تائهة في نيران غدره ج2
نظر الطبيب الي عز … ايوا شفتها
بسملة بلا مبالاه … طلعت بلاستك او نفخ
الطبيب بزهول … مش معقول واضح جدا انها طبيعي انتي مش شايفة عامل شبة البغل ازاي احم لمؤخذه ياحضرت
تعالت صوت ضحكاتها بهسترية نظر لها عز بسخط صمتت ع الفور ثم نظر الي الطبيب بغيظ شديد مردفا … ماتخلص بقا وتشوف مالها خلينا نمشي من هنا
الطبيب بجدية وهو يمسك قدمها … تمام بيوجعك منين
بسملة وهيا تشير لطبيب علي مكان الالم … من هنا
الطبيب وهو يحرك يدة علي قدميها ليصل الي مكان الالم …. متأكدة انه هنا
بسملة بتوتر من الطبيب … ايوا
عز بغيظ وغضب … ماتخليها فوق شوية
كتم الطبيب ضحكتة واكمل … بس ياانسة الورم تحت هنا بس اللي فوق دا بضحة متقلقيش هديكي ليها كريم وهتخف بسرعة
وضع الطبيب كريم علي قدميها وبدء في تدليكة نظر له عز بزهول وغضب شديد اقترب منها وازاح يد الطبيب بعيدا عنها …. خلاص هيا هتعملة لنفسها
الطبيب وهو يتعمد غضبة … بس حضرتك دا شغلي اتفضل ارجع ورا خليني اشوف شغلي بدل ماهطلعك بره
عز ببرود … مش طالع ثم اكمل بضيق … وهيا هتعمل لنفسها رجلها اللي وجعاها مش اديها وبعدين انا طلبت دكتور بعتنلي نطع ليه
الطبيب بغضب بسيط … نععععم
عز ببرد …. لمؤخذه ياحضرت
كادوا ان يتشاجروا سويا ولكن قطعهم صوت طرقات الباب دلفت الممرضة الي الداخل تقدمت من قدم بسملة ربطتها برباط ضغط مردفة … خلاص يادكتور هيا كدا تقدر تمشي بس حضرتك لازم تجبها تعمل اشعة اتفضل معايا احنا مجهزين ليها كل حاجة
عز بجدية … تمام اتفضلوا انتوا وانا هجبها
الدكتور بعلمية … تمام انا كدا خلصت وهما هناك في قسم الاشعة هيقوموا معاك بالواجب متقلقش والف سلامة يامدام
بسملة بضيق … لا لا انا مش مدام انا انسة
نظر الطبيب الي عز وهو يحاول كتم ضحكاتة من هيئتة الغاضبة ثم نظر الي بسملة مردفا … الف سلامة ياانسة واتمني انك تبقي بصحة جيدة وانتبهي علي نفسك كويس
بسملة بخجل … مرسي يادكتور
الطبيب بابتسامة … كلك زوقك ياانسة
عز بغيظ … اجبلكوا شجرة واتنين لمون
وضعت بسملة يدها ع وجهها بخجل شديد بينما تحدث الطبيب مردفا بأستفزاز … والله حاليا مش فاضي كنت بتمني ان شاء الله تتعوض مرة تانية يلا ونادي ع الممرضة وانصرفوا الاثنان الي الخارج يضحكون بشبة هستري
