من اجل ذنب ج1
وفعلا خرجوا هما الاتين من الشركة كل واحد قاصد بيته على وعد بأنهم يتقبلوا بليل علشان يسهروا
أما عند سمر وسهى صحيوا الاتنين وجهزوا علشان ينزلوا ووصلوا المكان
سمر: مش عارفة لازمته أيه اللبس ده
سهى: مش خلاص اتكلمنا فى الموضوع ده
سمر: ماشى ياسهى ربنا يهونها من عنده
وخرجوا هم الاتنين على شغلهم
أما عند سليم بعد ماجهز ونزل لقى حسين مستنيه علشان يروحه يسهروا
سليم: معاد مظبوط ياحسين
حسين: طبعا مش بشتغل عند سليم باشا الانصارى
سليم: بضحك اسمها بشتغل معايا مش عندى احنا اخوات
حسين : طبعا احنا عشرة بس قولى هتسهرنى فين
سليم: مكان كده روحت مرة واحدة بس عجبنى
حسين: يلا
خرجوا هم الاتنين مع بعض قصدين مكان الباشا بعد شوية ووصلوا واول مادخلوا قام الباشا فى
استقبالهم
الباشا: المكان نور ياسليم باشا
سليم: متشكر
الباشا: ترابيزة مخصوص لسيادتك تامر بحاجة تانية
سليم: لا
الباشا: استئذن انا
حسين: شكلك معروف هنا
سليم: ابدا والله انا جاءت هنا مرة واحدة
حسين: ماشى ياعم
اما عند الباشا نادى على سهى
سهى: خير يا باشا
الباشا: سليم باشا جه بره
سهى بضحكة خليعة: انت متاكده أنه جاى تانى
الباشا: طب يلا شوفى شغلك
خرجت سهى وراحت عند ترابيزة سليم
سهى بدلع : ازيك يا باشا
سليم: اهلا
سهى: مش تعرفنا وبتشاور على حسين
سليم: دى حسين صحبى ده تقريبا سهى سحر مش عارف
سهى بدلع اكتر: انا كده ازعل مش فاكر أسمى
سليم: معلش
سهى: اسمى سهى
وقعدت معاهم تضحك وتشرب
أما عند سمر خرجت تودى طلبات فاشافت سهى بتشرب وقاعدة مع الزباين فراحت ناحيتها
سمر: ممكن تيجى معايا
سهى: ثوانى
سمربزعيق : قومى دلوقتى وهنا التفت سليم على صوتها واول ماشافها اتسمر مكانه
سهى علشان تدارى على الموقف : تعالى ياسمر
ومشيت سمر مع سهى
اما عند سليم فمازال متسمر مكانه
حسين: ماللك ياسليم
سليم: مفيش
حسين: انت مش شايف منظرك
سليم: انت شوفت البنت دى
حسين: بنت مين اللى كانت قاعدة معانا
سليم: لا مش قصدى على دى قصدى على البنت التانية اللى جيت
حسين: مالها
سليم: عايز اعرف عنها كل حاجة
حسين: اشمعنا
سليم بنرفزة :من غير اشمعنا نفذ وعايزة كل ده على مكتبى خلال يومين مفهوم
حسين : حاضر هكلف حد من رجلتى يجمع كل المعلومات المتاحة
سليم بنرفزة اكتر: انت بنفسك فاهم مش عايز حد يعرف حاجة
حسين: حاضر
وخرجوا سوا مع بعض
