تائهة في نيران غدره ج3

عز بأعجاب … فهم ياحج ايه الدماغ دي متكلفة
عم ابراهيم بضحك … لا متكلفة ولا بتاع دي تجربة في الحياة واتعلمت منها
حمزة بأبتسامة … بجد شكرا ع كلامك دا عرفتنا حاجات كتير مكناش نعرفها واكتر الشباب بتقع فيها
عم ابراهيم بأبتسامة … ربنا يسعدكوا ياولاد قوموا بقا جهزوا نفسكوا واستعدوا اليوم يومكوا يارجالة
وليد بمرح … يومهم هما لكن انا هفضل قاعد معاك هنا ولا اقولك تعالي نطلع نساعدهم ف اللبس اي رأيك ياهيما
عم ابراهيم بضحك … هههههه هيما ياقليل الادب يلا تعالوا
صعدوا جميعهم الي اعلي ليستعدوا الي اول يوم لهم في الحياة الزوجية

@@@@@@@@

اتت غادة الي الفيلا ولكن لم تجد احد صعدت الي اعلي الي الغرفة الموجود بها البنات ومعهم عبير ووالدة بسملة وبنات الميك اب وهما يجهزون العرائس
حاولت غادة رسم الابتسامة علي وجهها متحدثة … الف مبروك ياقمرات ربنا يتمملكوا ع خير
البنات جميعهم بأبتسامة … الله يبارك فيكي
بسملة بتوتر … بقولك ياغدوش هو انا طالعة حلوة ولا الميك اب دا مش لايق عليا
غادة بأبتسمامة … لا ياقلبي طالعة قمر والله ربنا يحرسك من العين وانتي ياهدهد قمر برضة وعجبني جدا لفة الطرحة بتاعتك دي روعة
آية بحزن مصطنع … طب وانا ياغدوش ولا انا بنت البطة السودة
غادة بسخرية وهيا تتجة نحوها … يااختي اتنيلي انا شايفة حاجة من الغمة اللي حطاها ع وشك دي
ضحك جميعهم بينما تحدثت آية بغيظ … ملكيش دعوة يارخمة ابو شكلك عيلة فقر
غادة بضحك … قمر والله ياقلبي كلكوا قمرات ربنا يحميكوا يارب
عبير بأبتسامة … يلا ياغادة انتي كمان روحي البسي وتعالي البنات يحطولك ميك اب كدا هتتأخري مبقاش وقت
غادة بأبتسامة … حاضر عن اذنكوا ربع ساعة وهرجع
الجميع … اتفضلي

انصرفت غادة الي غرفتها لتجهز نفسها ..انهت البنات من وضع الميك اب والتجهيزات وجلسوا جميعهم في انتظار الشباب
ام بسملة بدموع فرحة وهيا تحتضن وجهها … الف مبروك ياروحي طالعة قمر عشت عمري كلة اتمني اللحظة دي
بسملة بسعادة وهيا تحتضنها… ربنا يخليكي ليا ياماما وميحرمنيش منك ابدا ياست الكل
نظرت هدي وآية اليهم بسعادة اتت اليهم عبير واقفة امامهم بأبتسامة جذبتهم داخل احضانها تقبل رأسهم متحدثة … الف مبروك ياحبابيبي ربنا يسعدكوا ويتمم ليكوا علي خير تسمحولي اكون امكوا وصدقوني مش هتندموا ابدا في يوم
آية بدموع … طول عمري نفسي يكون عندي ام عشان تبقا جمبي في اليوم دا كنت مفكرة اني هبقا لوحدي لكنت انتي فرحتيني جدا يااجمل ام
عبير بفرحة ودموع سعادة … ربنا مايحرمني منكوا ابدا انا كنت غبية اوي
هدي بأبتسامة وهيا تجفف دموع عبير … خلاص بقا قولنا اللي فات كان صفحة وحرقناها من حياتنا وبدءنا ف الجديدة
احتضنتهم عبير بسعادة جذبت بسملة هيا الاخري معهم متحدثة … ياااه مفيش اجمل من اللحظة دي ربنا يسعدكوا ياحبايبي ويرزقكوا بالزرية الصالحة
اتت اليهم غادة من الخارج نظر الجميع اليها بأبتسامة وزهول من هيبتها فكانت ترتدي فستان طويل يصل الي قدمها زو اكمام محشم وفوقة حجاب ترتدية لااول مرة فكانت في غاية الروعة والجمال