عطر سارة بقلم شيماء سعيد ج7

_ لأ لأ لأ أنت كدة زي القمر وتعجب الباشا.. ممكن أروح لأروي عشان تحس إن في حد جانبها اليوم ده..

أومأ إليها فذهبت أقتربت منها حنان وقالت بتوتر:

_ استني يا سارة هطلع لها معاكي..

إبتسمت إليها سارة وجذبتها مردفة:

_ من ساعة ما عرفتك وأنتِ طيبه مع الكل يا طنط الا انا..

قالتها بمرح فقالت حنان:

_ يا بنت اتلمي بدل ما أتحول حما شريرة وانيم الواد عندي..

_ لأ لأ كله إلا حودة خدي فاطمة عندك..

صعدت لغرفة العروس لتنبهر من جمالها، قالت سارة بذهول:

_ ما شاء الله قمر يا رورو..

نظرت إليها أروي بتوتر وقالت:

_ بجد يا سارة شكلي حلو وأنا عروسة ؟!..

ضمتها إليها بحنان:

_ ومفيش عروسة في جمالك..

رفعت أروي رأسها لحنان بتوتر، منذ دخولها لقصر علام تحاول عدم إزعاج حنان، رأت حنان بعينيها شعور بالحنين لعناق أم ففتحت ذراعيها إليها دون حديث، ألقت أروي بنفسها داخل أحضانها فهمست حنان:

_ إياكي تعيطي أنتِ النهاردة عروسة واليوم ده يومك..

_ شكرا انك جيتي..

ضربتها حنان بخفة مردفة:

_ شكرا في عينك هو في بنت بتقول لأمها شكرا انها حضرت فرحها؟!..

أبتعدت عنها قليلاً وهمست بذهول:

_ أمها ؟!..

_ طبعاً أمها أنتِ من النهاردة زيك زي محمود وطارق عندي بالضبط..

وعلى سيرة محمود دق على الباب ودلف، أبتسم إليها وبداخله شعور غريب، كأنه أب وهذا زفاف أبنته، أدمعت عينيه وسحبها لحضنه مردفاً:

_ فضلت اطفش فيه طول الشهور اللي فاتت عشان أشبع منك على قد ما اقدر لا هو رضا يطفش ولا انا قادر اشبع منك..

سألته بحزن:

_ ما تزعلش مني يا محمود أنا ما كنتش عايزة أعمل أي حاجة المرة دي غصب عنك بس والله العظيم علي هو…

وضع يده أمام شفتيها قائلا:

_ اششش مش عايز اسمع اي حاجة احنا دلوقتي هنفرح وبس..

_____ شيما سعيد _____

بالاسفل كان يقف علي أسفل الدرج لتنزل هي متعلقة بيد محمود من طرف وطارق بطرف الآخر، كانت رائعة الجمال بفستان زفافها الراقي وحجابها البسيط، قلبها أخذ يرفرف بين صدرها تشعر وكأنها تملك العالم بما فيه، بين يدي أخواتها وامامها ما اختاره الله لها ماذا تريد أكثر..