بدر الصعيد بقلم مها العيسوي ج1

وصل بدر البيت واول مادخل قربت منه سعديه بسرعه طمنى ياولدى كيفها نچاة
بدر بصلها قوى انتى كنتى خابره بمرض نچاة ياحاچه
سعديه بصتله بزهول مرض ايه ياولدى كفالله الشړ
بدر من لهفة امه اتاكد انها مكانتش تعرف نچاة ياحاچه عنديها مرض فى الجلب ومكانش المفروض انها تخلف واصل
خبطت سعديه على صدرها بخضه يامورى مرض فى الجلب من مېته الحديد ديه
بدر بجلها سنتين ياحاچه بس كيف ابوى يبجى خابر وانتى لا
سعديه بتفكير ايوه ايوه من فتره كابيره تعيبت شوى وايامها انى كمان كنت تعبانه ومريم كانت فى چمعيتها وانت فى شغلك ابوك اخديها كشف عليها ولما رچعوا جلولى ان معندهاش حاچه وانه برد فى كتفها وصادرها
بدر برد !!! ابوى كان خابر كل حاچه بس نچاة حلفتوا مايقول لان ايامها الدكتور جالها ان الخلفه خطړ عليها
سعديه قعدت وهى مسهمه ودموعها نازله ميشان اكده كان مصمم يچوزك عليها وانى كنت مفكراه عايز يعمل اكده ميشان اتاخرت فى الخلفه
بدر لما سمعته بيجولى اتچوز خاڤت وجالت تخلف هى بدال مايچبولى دره وادى النتيچه
سعديه دموعها نزلت اكتر الله يسامحك ياحاچ وهى كيفها ياولدى دلوقيت
بدر قعد بتعب بجيت زينه الحمد لله بس ازاى ياحاچه ماتعرفيش انها مرضانه انتى عايشه معاها طول الوجت
سعديه ياولدى نچاة عمرها ماشتكت من حاچه ولا بان عليها ايوتها تعب حتى لما جولتها تعالى نروح المركز تشوف الحبل متاخر ليه مرديتش وجالتلى انها هتروح مع مريم لما ترچع والله ياولدى انا مجصرت معاها واصل
بدر قرب منها لما دموعها زادت من احساسها بالذنب وخۏفها على نجاة خلاص ياما عاد بطلى بكى هى بجيت زينه الحمد لله
سعديه انى زعلانه من حالى انى جصرت معاها اجول لخيتى ايه لما اجبلها وهى موصيانى عليهم جبل ماتموت
بدر ابتسم وباس ايديها جوليها انى حطتهم فى عينى وكانوا اكتر من بناتى !! انتى عمرك ماجصرتى ياحاچه بالعكس انتى عملتيهم زين جوى وربتيهم احسنها تربيه
سعديه طبطبت على خده الله يرضى عنيك ياولدى ويچبر بخاطرك ويخليلك ولدك ومارتك
بدر اه صوح وينه يونس
سعديه قامت هدخل اجيبه من چوه منيماه عيندى
دخلت جابته وطلعت سبحان الخالج كانه انت وانت صاغير يابدر
بدر اخده منها وباس دماغه عچبك اسم يونس ياما
سعديه ابتسمت جوى حوى ياولدى ربنا يخليه وتشوفه راچل زييك
بدر اللهم امين