وجع الحب بقلم شيماء منير ج٢
وقفوا عند القصر
البواب فتح ليهم البواب
مازن دخل بعربيته
نزلوا قدام الباب الداخلي
فتون دخلت وكان باين عليها مضايقه
وطلعت على فوق
مازن هو كمان دخل وكان شكله متعصب
فريده وابتسمت بفرح وعرفت انه بسبب لبس فتون
شهيره كمان عارفه بس بنتها عنيده
مازن:انا هطلع ارتاح وهننزل على الغداء عن اذنكم
طلع على فوق
ودخل اوضته هو وفتون
سمع صوت من الحمام
عرف انها في الحمام
بدل لبسه بلبس بيتي مريح
وخرج البلكونه يدخن سيجاره
فتون خرجت من الحمام كانت لابسه البشكير ولافه شعرها بفوطه
شلت الفوطه من على شعرها
وشغلت الاستشوار وبداءت تنشفه
مازن لما لاقها خرجت دخل وقفل البلكونه
مازن ولاحظ حاجه في شعرها
مازن وقرب منها:انتي قصرتي شعر؟
فتون باختصار اه
مازن:ليه؟؟
فتون بعيون دامعه:تفتكر ليه؟ اسال نفسك كنتي بتشدني منه ازاي
مازن:ومين السبب في دا كله مش طولة لسانك
فتون:انا مش هسكت عن حقي
مازن حق ايه؟؟ انا قايلك ابعدي عن الموضوع دا وبعيدها ليك تاني ملكيش دعوه بالحورات دي
فتون بصتله بصمت ودموعها نزلت
مازن شدها لحضنه
في الاول رفضت بس استلمت مع ضمه ليها
مازن وحاول يكون هادي ممكن تفهمني شويه اي غلط انتي بتغلطيه بيكون غلط في حقي انا كمان انا مقبلش اي حد يقول عليكي كلمه مش كويسه ولاحتى اقبل الاهانه ليكي ..بس كل حاجه ليها حدود …ومش عايز طول الوقت معتمده على لسانك كتر الكلام بيلغط
فتون وخرجت من حضنه طيب ممكن تسمعني ولو مره اسمعني حتى لو اللي هقوله مش هيعجبك ومش صح
مازن:اتكلمي يافتون وقولي انا سامعك
فتون وحكت له على اللي حصل في اليوم دا وطريقة فريده معها طول الوقت
مازن:انا عارف ماما وطريقتها هي طول الوقت معانا كدا احنا ولادها بس في الاخر هي امي وواجب عليكي انتي كمان تحترميها في كل الظروف
فتون:والله انا بحاول اتعامل معها كويس بس هي بجد طول الوقت شتيمه واستفزاز
مازن: عشان خاطري انا اسمعي ومترديش
فتون:والله بحاول .. انا طول الفتره دي مش برد عليها
وحاضر مش هكلمها
_______________
في بيت عثمان
كانوا قاعدين على السفره
محمد: ماما بقا محدش يغلبها في المحشي
رحمه:بطل ياواد بكش
يارا:لا بجد ماما نفسها حلو في الاكل وخصوصا المحشي
عثمان:والا البشاميل ملهاش زي
مروان:لا بقا دا انا هاجي يوم مخصوص ادوق البشاميل طالما انكل عثمان شهد بنفسه
