اللي موته اثر على مازن وفضل فتره مش في المود العادي
وفي يوم رجع من الشغل
كانت فتون منتظراه في غرفتهم
مازن ودخل:مساء الخير
فتون بابتسامه واسعه :مساء النور …حمدلله على السلامه
مازن بارهاق:الله يسلمك
فتون:شكلك تعبان
مازن:كان عندي شغل كتير النهارده
فتون:ربنا يعينك ياحبيبي ..عندي ليك خبر حلو
مازن:خبر ايه؟؟
فتون:انا حامل
مازن بابتسامه واسعه بجد؟؟
فتون:اه والله
مازن وحضنها وشالها لفوق مبرووك ياقلبي
فتون:الله يبارك فيك
