تقاليد العائلة بقلم داليا ناصر الاسيوطي
في قصر الزناتي
عندما عاد الرجال للمنزل لم يجدوا اي تجمع نسائي غير علا و عبير و سارة فقد ذهب عبدالرحمن الي غرفته بمساعدة ادم و ريان.
احمد
هو وين الحريم.
سارة
غزل قالت للكل انه مفيش عزا غير بعد ما تاخدوا بتار جدي و كله مشي.
احمد
أكده زين.
سارة
و فيه حاجة تانيه.
احمد
ايه هي.
سارة
عمتي مني جات هي و سلفتها و غزل طردتهم من اهنه .
على
غزل عملت الصح.
و بعدها ذهب كلا منهم إلي غرفته و لحقت به زوجته و لم يبقي غير ادهم و سارة.
كان ادهم سوف يذهب الي غرفته و لكن اوقفته سارة.
سارة
ادهم دقيقة رايده اتكلم معاك في حاجة.
ادهم
خير يا سارة فيه حاجة.
سارة
الموضوع بخصوص غزل.
ادهم بقلق
خير مالها غزل.
سارة
غزل حالها مزينش هي زعلانه علي جدي قوي بس مفيش دمعه نزلت من عينها من وقت ما عرفت خبر ۏفاته و أكده مزينش ممكن يجرالها حاجة اتكلم معاها انت هي بتحب تتكلم معاك و تفضفض.
ادهم
حاضر هي وين.
سارة
في أوضتها.
ادهم
حاضر اني هنشوفها و انتي خليكي اهنه لاحسن حد يجي.
سارة
حاضر.
و بعدها ذهب ادهم الي غرفة غزل و ظلت سارة في الاسفل.
في غرفة غزل .
كانت غزل تجلس في صمت و تنظر إلي صورة جدها المعلقة أمامها في صمت شديد و كأنها تفكر في شىء و لم تنتبه الي تلك الباب الذي بدأ يدق عدت طرقات و بعدها انفتح و دلف منه ادهم الذي لم تنتبه له حتي وضع كفه علي كتفها و هي توليه ظهرها.
غزل وهي تنظر له
ادهم .
ادهم
ايوة يا غزل دقيت علي الباب كذا مرة بس مردتيش قلقت عليكي.
غزل
مأخدتش بالي يا اخوي انتوا جيتوا كلكم.
ادهم
ايوة بس نوح و علي راحوا المستشفي يطمنوا علي يونس و حالته وصلت لوين.
غزل بشرود
طيب.
ادهم
الله يرحمه يا غزل متشليش في قلبك أكده لو رايده تتكلمي في حاجة اتكلمي اني موجود.
و بعدها جلس بالقرب منها.
غزل
مش عارفه ليه يا ادهم دموعي جفت كانت دموعي مش موقفة قبل ما اعرف خبر ۏفاته بس بعد ما عرفت دموعي وقفت.
ادهم
جايز من حزنك الزايد عليه متنسيش انك انتي اكتر حد قريبه ليه زيك زي جدي عبدالرحمن الي هو اخوه.
غزل
مفاتش غير يوم علي ۏفاته و فراقه و اليوم لسه مكملش بس بالنسبه ليه كانهم سنه مش عارفه هقدر اعيش كيف باقية عمري من غير جدي.
ادهم و قد وضع يديه علي كفيها بحنان اخوي
أدعيله بالرحمه.
غزل
حاضر.
ادهم
دلوقيت حاولي تنامي شوية و اني لو حد من الشباب طمني علي يونس هاجي اقولك انشاء الله نسمعوا اخبار زينه.
غزل
يارب.
و بعدها ذهب ادهم و تركها بمفردها.
