نفوس قاسية بقلم منى احمد حافظ ج٥
أجابته فوزية بعتاب:
– زعلانة منك بقى كده تقعد كل دا متسألش عليا ومقموص علشان منال طلبت تأجل الفرح.
ارتبك هاني وقال:
– لا أبدًا مافيش بس كل الموضوع أن عندي شغل كتير فالمستشفى.
سألته فوزية وقالت:
– طيب أنت خلصت شغلك ولا لسه.
تنهد هاني وأنهى قهوته وقال:
– أنا لسه واصل بس ممكن تعتبريني خلصت لو محتجالي أأمريني.
أجابته فوزية قائلة:
– اصل منال فالسكة جيالك علشان تحددوا سوا ميعاد الفرح زي ما أنت عايز، وبعد كده لما تحب تتفق على حاجة تعالى واتكلم معايا مش مع منال.
أحس هاني بسعادة مفرطة بسبب حديث فوزية فقال:
– حضرتك بتتكلمي جد منال جاية و.
توقف هاني عن الحديث وهو يشعر بدوار مفاجأ فمد يده يبحث عن شيء يستند إليه ليتفاجأ بيد تمنعه من السقوط، فسقطت كوب القهوة من يده وهو ينظر لعين منال وهمس بصوت ضعيف:
– منال أنا مش.
صرخت منال طلبا للمساعدة فهرع إليها العديد من الأطباء ليحملوا هاني من بين يدا منال، تابعت ابتسام من مكانها الذي أسرعت وأختبأت به ما أن رأت منال تقترب منهم ولعنت ظهورها الذي أفسد لها كل ترتيبها وأضاع منها فرصتها وقذفت فنجان قوتها بالحائط.
جلست منال بجانب فراش هاني وهي تتعجب من حديث زمليه عن تناول هاني أحد العقارات القوية وأن نومه رد فعل من جسده، فاتصلت بفوزية وأخبرتها أنها ستبقى بجانبه في المشفى حتى يصحو بعدما أعطاه زميله حقنة لافاقته وتخفيف مفعول العقار، تملل هاني واستيقظ ينظر حوله باستغراب بعدما رأى منال تسند رأسها على حافه فراشه فنادى عليها فرفعت منال رأسها وقالت:
– صح النوم يا دكتور كده وقعت قلبي.
حك هانى رأسه وقال:
– هو حصل أيه أنا حاسس أني مش فاكر حاجة غير أني كنت بكلم والدتك وحسيت بدوخة جامدة.
عاتبته منال وقالت:
– ما أنت لازم متبقاش فاكر أي حاجة يا هاني من الحاجات اللي أنت بتاخدها، حقيقي أنا مش مصدقة أن دكتور دارس وفاهم خطر العقارات المخدرة والمنشطة ياخدها.
حدق بها هانى بدهشة وقال:
– عقار أيه ومنشط أيه على فكرة أنا مش باخد اي حاجة حتى المنوم مش باخده، أنا عايز أعرف مين اللي فهمك أني بتعاطى حاجة.
وقفت منال ونظرت له بحده وقالت:
– زميلك اللي قال بعد ما كشف عليك قال أن الحالة اللي أنت فيها رد فعل عكسي للحاجة اللي أنت أخدتها وكتر خيره أدلك حقنة تفوقك.
