تائهة في نيران غدره ج2

@@@@@@@
غربت الشمس وحل الليل اضاء القمر ليعطي للسماء منظرا بريقا يخطف القلوب
فاقت من نومها بتعب شديد وهيا ممسكة برأسها نظرت الي الغرفة بضيق نظرت بجوارها وجدتها تنظر لها بغيظ لكزتها غادة بغضب متحدثة … كل دا نوم يابت انتي انتي هتعمليهم عليا فوقي كدا وركزيلي انا قولت ان البت صدقت نفسها وعملت فيها فاقدة الذاكرة بجد
آية بوجع شديد … ااااه يارتني ماسمعت كلامك انا استاهل ضرب الجذم اصلا اخوكي دا ايدة تقيلة اوي

غادة وهيا تحسس ع وجهها …. فعلا والله
آية …. انتي جربتي ولا ايه ربنا ع المفتري عشان مظلومة تستهلي
غادة بغضب … تعرفي يابت انا غلطانة اني قولت اساعدك لكن طلعتي جذمة متستهليش
آية … خلاص ياستي متقفشيش كدا مااهو انا سامعة كلامك اهو اما اشوف اي اللي هيحصل
غادة بتسأل … آية انتي متجوزة يوسف وانتي عارفة انه ناوي ينتقم منك
آية بتنهيدة وهيا تتراجع برأسها الي الخلف … ايوة عارفة
غادة بجدية … وانتي ساكتة ع كدا لية
آية بحزن …. تعرفي انا الاول كنت رافضة الموضوع وكنت فعلا عاوزة احط ليوسف حد لكن لما عرفتة كويس لقيت يوسف كل هدفة انه ينتقم وبس الانتقام مالية ومخلية مش شايف قدامة لكن بغبائة بينتقم من الشخص الغلط لان انا اصلا مفرقش مع بابا بس يمكن يفوق لنفسة ويعرف ان في ربنا اقوي من الكل

غادة … طب انتي لية قولتي لدكتور يقول ليوسف انك فاقدة الذاكرة
آية … لان انا عارفة ان يوسف هيستغل الوضع اللي انا فية وممكن يأذي بابا فادي الطريقة الوحيدة اللي هقدر احمي ابويا بيها
غادة بحزن … بعد كل اللي عملة معاكي بتفكري ازاي هتنقذية حتي ع حساب نفسك
آية بحزن دفين … دا ابويا ياغادة وربنا وصانا عن الوالدين وطاعتهم في كتابة العزيز
بسم الله الرحمن الرحيم (وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًا ۚ إِمَّا يَبْلُغَنَّ عِندَكَ الْكِبَرَ أَحَدُهُمَا أَوْ كِلَاهُمَا فَلَا تَقُل لَّهُمَا أُفٍّ وَلَا تَنْهَرْهُمَا وَقُل لَّهُمَا قَوْلًا كَرِيمًا ) صدق الله العظيم
غادة … صدق الله العظيم

آية … يعني مهما عمل ومهما قال مقدرش اقولة غير حاضر ونعم ومن واجبة عليا كابنتة اللي رباها وكبرها وعمها وخللها مكانة في المجتمع انها تبقا سندة وقت مايحتجها يلاقيها
غادة بأبتسامة …. انتي طيبة اوي ياآية وان شاء الله يوسف يفوق قريب من اللي هو فية دا وتعيشوا حياتكوا في سعادة
آية بحزن … تفتكري ان ممكن يحصل كدا او ان يوسف ممكن يتغير هه يوسف عمرة ماهيتغير
غادة بضيق …يوسف عمرة مكان كدا معرفش اية اللي حصلة
آية … يلا مش مهم محدش يعرف بالموضوع دا وقومي من هنا يلا عشان منتكشفش وكمان عاوزة انام
غادة … تنامي ايه نامت عليكي حيطة انتي يابت مش نايمة من الصبح لسة صاحية