نفوس قاسية بقلم منى احمد حافظ ج٥
مالت سهر على وجه آدم وقبلت وجنته وقالت:
– حبيبي أنا عاوزة أولد هنا فمصر علشان ماما صفية تبقى جانبي مش عاوزة أولد فبلد غريب معرفش فيه حد.
اوقف آدم سيارته والتفت لها وقال:
– سهر هو مافيش مرة تسمعي الكلام وأنتِ ساكته وتقولي حاضر من غير جدال.
أجابته سهر وهى تبتسم له:
– أنا بسمع كلامك بالحرف يا دومي وعمري عمري ما عملت حاجة تضايقك.
أحس آدم أن سهر تسلبه عقله بشدة فأجابها قائلًا محاولًا تمالك نفسه:
– تخيلي مكنتش أعرف أنك بريئة أوي كده، عمومًا لينا بيت نتكلم فيه بدل ما يتقبض علينا فعلًا والمرة دي خالي بنفسه اللي هيطلب يحبسنا.
اعتدلت سهر وقالت بجديه تسأله:
– هو أنت ليك قرايب غير خالك ومازن.
أدار آدم السيارة وأحس بالانزعاج لسؤال سهر وفضل البقاء صامتا، فكررت سهر السؤال وقالت:
– أيه يا آدم مسمعتنيش بقولك عندك قرايب غير خالك ومازن.
أجابها آدم بضيق وقال:
– لا معنديش وانسي أنك شوفتي اللواء لطيف يا سهر واقفلي على الموضوع دا لو سمحتي.
أحست سهر بتوتر آدم من ملامحه فقالت:
– حاضر يا آدم مش هسأل علشان تعرف أني بسمع الكلام أهو بس بردوا أنا عايزة أعرف وأتعرف على كل عيلتك و.
نهرها آدم بحدة وقال:
– سهر قلت اقفلي كلام فالموضوع دا.
اشاحت سهر بوجهها عن آدم وهمهمت بضيق:
– كل حاجة لازم تمشي حسب أوامره هو وبس اقفلي كلام فلازم اقفل كلام أومال اتكلم مع مين مع نفسي، عجبك كده يا رشدي اللي بابا بيعمله فيا دا، عارف أنا هاخصمه ومش هكلمه تاني شوفت بيزعق فيا أزاي و.
صمتت سهر وشهقت حينما فتح باب السيارة من جانبها وجذبتها يد آدم وحملها على كتفه فصاحت سهر وقالت:
– نزلني يا آدم أنت مالك قالبني أنا وابنك بالشكل دا والله حرام عليك.
لم يتمالك آدم نفسه وانزلها بعدما كاد أن يسقط بها وجلس أرضًا وهو يقول بصوت ضاحك:
– ربنا يلطف بعقلي بسببك يا سهر بتكلمي مين يا ماما ورشدي دا يبقى مين سهر أنتِ اتجننتي.
ضحكت سهر وقالت وهي تحدق بعينا آدم:
– رشدي معقول مش عارف رشدي ابني.
حدق آدم بها بدهشة وقال:
– أنتِ عايزة تجيبي لي ولد يا سهر لا طبعًا أنا عايز بنت وتكون عيونها جنة زي عيونك أنا مش عايز ولاد أنا بعشق البنات و.
هزت سهر رأسها وقالت بتزمر طفولي:
– بس أنا نفسي اجيب ولد واسميه رشدي على اسم بابا يا آدم ولا أنت موافق علشان الاسم.
