عروس رغما عنها بقلم سوليه نصار ج3

……..
في مكتب انس ،
-ازيك يا أنس ..
قالتها ليل وهي تدخل الي المكتب بكامل أناقتها المعتادة…كانت ترتدي بنطال جينز انيق مع حذاء ذو رقبة وقميص من الدانتيل الرائع …عينيها الخضراء تبرق وتنظر إليه بإعجاب …
تجهم وجه انس وهو يراها وقال:
-خير يا ليل جاية ليه …
نظرت ليل بخب*ث الي مرام الواقفة بجوار انس وبيدها ملف ما وقالت:
-دي مقابلة تقابلني بيها يا أنوس …
حاول انس تمالك اعصابه وقال:
-انسة مرام ..ممكن معلش تسيبنا لوحدنا ..
هزت مرام رأسها وهمت بالخروج …رفعت ليل حاجبيها وهي تلاحظ العرج البسيط في قدمها وقالت :
-مال رجلك يا انسة مرام ..أنتِ كويسة …
أخفت مرام انفعالاته بمهارة بينما تجهم وجه انس وقال من بين أسنانه:
-ليل…
نظرت إليه وقالت:
-انا بس بطمن عليها يا أنس …يمكن لو تعبا*نة تديها إجازة …بلاش تشغل البنت وهي تعبانة حرام عليك يا مفتر*ي …
ابتسمت مرام في وجهها وقالت:
-لا يا انسة ده مش تعب…أنا من فترة عملت حاد*ثة وهي سببت ليا عرج بسيط …الحمدلله علي كل حال…
ابتسمت ليل لها ابتسامة سخيفة وقالت:
-اووه زعلتيني عليكي يا مس*كينة …اكيد بتواجهي صعوبة في الشغل عند انس هنا … اصل الشغل هنا تقيل ومحتاج حركة دايما واكيد أنتِ بتتعبي اووي مش كده …
كان أنس يغ*لي من تصرفات ليل فقال بحدة مقصودة:
-انسة مرام من أكفأ الموظفين عندي يا ليل متقلقيش علي الشغل ومتتدخليش في اللي ملكيش فيه …
حافظت ليل علي ابتسامتها ولم تشعر بالإحراج بسبب معاملة انس لها …ولكنها من الداخل عرفت أن تلك الفتاة لها تأثير كبير علي أنس وهي يجب أن تتصرف قبل أن يطير هذا الوسيم من بين يديها …اصطنعت هي ابتسامة ودودة وقالت :
-انا بس قلقانة عليها يا بيبي …
-محدش قالك تقلقي …
كانت مرام محافظة علي مظهرها الجليدي وقالت:
-طيب عن اذنكم أنا بقا …
ثم خرجت بسرعة …
-عاجبك اللي نيلتيه ده …أنتِ ايه لسانك ده متبري منك …ازاي تجر*حيها بالشكل ده …وليه تتكلمي معاها اصلا …وليه كل شوية تنطيلي هنا …أنتِ عايزة مني ايه …
رفعت ليل حاجبيها واقتربت منه وهي تقول:
-بتحبها ..
ابتسمت بخ*بث وهي تري علامات التوتر علي وجهه بينما يبلع ريقه بصعوبة …ضحكت هي وقالت بذهول:
-مش معقول انك تصوم تصوم وتفطر علي دي …
-احترمي نفسك يا ليل !!!
قالها هو غاضبا لترد هي وقد انقشع الود من وجهها ليظهر الغض*ب …الحق*د والتم*لك :
-انت اللي فوق لنفسك وكفاية كده …انت بتغ*رق يا استاذ …انت فاكر اني مش حاسة بيك …مش شايفة بتبصلها ازاي …عينيك بتلمع ليها وبتدافع عنها كأنها حد يخصك ….شوفت عينيك وهي بتسر*ق نظرات ليها …حاسة بقلبك اللي بيدق ليها …بس لا يا أنس ده مش هيحصل …اليوم اللي تقرر ترتبط بيه بحد غيري أنا هاخد ملك منك واربيها أنا واوعدك انك عمرك ما هتشوفها…متنساش الاتفاق …أما ملك أو قلبك وانت اختار …خرج البنت دي من دماغك لانك انت اللي هتتعب …
-مترسميش سيناريوهات من عقلك يا ليل آنسة مرام مجرد …
ضحكت هي بقوة وهي تقترب أكثر ثم امالت علي مقعده تحاصره وقالت:
-عليا الكلام ده يا أنوس …يا بيبي أنا حاسة بيك …نظراتك فاض*حاك يا أنس …العاشق دايما مف*ضوح وانت للاسف هويتها بس البنت دي هتخسرك كتير فلازم تتصرف …اتصرف بدل ما تلاقي نفسك خ*سرت ملك …لأن والله لو عرفت بس بحوار أي ارتباط بينك وبينها هقلب الدنيا عليك …ودلوقتي لازم تطر*دها من الشركة والا هاخد ملك …
-نعم بتقولي ايه؟!
قالها انس بصدمة لترد ليل بحزم:
-اطر*دها يا أنس …اطر*دها!!!