فارس بلا مأوى بقلم ولاء رفعت ج3
_ حلو جوي، يعني مفيش غيرنا أنا وأنتي في الدار؟.
سألها وعيناه تحدجها بتوعد غادر، أجابته والقلق يساورها:
_ أيوه، في حاچة؟.
إزدادت قبضته قوة مما جعلها تأوهت بألم، جذبها خلفه قائلاً:
_ ده في حاچات يا روح خالتك.
صرخت بألم وتحاول الفرار من قبضته:
_ آه دراعي يا سي رافع، همله أبوس يدك، هينكسر .
ألقاها بقليل من العنف علي الكرسي داخل غرفتهما ثم جذبها من خلف رأسها وكأنه يقتلع خصلاتها في قبضته، وبصياح هادر:
_ ده أني هكسرو وها كسر رچليكي الأتنين لو خطيتي دار عمتي تاني يا فاچره.
أنفجرت باكية وهي تقول:
_ كنت رايدني أخدك بالأحضان وأنت عتجولي هاتتچوز عليا!، أي واحدة لو مكاني كانت سوت أكتر من إكده.
زاد من قبضته أكثر فأطلقت صرخة بنحيب وعويل، أعتدل وجعلها تقف أمامه ليصبح وجهها مقابل وجهه وبملامح قاسية متجبرة قال:
_ قسماً بالله لولا الي في بطنك لكنت ماخليت حته في چتتك سليمة، ويا ويلك لو كررتيها مرة تانية لايهمني وجتها إنك حبلي، فاهمة ولا لاء.
هدر بصوته المجفل وهو يهز رأسها بعنف ومازال قابضاً علي خصلاتها:
_ ماتردي.
صرخت باكية بخنوع وإستسلام:
_ فاهمة، فاهمة.
تركها بإشمئزاز وأتجه نحو المشجب ليأخذ عباءته وجلبابه ليرتديهما، وبأمر صارم قال لها:
_ جومي غيري خلچاتك، هانروح لعمتي لأچل تعتذري ليها هي وبتها.
وبرغم ما تشعر به من آلام نفسية وجسدية لكنها لم تتحمل أكثر من ذلك فصرخت به بكل تمرد:
_ وأني ماريحاش عند حد ولا هاعتذر كمان.
زجرها بنظرة آتيه من قعر الجحيم، وبصوت دب الرعب في أوصالها:
_ عتعصي أوامري يا بت ال……
وكاد ينقض عليها كالوحش الضاري، فجاء رنين هاتفه لينقذها من الهلاك بين يديه، أمسك بهاتفه ليري إسم المتصل إحدي رجاله المكلفين بمراقبة محبوبته، نسي أمر معاقبة زوجته تماماً و غادر الغرفة ليجيب:
_ عايز أي يا زفت الطين؟.
أجاب الآخر:
_ ألحق يا رافع بيه الست فاطمة خرچت من دارهم وجعدت تتلفت وبعدين طلعت حاچة من شنطتها أتاريه نقاب ولبسته وأتحدت في المحمول وبعدها طلعت علي الطريج وركبت تاكسي…
قاطعه بحنق وملل:
_ ماتخُلص يا زفت وجصر في الحديت، أدليت علي فين؟.
أجاب وهو يلتقط أنفاسه:
_ أصبر يابيه ما أني چايلك في الحديت أهو، روحت ماشي ورا التاكسي بالموتسيكل لحد ما نزلت في حته مفيهاش صريخ إبن يومين وفچاءه ظهرت عربية أتاريه الدكتور الي أسمه يحيي ركبت وياه ومشي علي طريج المركز لحد ما وجف قدام النادي الي علي البحر.
