من اجل ذنب ج1

فوزية باستغراب: ليه يابيه

سليم: علشان فى ضيوف جاين بكرا مش عايزة حد يشوفهم

فوزية: ضيوف مين

سليم: فى أيه يافوزية هو تحقيق

فوزية: ابدا يابيه اي اوامر تانيه

سليم: اه ياريت كمان بكرا تطلعى تنظفى الاوضة اللى فى اخر الطرقة

فوزية: أوضة ست

سليم: اه بس تخلى كل حاجة زى ماهى مفهوم

فوزية : بس يابيه

سليم: من غير بس نفذى اللى بقول عليه

فوزية: حاضر

وسابته ومشيت وهو لنفسه اخيرا هعرف اعوضك

أما عند سمر فضلت كتير قاعدة على الكورنيش لحد مازهقت ومشيت رجعت الشقة لقتها فاضية فضلت

كتير تعيط لحد مانامت من كتر التعب محستش بحاجة غير لم سهى رجعت كان نفسها يطلع كل اللى

حصل ده مجرد حلم لكن فاقت على صوت سهى وهى بتقول: ايه النوم ده كله ياعروسة

سمر: عروسة

سهى: طبعا دى الليلة ليتك

سمر: ارجوكى بلاش حرام عليكى

سهى: هو ايه اللى بلاش

سمر: مش هقدر اعمل اللى انتوا قولتوا عليه

سهى: معلش كل شئ فى أول مرة صعب دى انا اول مرة كنت همو,ت وبعد كده الأمور بقت عادى

سمر: انت ازاى كده

سهى: كده ازاى يعنى

سمر: بتقدرى تبيعى نفسك علشان الفلوس طظ فيها

سهى: الفلوس دى اهم حاجة دى اللى هتعالج امك وهتحمى اخواتك ولا انتى نفسك عاليا أختك تبقى

مكانك

سمر وهى ترفع ايدها لتض,رب سهى: اخرسى

سهى وهى تمسك ايد سمر قبل ضر,بها: فوقى من دور الضحية خلاص بقى اعقلى كده ونامى

سمر: انت ايه ياشيخة حرام عليكى

سهى: بكره تشكرينى على ال عملتوا معاكى

سمر: اشكرك عليه على انك خلتينى واحدة رخيصة بتبيع جسمها للبيدفع اكتر

سهى: لا علشان هخليك تلعبى بالفلوس لعب

سمر: متشكرة

سهى: يلا قومى كده اجهزى دى انت عروسة الليلادى

سمر: عروسة بارب امو,ت

سهى: المو,ت والحياة بين ايدين ربنا

سمر: انت تعرفى ربنا

سهى: انا مش هرد عليكى بس كل اللى هقوله انتى لازم تجهزى علشان الباشا هيعدى عليك الساعة٨

بليل

وسابتها ودخلت تنام وسمر قاعدة تفكر فى اللى ممكن يحصلها بس فكرت فى فكرة ممكن تنجيها

أما عند سليم فطلعت فوزية الاوضة واول مادخلت افتكرت كل حاجة حصلت وازاى هو هيفتح الاوضة

ده بعد السنين دى كلها وعلشان خاطر مين واحدة من بنات الليل ياخسارة ياسليم بيه كان نفسى تسيبها

زى ماهى نضيفة من غير مالهوش لازمة الكلام وبعد شوية من التنضيف نزلت فوزية لسليم كل تمام

يابيه

سليم: متشكر يافوزية

فوزية بضيق: العفو