من اجل ذنب ج1
تعاندينى عشان متشوفيش الوش التانى بتاع سليم الانصارى ونص ساعة بالظبط والاقيكى تحت وسابها
ومشى
أما سمر فضلت مكانها وهى مستغربة من تصرفاته طيب أقوم ولا مش أقوم بصى ياسمر أنتى تقومى
عشان تتقى شره وقامت دخلت الحمام ودعيت ربنا يسترها معاها
وبعد شوية نزلت لقته قاعد على راس الترابيزة وشاور بايديه بمعنى تقعد جنبه وفعلا قاعده بدون كلام
وبدأت فوزية بتوزيع الطعام وهى بتبص ناحيتها وتبص ليها نظرة طمأنينة
سليم: يلا افطرى كويس
سمر: بس انا ماليش نفس
سليم: انا مش بحب اعيد كلامى مرتين وبعد مانخلص فطار هتحصلينى على أوضة المكتب
سمر بتحاول تتكلم وتقوله لآ
سليم: وبلاش ترفضى فى اوضة المكتب هجاوبك على كل الاسئلة اللى نفسك تسأليها ليا وليه أنتى بالذات
يلى خلصى فطارك عشان اتكلم معاكى أنا شبعت هروح على المكتب وبعد ماتخلصى حصلينى وقام
سليم من على الكرسى ومشى راح على مكتبه
وبعد شوية خلصت سمر الفطار وشافت فوزية
فوزية: يلى يابنتى تعالى عشان اوريكى مكتبه فين
سمر : ماتخلينى أخرج من هنا ربنا يبارلكك
فوزية : مقدرش لو كنت اقدر كان زمانى خرجتك من امبارح
سمر: انا مش عارفة اشمعنى أنا مالبنات كتير
فوزية: يمكن عشان شبهك بست فريدة
سمر : هى مين فريدة دى قوليلى فريدة دى تكون صورتها اللى متعلقة فى الاوضة اللى نمت فيها
فوزية: ادخلى هو هيقولك كل حاجة
سمر باستسلام: حاضر
ودخلت سمر عند سليم المكتب وشافته قاعد على مكتبه وضهره للباب ووشه للشباك ومن غير مابيبص
ليها شاور بايده عشان تقعد وقعدت سمر مستنيه يلف بالكرسى ويبصلها وبعد دقايق من الصمت لف سليم
الكرسى وبص ليها بتركيز
سليم : انتى نفسك تعرفى انا اخترتك انتى ليه
سمر: ياريت
سليم: علشان عجبتينى
سمر: عجبتك طب مافى احلى منى كتيرونفسهم يكونو مكانى اشمعنى انا
سليم: علشان انتى فيكى حاجة مميزة
سمر: ايه هى
سليم: هافهمك بعدين دلوقتى اطلعى استريحى علشان عندنا سهرة طويلة باليل اظن ان سبتك براحتك
امبارح
سمر : أنت قولتلى هتقولى كل حاجة وهتجاوب على اسئلتى كلها ..ليه أنا بالذات وايه المميز فيا
سليم : انا فاكر كلامى بس بعد مافكرت قولت لنفسى مش دلوقتى خلى الكلام على بالليل
سمر : أنت وعدتنى تجاوبنى على كل اسئلتى
سليم : أنا مش وعدتك انا قولت هكلمك وهحكيلك كل حاجة وشوفت ان الوقت مش مناسب دلوقتى
