نفوس قاسية بقلم منى احمد حافظ ج٥

——————-

ساد الوجوم كافة الوجوه في رواق المشفى حتى خرج الطبيب فهرع إليه مازن وخلفه لطيف وهمت صفيه أن تقف ولكن يدا محمود منعتها وهمس لها:
– ارتاحي يا أمي أرجوكِ أنتِ من وقت اللي حصل وأنتِ مش عايزة تسمعي الكلام، دلوقتي الدكتور هيطمنهم على آدم وهيطمنونا.

نظر الطبيب إلى كافة الوجوه وقال:
– الحمد لله اطمنوا يا جماعة دي كانت غيبوبة سكر واضح أنه الأستاذ آدم أهمل فالأكل والعلاج ونسى ياخد الحقن وواضح أن حالته النفسية كمان مش متظبطة، عمومًا هو دلوقتي هيتنقل اوضة وتقدروا تطمنوا عليه وبكرة أو بعد هيخرج إن شاء الله.

حمدت صفية الله وقالت:
– الحمد لله أنه بخير.

نظر مازن إليها وقالت مبتسمًا:
– طيب بما أن حضرتك اطمنتي عليه ينفع بقى ترتاحي شوية أنتِ من أمبارح منمتيش أنا هطلب من حضرتك تاخدي هايدي وهدى ومنال وتروحوا ترتاحوا، ولما آدم يفوق هنشوف لو الدكتور يخرجه بدل ما يستنى أنا عارف أنه مش هيرضى يقعد هنا ساعة على بعضها خصوصًا أن مافيش أى جديد فموضوع سهر.

نظر هاني إلى منال وقال:
– منال تعالي أروحك كفايه كده عليكِ أنا مش عايز ماما فوزية تضايق أنك برا البيت كل دا.

دمعت عين منال وقالت:
– مش هتضايق يا هاني أنا كلمتها وقولت لها على كل حاجة قالت لي أخليني مع الحجة صفية ومسبهاش، هي أصلا مطمنة علشان أنت معايا وبعدين أنا عايزة اطمن زيكم على سهر والاستاذ آدم.

ربت هاني على رأسها وقال:
– طيب متعيطيش عينيكِ نفخت من كتر العياط أهدي بقى.

ازداد بكاء منال فاحتضنها هاني وزفر بضيق فهو يشعر بخوفها على غياب سهر خاصة وأن اليوم الثاني يوشك على المضي دون العثور عليها.

————-

سحب فؤاد ذلك الأنبوب الرفيع ولفه حول ساعده وأحكم ربطه وأخرج الحقنة التي انتظرها منذ ساعات وغرزها في ساعده واسند رأسه على حافة المقعد وحل الانبوبة وتركه يقع أرضًا ولم يهتم لشيء حتى سرى مفعول الحقنة في جسده فاعتدل وهو يبتسم ويدندن وعاد إلى غرفة سهر مرة أخرى، وقف يتطلع إليها وأخذ يمعن النظر في جسدها ومال عليها يتحسسها بيده فتحركت سهر وهمهمت من خلال الشريط فمد يده ينزعه عنها بقوة فصرخت من الالم وقالت:
– أنت بتعمل أيه مش أنت قلت مش هتلمسني ألا لما نتجوز صح يا فؤاد أنت قلت كده مش قلت أنك بتحبني، أنا أنا هطلب الطلاق من آدم وهسمع كلامك بس بلاش تخلف كلامك معايا، أرجوك يا فؤاد متخلنيش أق\تل نفسي.