عذراء ولكن بقلم احزان البنفسج

الفصل الاول صفعته " سارة" صفعه مدويه وهى تردد بشكل هيستيرى -إخرس ... انا أشرف منك ومن مليون زيك وضع "عماد" يده فوق خده وهو يقول بغضب - هدفعك تمنه غالى اوى يا سارة .. غالى اوى يا.. يا مدام سارة: إطلع بره يا حيوان..إياك أشوف وشك تانى عماد: وشى .. وشى دا هتتوسلى عشان يحن عليكى ...بس خلاص . خلصت دا انا كنت هشرب مقلب عمرى.. ان ما كرهتك فحياتك يا سارة ما يبقاش اسمى عماد . خرج عماد من منزلها وسقطت سارة مغشيا عليها * * * * * * * * * بعد مرور خمس سنوات يرن جرس منزل سارة سهير: يا سارة تعالى شوفى الباب تضع سارة حجابها فوق شعرها الناعم سارة: ايوة يا ماما حاضر جايه يا حبيبتى سهير:انا مش عارفه عزة راحت فين بس سارة:بعتها تشترى شويه طلبات للبيت يا ماما زمانها جايه ... عموما دا عصام انا كلمته يجى سهير بإستغراب : عصام؟؟ ليه؟ سارة: هتعرفى يا ماما دلوقتى تفتح سارة الباب ليظهر أمامها شاب فى أوائل الثلاثين يبدو عليه الطيبه والمرح عصام: ايه يا ست سارة سنه عشان تفتحوا الباب يا ناس سارة: ادخل وبطل غلبه كتير انا اللى بجيب لنفسى الصداع عصام لم يدخل بعد عصام: ااااااااااه احنا فيا من كده بقى ... لا انا اشترى نفسى وامشى احسن سهير:ما تدخل يا عصام ... انت مش عاوز تشوفنى ولا ايه؟ دخل عصام وتوجه للكرسى المتحرك الذى تجلس فوقه سهير عصام: عشان خاطرك انتى بس يا ست الكل هدخل .. قبل رأسها ويديها وهو يكمل وحشانى والله يا طنط اخبار حضرتك ايه ضربته سهير بخفه فوق كتفه سهير: يعنى بيهمك اوى صحتى يا بكاش انت بقالك قد ايه ما سالتش عنى ؟ عصام:والله يا طنط مطحون فالشغل وتجهيز الشقه .. ما انتى عارفه هدير هانم عوزانى انجز سارة: اتكلم عدل عنها يا عصام احسنلك عصام وهو يضحك : اه ومن يشهد للعروسه يا ست سارة مهى صحبتك انا قولت مالاول الحوار دا مش نافع محدش صدقنى سهير: شوف الواد .. الله يرحم ايام زمان .. كلميها يا سارة رايها ايه يا سارة ابتسمت سارة وهى تقول: سبيه يا ماما سبيه.. مهو مش بيطمر فيه حاجه عصام: لا بيطمر ما انا هتجوزها اهو علقت سهير ابتسامه حزينه : كان نفسى محمود يبقى جمبك فيوم زى دا يابنى عصام: الله الله بقى.. جرا ايه يا طنط هو انا مش زى المرحوم ولا ايه دا انا كنت بحس انى ابنكوا اكتر منه من كتر ما كنت عايش بالطول والعرض هنا .. بذمتك ماوحشكيش غلاستى عليكى الصبح فبتسمت سهير فاكمل عصام: ايوة كده يا سوسو ... كانت احلى ايام .. ولا المقالب فالبت سارة كانت حكايه سارة: ربنا رحمنى منك عصام: متشكرين يا برنسس ... ها خير جيبانى على ملا وشى كده ليه انطقى... قولى .. عريس ولا ايه؟؟ اكفهر وجه سارة : عصام عصام: سارة انا متأسف .. ما قصدتش حاجه ما انتى عرفانى مدب سارة: خلاص يا عصام تحدث عصام ببعض العطف : كنتى عاوزانى فإيه يا سارة. سارة : انا عاوزة اشتغل يا عصام ... شوفلى اى شغل فاى مكان سهير وعصام: تشتغلى .... بجد ؟ الفصل االثانى سارة : إيه يا جماعه ؟ .. مستغربين كأنى قولت مصيبه. عصام:هو مش إستغراب .. هو إندهاش سارة : يااااه تصدق كده الفرق كبير بطل هزار يا عصام سهير: وإيه اللى طلعها فدماغك يا سارة . ما انتى من يوم ما .. ما اتخرجتى وانتى مش بتفكرى فموضوع الشغل ده سارة: انا زهقت يا ماما .. تعبت خلاص .. خمس سنين وانا قاعده القعده دى مش بعمل حاجه فحياتى انا مليت انا باقيلى شويه وهموت.. سهير: بعد الشر عنك يا حبيبتى سارة: انتى معترضه يا ماما انى اشتغل؟ سهير: لا يا حبيبتى .. انا ما يهمنيش غير سعادتك .. نفسى اشوف ضحكتك زى زمان يابنتى سارة: يبقى خلاص .. الباقى على عصام.. هتساعدنى ولا هتبيع عصام: هو انا بعتك فحاجه قبل كده يا سو سارة: خلاص هترد عليا امتى عصام وهو يضحك: حالا هكلم الشركه بتاعتى تفضيلك مكان رئيس مجلس الادارة سهير: ... الهى ما يحرمك يابنى ويبقى عندك شركه تؤمر وتتأمر فيها سارة : بطريقته دى هيطفش الموظفين إن شاء الله ها يا عصام ؟ عصام: يابنتى خلاص والله هدورلك .. فيه حاجه كده بفكر فيها ولو حصلت هقولك. سارة: ما تتأخرش عليا بالله يا عصام عصام بضحك: حاضر يا عمرى انا ليا غيرك يا سو سارة: يابنى اتهد . عصام: ابنك ؟؟ ... الفرق بينى وبينها 6 سنين بحالهم وتقولى يا ابنى ويهم عصام بالوقوف :يلا انا همشى بقى سهير: تمشى فين ؟؟ انت هتتغدى معانا .. عمك عبد الحميد زمانه جاى عصام: مش هينفع يا طنط عندى معاد مع المهندس اللى بيظبط الشقه .. كان لزمته ايه مهندس ونبى ما كانت فرشتها على ذوقها سارة: عصااااااام .. سيبها تعمل اللى بتحبه ما تبقاش رخم عصام : حاضر حاضر يا حماتى حاضر سهير: ونبى حماتك ست طيبه مفيش منها عصام : اه ما انا عارف .. بس ان بقول على حماتى دى انا همشى بقى ... واعملوا حسابكوا ليا عندكوا غدوه بس البت دى ما تطبخش سارة: اتفقنا ابقى كل بقى جبنه وخيار قبل عصام يد سهير : لو من ايد ست الكل معنديش مانع وانتى لا برضه يلا سلام ابقوا سلمولى على عم عبد الحميد وان هبقى اجيله مخصوص ابقى بوسيهولى يا سوسو سهير: اختشى يا واد عصام: اموت فيك وانت مكسوف يا عسل السلام عليكم سهير وسارة: وعليكم السلام خرج عصام وأسرعت سارة لغرفتها القت حجابها واستلقت فوق سريرها تفكر فى خطوتها المقبله.. تسأل نفسها إلى متى تخشى مواجهه العالم الخارجى إلى متى تخشى مواجهه الناس ستحاول .. يكفيها ما ضيعت من عمرها التقطت هاتفها واتصلت سارة: آلو ازيك يا هدير؟ هدير: ازيك يا سو وحشانى .. والله من قبل ما تتكلمى انا عارفه انى مقصرة فحقك .. بس .... قاطعتهاسارة: ما تكمليش انا عارفه اللى انتى فيه ربنا يكون فعونك ... مش محتاجه مساعده فحاجه يا هدير ؟ هدير: ربنا ما يحرمنى منك يا حبيبتى .. شيلاكى ليوم الفستان بقى ابتلعت سارة غصه تجمعت بسرعه بحلقها عنيا حاضر ... المهم عاوزة اقولك قرار خدته وعصام هيساعدنى فيه هدير: خير يا حبيبتى سارة: انا هشتغل يا هدير .. إيه رأيك؟ هدير: بجد يا سارة ... دا اجمل خبر سمعته النهارده ... ياه اخيرا بقالى زمان بقنع فيكى ريقى نشف سارة: خلاص يا ستى بطلى تقطيم بقى ... ادعى بس ربنا ييسر هدير : إن شاء الله ياحبيبتى ..هوخلاص مادام فيها عصام يبقى ما تقلقيش ان شاء الله خير سارة: يارب. · * * * * عصام: السلام عليكم على مدير الشركه دى .. تصدق انك ما تستهيلهاش خالد:تصدق انا هرفدك دلوقتى عشان طولت لسانك دى .. راعى انى مديرك سيب طولت لسانك دى بره الشغل عصام: ياعم خلى البساط احمدى ... الله يرحمه عمى رأفت من غيره كان زمانك بتشحت زيينا كده خالد: انت جاى تقر عليا ولا ايه يا عم عصام لخص ... ايه اللى حدفك عليا دلوقتى .. انا مطلبتكش على فكرة جلس عصام ووضع ساق فوق أخرى عصام: عاوز منك خدمه ياصاحبى خالد:خدمه وانت كده ؟؟ اومال لو جاى تدينى فلوس كنت هتعمل ايه؟ اعتدل عصام ولأول مرة يتحدث بجديه عصام: خالد ... انا فعلا محتاج منك خدمه ومش هنسهالك طول عمرى خالد بإهتمام : خير يا عصام فيه إيه ؟ ... محتاج فلوس قول عصام : لا مش فلوس يا خالد ..... عاوز وظيفه ؟؟ خالد: نعم؟؟ مش فاهم يا عصام عصام: بص ... فى واحده قريبتى عاوزه تشتغل... وانا عاوزها تشتغل هنا عشان ابقى مطمن عليها خالد : ما انت عارف يا عصام .. احنا مش محتجين موظفين زياده ... ما انت راسى عالموضوع كله عصام: يعنى مش عيب شركه استيراد وتصدير كبيرة زى دى ماشاء الله يعنى .. يبقى مفيهاش مكان صغير قد كده ؟ خالد:ما احنا متفقين مالاول عصام يقاطعه: ان الحاجات الشخصيه ملهاش مكان هنا .. حافظ وربنا ... بس عدى المرادى يا خالد ... ورحمه ابوك يا شيخ خالد وهويزفر : هى مؤهلها إيه ؟ عصام وهو يبتسم: بكالوريوس تجارة وتقديرها جيد كمان خالد: ياراجل ... تصدق انبهرت.. و حلوة بقى عصام: بص يا عم خالد ... احنا اصحاب اه ما قولناش حاجه ... اخوات ماااااشى نعديها ... بس عندها بقى ولا أعرفك ... دى بعتبرها اختى الصغيرة .... اخوها الله يرحمه كان اكتر من اخويا وانا نفسى اردله جميل واحد من جمايله اللى عليا ... ها ؟ ماشى ولا اروح ادور فحته تانيه خالد: خلاص يا عم عصام انت بترغى كتير كده ليه .... ان بس بطمن على مستقبل خطيبتك عصام:ها تيجى امتى ؟ خالد: ادينى كام يوم ارتبلها مكان ... الله يحرقك مفيش عندى مكان .. عصام وهوينهض : تسلملى يا خلووووووووووود ربنا ما يحرمك منى يا شيخ قول امين خالد : يحرمنى معنديش مانع الفصل الثالث سارة: إيه يا عصام ناسينى بقالك إسبوع .. عصام: انتى لو تصبرى على رزقك ... كنت هكلمك كمان ساعه بعد الشغل بس انتى ما بتصبريش سارة : آسفه ياسيدى .. ها فيه اخبار؟ عصام: لا فيه أهرام.. سارة: وربنا يا عصام لو ما اتكلمت جد لمديه التليفون لهدير تعرف شغلها معاك هدير من خلف سارة تتحدث بالهاتف : عصاااااام اخلص عملت ايه؟ عصام: ياحظك يا عصام.... بصى ياستى حضرتك زى الشاطرة كده هتيجى الشركه اللى بشتغل فيها عارفه عنوانها ولا نستيه؟ سارة: آه عرفاها .. هنروح فين يعنى .. افوت عليك هناك؟ عصام: سارة ركزى ونبى ... انتى هتشتغلى معايا فالشركه .... هتاخدى وقت طبعا لحد ما توصلى لمكان كويس سارة: مش مستعجله يا عصام ... المهم هبدأ امتى؟ عصام: أول الإسبوع ان شاء الله ... خالد هيقعد معاكى كده كمقابله يعنى وتستلمى على طول ... تمام كده؟؟ سارة: شكرا يا عصام ... تعبتك معايا عصام : بطلى هبل بقى ... وانا مش اخوكى ولا ايه سارة: ربنا اللى عالم عصام : طب انا هقفل بقى دلوقتى .. وقولى لهدير انى هكلمها لما اخلص عشان ما تشدش عليا بس سارة: هههههههه حاضر مع السلامه هدير: هو مكلمنيش ليه؟ سارة: هيكلمك لما يخلص شغله . هدير: ماشى براحته... ها قال ايه سارة: هروح يوم الحد.. هشتغل معاه هدير:طيب دا يبقى كويس اووى... مش هتقولى لطنط وعمو بقى سارة: اه هقولهم بعد العشا ان شاء الله أبلغت سارة والديها بما قاله عصام وتقبلاه بالدعاء لها بالتوفيق فى صباح الاحد من الاسبوع الجديد وقفت سارة امام المرآه لأول مرة منذ زمن بعيد عدلت ثيابها بسرعه وكأنها تتحاشى النظر الى نفسها وحملت حقيبتها وذهبت متوكله على الله ان يوفقها فى خلال نصف ساعه كانت امام عصام بمكتبه عصام : مالك وشك اصفر كده ... هو انتى داخله امتحان ولا ايه؟ سارة: وترنى كمان ... انا هقابل مديرك امتى عصام: شويه وهنطلعله ... واسمه مديرنا مش مديرك سارة: ماشى يا فندم .. مش يلا عصام : يلا يا ست المتسربعه ·* * * * عصام: رغدة عندنا معاد مع الكبير تنظر رغده لسارة وهى تقول بابتسامه - اه ثوانى يا أستاذ عصام أديله خبر هو عموما مستنيكوا طرقات حاده فوق باب مكتبه زفر خالد بضيق -ادخل عصام يطل برأسه : ندخل تقصد يعنى؟ خالد: ماشى يا عصام ادخلوا خطى عصام وتبعته سارة بخطوات مرتبكه تفحصها خالد بنظرة ارادها سريعه فأتت بعكس ما أردا فقد أخذ يتفحص كل جزء مها حجابها المزين بورود صغيرة رقيقه .. وجهها الابيض المستدير جسمها الصغير ويديها الرقيقتين .. كل ما بها رقيق وكأنها زهرة لم تقطف ابدا من حديقتها تحدث عصام فجاة يقطع عليه حبل أفكارة -دى بقى سارة يا سيدى اللى كلمتك عنها .. وجد خالد انه من الكياسه ان ينهض لدخولها مد يده اليها فمدت يدها بخجل ما ان لمس يده حتى وجدها كتله من جليد فبتسم وهو يقول -اهلا وسهلا يا آنسه سارة ... شرفتينا خرج صوت سارة منخفضاً جدا : متشكرة الشرف ليا وجه خالد حديثه لعصام : يلا يا عصام مهمتك انتهت على شغلك بقى عصام: ماشى عنيا ... بس مش هوصيك بقى ها فهم خالد ما يلمح به صديقه مش محتاج توصينى يا عصام .. يلا روح ساد صمت للحظه قطعها خالد بهدوء -تشربى إيه ؟ سارة: ولا حاجه ... متشكرة خالد: لاااا مينفعش .. اللى بيدخل هنا اول مرة لازم يشرب حاجه .. بعد كده ما بيشوفهاش .. فانتهزى الفرصه ابتسمت سارة وهى تجيب: خلاص لو كده أشرب لمون رفع سماعه الهاتف: رغدة .. ابعتيلنا واحد لمون والقهوة بتاعتى . وضع سماعه الهاتف وهو ينظر اليها - عصام موصى عليكى توصيه جامدة ابتسمت بإرتباك -المهم ميكنش ألح كتير أصلى عرفاه خالد:واضح انه بيعزك اوى . سارة: عصام دا فمعزة أخويا خالد: ها ... اشتغلتى فين يا آنسه سارة قبل كده حمره خفيفه علت وجهها وهى تجيب -انا ما اشتغلتش قبل كده . خالد: خالص؟؟ سارة: خالص خالد: بس من اللى قالهولى عصام انك خريجه بقالك مده كبيرة .. ليه مفكرتيش تشتغلى الفترة دى اجابته سارة بصوتٍ خرج جاف -ظروف شخصية منعتنى انى افكر فالشغل قطب خالد جبينه للحظه .. يتساءل فى نفسه ماهيه هذة الظروف .. لكنه لن يخرج سؤاله امامها فيبدو على وجهها عدم الترحيب قال خالد ببساطه وهو يبتسم: يمكن دا كان من حظنا انك ما تشتغليش قبل كده عشان تبقى معانا هنا حدثت سارة نفسها أنه إما يتعمد إحراجها بقوله وإما يحاول كسر توترها سارة: دا من ذوق حضرتك انك تقول كده طرقات خفيفه على الباب بعدها دخل الساعى خالد: تعالى يا عم صابر ... واكمل وهو ينظر لسارة دا عم صابر احسن واحد بيعمل قهوة فمصر كلها .. ولمون كمان ما تخافيش ابتسم الرجل الذى تجاوز الخمسين بعامٍ او إثنين صابر: الله يخليك يا خالد بيه ... انت اللى ناصف قهوتى فالشركه دى خالد: ولمونك يا راجل يا طيب .. بص يا سيدى دى آنسه سارة منضمه لشركتنا جديد .. عاوزك بقى ايه تبقى توريها قهوتك المتينه ... بتحبى القهوة؟ سارة وقد تفجأت من سؤاله: اه اه بحبها خالد: تمام ... شكرا يا عم صابر صابر: العفو يا بيه خرج صابر خالد: عم صابر دا اطيب راجل قابلته فحياتى ... توقف خالد عن الحديث للحظه وهو يسأل نفسه مالذى يعنيها اذا اخبرها بشعورة تجاه ذلك الرجل العجوز؟؟ -عموما انتى هتشتغلى مع أستاذ منصور .. هيساعدك ويعلمك اللى انتى مش عرفاه .. واى حاجه تحتاجيها إساليه ما تتردديش سارة: إن شاء خالد:طيب اشربى اللمون ... ورغدة هتيجى كمان شويه توريكى المكان شربت سارة وهى تفكر كيف ستسير ايامها المقبله . وعي خالد لا ترفع عنها .. يراقب صمتها وفضوله ... يتمنى لو يعرف اى ظروف هذة تى تتحدث عنها رفعت عينيها فجأة لتصطدم بعينه البنيتين فابتسم لها ببراءة -ها .. خلصتى سارة: اة رفع سماعته مرة اخرى -رغدة تعالى ... خطت رغده لمكتبه فى دقيقه فاكمل انسه سارة معانا م النهاردة ... عرفيها المكان ووصليها لأستاذ منصور وانا هكلمه رغدة بابتسامه: نورتينا بادلتها سارة الابتسام وهى تنهض وتتجه لباب معها خالد فجأة: سارة ... لو احتجتى اى حاجه .. خبطى عالباب ده .. اتفقنا؟ ردت سارة بكلمه واحده: حاضر الفصل الرابع رغدة وهى تصحبها فى جوله سريعه بالشركة رغدة: وهنا يا ستى مكتب أستاذ منصور... بصى هو كشرى شويتين نكدى شويه كتييير .. بس ما تخافيش البشمهدس بيعرف يوقفه فالوقت المناسب سارة: بتقلقينى رغدة: لا مش قصدى بس انا كده بحب أرسى الناس عالمواضيع كلها... زمانك بتقولى عليا رغايه اوى انا عارفه ... بس انا ارتحتلك مش عارفه ليه؟ سارة: وانا كمان حبيتك ... كفاية إبتسامتك اللى بتطمن رغدة: شكلنا هنبقى أصحاب إن شاء الله... يلا ندخل لحسن زمانه مستينا من بدرى طرقت رغدة بهدوء ودلفت لتتحدث لرجل بدين قليلا له شارب كث وعنين صغيريتين رغدة:أستاذ منصور ... آنسه سا.... قاطعها منصور فى نفاذ صبر: اه عارف عارف .. البشمهندس كلمنى .. هى فين؟ دلفت سارة ووقفت أمامه : صباح الخير منصور: أهلا اتفضلى أقعدى ... شكرا يا رغدة خرجت رغدة بسرعه فتحدث منصور -بصى يا آنسه .. هو العدد هنا مش كبير اوى عشان كده توقعى اى ضغط فالشغل ..... مهم دلوقتى انك تبقى مصحصه وتخلى بالك ماللى بقوله عشان مش بعيد مرتين ومش بقبل غلطات طلبه الجامعه دى .. فتركزى .. إتفقنا؟... فيه أسئله ردت سارة بإختصار: لا مفيش منصور: كويس .. نبدأ بقى ... الملف الازرق اللى فالدرج الأول هاتيه وتعالى ·* * مرت الايام سريعه وسارة لا تستشعر مرورها فهى منشغله حتى النخاع فى الأمور المطلوبه منها ف الأستاذ منصور لا يتوقف لحظه واحده عن التعديل والتقريع واللوم ومحاضرات النضج وتلافى الاخطاء وهى تحاول بأكبر قدر ممكن أن تستمع وتصبر كل هذا وخالد يراقبها من بعيد لم يحاول لمرة واحدة أن يعلم حالها بالعمل فقد خشى أن يبدأ الموظفين بنسج الأقاويل فاكتفى بالمراقبه فقط حتى أنه فوجئ عندما وجدها أمامه بالمصعد بعد أيام قليله من تفكيره هذا خالد بدهشه حاول كتمانها :مساء الخير سارة: مساء النور.. إزيك يا بشمهندس خالد: الحمد لله... أخبارك إيه ؟.. ها؟... مبسوطه معانا ولا... ابتسمت سارة: لا مفيش ولا... مبسوطه والحمد لله خالد: تمام ... بس متأخره عن معاد الخروج النهارده؟ سارة: أه.... أستاذ منصور كان مكلفنى بشغل خلصته دلوقتى قطب قليلا: مين بيخلص معاكى الشغل؟ سارة: مفيش ... انا لوحدى خالد : وهوسايبك هنا لوحدك ليه ... هو اتجنن سارة : مفيش حاجه يا بشمهندس ..فيه سكيورتى .. مفيهاش حاجه خالد : لا فيها ... معنديش هنا ست تستنى لبعد الشغل لوحدها ... لوحصل حاجه لا قدر الله هيبقى ايه العمل وقتها سارة: ربك الحافظ . خالد: ونعمه بالله ... اسمحيلى أوصلك تفاجئت سارة من قوله : نعم ؟ ... لا لا مفيش لزوم انا هاخد تاكسى خالد:هيكون صعب انك تلاقى دلوقتى ... اسمعى الكلام سارة: لا متشكرة اوى يا بشمهندس ... ان شاء الله هلاقى عندها فُتح المصعد فأسرعت تخرج قبل ان يلح مرة أخرى -مع السلامة خالد: خلى بالك من نفسك. توقف خالد يراقبها وهو يطرق بمفتاحه فوق سيارته حتى اطمئن لإيجادها تاكسى وقتها فقط تنفس بارتياح وصعد لسيارته وانطلق بها بسرعه وكأنه يلوم نفسه على ما فعل عاد خالد الى منزله وهو يشعر بضيق من نفسه لماذا يراقبها ؟... لماذا طلب ان يوصلها الى منزلها ؟... لما ذا يتمنى الا لو انها يطمئن عليها حدث نفسه "فوق ونبى يا عم خالد واصحى كده ... ما تنساش كلام عصام .. خاف على اخت صاحبك." وتحدث إليه جانبه الأخر " تفوق من إيه؟ .. انت عمت ايه .. ما انت عادى بتطمن على اى واحده عدك فالمكتب ... وبعدي دى مش أخت عصام دى أخت صاحبه .. فيه فرق كبير " زفر خالد اكثر وحرك رأسه عله يتخلص من الشخصين الساكنين داخله دخل غرفته ومها الى الحمام .. وتح الماء ولازالت هى تشغل عقله. * * * * بمجرد أن خطت سارة باب منزلها حتى رن هاتفها سارة: آلو ... اهلا يا هدير هدير: ازيك يا سو .. صوتك تعبان كده ليه يابنتى سارة: ابدا لسه راجعه مالشغل هدير: الله الله ... الله يرحم النوم مالمغرب ههههههه سارة: اه تصدقى يلا كانت ايام وراحت بقى الحمد لله هدير: المهم تنبسطى .... سو عاوزه استغلك هينفع ولا مش هينفع سارة: انتى هتستأذنى ؟... استغلينى طبعا ... انا موافقه هدير: طيب عوزاكى معايا وانا بختار الفستان ... هتقدرى تيجى ولا لا سارة بإبتسامه حزينه حاولت عدم نقلها بصوتها -طبعا يا حبيبتى ... دا انتى لو مكنتيش قولتيلى كنت هزعل منك اووى هدير: دا العشم يا سو ... خلاص انا رتبت على يوم الخميس بعد معاد شغلك عشان ما اعطلكيش كمان ... انا اتفرجت على كام موديل كده ومش هندور كتير ان شاء الله سارة بعد صمت بسيط: هدير .... تعالى شوفى فستانى. هدير:إيه؟ سارة: زى ما بقولك كده ... تعالى شوفى فستانى ... ما انتى عارفه انه لسه بالكيس بتاعه هدير بإرتباك: بس دا يا سارة فستانك انتى وبعدين .... سارة: هدير هستناكى تيجى تقيسيه .. ولو معجبكيش نبقى ننزل نشوف غيره ولا انتى اصلا مش عاجبك ذوقى؟ هدير: لا طبعاً .... فستانك انتى عارفه رايى فيه كويس اوى سارة: خلاص هستناكى بكرة بعد الشغل تيجى هدير: سارة انا مش عارفه أقولك إيه؟ سارة: قولى انك جايه عشان اروح اكل بقى لاحسن همووت مالجموع هدير: انتى اجمل صاحبه شفتها فحياتى .... ربنا يديلك على قد قلبك الطيب سارة : يلا يابنتى انتى بتشحتى كده ... هستناكى وعزماكى كمان بكرة انتى وعصام ... يلا عشان ما يذلنيش بالعزومه بتاعته هدير: اتفقنا سارة: سلام يا دودو إلتفتت سارة بعد أن أنهت مكالمتها لتجد والديها ينظرو إليها بصمت سارة: مالكوا؟ سهير: إنتى هاتدى هدير فستانك؟ سارة: أيوة يا ماما عبد الحميد : ليه يا سارة؟ سارة: مبقلهوش لزوم يا بابا ... كان المفروض عملت كده من زمان .... زمان اووى سهير: انتى بتحرقى قلبى ليه يا بنتى؟ قبلت سارة رأسها : بعد الشر عنك يا ماما ... بس مش هنفضل مخبيين راسنا فالرمل .. كفايه كده ... نواجه بقى عبد الحميد بغضب : نواجه ايه يابنتى ... وراس ايه الى مخبينها ارحمينا من كلامك ده سارة: بابا بلاش نضحك على بعض .... انسوا موضوع الجواز ده ... انتوا عارفين انه مبقاش ينفع خلاص.... بعد اذنكوا دلفت سارة حجرتها ... أغلقت بابها بإحكام ... إرتمت فوق سريرها وبكت بصمت . الفصل الخامس إستيقظت سارة وهى تشعر بصداع يعصف برأسها من كثرة البكاء نظرت لوجهها بالمرآة لتجد عينيها المتورمه تنهدت بيأس واسرعت تضع فوق وجهها المياة الباردة علها تخفى آثار بكاءها ذهبت لعملها بمزاج مكدر حاولت عدم ظهوره على ملامحها دلفت الى مكتبها وألقت التحيه وما كادت أن تجلس حتى ظهر عم صابر صابر: صباح الخير يا أستاذة سارة: صباح النور يا عم صابر . صابر: أستاذ منصور موصى أول ما توصلى تروحيله مكتبه على طول همس بصوت من يخبر سراً - مزاجه متعكر اوى طرقت سارة باب مكتبه وانتظرت استدعائه سارة: صباح الخير يا استاذ منصور لم يرد منصور صباحها منصور: انا لما قولتلك تقعدى وقت إضافى ... أجبرتك؟ سارة : لا يا أستاذ منصور منصور بغضب: اومال رايحه تشتكينى ليه للبشمهندس ؟ سارة وقد فهمت ما حدث:محصلش يا استاذ منصور ... الحكايه وما فيها منصور: مش عاوز اعرف هتقولى ايه ....عموما ملكيش اضافى ودى بأوامر منه شخصيا . انا مش عاوز مشاكل ... بقالى فوق ال 15 سنه واول مرة اتحط فموقف سخيف زى ده اتفضلى على مكتبك سارة: طيب.... اتكلم يا أستا .... منصور: قولت اتفضلى خرجت سارة غاضبه من مكتبه واوشكت للحظه ان ترتطم بعصام عصام: ايييييييييه.... اتوبيس معدى ... ما تبوصى قدامك يابنتى قبل ما تدوسى حد سارة بغضب: ونبى يا عصام سبنى فحالى دلوقتى انا العفاريت بتنط قدام وشى عصام:عفاريت .... يخربيت الطوب اللى بتحدفيه .... مالك ؟ حد مزعلك ولا إيه؟ قصت له سريعا ما حدث وختمت قولها - انا بقى عاوزة افهم هو قال لمنصور انى بشتكى ليه انا ما اشتكتش ... هو سألنى اتأخرتى ليه وقولت ... عصام: طب مهو خالد عنده حق... هو ازاى يسيبك تخلصى شغل هنا ولوحدك ... هو واقع على دماغه ؟؟ .... سيبك منه ..تلاقيه معرفش ينطق مع خالد قال يعمل كبير على اللى تحتيه سارة: اهو لغى الاضافى .. ويعتبر طردنى مالمكتب عصام: احسن ... اختى ما تتأخرش بره اكون فبيتنا نايم وانتى لسه بتفكرى تروحى ... دا عيب على شنبى اللى بحلقه حتى سارة : إنت فايق تضحك عادى ؟.. ماانت عارف من اول ما بدات بالموضوع ده اشمعنى المرة دى ؟ عصام: عشان كان بيبقى معاكى ناس يا لماضه .. انما المرة دى لا سارة:انا هروح اتكلم معاه؟ عصام:مهو قالك اتفضلى اخرجى هترجعيله تانى ليه؟ سارة: مع خالد يا عصام ... عصام: كبرى الموضوع بقى .... يعنى هو ذنبه انه بيخاف عالناس اللى هنا سارة : لا بس..... - عاوزة تقولى ايه ياسارة؟ فوجئت سارة بخالد خلفها فارتبكت للحظه ثم تمالكت نفسها سارة: هو انا اشتكيت لحضرتك من استاذ منصور؟؟ خالد:لا .. ومش هستناكى لما تشتكى سارة: استاذ منصور معتبر انى اشتكيت لحضرتك ... وقال انك منعى مالاضافى رد خالد بإقتضاب : منصور يعتبر اللى يعتبره .. قرارى مش هبنيه على اعتبارات حضرته سارة بحدة :واشمعنى انا اللى ممنوعه؟ خالد: عشان التأخير .. انا قولت دا قبل كده والكلام للكل يا سارة مش ليكى لوحدك ... دا قرار واخدته سارى على اى ست هنا ...واى شغل زياده الرجاله اللى هنا هتعمله ... زى ما كان ايام والدى الله يرحمه .. كانت غلطتى انى غيرت النظام بعد ما مات ... بس يمكن كده خير... أى حاجه تانيه؟؟ لم تستطع سارة الرد امام قوله فأكتفت بالصمت خالد: بعد اذنكوا عصام: ها مبسوطه دلوقتى ... اديكى عرفتى الرد سارة: وهو متعصب ليه؟ بلاش اسأل يعنى؟ عصام :بطلى مكابره ... انتى غلطانه ...واحد تانى كان رفدك سارة: رفدنى ؟؟؟؟ ... لا والله ؟ ... من حقى اسأل ... ولا عشان ما انت اتحايلت عليه ودخلنى الشركه ومفيهاش مكان المفروض اتكتم واقبل المنحه يا عصام؟ عصام: ايه الهبل الى بتقوليه ده؟ سارة : مش هبل دا اللى قالهولى استاذ منصور .. وكذا مرة يقول ان مفيش مكان فالقسم بالرغم ان فيه ضغط شغل وانه مستغرب انا دخلت ازاى ... وفاكر انى داخله واسطه اوانى قريبته عصام: يادى منصور ويومه اللى مش معدى ... بصى يا سارة أنا سالت خالد وقالى فيه مكان وبس .. دا اللى حصل نقفل بقى عالصداع ده ممكن؟ هتغدينا ايه النهارده بوشك القافش ده سارة: همك على بطنك ... الاكل اللى بتحبه هتلاقيه المهم ما تجليش متأخر انت وهى ... مش هتلاقوا اكل وهترسى على الجبنه اياها والخيار عصام : لا هنيجى بدرى ما تقلقيش .. عشان عاوزك فموضوع... هروح اشوف بنود عقد جديد واشوفك بعد الشغل سارة: من غير ما تتكلم عارفه هتقول ايه ومش هنرغى تانى يا عصام. عصام: بعدين يا برنسس ... بعدين · * * * خالد بضيق : رغدة .. ابعتيلى عصام رغدة: حاضر دلف عصام بعد دقائق معدوده خالد: ايه يا عصام .. مالها قريبتك متعصبه ليه كده؟ عصام: يا سبحان الله ... نفس الكلام .. انتوا توأم ؟؟ خالد: هى قالت كده عنى؟..... شكلها متعبه على فكرة عصام: ياعم لا متعبه ولا حاجه ... سارة قلبها طيب اوى بس اللى يقرب منها ويفهمها خالد:وهى سامحه لحد يقولها صباح الخير حتى ... دى داخله على شهرين هنا ومقلتهاليش غير مرتين. عصام بخبث: مرتين؟؟ ... دا انت مركز بقى يا كبير خالد: ياسيدى لا مركز ولا حاجه ... وبعدين هى مش موظفه جديده لازم اخد بالى منها عصام: اه طبعا طبعا... على فكرة حلوة الجمله ونفيها دى ... بتعملها حلو يعنى خالد: امشى يا عصام اطلع بره .. والله انا غلطان انى ندهتلك عصام:... خلاص ياعم.. بهزر معاك .. نرجع لكلامنا ... هى مش بتاخد على الناس بسرعه ...ف يعنى ما تفتكرش انها مغرورة ولا حاجه .. دى واجهه بس خالد: مهو طبيعى تنصرها... تكونش بتحبها يا واد يا عصام عصام بتنهيده خبيثه: ايوة يا خالد بحبها للحظه صمت خالد من وقع تصريح عصام - بحبها زى اختى الصغيرة يا خلووووووود... مالك وشك اصفر كده؟ خالد بضيق: اطلع بره يا عصام... المره دى بجد خرج عصام وهو يضحك .. لكن داخله يخشى شيئا ويتمناه بنفس القوة أما خالد فأطرق يفكر فيما قال * * * عادت سارة لمنزلها وتأكدت من إعداد عزه لكل ما طلبته منها سارة: ها يا عزة خلصتى؟ عزة: ايوة يا ست سارة... حجات بسيطه بس الى باقيه سارة: طيب هروح اغير هدومى واجى اساعدك.... ماما فين؟ عزة: فأوضتها سارة: وبابا؟ عزة: لسه مجاش . بدلت سارة ملابسها بسرعه وارتدت عباءة وحجاب متناسقين تحسبا لقدوم عصام وهدير فى أى وقت سارة: ماما ... انتى قاعده لوحدك ليه؟؟ سهير: كنت بصلى يابنتى ...جم ولا لسه؟ سارة: لا لسه بس على وصول هو بابا اتأخر ليه؟ سهير: تلاقيه بيشترى حاجات وهو جاى ... انتى هتوهى عن ابوكى يعنى . سارة: طيب هروح اساعد عزة زمانها تعبت طول اليوم ماهى الا دقائق حتى عاد والدها يتبعه عصام وهدير عصام: الله ايه الروايح الجامده دى ؟ سهير: بالهنا والشفا يابنى عصام: اوعى تكون البت دى اللى طابخه ... قوليلى عشان اطلب الاسعاف الاول سارة بسخريه: لا يا آبيه انا اللى عملت السلطه عصام: آبيه... انا بتهزق صح هدير: ما انت اللى بتجيبه لنفسك ... ازيك يا عمو؟ ... وحشانى يا طنط عبد الحميد: الحمد لله يابنتى سهير:وانتى اكتر يا بنتى ... والدتك اخبارها ايه. هدير: بعتالك السلام كان نفسها تجيلك بس اخويا مطلع عينها زى ما انتى عارفه سهير: ربنا يقويها يا حبيبتى عبد الحميد : مش ناكل بقى الاول عصام: والله عندك حق يا عمى ... ناكل وبعدين نبقى نتكلم براحتنا بعد الغداء اخذت سارة هدير لغرفتها , فتحت دولاب ملابسها واخرجت الفستان سارة: يلا قيسيه ؟ هدير بتنهيده: سارة..انا مش مرتاحه .. وعصام مدايق .. وحاسه ان طنط مدايقه ... بلاش ونبى يا سارة عشان خاطرى سارة : يا الله .... هدير مالكيش دعوة انا اللى بقولك... يلا قيسى ولا مكسوفه منى؟؟ هدير: لا خليكى عشان تساعدينى ... وربنا يستر جلس عبد الحميد وعصام وسهير يحتسون الشاى عصام : اكله متينه يا طنط ... شكلى هدخل اناملى ساعتين عبد الحميد : ومين سمعك يا عصام عصام : كان نفسى اقولك يلا .. بس سوسو تزعل سهير: يا واد عيب الكلام ده عصام : واخد بالك يا عبده سوسو بتتكسف عبد الحميد : ... الله يحظك يا عصام ... والله ما بنضحك غير لما بتيجى يابنى عصام : اه ما انا عارف ... ما النكد الى جوه دى بتكره الضحك زى العما سهير بحزن: ماانت عارف عمرها ما كانت كده عصام بجديه: بصى يا طنط.. وبصراحه زى ما انتى متعوده منى ... موضوع الفستان بتاعها ده مش هقبله... مرفوض انا جيت بس عشان ما تزعلش .. وسايبها براحتها .. بس مش هقدر سهير: يا بنى ربنا يسعدكوا عصام : عارف اللى هتقوليه .. بس انا مش عارفكوا امبارح ... انتى زعلانه مهما حاولتى تدارى .. وانا مش هكون سبب فزياده زعلك .. لا انا ولا مراتى مع نهايه جملته خرجت سارة يعلووجهها ابتسامه سارة: يا عصام تعالى شوف عروستك زى القمر خطت هدير للخارج وقد تألقت فى فستان أبيض طويل بأكمام طويله وقبه عاليه وتطريز بسيط ها ايه رأيك ؟ ... قول حاجه يابنى عصام لهدير : إدخلى اقلعى الفستان يا هدير هدير بهمس : مش قولتلك... ما صدقتنيش سارة: ايه يا عصام مش عاجبك؟ عصام : لا مش عاجبنى ... مش لايق عليها لايق على صاحبته اكتر من اى حد سارة بحده : هى صاحبته .. عصام: لا ... هى صاحبه صاحبه الفستان سارة: انا مش هخلص عصام بغضب: لا مش هنخلص يا سارة ..ومش كل ما حد يجى يتكلم معاكى تقوليله الجمله دى سارة: انا قولتلك الى فيها .. خلاص مبقاش ينفع عبد الحميد : كل ما تتكلمى تقولى كده يبنتى حراام سارة: خلاص يا جماعه .. هدير حطى الفستان فالكيس بتاعه يلا وخديه هدير: مش هقدر يا سارة سارة : انتوا مجتمعين عليا النهارده ولا ايه عصام: اه شكل حد لازم يفوقك من دور الميته ده سارة: ما تتكلمش معايا كده يا عصام .. انت مش اخويا فمتعش الدور عبد الحميد: اخرسى.. انتى بتقولى ايه؟ ... هى دى التربيه اللى ربهتالك؟ للحظه ندمت سارة على قولها ولكن لا يمكنها التراجع الان عصام: سيبها يا عمى واكمل وهو يتحدث اليها - اوعى تفتكرى انك لما تقوليلى الكلمتين دول هزعل واخد بعضى واتقمص زى العيال وامشى ... انا اخوكى غصب عنك .. مادام محمود وصانى عليكى قبل ما يموت ابقى اخوكى غصب عنك وفوقى بقى مالى انتى فيه ده ... مش كل واحده تعمل حادثه ويحصلها حاجه تقول مش هتجوز الناس مش بتفكر بالعقل ده خلاص .. فوقى سارة بصوت اقرب للصراخ: لا بتفكر يا عصام بتفكر... ولو عاوز دليل شوف عماد ... المتعلم المثقف .. اللى سابنى لما عرف انى بسبب حادثه ماليش ذنب فيها مبقاش عندى اللى يثبت انه راجل ما انضربش على قفاه . عصام: دا إنسان متخلف و قذر.. بلاش تنطقى اسمه على لسانك.. ربنا رحمك منه وبينه على حقيقته سارة وقد زاد صراخها واختلط بالبكاء - بعد إيه يا عصام؟؟ .... بعد ما شوه سمعتى وقال انى واحده ساقطه .. بعد ما كل الناس اخدت من اهلى موقف .. بعد ما امى قعدت على كرسى بسبب الى حصل .. بعد ما سبنا بيتنا وحياتنا وبدانا فمكان تانى عشان محدش اقتنع باى حاجه قولناها؟؟ ارحمونى بقى شويه .. ارحمونى ... جواز خلااااااااص مبقاش ينفع افهموها بقى ... كل الرجاله زى بعض .. كلهم زى بعض تركتهم سارة وفرت الى حجرتها عصام وهو يزفر بضيق : ادخليلها يا هدير ما تسبيهاش سهير باكيه : ارحمنا برحمتك يارب عصام يقبل رأسها: انا آسف يا أمى.. والله ما قصدت كل ده .. انا كنت عاوزها تخرج ماللى هى فيه عبد الحميد : عارفين يابنى ... وعارفين انك خايف عليها .. ما انت مكان محمود هدير بصراخ : الحقنى يا عصام ... الفصل السادس مر يومان ولم تظهر سارة بالشركه وعصام يأتى ويذهب مبكرا ولم يتحدث الى خالد لمرة واحده خالد: رغدة .. اندهيلى عصام رغدة: دا جه ومشى بسرعه يا بشمهندس خالد بغضب: دى مش شركه بقى .. دى وكاله .. اطلبيهولى حالا اتصلت رغدة بعصام وحولت المكالمه لمكتب خالد خالد بحده : إيه يا عصام حكايه تيجى وتمشى على طول دى .. احنا مش عندنا شغل؟؟... وفيه بنود عقد لازم تراجعها عشان نشوف قانونيتها ولا ايه؟ عصام: معلش يا خالد ظروفى ملخبطه شويه خالد: فيه ايه يا عصام ؟؟ مالك؟ عصام: مفيش حاجه خالد: إخلص يا عصام حد عندك جراله حاجه.. متخانق مع هدير؟؟ عصام: سارة بقالها يومين فالمستشفى شعر خالد بقبضه مفاجئه: سارة !! .. مالها ؟؟ فيها ايه؟؟ عصام : مفيش ... عندها شويه اجهاد وضغطتها مش متظبط واطى بقاله فترة بس الدكتور هيخرجها بكره الصبح خالد: انت فمستشفى ايه؟ عصام: مفيش داعى تتعب ....... قاطعه خالد: مستشفى ايه ياعصام؟ ابلغه عصام , بعدها وخلال 10 دقائق كان امامه بالمشفى خالد: اخبارها ايه دلوقتى؟ عصام : كويسه الحمد لله ... تعالى اعرفك على بباها عمى .. بشمهدس خالد صاحب الشركه اللى بشتغل فيها انا وسارة خالد دا عمى عبد الحميد والد سارة خالد: ازيك يا عمى ... كنت اتمنى نتعرف فظروف احسن ... ربنا يقومها بالسلامه عبد الحميد : الحمد لله على كل حال ... تعبت نفسك يابنى خالد: مفيش تعب ولا حاجه ... هى صاحيه ؟... اقدر اشوفها؟ عبد الحميد : ايوة صاحيه .. اتفضل .. معاه يا عصام لحد ما اكلم سهير طرق عصام باب الغرفه .. فوضعت سارة حجابها بسرعه عصام مبتسم : ادخل ولا اروح اروح؟ سارة : ادخل يا عصام عصام : بس معايا ضيف ... يدخل ولا يروح يروح ؟؟ هههههه استغربت سارة: لا... اتفضلوا دلف خالد لحجرتها .. توقف للحظه يتأمل ذبولها .. شحوب وجهها وعينيها الحزينه خالد: إزيك يا سارة؟ .. سلامتك.. لم تجب سارة مباشرة .. فلازالت تحت تأثير الدهشه من وجوده سارة: الحمد لله يا بشمهندس ... مكنش له لزوم تتعب نفسك وتيجى انا بقيت كويسه خالد بابتسامه: شكلها بتطردنى يا عصام سارة وقد احمر وجهها : لا والله مش قصدى ... انا بس .. عصام : يابنتى بيهزر ... بيهزر ...دا شرف لأى حد يزور البرنسس خالد : برنسس ؟؟ عصام : اه كانت وهى صغيرة بتحب تلعب دور الاميرة .. وكنت بعمل انا ومحمود الخدم بتوعها... كنا بنقولها يا برنسس ومن يومها طلعت عليها.... دى كانت بتعذبنا بشكل ازداد تورد وجهها مع ابتسامه خالد سارة: خلاص يا عصام .. انت ما صدقت عصام: وهو انا قولت حاجه ... اومال لو قولت على البلاوى اللى كنتى بتعمليها .... فاكرة القطه البيضه.. فكراها ؟؟ خالد وهو يضحك: خلاص يابنى .. انت ما بتصدق تمسك حاجه على حد عصام : صح خلينى ساكت بدال م اقول بلاويك انت كمان وبتلقائيه ضحكت سارة إلتفت إليها خالد سريعا يراقب وجهها الذى شرق بضحكتها ترى لماذا يهتم كل هذا الحد بردودها وانفعلاتها ؟؟ عصام: الله اكبر ... دى ضحكت ... كنت فين يا خالد من زمان خالد: كنت قاعد فمكتبى زى الاطرش فالزفه ... دا انت حسابك معايا بعدين سارة: انا اللى قولتله ما يقولش يا بشمهندس ... انا اسفه خالد بإبتسامه: ولزمتها ايه بقى بشمهندس دى ... عامله كده زى .... عصام يقاطعه: زى الطربوش ضحك خالد وسارة خالد: بالظبط طربوش ... بتلحقنى ديما يا عصام والتفت ل سارة يكمل - نمشيها خالد عادى ... ممكن؟؟ ولا نرجع للطرابيش عصام : مشيها يا ستى مشيها ... يلا واهوكله بثوابه سارة : زى ما تحب خالد: يا ايه ... خجلت سارة ولم ترد فأكمل هو ... خالد :طبعا مش هنتكلم عن موضوع الشغل ... انتى فأجازة لحد ما تحسى انك عاوزة ترجعى سارة: صدقنى انا كويسه ... هرجع بكرة ان شاء الله خالد: كلامى واضح يا سارة ... خلاص اعتبريه امر ادارى عصام: عقبالى يارب لما اتعب كده واخد اجازة خالد: خليك محوشهم للجواز احسن ... عصام: على رأيك مهو يعتبر اجازة مرضى برضه هدير من خلفه: وماله يا حبيبى واخليلك الاقامه فالمستشفى عادى بلا فرح بلا شهر عسل ووجع دماغ عصام : اتقفشنا والحمد لله .... ازيك يا حبيبى؟ هدير: ماليكش دعوه ... ازيك النهارده يا سارة؟؟ سارة: الحمد لله ... دا بيهزر يا هدير ما تزعليش هدير: حسابنا بعدين .... ازيك يا خالد؟ خالد: ازيك يا هدير اخبارك ايه؟ هدير: كنت كويسه قبل ما ااسمع صاحبك عصام : خلاص بقى فرجتى علينا المستشفى ... مش هعرف اشخط فيكى ولا ايه؟ هدير: بتقول حاجه يا حبيبى عصام يقف ويقبل يديها : بقول وحشتينى اكمل همسا فى اذنها - مش احنا كاتبين كتاب ؟؟... هو انا هقضيها بوس ايدين ولا ايه هدير بابتسامه خجوله: اتلم يا عصام سارة: انتى بتضحكى اهو .. لحق يصالحك؟؟ عصام : اطلعى منها يا حقنه خالد : بصراحه هى امنيه الواحد يشوفك مغضوب عليك مرة ... انتى اللى مدلعاه يا هدير هدير: معلش بقى يا خالد ... لحد ما يدخل القفص بس ... بعدها يبان الوش التانى عصام : قفص على اساس فراخ وكتاكيت وكده تضحك سارة عصام :يا مزاجك اللى راق ... وماله نستحمل عشان خاطر سيادتك خالد: طيب انا هستأذن بقى أوشكت سارة على ان تطلب منه الانتظار لكنها الجمت رغبتها بأخر لحظه وهى متعجبه من نفسها - حمدلله على سلامتك يا سارة سارة : الله يسلمك ... متشكرة خالد: نبطل رسميات بقى ... ممكن؟ اكتفت سارة بإبتسامه خالد: وانت بطل غلاسه بقى عصام: ماشى يا صاحبى ... ماشى خالد: السلام عليكم جميعهم: وعليكم السلام ورحمه الله عصام : ايوة يا عم اللى على على بقى سارة: إيه؟ عصام: لا ولا حاجه ... هروح اعمل مكالمه وارجع خرج عصام وترك هدير وسارة معا سارة: ما قولتليش انك تعرفى خالد هدير: انا معرفوش معرفه شخصيه ... اتقابلنا كام مرة ... بس انسان محترم اوى سارة: كتر خيره انه جه ... انا اتفاجأت بصراحه هدير بإبتسامه : وانا كمان هدير: سارة ..... انتى كويسه؟؟ سارة: اه الحمد لله هدير : انتى فهمانى .. انتى كويسه؟؟.... لسه زعلانه من عصام سارة بتنهيده: لا يا هدير مقدرش ازعل منه ... المفروض هو اللى يزعل ماللى انا قولتهوله .. بس مقدرتش ... هدير: انا عارفه .. انتى معذورة وكلنا مقدرين ... مهو بسبب ضغطك على اعصابك وقعتى مننا سارة: الحمد لله على كل حال · * * * عاد خالد لمنزله ... لم يجد لديه رغبه فى ا لعوده للعمل مرة أخرى إستغربت والدته عودته المبكرة عايدة: خالد؟؟ .... ايه اللى جابك بدرى يا حبيبى ... انت تعبان ولا ايه؟ خالد: لا يا امى مفيش حاجه ... بس محستش انى عاوز اشتغل النهارده عايدة: مالك يا حبيبى... انت فيك حاجه...انا عارفه... مبقاش امك لو مش مخبى عنى حاجه خالد:هخبى عنك ايه بس .. هو انا حياتى فيها أسرار عشان اخبى عنك حاجه عايدة: وشك مش مطمنى لم يستطع خالد الا يتحدث الى امه فهى اقرب قلب إليه واكثر من يتفهمه - واحده عندى فالشركه دخلت المستشفى بقالها يومين عايدة: خير يا بنى خالد بضيق لم يعى ظهوره: الدكتور بيقول اجهاد ...وضغطها مش متظبط عايدة بإبتسامه: بتشغلها كتير ولا إيه؟ خالد: لا والله يا امى ... الشغل المعتاد ... بس ممكن يكون منصور كالعاده بيعمل عمايله عايدة: انت روحت شوفتها ؟ خالد: اه روحت .... اصلها تبقى معرفه عصام عايدة: اه برضه واجب عشان صاحبك خالد: طب بتقوليهاكده ليه؟ عايدة بإبتسامه : لا عادى يا حبيبى. خالد بإستنكار: ماما !!! عايدة ضاحكه: ايوة يا خالد بالظبط كده انتفض خالد من مجلسه وهو يزفر: بالله ما تهزرى دلوقتى عايدة: اومال اكدب عليك يعنى .... دى شاده انتباهك اووى يعنى ما كذا واحده عندك فالشغل تعبت اشمعنى دى ؟؟؟ خالد: مش عارف عايدة تنهض وترتب على كتفه: حلوة ؟؟ خالد بضيق : ماما عايدة: بلاش اسأل يعنى ؟؟ .... أخلاقها ازاى كلمنى عنها قولى إسمها إيه الاول خالد: إسمها سارة عايدة: اسمها جميل ... رقيق خالد بتلقائيه : شبه صاحبته عايدة : اه طبعا . خالد يزفر : انا هدخل انام تقبلت عايدة تغير خالد الحديث: مش هتاكل ؟ خالد: لا بعدين لما اصحى. تمدد خالد فوق سريره يجافيه النوم .. " هى ايه حكايتك يا خالد ؟... ايه يعنى تعبت؟؟ تقوم تجرى كده عالمستشفى؟؟.... ما انت بيتعب عندك كذا واحده اشمعنى دى ... اشمعنى هى؟ يحدثه جانبه الاخر " عادى بلاش اسأل على حد يهم واحد صاحبى ؟؟.... مش دى تعتبر اخته ؟ .... وصاحبى عندى مهم؟؟" "ما احنا اتفقنا... هى مش أخته ولا إيه؟" نهض خالد من سريره بضيق أكثر...أبدل ملابسه وخرج * * * * تبطأت هدير يد عصام وهما يخرجان من المشفى هدير: ها هتغدينى فين؟ عصام: فيه عربيه فول على اول الشارع هدير : ايه الكرم ده؟... هيجرالى حاجه عصام: .......... هدير: مالك يا عصام؟ عصام: بفكر . هدير: ف إيه ؟ عصام: فخالد وسارة هدير: انت كمان عصام بإبتسامه: إيه رأيك؟ هدير: والله اتمنى انهم يكونوا لبعض ... باين عليه الاهتمام لو مخدعتنيش عنيا ... بس بطريقه سارة دى .. يا هيمل يا هيتعب ... وفالحالتين سارة هتفضل زى ماهى بفكرتها وحياتها اللى مضيعاها عصام: خالد مش زى اللى سارة متخيلاهم يا هدير ... بس لو فعلا فيه حاجه من ناحيته لسارة انا اول واحد هشجع ده ... وهحاول اقربهم من بعض لانها بجد تستاهل واحد زى خالد .. وهو يستحق واحده زيها هدير بتنهيده: لو الواحد بس يقدر يقربهم من بعض عصام يتوقف فجأة: ما تيجى نحاول ؟؟ هدير وهى تضحك: ما انت عارف انا معاك فأى جنان عصام: يالهوووووووى ... هو انا بموت فيكى من شويه؟؟ ... يارب نتجوز بقى الفصل السابع فى صباح اليوم التالى خرجت سارة من المشفى ... وقد تنفست الصعداء فهى تكره المستشفيات وكل ذكرياتها السيئه بها سارة: انا هروح عالشغل عبد الحميد: شغل ايه يا بنتى دلوقتى؟؟.... هو مش مديرك قالك خدى وقتك؟ سارة: يا بابا يعنى هو يقول كده أسوق انا فيها ؟ ..... انا كويسه الحمد لله ... ولو حسيت انى تعبانه هستأذن وارجع عالبيت عبد الحميد: لا ... يلا هنروح سارة بتوسل: بالله يا بابا سبنى اروح عشان خاطرى ... عبد الحميد : ومامتك اللى قلقانه دى سارة: انا هكلمها ماتقلقش من الناحيه دى بالله يا بابا عبد الحميد : .......... قبلته سارة : مش هتأخر والله وهطمنك عليا لما اوصل عبد الحميد مستسلما : مش هقدر عليكى إنطلقت سارة سعيده فى طريقها لعملها ... بمجرد ان خطت حتى قابلتها رغدة رغدة: حمدالله على السلامة يا سارة سارة بابتسامه: الله يسلمك.... عامله ايه يا رغدة؟ رغدة:انا بخير.. كده ما اعرفش اوصلك خالص ولما اوصلك اعرف من مامتك انك تعبانه؟.... هو مش احنا اصحاب برضه؟ سارة: معلش تعبت فجأة والله ومحبتش ازعج حد ... ما تزعليش رغدة: اهم حاجه سلامتك يا قمر ... بس جيتى ليه النهارده؟ سارة: هقعد فالبيت اعمل ايه يعنى ؟.... اشوف شغلى بقى رغدة: ههههههههه... طيب تمام ... عموماً حمدالله على سلامتك ... اشوفك بعدين بقى ماشى؟ سارة : ماشى لم تكد تسير خطوتين الا ووجدت عصام امامها نظر لها نظرة شامله عصام: بت انتى ... انتى مش فالمستشفى وهيجلكوا بعد الشغل اروحكوا؟ سارة: خرجت من شويه .. عادى يا عصام عصام: عمى عبد الحميد سابك عادى؟ سارة: لا طبعا اتحايلت عليه شويه والاخر وافق عصام: صبرنى يارب ... روحى البيت يلا سارة: سلام يا عصام اشوفك بعدين عصام: ماشى شكلى كده هرجعك المستشفى تانى ابتسمت سارة وذهبت الى مكتبها وبعد مرور ساعه وجدت رغدة أمامها رغدة: سارة البشمهندس عاوزك فمكتبه. سارة: ليه فيه حاجه ولا ايه؟ رغدة: مش عارفه بس هو عاوزك دلوقتى بعد دقائق طرقت سارة باب مكتبه وسمح لها بالدخول .. فوجدته يتحدث بالهاتف أشار لها بالجلوس خالد: آه ..... خليه يروح يخلص الاجراءات ... النهاردة .. بلغه انه لو اتأخر مش هيحصله طيب ... مع السلامة وضع خالد السماعه بعنف والتفت إليها خالد: ممكن أعرف انتى إيه اللى جابك النهاردة؟ سارة: عادى يا بشمهندس .. ما انا قولت لحضرتك انى هاجى الشغل خالد بحده: وانا قولتلك متجيش غير لما تبقى كويسه سارة: ما انا بقيت كويسه خالد: مش باين عليكى ... لسه شكلك تعبان هما خرجوكى ازاى أصلا وانتى كده سارة: يا بشمهن......... خالد يزفر: هو احنا مش قولنا بلاش الطربوش ده سارة: احنا فالشغل ... مينفعش اقول لحضرتك غير كده خالد: بس انا اللى طلبت منك .. سارة: ........... , انا كويسه الحمد لله لو فيه حاجه مكنتش خرجت خالد بحده: انتى فأجازة يا سارة للاسبوع الجاى... اشوفك زى النهاردة سارة: نعم؟ ..... انا مش عوزة اجازة للحظة امتلأت عينيها بالدموع فأخفضت رأسها -.... انا فأجازة بقالى فترة كبيرة اوى وتعبت من قعدة البيت انا مش محتاجه الأجازة .. انا لو محتاجالها كنت هطلبها زفر خالد وهو ينظر إليها ... لام نفسه للحظه ... لكنه لم يقصد إحزانها فقط يريد لها السلامه والراحه .. كره نفسه لخوفه هذا خالد بهدوء : ضغط الشغل هيكون كتير الفترة اللى جايه رفعت سارة عينيها : مش تعبانه خالد: اومال دخلتى المستشفى ليه ... فسحه؟ سارة بإرتباك : ما انت عارف ..... اجهاد خالد: والاجهاد مش بيختفى بين يوم وليله لازمله راااااحه سارة: يعنى إيه؟ خالد: يعنى تتفضلى على بيتكوا دلوقتى حالاً سارة بحده بسيطه: تانى؟ خالد: اه تانى ... انا مديرك وياريت تسمعى كلامى.. دا امر مباشر وواجب التنفيذ ... هتخرجى من هنا على بيتك إتفضلى وقفت سارة غاضبه واتجهت ناحيه الباب خالد: اشوفك الاسبوع الجاى يا سارة سارة: إن شاء الله .... يا بشمهندس ظل عاقداً حاجبيه حتى خرجت ... بعدها ابتسم ابتسامه واسعه وهو يرى إصرارها على اللقب * * * خرجت سارة غاضبه ... اخذت حقيبتها ومرت بمكتب عصام قالت بتقطيبه : انا ماشيه عصام : انتى تعبانه ولا إيه؟ سارة: لا بنفذ أمر مديرى وانت الصادق عصام: هههههههههههههههههه.... والله تستاهلى .. ما قولنا مالاول مسمعتيش الكلام سارة: ماشى يا عصام ... اضحك براحتك ... انا همشى عصام : تمام .... أشوفك بعدين خرجت سارة فاتصل عصام بهدير وهو يضحك هدير: مالك مبسوط كده؟ عصام: هههههههه ... اصل خالد قال لسارة تروح بعد ما جات الشغل ... بأمر هدير: ودى مستاهله ضحك عصم: مش تريقه والله ... بس انا مبسوط انه قدر عليها ... ودا معناه برضه هدير: انه مهتم والا مكنش خلاها تروح ... مش كده؟ عصام : فهمانى هدير: بس هى كده هتقفش منه .... دى مش هتقفش بس ... دى هتكرهه.... حساها تهيؤات من خيالك يا عصام ههههههههه عصام : معتقدتش ... مش خيال دا شئ واضح واتمناه وقولتلك قبل كده .. وموضوع تقفش ده احنا اصلا مش هنسمح بده ... إيه رأيك أعزمك كمان كام يوم على العشا؟؟ هدير : تعزمنى انا ولا هما ؟؟ عصام : مش بقولك فهمانى ... أنا هعزمه الاول واتأكد من مواعيده وبعدين نعزمها ... ماشى ؟ هدير: اتفقنا يا حبيبى ... كله عشان سارة ... بس ليا الحلاوة عصام بصوت منخفض : ينفع بوسه؟؟ هدير بخجل: سلام يا عصام * * * عادت سارة إلى منزلها ..وهى تشعر بضيق مما فعل خالد معها سهير: كده ياسارة ؟؟ سارة: معلش يا ماما ... ادينى جيت اهو وقاعده معاكى اسبوع بحاله سهير: ليه؟ سارة: مديرى ادانى اجازة اجبارى عبد الحميد: والله كتر خيره انسان محترم سارة: وهو انا قولت حاجه يا بابا ... بس مكنش ليها داعى يعنى عموما وصلنا لنفس النتيجه .. انا قاعده اسبوع اهو....هقوم انام سهير: ماشى .. ارتاحى شويه ولما تصحى يكون الغدا خلص * * * * مرت ثلاثه أيام وسارة تشعر بملل فظيع ... ظلت تتقل من غرفه الى اخرى .. تشغل نفسها بأعمال المطبخ تساعد عزة ... تتحدث الى والديها قليلاً لكنها تشعر بملل ... رن هاتفها فى احدى الليالى فكانت هدير هدير: ازيك يا سو .. اومال فينك؟ سارة: هو انتى بتسألى عنى؟.... ما انتى عارفه انى محبوسه فالبيت مش بعمل حاجه لما خلااااص طهقت هدير: هههههه .... طيب طيب خلاص دا طهقانك وصلنى بقولك ايه .... عصام عازمنا عالشعا بكره سرة: ايوة يا ستى الله يسهلك بقى هدير: بقول عازمناااااااااااااا .. انتى معايا سارة: لا يا هدير مينفعش يعنى يبقى عاوز خطيبته اجى انا ابقى زى العزول كده وجدت عصام يرد بدلا من هدير عصام: اه عزول بس امرى لله اتحملك سارة: ياساتر يارب ... كان الصوت حلو من شويه ... قلب ليه؟ عصام: قلب لاحلى عارف .. اخ ... ها . هفوت عليكى بكرة الساعه 8 ونص سارة: لا يا عصام مش هاجى عصام: من شويه بتقولى طهقانه إيه اللى حصل؟؟....... هنيجى ناخدك ونحررك من حبستك دى الساعه 8 ونص وما تتكلميش كتير بقى..... انا هستأذن من عمى عبد الحميد وهو اصلا مش هيمانع دا حتى هيفرح انه هيرتاح منك كام ساعه سارة: شكرا يا سى عصام عصام: يلا ... تكونى جاهزة فماعدك ماشى؟ سارة: ماشى يا عصام بعدما أغلق عصام الهاتف نظر الى هدير - كده يبقى تمام ... هو فاضى بكرة بس قولتله المعاد 9 عشان يجى يلاقينا وميحرجهاش هدير: ههههههههه يا خووووووووفى منها ... ربنا يستر * * * * فى منزل خالد جلس الى حاسوبه بعد ان انهى حديثه مع عصام عايدة: سلمتلى على الواد عصام ؟؟....كويس؟ خالد: ايوة يا ماما ... كويس اوى عازمنى عالعشا بكرة شوفتى الكرم ؟؟؟ عايدة: مش بيجى زى الاول ليه؟ خالد : عريس بقى ومشغول فترتيب شقته عايدة: عقبالك يا حبيبى ... صحيح ... أخبار سارة ايه؟ رفع خالد عينيه عن حاسوبه - إيه؟.... مش عارف عايدة: يعنى ايه مش عارف؟ خالد: مشوفتهاش بقالى 3 أيام ... اصلى اديتها اجازة اسبوع عشان تعبها عايدة بإبتسامه: مش تتصل تسأل عنها؟ خالد: لا ... مينفعش عايدة: ليه يا حبيبى؟ خالد: هيتفهم إتصالى غلط عايدة: هيتفهم غلط ... ولا هيتفهم صح؟ خالد بضيق: هيتفهم انى مهتم بيها يا امى وانا مش عاوز كده عايدة: ليه يا بنى ... هو انت مش شاب زى الشباب بتعجب وتحب وتفرح ؟ خالد: مش وقته يا أمى ... عايدة: اومال امتى يابنى .... خالد:انا مشغول ... الشركه محتجانى وانا مش عاوز اخذل بابا الله يرحمه عايدة: شركه ايه يا حبيبى اللى بتتكلم عنها ؟؟..... الحاجات دى مش بتيجى بمعاد ... دى بتيجى فجأة .. خبطه فالقلب بتقلب كيانك كله وانت مش حاسس خالد: مفاجأة يعنى ؟ عايدة: أه ... مفاجأة لذيذة ...بتتكلم وكأنك محبتش قبل كده!! خالد : ما انتى عارفه اللى فيها... كلها كانت تسالى عايدة: وانت حاسس ان سارة برضه تسالى؟؟ خالد: لا يا امى ...دى حاجه تانيه... بس ديما عنيها حزينه مش عارف ليه؟ عايدة: لااااااا ... مادام الموضوع وصل للعيون يبقى هيحصل خالد: هو إيه دا اللى هيحصل؟ عايدة: المفاجأة ياحبيبى.... اللى هتقلب ال ميه واحداشر دى وتتبدل بإبتسامه متفرقش وشك... مفاجأة تخليك طاير كده ومحدش قدك ابتسم خالد: انتى بتتكلمى عنك وعن بابا الله يرحمه ولا إيه؟ عايدة: الله يرحمه...ا بوك ده كان حب عمرى ... لو هعيش تانى مش هحب غيره... ربنا يجمعنى بيه فالجنه نهضت عايدة وهى تكمل مربته على كتف ولدها - إفرح يابنى . دا وقتك , عيشه .... تصبح على خير خالد:....وانتى من اهله يا أمى. * * * * فى تمام الثامنة والنصف من مساء اليوم التالى كانت سارة فى انتظارعصام وهدير ... ماهى الا دقائق حتى سمعت رنين جرس المنزل سارة: يعنى انا جاهزه بقالى ساعه وانتوا جاين متأخر؟ عصام: إيه القمر ده يا خواتى كانت سارة ترتدى تنورة سوداء واسعه بها لمعان خفيف وجاكيت باللون الأحمر الغامق وحجابها مزيج من اللونين ولم تضع الا مكياجا خفيفا يكاد لايرى سارة: متغيرش الموضوع عصام: الدنيا زحمه ... تقوليش امه لا اله الا الله كلها خارجه تتعشى بره..... ازيك يا عمى ؟؟ ... ازيك يا سوسو عبد الحميد: الحمد لله يابنى عصام: شوفت بعمل معاك احلى واجب اهه ... هريحك منها شويه تكون انت وسوسو قولتوا كلمتين... وخلى عزة تروح متنساش سهير: ياواد اتأدب شويه عصام: انا مش هتأدب انا ماشى. ... يلا يا برنسس هدير فالعربيه وهتولع فينا عشان التأخير سارة: طيب .... سلام يا جماعه. بعد نصف ساعه خطت سارة بجوار هدير وعصام داخل مطعم فاخر هادئ يطل على النيل هدير بهمس: ايه يا عصوم انت ناوى تضيع المرتب كله؟ عصام : عادى يا حبيبى مرة من نفسنا بس يجى بنتيجه ورفع صوته وهو يكمل - وبعدين هو احنا كام مره هنخرج مع البرنسس ... دا النهارده عيد سارة: دلوقتى تغير كلامك لما متعرفش تقولها كلمتين وتحس انى فعلا عزول هتندم. هدير:لا دا انا كده مبسوطه.... دا انا مش بخرج غير على حسك عصام: قصدك انى بخيل هدير: لا يا حبيبى اكتر شويه سارة: ههههههههههه تستاهل عصام: مبسوطه طبعا... انا ايه اللى خلانى اخرجكوا انتوا الاتنين.. بجيبه لنفسى.... إتفضلوا هنا المكان هنا حلو عالنيل اهو مش حرمكوا من حاجه جلسوا فى مكان بعيد نوعا ما عن الناس حتى يحظوا ببعض الخصوصية فى تعاملهم معا وحرص عصام ان يجلس بجوار هدير ويترك سارة امامهم وجوارها المقعد الشاغر عصام: ها تحبوا تشربوا ايه؟ ولا عاوزين تهجموا على طول هدير: دا انت بتذلنا ذل عصام: انا؟ اخص عليكى دا انتوا حبايبى ... انا ذلال يا سارة سارة: هههه لا انت عصام عصام: طب نشرب احسن طلبوا مشروبا وما ان وصل حتى ابتسم عصام وهو ينظر الى مدخل المطعم عصام: الله دا خالد وصل اهو سعلت سارة بشده وهى ترتشف عصيرها - هو انت متفق معاه تتقابلوا هنا؟ عصام: ااااااااه هو انا مقولتلكيش ... اصل اناعزمت خالد يتعشى معانا... من زمان مقعدتش معاه بره الشغل قولت فرصه ... هو انتى زعلتى؟ سارة: لالا هزعل ليه دا ضيفك وانت حر هدير: دى قالت انت حر تبقى زعلت يا عصام سارة: يابنتى مزعلتش ولا حاجه ... عادى اقترب خالد منهم وتفاجئ بوجود سارة ظل ينظر ناحيتها غير مصدق انها تجلس هنا خالد: مساء الخير عصام يقف يصافحه: ما لسه بدرى يا خالد باشا ... جوعتنا يا عم خالد: اناجاى فمعادى ... ازيك يا هدير ؟.... ازيك يا سارة؟ سارة وهدير: الحمد لله عصام: اقعد بقى احناطلبنا عصير بس جلس خالد بجوار سارة فتمنت لحظه مجنونة ان تفر هاربه ولا تدرى لماذا؟ خالد: نفسى اشرب قهوة بس نأجلها بقى شويه عصام: نشربها بعدين ... احنا نطلب العشا امسك عصام وهدير قائمه طعام واحده معا وظلا يتهامسان بعيدا تماما عن اى شئ يخص الطعام اما سارة فدفنت وجهها بالقائمه والتزمت الصمت خالد فجأة: عامله إيه يا سارة؟ رفعت وجهها لتراه مركزا نظراته عليها - انا بخير الحمد لله ... وانت؟ خالد: فى نعمه الحمد لله.... شكلك لسه زعلانه منى سارة: هزعل منك ليه؟ خالد يبتسم ابتسامته الساحرة: عشان الاجازة اللى بالعافيه سارة تبتسم بدورها: اه تحديد الاقامه تقصد ضحك خالد: لا لا لا مش لدرجادى ... دى اجازة بس... بس لو حاجه هتغفرلى .. ان شكلك احسن من اخر مرة شوفتك فيها... يعنى الراحه كانت مهمه سارة وقد شعرت بخجل : الحمد لله ... واكملت وهى تظر اليه -أقطع بقى الأجازة... ممكن؟ نظر ليها للحظه صامتا يتأمل تقسيم وجهها الصغيرة وحمره الخجل التى لا تفارق وجهها خالد: ممكن ياسارة ... مادام مش عوزة تكملى أجازتك ... عشان تعرفى انى مش ديكتاتور خالص ضحكت سارة: اه خالص على الجانب الاخر من المائده كانا يراقبان جيدا عصام هامسا: يابركه دعا الوالدين ... سارة بتضحك هدير: الحمد لله... دا انا كنت حاطه ايدى على قلبى لما قالت انت حر عصام: والله انا نفسى نقوم ونسيبهم ينفع؟ هدير: ههههههههه... لا مينفعش ما انت عارف اللى فيها دى هنا اقترب النادل فأعطوه طلباتهم وذهب فأكملوا حديثا جماعيا حتى يحضر طعامهم عصام: طنط عايدة عامه ايه؟ خالد: سألتنى عليك إمبارح وزعلانه انك مش بتزورها عصام: والله مقصر ,,, عارف بس هى قلبها طيب.... عارفه يا سارة طنط عايدة دى عسسسسسسسسسل زى مامتك بالظبط طيبه كده وتكسبيها بضحكه ردت سارة موجهه حديثها لخالد: ربنا يحفظهالك خالد: اللهم امين عصام: هعرفك عليها ففرحى ان شاء الله خالد: انت ناويت على امتى ؟؟... ولا لسه محددتش عصام: هانت .. باقى فستان هدير وبدلتى ... وحجات نهائيه كده فالشقه ونتجوز على طول تغير وجه سارة عند ذكر الفستان... وتذكرت حديثهم الماضى فاكمل عصام: سارة بس تفضى نفسها يوم وتنزل معانا نشترى الفستان والبدله ايه رأيك يا سارة؟ فهمت سارة ما يرمى اليه عصام - شوف اليوم اللى يناسبك يا عصام عصام: انا اى يوم يناسبنى وانت يا خالد باشا ناوى تيجى ولا هتبيع صاحبك؟ خالد: هههه لا متقلقش محدش هيخترلك البدله غيرى عصام: عقبال ما اختارلك بدلتك يا خلووود.... خالد: طيب نخلص منك انت الأول عصام: والله يا خلوود لو لقينا بنت الحلال بسرعه عمل فرحنا مع بعض خالد: ههههههههه بس انت عارف رأيى فموضوع الفرح ده عصام: اه ياسيدى عارف هدير: بس احنا مش عارفين ... مقاطع الافراح ولا ايه يا خالد؟ خالد: مش مقاطعه ... بس انا حابب ابتدى حياتى انا ومراتى بعمرة شعرت سارة بأن كوبا من الثلج سقط فوق رأسها ... وكأن امنيتها تتحدث أمامها ... كم تمنت ان تقيم حفل عقد قران يحضره المقربين وبعدها تذهب هى وزوجها الى عمرة وتبدأ حياتها بطاعه وقرب من الله عز وجل هدير : سبحان الله ... زى امنيه سارة. نظر لها خالد بدهشه : صحيح؟ اكتفت بهزه خفيفه من رأسها خالد: انتى كويسه؟؟.... شكلك تعبان سارة : لا لا انا كويسه ... بعد اذنكوا هغسل وشى نهضت سارة ولحقت بها هدير خالد: هو فيه حاجه مديقاها عصام بضيق بسيط: مدايقه ليه بس؟ مهى بتضحك من ساعتها. صمت خالد امام قول عصام لكن عقله لم يتوقف عن التساؤل عن حالتها هدير: مالك ياسارة؟ سارة وهى تضع الماء البارد على وجهها - مفيش حاجه... ما انا كويسه اهه هدير: لا انتى اتغيرتى فجأة بعد كلام خالد... انا دايقتك لما قولت انها امنيتك إنتى كمان؟؟ سارة: هدايق ليه ياهدير؟ ... دى كانت امنيه .. كاانت ... يلا نرجع عشان ما يقلقوش الفصل الثامن عادت سارة الى الطاوله بوجه تمنت ألا يعكس اى شئ من كدرها حتى لا تفسد امسيه هدير وعصام, فليس ذنبهما ان دعياها للخروج معهم . نهض خالد بلياقه فحذا عصام حذوه عندما أقتربتا منهما عصام بضحك: افتكرناكم مشيتوا ووفرتوا العشا هدير: لا قاعدين على قلبك جلست سارة على مقعدها , جلس خالد ينظر اليها خالد: انتى كويسه ؟ سارة: ايوه الحمد لله خالد: انا اسف لو كنت دايقتك بكلامى. سارة: ماتتأسفش .. انا مديقتش ولا حاجه ابتسم خالد : شكلك كنتى عوزة تاخدى الفكرة لوحدك سارة بابتسامة باهتة: لا انا متنازله عنها خلاص خالد بتقطيبه: متنازله عنها ليه؟؟.... مش هتتجوزى ولا ايه؟ صمتت سارة للحظه ثم وجهت حديثها لعصام وهدير - هو الاكل اتأخر ليه؟؟... انا خلاص هموت مالجوع لم يستطع خالد ان يرفع عينيها عنها وهى تتحدث وهى تتجاهل سؤاله هل بالفعل ترفض فكرة الزواج ؟... وان رفضتها فلماذا؟ تفرس وجهها أكثر وهو يحدث نفسه " انتى فيكى إيه يا سارة؟؟.... فيكى ايه؟" عصام: هتاكلى هتاكلى ... استر يارب ومتكولناش هدير: ما تسيبها ... دى معجزة انها تقول انها جعانه ... دى طنط هتعمل ليله لله سارة: انتوا بتتريقوا؟؟... متشكرة عصام: لا من غير تريقه بس بغلس كالعاده... اهه يا ستى الاكل شرف تناولوا طعامهم بصمت ... على الاقل خالد وسارة اما هدير وعصام لم يتوقفا عن التهامس فيما بينهم بعد الانتهاء طلب خالد قهوته التى كان يتنظرها بفروغ صبرٍ وكل منهم طلب شايا بعدها بنصف ساعه نهضوا جميعا للخروج هدير: كانت سهرة جميله ... ياريت تتكرر كتير عصام: وماله يا حبيبتى بس انسى بقى الجواز على كده خالد: العزومه الجايه منى يا عصام ان شاء الله عصام:اذ كان كده فانا معنديش اى مانع هدير: دا انت استغلالى بشكل عصام: يابنتى هو اللى عزم وانا مالى... يلا بس نروح سارة ونبقى نشوف الموضوع ده بعدين خالد موجهها حديثه لسارة: لو مش عوزة تيجى بكرة متجيش يا سارة سارة: لا لا انا هاجى الشغل ان شاء الله... متشكرة اوى على الايام اللى فاتت خالد: انا معملتش حاجه... اشوفك على خير واكمل يحدث هدير وعصام: شكرا على العزومه يا عصوم ... تصبحوا على خير جميعا: وانت بخير عصام: ما تنساش بقى تعملى مكفأة عشان اعوض الخساير ضحك خالد وركب سيارته وذهب أوصلها عصام وهدير لمنزلها .. اطمأنت على والديها ودلفت إلى حجرتها .. بدلت ملابسها بسرعه واستلقت تحدق فى سقف غرفتها تتذكر تشابه رغبتها التى كانت ورغبه خالد الكائنه زفرت وهى تحاول منع امنيه صغيرة تحارب للخروج ان لو يعود الزمن بها لخمس سنوات مضت لكانت حققت ما تتمنى . أطفأت مصباحها وحاولت النوم لكن النوم هرب من بين عيون خالد الساهرة التساؤل يقض مضجعه " يعنى إيه انا متنازله عنها خلاص؟؟... تقصد انها خلاص لما تتجوز مش هتعمل العمرة ولا انها مش هتتجوز خالص" حدثه جانبه الذى يهوى ارهاقه " مهتم تعرف ليه ؟؟... انت طبيت؟؟" جانبه الرافض ظهر على السطح "طبيت!! لا طبعا ... بس كلامها الغاز" -"بس مش معناه انك تشغل نفسك أوى كده... م الست طول عمرها لغز ايه الجديد" -" حاسس ان وراها سر نفسى اعرفه" -"ليه؟؟" استسلم جانبه العنيد بتساؤل استنكارى -"هكون بحبها ؟؟" -" ليه لأ؟" -"مش بالسرعه دى .... انا معرفهاش عشان احبها" -" طب ما تعرفها اكتر .. ف تحبها .. أكتر" زفر خالد :"مش وقته خالص ... مش وقته" -"خايف؟؟" -" يمكن بتحب" -"حاول مش هتخسر حاجه... كفايه انك تعرف انت واقف فين" -"الأيام هتقول كلمتها" -"الأيام مش هتعملك اللى انت عوزة لو مش بتتحرك معها" استسلم خالد لفكرة جانبه اللحوح... ربما لو عرفها اكثر لتبين مشاعره ناحيتها بوضوح اكثر ربما... سينتظر غدا ويرى مر اليوم التالى بسرعه فائقه ... ربما ان خالد لم يتوقف عن متابعتها يرى إبتسامتها الهادئة التى توزعها على كل من حولها تسامحها فالتعامل , تفانيها فى عملها ,, واخيرا صبرها على غضبات منصور المتكررة ظل يصبر نفسه بان يأتى يوم الخميس مسرعا ربما تغير شيئاً .. وربما لا فى صباح يوم الخميس قابل عصام سارة وهى تخرج من مكتب منصور عصام: ايه ده خرجه من مكتب منصور وبتضحكى ؟؟... إيه اللى حصل فالدنيا؟ سارة:هههه... أصله أول مرة يرضى عن شغلى وميطلعش فيه غلطه.. وكمان يقولى انتى بتتقدمى بسرعه يا سارة مفيش خوف عليكى عصام: لا لا دا احنا لازم نرقيه ونوزع حاجه ساقعه سارة: ما تتريقش بقى عليه عصام: من حقك ... أشوفك بقى بعد الشغل قدام البوابه.. تستنينى لحد ما اروح اجيب هدير وارجع ماشى؟ سارة: بس ما تتأخروش عصام: اوووووووك انتهت مواعيد العمل وخرجت سارة تنتظر عصام وهدير امام الشركه.. نظرت الى ساعتها مرارا وتكرارا وهو لا يظهر خالد: إتأخر؟؟ نظرت سارة خلفها بدهشه - مش كتير ... دلوقتى يجى خالد: طيب تعالى نستناه فكافتيريا الشركه بدال وقفه الشارع دى. سارة: ملوش داعى دلوقتى يظهر خالد بزفرة: يلا يا سارة.. الجو حر والشمس شديده ندخل نشرب حاجه عالأقل سارة بإستسلام: طيب خطى خالد أمامها وجلسوا إلى احدى الموائد القريبه خالد: ها تشربى إيه؟؟ سارة: اى عصير استدعى خالد نادل : هات اتنين عصير فراوله واكمل بعدما ذهب النادل - حلوة الفراوله ولانغيرها؟؟ سارة:لا كويسه . ساد الصمت لدقائق معدودة قطعه خالد خالد: ممكن اسألك سؤال ؟ رفعت سارة عينيها اليه بتساؤل واضح - اتفضل؟ نظر خالد لعينيها مباشرة -انتى رافضه فكرة الجواز ليه؟ صمتت لحظه حتى تمالكت نفسها امام سؤاله سارة: ليه بتقول كده؟ خالد: مش انا الى قولت انتى اللى قولتى امبارح؟ سارة: انا قولت كده؟ خالد بنبرة عتاب: هو انتى بتجاوبى سؤال بسؤال؟ سارة: لا ... ابداً ... انا بس مأجله فكرة الجواز شويه؟ خالد بتهور: فيه حد فحياتك مستنياه؟ سارة: نعم؟ خالد يزفر وهو يرجع بظهرة الى الخلف - أنا آسف ظهر النادل محضرا العصائر , تناولت كوبها وارتشفت رشفه صغيرة منه , تنهدت -انا مش مستنيه حد ....انا جاوبتك بس عشان مش حابه انك تفسر سكوتى بشكل تانى خالد مبتسم:مكنتش هفسر حاجه يا سارة سارة بتجهم: كلكوا بتفسروا اى حاجه بطريقتكوا خالد: مش كل الناس زى بعضها... لوكلنا واحد يبقى هنعرف ازاى الخير لومكنش فيه ناس تعمل الشر؟... كنا هنعرف العدل منين لو مفيش ناس تظلم؟ سارة: كل الناس دلوقتى بتظلم ... بتتهم ... ومن غير دليل خالد: اللى اعرفه عن نفسى انى مش كده نظرت إيه سارة نظرة طويله وهى تفكر " انت عماد, كلكوا عماد حتى لو اتغيرت اسميكوا أو شكلكوا ... كلكوا عماد" خالد: سرحتى فإيه؟ سارة: ولاحاجه... عصام اتأخر خالد: شكلك زهقتى من كلامى سارة: لا مش قصدى بس مش عوزه اتأخر عشان بابا ميقلقش خالد: بس انتى مع عصام ... افتكر ان بباكى بيكون مطمن عليكى معاه سارة: اه بس انا مش بحب اتأخر . ابتسم خالد: لسه فيه بنات كده سارة: وايه المشكله؟.... اختك بتتأخر بره؟؟ ضحك خالد: لا انا ماليش اخوات ... انا وحيد لأبويا الله يرحمه وأمى سارة: ربنا يخليهالك خالد: امين ... وانتى ليكى أخوات سارة بإبتسامه حزينه: كان عندى أخ ... محمود لو عصام كلمك عنه بس. خالد: الله يرحمه... كل اللى اعرفه انهم كانوا أصحاب و عصام بيعزه اوى سارة: كانوا أكتر من الأخوات ...بس مفيش حاجه بتفضل على حالها... الحمد لله ... ربنا عوضنا بعصام خالد: ربنا يصبركوا... انا آسف لو ازعجتك ابتسمت سارة: مفيش ازعاج ... صدقنى خالد: مصدقك يا سارة..... عصام جه عصام وهو يسرع صوبهم: آسف آسف آآآآآآآآآسف ... كله من هدير سارة: والله تلاقيك انت اللى اتأخرت وهتتهمها فيها عصام: يابنتى مرة فحياتك دافعى عنى .. مش معقول كده خالد وهو ينظر اليها: لو تعرف كانت بتقول عنك إيه من شويه مكنتش هتقول كده عصام ينظر الى خالد ثم اليها: انا عرفت دلوقتى انا شرقت ليه وانا جاى سارة: طب مش يلا ... عشان نلحق وقتنا؟ عصام : هنلحقه هو هيروح فين يعنى يضحك خالد وهم يتجهون الى سيارة عصام عصام: سيب بقى عربيتك هنا ويلا بينا كلنا فعربيتى.. وهرجعك متخفش خالد: ماشى يا عصام مرت ثلالث ساعات وهم فى مهمه بحثهم التى ظن الجميع انها لن تنتهى هدير وهى تجلس الى اقرب كرسى: اه خلاص مش قادرة سارة: وانا مش حاسه برجليا خلاص عصام وهو يضحك: وهو احنا لسه لفينا هدير: مش وقتك خالص يا عصام .. انا تعبت سارة: هموت مالعطش ... كأننا كنا فسباق خالد: بعد اذنكوا ثوانى وراجع عصام: انت هتروح؟؟ خالد:هههههههه لا متخفش ثوانى بس عصام: ياريت تنجزوا بقى عشان خاطرى هدير : يعنى هو انا اللى معطلاك يا عصام... ما انت لسه مجبتش البدله عصام: يا حبيبتى ... انا انط فأى بدله وفثوانى اكون عريس سارة: ماتقلقيش يا هدير ان شاء الله هنلاقى اللى انتى عوزاه النهادرة عاد خالد بعدها بدقائق وهو يحمل مرطبات - اتفضلوا عصام بخبث: اه والله يا خلوود جيت فوقتك, كتر خيرها سارة بقى عالتذكير ده نظرت له سارة شزرا فغيرحديثه -طب يلا هندخل المحل اللى هناك ده وربنا يبعت بقى سارة وهى تسير بجوارخالد -شكرا على العصير ... على العصيرين الحقيقه خالد:هههههههه لا شكر على واجب دى حاجه صغير ياسارة دلفوا الى المحل وظلت سارة وهدير يختارون ما بين الأثواب حتى وضعت سارة يدها على ثوب غايه فالرقى والبساطه سارة: ها إيه رأيك فدا؟؟ هدير: جميل أوى يا سارة... انا عارفه انى مش هلبس غير من ذوقك عصام: ادخلى قيسيه بقى ... يارب يكون المطلوب دخلت سارة مع هدير لحجرة القياس بدا الفستان غايه فالجمال فقد كان بذيل طويل بأشغال مفرغه وبأكمام طويله بذت تفريغات لذيل حول الأكمام وقبه عاليه على نفس الحال ... ومرصع بألماسات براقه بدايه من قبه الثوب حتى الوسط هدير: إيه رأيك؟؟ سارة بإبتسامه واسعه: تحفه عليكى ... استنى لما عصام يشوفه هيعجبه اوى أحتضنت هدير سارة وقد امتلأت عيونها بالدموع: - متشكرة أوى يا سارة ... وآسفه اوى على أى حاجه سارة: متشكرة على ايه وآسفه على إيه ,, بطلى جنان بقى متبوظيش فرحتنا ... ها هتخرجى تفرجى عصام ولا إيه؟ هدير: طيب خليه يجى يشوفه ... مكسوفه اخرج قدام خالد - حاضر .... عصام ... ادخل لهدير خالد: انتى كنتى بتعيطى ولا إيه؟ سارة مبتسمه بسعادة: لا بس فرحانه ... جميل اوى عليها ماشاء الله باقى موافقه عصام ونبقى خلصنا خالد: عقبالك يا سارة... بغض النظر بقى عن انك مأجله الفكرة .. بس عقبالك اختفت ابتسامتها : متشكرة وعقبالك خرج عصام : تمام اوى كده ... شفولى بدله انط فيها بقى بعد نصف ساعه ارتدى عصام بدله انيقه ورباطه عنق ملائمه عصام: حلوه البدله ولا ايه؟ هدير: جميله يا حبيبى عصام: مش قولتلك لازم نجيبهم هما الاتنين معانا فى خلال اسبوعين ومش هقبل بأقل من كده هيكون الفرح ... انتوا طبعا مش محتاجين عزومة سارة: ربنا يسعدكوا ....... على قدم وساق كان الجميع يسعى لجعل كل شئ رائع سارة من ناحية تساعد هدير فى إنهاء الاشياء البسيطه المتبقيه وخالد لم يترك عصام لحظة واحدة حتى انتهى الجميع من كل شئ وسار على اكمل وجه فى يوم الزفاف ذهبت سارة برفقه هدير إلى الكوافير حتى تساعدها وتهدئ من روعها فهدير لم تتوقف للحظة واحدة عن القلق مما أفسد تجميلها عدة مرات سارة تزفر: يابنتى إهدى, حرام عليكى المكياج باظ وشويه وهيطردونا برة هدير بحزن: وهى دى حاجه بإيدى يعنى.. خايفه الفرح ميكنش حلو .. خايفه أنا مكنش حلوة .. اعمل ايه ابتسمت لها سارة وهى تعدل من وضعيه طرحتها - طب وانتى يهمك إيه فكل ده غير عصام؟ هدير: مهو دا اللى قلقنى .. خايفه معجبش عصام سارة: لا بقى دا انتى بتتلككى ... دا عصام بيموت فيكى بكل حلاتك هتيجى وانتى قمر كده وتقولى مش هتعجبيه .. يابنتى دا شافك وانتى صحيه مالنوم ومهربش ولا جراله حاجه ضحكت هدير: ماشى يا سارة ... انتى معايا ولا معاه سارة: معاكى طبعا يا حبيبتى ... بس فكيها بقى شويه.. الفرح هيكون جميل لان العريس والعروسه زى القمر ... ربنا يستروما تتحسدوش هدير: ربنا يطمنك ياسارة بعد نصف ساعه ظهرت سيارة خالد بها عصام .. وقف عصام امام هدير يتأمل جمالها عصام بهمس: يانهار أبيض... القمر دا قمرى انا وبس هدير بخجل: بس يا عصام عصام: بس ايه ؟... بس انتى بقى انا اقول اللى انا عاوزة مراتى وانا حر على جانب اخر من الهمسات المتبادله بين هدير وعصام .. كان خالد لا يرفع عينيه عن سارة...يتأمل ثوبها الرقيق الزهرى وحجابها الذى يشبهه فاللون اقترب خالد منها وهو يبتسم ابتسامته الجذابه -مقدرش اشوفك كده وماقولش انك جميلة اوى النهاردة ازداد خجلها بشدة ولم تستطع الرد بكلمه واحدة ضحك خالد امام خجلها الشديد - طيب يلا بينا .. هتركبى معانا مش انتى وصيفه العروسه زى ما بيقولوا؟ سارة: ايوة ... عشان بس أخد بالى ان كل حاجه تمام خالد يضحك: الله !! ... ما انتى بتتكلمى عادى اهو تعود لصمتها مرة اخرى - طيب يلا يلا صعد الجميع سيارة خالد فكانت سارة بجوارة وهدير وعصام بالخلف فى عالم منفصل عنهم بعد مدة بسيطه وصلوا الى القاعه بعد ان التقطوا صور تذكاريه لهم جميعا وحرص عصام ان تكون سارة بجوار خالد فى احدى الصور حتى انه لم يلتفت لغضبها منه بعد ان جلس العروسين بمكانهما اقترب خالد من سارة , تحدث بصوت مرتفع بسبب الموسيقى - سارة ... والدتى حابه تتعرف عليكى ... ممكن تيجى معايا تسلمى عليها وقفت سارة للحظه لا تعرف كيف تجيب اوماذا تفعل خالد:... لو يدايقك بلاش سارة: لا لا .. انا كمان حابه اشوفها اقتربت سارة وخالد من سيدة بالعقد الخامس من عمرها ممتلئة الجسم قليلا ... ترتدى حجابا يزيدها جمالا وسماحه اقترب خالد من السيدة قبل يدها وابتسم: ماما ... اعرفك بسارة ... قريبة عصام نظرت اليها عايدة نظرة طويله وابتسمت وهى تمد يدها بمصافحه قويه عايدة: ازيك يا حبيبتى ... خالد كلمنى عنك خالد يضحك: بالخير والله سارة: انا متأكده... ازى حضرتك يا طنط؟ عايدة: الحمد لله يا حبيبتى ... اتفضلى اقعدى جلست سارة جوارها وجلس خالد عايدة: وانت قعدت ليه ؟... اتفضل روح شوف صاحبك. خالد: ايه يا ماما... ؟ عايدة ضاحكه: عاوزة اقعد مع سارة لوحدنا فيه مانع؟ خالد يقف مبتسم: لا مفيش ... امشى انا احسن ذهب خالد فضحكت عايدة : اوعى يكون تاعبك فالشغل ... قوليلى بس سارة:ههههه لا يا طنط والله... يعنى كتر خيره فالاجازة اللى ادهالى عايدة:هههههه اه عرفاها ... اللى بالاجبار دى ؟ سارة: وفرتى عليا الشرح يا طنط عايدة: اومال في بباكى ومامتك ... نفسى اتعرف عليهم سارة: بابا برة مع عم عصام عايدة مبتسمة: وست الحبايب فين؟ سارة: ماما ما جتش ... ماما قعيدة مش بتتحرك فمتعرفش تيجى عايدة بعطف ام: انا اسفه يا سارة سارة: على ايه يا طنط هو حضرتك كنتى تعرفى ؟ عايدة: ربنا يخليهالك يا حبيبتى... على فكرة يا سارة انا حبيتك أوى سارة مبتسمه: وانا كمان يا طنط ربنا اللى عالم قطع حديثهم صوت والد سارة عبد الحميد : مساء الخير عايدة : مساء النور سارة:... دا بابا يا طنط أعرفك أستاذ عبد الحميد ... أعرفك يا بابا مدام عايدة والدة بشمهندس خالد عبد الحميد: تشرفت بحضرتك عايدة: الشرف ليا يا أستاذ عبد الحميد... معلش بقى اخدت منك سارة شويه عبد الحميد مبتسما: لا ابدا ولا يهمك ,, المهم بس متكونش صدعتك بكلامها عايدة ضاحكه: سارة تصدعنى !! طيب مش تتكلم الأول وبعدين نشوف الموضوع ده عبد الحميد: ههههه .. طيب ربنا بيحبك بقى عشان هنمشى دلوقتى عايدة: تمشى ليه دى لسه مقعدتش معايا. ظهر خالد خلف عبد الحميد خالد: ازيك يا عمى ؟... والله بدور على حضرتك عشان اسلم عليك عبد الحميد: ازيك يا بشمهندس ؟ خالد: ما تقولى خالد يا عمى ولا حضرتك عوزنى اقولك يا أستاذ عبد الحميد سارة بتلقائيه: ههههه معلش يا بابا اصله مش بيحب الطرابيش خالد يبتسم وهو ينظر نحوها: اهى قالت لحضرتك ... ماشى ياعمى عبد الحميد: مفيش مانع يا خالد واكمل وهو ينظر الى سارة - يلا يا حبيبتى عايدة: ماتسيبها يا استاذ عبد الحميد خالد : انتوا هتمشوا ولا إيه؟ .... هدير هتزعل منك هى وعصام سارة وهى تنظر لوالدها: معلش بقى هى هتقدر عايدة بإبتسامه: لو انت واثق فينا بقى يااستاذ عبد الحميد فياريت تسيب سارة معانا وانا وخالد هنوصلها لحد باب البيت ... لو مش واثق بقى يبقى فيها كلام تانى عبد الحميد: العفو يا مدام عايدة ... بس الوقت هيتأخر وهيكون فيها تعب عليكوا خالد:لا تعب ولا حاجه يا عمى ... ما تقلقش انت مش بتعتبرى زى عصام ولا ايه؟ عبد الحميد: اكيد يابنى ... خلاص يا سارة انا همشى عشان مسبش مامتك لوحدها اكتر من كده ... ومعلش لو هتعبكو يا جماعه مرة تانيه عايدة: انت كده فرحتنى انها هتقعد معايا ... هحتكرك بقى يا سارة هتقعدى مع ست عجوزة طول الفرح سارة مبتسه: يا طنط دا انتى لسه شباب ماشاء الله عليكى ... دا يسعدنى انى اقعد مع حضرتك عايدة: خلاص اتفضل بقى حضرتك ... وسلامى للمدام واتمنى اقابلها قريب ان شاء الله عبد الحميد: دا شئ يسعدنا يا مدام عايدة ذهب عبد الحميد وجلست سارة مع عايدة عايدة: اوعى اكون احرجتك ... ولا تكونى عوزة تروحى مع بابا وانا منعتك يعنى ههههه سارة: ابدا يا طنط... انا حابه اقعد معاكى نظر لها خالد وهى تنطق اخر كلماتها...فرحة غمرت روحه وهى تتحدث عايدة:خالد... بكلمك يا بنى خالد: نعم يا امى. عايدة بإبتسامه: عصام بيشاورلك من بدرى روح شوفه ذهب خالد وتركهم معا عايدة: شوفى نسيت أقولك عقبالك سارة: ههههه لا يا طنط انا مضربه عايدة: لو انتى مضربه فمحدش يشوف القمر ده ويقبل إضرابه صمتت سارة ... بعدها انقذها احتياج هدير لها بقيت بين البقاء جوارها والحديث مع عايدة من وقت لاخر اقترب الفرح على الانتهاء ... كان موعد القاء باقه الورد عصام فى اذن هدير: ارميهالها يا هدير ... ركزى وحياة ابوكى هدير: طيب انا هديلهم ضهرى وانت قولى بالظبط هى واقفه فين؟ ظل عصام يوجهها ثم ألقت الباقه... التقطتها سارة بتلقائيه لم تبذل اى مجهود للحصول عليها... فقط وجدتها تتجه ناحيتها خالد ضاحكا: محدش يتكلم بقى ... انتى العروسه الجاية رسمى أظلم وجه سارة ... صمتت للحظه سارة: انا تأخرت اوى خالد وقد اطفأت ابتسامته: خلاص يا بينا سارة: هسلم على عصام وهدير بس احتضنت سارة هدير بشدة و وهى تتحدث لعصام خلى بالك منها يا عصام عصام: طب ما توصيها عليا انا كمان سارة لهما: ملكمش غير بعض ... ربنا يسعدكوا خرجت سارة وخالد وعايدة وتوجهوا جميعا الى سيارة عصام خالد: عربيتى مع عصام باشا بقى الليلادى عايدة: انا هقعد ورا بقى سارة: لا ... هتقعدى قدام يا طنط عايدة: انا او انتى واحد يا حبيبتى سارة بتردد: معلش يا طنط سامحينى ... انا بخاف م الكرسى اللى قدام نظر اليها خالد نظرة طويله - خلاص يا ماما خليها على راحتها اوصلها خالد فى وقت قصير ... واصر ان يوصلها حتى باب شقتها عبد الحميد : تعبناك يابنى خالد: لا ياعمى ... لا تعب ولا حاجه ... مضطر أنزل والدتى فالعربيه لوحدها ... تصبحوا على خير عبد الحميد وسارة: وانت من اهله دلفت سارة ووالدها الى الداخل سارة:ماما نامت؟ عبد الحميد: أيوة ... الفرح كان حلو سارة: ايوة يا بابا ربنا يسعدهم عبد الحميد وهو يطبع قبله على جبينها: ويسعدك يا بنتى اكتفت سارة بإبتسامة ... دلفت الى حجرتها جلست على سريرها تأملت باقة الورد التى بين يديها ولم تستطع منع دموعها من السقوط * * * * عايدة: ما قولتليش انها قمر يعنى؟ خالد بتجهم: نسيت يا امى عايدة: مالك؟ خالد: مستغربها .. كل ما حد يقولهاعقبالك وشها يتغير عايدة: بتتكسف ياحبيبى خالد: يا امى انا شوف خجلها وشوفت حزنها واقدر افرق بين الاتنين عايدة: تعرف ان مامتها قاعدة على كرسى متحرك؟ خالد: إيه؟!!! ... اول مرة أعرف منك .. لا حول ولا قوة الا بالله عايدة:يمكن بتدايق عشان حالةوالدتها خالد:ممكن بس مش دا السبب الرئيسى انا حاسس بكده عايدة مبتسمه: ما غرتش من عصام؟؟ ابتسم خالد أخيرا: شويه. عايدة: طيب هفرح بيكوا امتى بقى فهم م ترمى اليه والدته: مش لما اعرف هى فيها ايه الاول يا امى ... انتى حبتيها صحيح بقى عايدة: ارتحتلها ... طيبه ومحترمة وكلامها ما يتشبعش منه... بصراحه لو هيبقالى مرات ابن عوزاها هى ماليش دعوة خالد: .. حلوة ماليش دعوة دى من بقك يا دودو عايدة: ربنا يجعلها من نصيبك يا حبيبى الفصل التاسع مر اسبوع من العمل المتواصل ... وسارة وخالد لا يتقابلان الا نادرا فبعد أن ينهى الموظفين عملهم يبقى هو ينهى أعمالا متراكمه أما هى فتكتفى بمراقبته من بعيد ... شعور بلخوف والقلق بدأ يغزو حياتها كلما مر طيف خالد بعقلها تتذكر ضحكاته .. سؤاله عنها ... ارساله تحياته الى والدها إهتمامه بكل ما يتعلق بها. أرهقتها حالتها الجديدة.. جزء داخلها احبها ... وجزء اخر نفر منها عادت سارة الى منزلها بعد يوم عمل شاق ... لا تقوى على فتح عينيها من شدة رغبتها فالنوم سارة: ماما ... انا جيت .. هصلى وهدخل انام ولما اصحى هبقى اكل سهير: طب مش تسلمى الاول . سارة: تعبانة اوى يا ماما كانت تقول جملتها وهى تتجه لغرفتها مباشرة الا ان استوقفها صوتا تعرفه جيدا هدير: وانا بقى جايه اسلم على نفسى ولا ايه؟؟ عادت سارة مسرعه الى الصالون واحتضنت هدير: هدير!!! لا مش معقول ... دا انتوا لسه مش هترجعوا الا الاسبوع الجاى عصام بسخريه ضاحكه: اصل ماما وحشتها هدير: وايه يعنى يا عصام؟؟... انا مش متعودة ابعد عنها كل ده عصام: هوانا يا بنتى خطفك ؟؟... داانتى مراتى المفروض تكونى فأى مكان انا فيه يعنى لو قولتلك قررت الهجرة للمريخ تقوليلى الارض مش حلوة غير بيك يا حبيبى هروح معاك المريخ سارة: إيه ده؟.. إيه ده؟... انتوا بتتخاقوا ولا إيه؟ عصام: لا بنتخاق ولا حاجه... بس ادينا قطعنا الاجازة اقتربت منه هدير وعلى وجهها حزن طفولى : طيب انا اطمنت على ماما خلاص... نرجع تانى عصام: ههههههههه... لاااااا خلاص يا حبيبتى العرض مرة واحدة بس وغير قابل للتكرار سارة: حرام عليك... ما تزعليش ياهدير هيعوضهالك .. هما بس كام يوم هيتقمص فيهم عصام: ماشى يا برنسس ... ما انا عارف مليش مكان فالليله دى... فينك يا خالد تقف فصفى... هو عامل ايه صحيح ؟ اصل لسه معرفتوش انى رجعت ارتبكت سارة للحظة عند ذكرا سم خالد - كويس... الشغل كتير اليومين دول وبيقعد فالمكتب كتير... داحتى احيانا بيبات هناك عصام بخبث: وعرفتى منين يا سارة؟ سارة: من .. من رغدة هيكون من مين يعنى؟ عصام: الله يقويه ... دا انا كده هرجع الشغل من بكرة دا شكل فيه حاجات كتير اتغيرت ومحتجانى هدير وقد التقطت الخيط: ايوة يا حبيبى ... شوفت بقى ان رجوعنا بدرى خير ازاى عصام: انتى تسكتى خالص... لما نروح بيتنا هنتحاسب ... بطريقتى سهير: ياواد خف على مراتك مش كده هدير: قوليله بالله عليكى يا طنط ... دامبطلش تقطيم فيا سارة: ههههه يبهزرمعاكى ... ما انتى عرفاه عصام: طب يلا يا هانم نروح... عاوز ارتاح سهير: لا هتتغدوا معانا الاول عصام: لا معلش يا طنط هنجيلك يوم مخصوص هلكان والله ومحتاج انام سارة: خلاص يا ماما سبيهم احنا اخدنا منهم وعد ان الغدوة الجايه عندنا هدير تهمس لسارة: سلام بقى عشان اصالحه ادعيلى سارة بنفس الهمس : ربنا معاكى فى اليوم التالى قابلت سارة عصام وهو يخرج من مكتبه غاضبا سارة:انت رجعت صحيح؟... كنت فكراك بتهزر عصام: هدير دى فيها شئ لله ... رجعتنى لوجع الدماغ وخلاص ... ماله الكسل وحش؟ سارة: ههههه ... ما انت كده كده كنت راجع.... هى الناس مالها ... الحركة كتير كده عصام: عفاريت خالد طالعه .... شحنة متعطله فالجمرك ومن غير أسباب . سارة: طيب اروح انا بقى على شغلى احسنلى عصام: اشوفك بعدين بين كل لحظة واخرى تسمع صوت خالد المرتفع وهو يتحدث غاضبا الى احدهم بطبيعه سارة فهى تتوتر بشدة كلما سمعت صوتا عاليا ... فتجنبت الظهور او الخروج من مكتبها تنفست الصعداء عندما حان موعد الإنصراف... حملت حقيبتها وهمت بالخروج لتقابل من حظها السئ خالد ولا يزال على غضبه خالد بغضب: رايحه فين؟؟ سارة وقد وصل توترها لذروته: معاد الانصرف يا بشمهندس انفجر بها خالد دفعة واحدة: وانا ماقولتش لحد يروح ... لما نبقى نخلص اللى احنا فيه ابقوا اتفضلوا روحوا تجمعت الدموع سريعة بعينيها , ابتلعت ريقها بصعوبه - أنا أسفه يا بشمهندس عادت لمكتبها , جلست وهى تحاول تمالك نفسها حتى لا تنفجر ببكاء شديد أما خالد فقد ندم بمجرد ان رأى دموعها تهدد بالنزول... زفر وعاد الى مكتبه يحاول حل مشاكل عمله واعدا نفسه انه سوف يعتذر لها عندما ينتهى ظل الجميع ساعتين بعد مواعيد العمل , غمرت سارة بهم نفسها فى كل ما يوكله لها منصور حتى ظهرت رغدة تبلغ الجميع بإرهاق واضح - البشمهندس بيبلغكوا تقدروا تتفضلوا يا جماعه لم تنتظر سارة لحظة واحدة وهى تهم بالخروج رغدة: سارة.... البشمهندس عاوزك نظرت لها للحظة سارة: قوليله ملقتهاش يا رغدة ... معلش قوليله ملحقتهاش رغدة: مش هينف..... لم تتظر سارة حتى تنتهى فقد خرجت مسرعه عادت الى منزلها وهى مقطبه الجبين عبد الحميد: مالك يابنتى؟ سارة : مفيش يا بابا سلامتك... تعبانة بس ضغط الشغل كان كتير النهاردة. انا هدخل انام شويه . بدلت سارة ثيابها واستلقت فوق سريرها تفكرفيما حدث معها... شئ ما جعلها تتذكر خلافاتها المستمرة مع عماد... غضبه الدائم معها واستغلاله لتوتر أعصابها من صراخه بتنفيذ ما يريد أفلتت منها دمعه تركتها تجرى فوق وجهها علها تتخلص بها من ذكرى أخرى سيئة فى حياتها * * * خالد بغضب: يعنى إيه؟ رغدة بارتباك: هى قالت كده يا بشمهندش... شكلها كان مرهق , باين مكنتش قادرة تستنى زفر خالد وهو يدلك رقبته بإرهاق: طيب يا رغدة اتفضلى انتى ... وابعتيلى عصام عصام بعد دقائق - فيه ايه يا خالد النهادرة ... انت كهربت الناس يااخى خالد بمواربه: مشاكل مش بتخلص اهو قرف وخلاص... سارة مشيت بدرى ليه؟ عصام: بدرى؟؟.... دى لسه ماشيه من شويه... وترتها ياعم بحنجرتك دى ... البنيه أعصابها بتتشد بسرعه مالزعيق خالد : هى حساسه للدرجادى ؟؟غصب عنى جات فيها عصام: مش موضوع حساسة.. هى بتتعب مالصوت العالى مبتحبوش ولو اضطرت ليه وزعقت نفسيا وبدنيا بتبقى نيله خالص ولا يهمك يا سيدى... سارة قلبها طيب وهتقدر * * * * رنين هاتفها أيقظها من نومها المضطرب ... بتلقائيه ومن بين غفوتها أجابت - السلام عليكم خالد: وعليكم السلام .... شكلى صحيتك مالنوم انتفضت سارة بسرعه ونظرت الى شاشة هاتفها فوجدته رقم خالد ابعدت نومها بسرعه وهى تجيب برسميه واضحه سارة: لا ابدا يا بشمهندس ... انا كنت لسه بنام خالد: يبقى اعتذارى لازم يكون مرتين مرة عشان قطعت عليكى نومك ومرة عشان فالشركة النهاردة سارة: محصلش حاجه يا بشمهندس ... حقك تدايق عشان شغلك بزفرة مسموعه تحدث خالد: انتى بتصعبيها ليه يا سارة سرة: هى إيه؟ خالد: بتحسسينى بتأنيب ضمير انى زعلتك سارة: كل شئ وارد فالشغل خالد: ممكن بلاش الرسميه دى سارة:.............. خالد: سارة ؟؟ سارة: نعم خالد: أنا آسف ... آسف لو صوتى العالى وترلك أعصابك ... عصام قالى انك بتتعبى من اى صوت عالى سارة:عصام بيقول حاجات كتير اوى خالد: أنا اللى سالته ... يارب ما تكونى ادايقتى سارة: من عصام !! مقدرش ازعل منه خالد: وانا ؟؟ ... هتقبلى آسفى ولا هتكسفينى سارة:لا خلاص محصلش حاجه خالد: مش مصدقك سارة: ليه؟ خالد: قولى قبلت اعتذارك يا خالد وانا صدقك صمتت للحظة ثم ردت : خلاص يا خالد محصلش حاجه. ابتسم خالد وظهرت ابتسمتة فى حديثة: - كده اطمنت انك مش زعلانة ... مش هطول عليكى اكتر من كده أشوفك بكرة ان شاء الله فالشركة .... ومن غير زعيق هههههههه سارة:هههههه... ان شاء الله خالد: بلغى سلامى لعمى وطنط .... سلام يا سارة سارة: حاضر ... سلام يا خالد أغلقت سارة الهاتف وتأملته للحظة تحاول استيعاب انه بالفعل حدثها تخشى ان يكون خيالها غرر بها ورسم له صورتة لم تكن أبد بتردد طفولى نظرت للمكالمات الواردة مرة اخرى لتجد ان بالفعل رقم هاتفه موجود امامها حدثها منذ دقيقه واحدة... ابتسمت بسعادة عندما تذكرت صوتة وكلامه... إعتذاره ... وإسمها بصوته لجزء من الثانيه رفض عقلها كل هذا "افتكرى عماد ... مش كلهم زييه؟؟" طغا قلبها على ما تسمع لحظة بين النوم واليقظة "هو مش زييه , عمر ما عماد اعتذرلى ... ديما انا الى غلطانه قدامه ... عمرة ما اعترف بغلطه... خالد مختلف مختلف" أصر عقلها ان يؤرقها بسؤال ايقظها تماما " خالد مختلف.... متأكدة؟؟... يعنى مش هيسيبك زى عماد.. أبدا؟" أغمضت سارة عينيها بقوة حتى لا ترى الإجابه تتجسد أمام عينيها إجابة بطلها عماد ... عماد الذى لم يتوقف لحظة عن نشر الأكاذيب حولها ... عن إصراره انها خانته أثناء سفرة بعلاقات مختلفه ومتعددة مع رجال أخرين لماذا؟؟..... فقط لانها كانت صريحه , واثقه بحبه لها وانه سيتفهم حادثتها لكنه خيب كل آمالها... صدمها بردود أفعاله... كيف وهو يعرفها جيدا وتصرف هكذا فماذا يفعل إذا من يعرفها جيدا ك خالد استقامت فوق سريرها فجأة.. نهضت ونظرت لوجهها بالمرآة وسألت نفسها سؤال واحد ... " مهتمه بردفعل خالد ليه؟" استمرت فى تأمل وجهها .. أدركت فجأة أن شيئا داخلها يتحرك تجاهه أدركت بتجمع الدموع بعينيها أن عليها بكل قوة وقسوة مع نفسها أن تلك الزهرة الصغيرة التى بدأت تنمو داخلها. مسحت دمعه افلتت بسرعه وخرجت من غرفتها سهير: كل دا نوم يا حبيبتى؟ سارة وهى تجلس الى اقرب مقعد: لا يا ماما حاولت انام ومعرفتش سهير: مالك؟... وشك متغير ليه؟.... انتى معيطة ولا إيه؟ صمتت سارة للحظة ثم تحدثت بغصه تتجمع فى حلقها - الراجل الشرقى ممكن يتغير يا ماما فأساسيات؟ سهير وقد فهمت ما ترمى إليه ابنتها: صوابعك مش زى بعضها يا حبيبتى... بيفرق فطريقه تربيته وتعليمة وتفكيرة سارة: ما عماد كان متعلم ومثقف ومن عيله المفروض انها محترمة سهير بزفرة عصبيه بسيطة: بتجيبى سيرة الزفت دا ليه؟ جثت سارة بجوار قدم والدتها ووضعت رأسها فوق ساقها -انا اسفه يا ماما؟ ربتت سهير فوق رأس ابنتها وهى تتحدث بحنيه بالغه -وانتى بتتأسفى ليه ؟.... انتى ملكيش ذنب فأى حاجه سارة وهى تنظر لوالدتها بعيون دامعه - بسببى قعدتى عالكرسى ده ... بسببى انا وضعت سهير وجه ابنتها بين يديها -دا نصيب يا حبيبتى ... نصيب.... نصيبى ان اخوكى يموت قدام عينى ونصيبى انى اقعد عالكرسى ده بعد الى قاله الحقير ده عنك وابتسمت وهى تكمل - بس برضه لازم نبص للخير اللى ربنا بعتهولنا وسط الابتلاء يعنى ربناكشفلك واحد كنتى هتقضى حياتك كلها معاه ويا عالم كان هيعمل فيكى ايه وبعتلك أخ زى عصام يخاف عليكى زى محمود ويودنا كأننا ابوة وامه مش لازم نقف كتير عند اللى خسرناه يا سارة... لازم نكمل طريقنا عشان ربنا عاوز كده إعترفت سارة وهى تبكى - نفسى أكمل حياتى يا ماما ... والله نفسى بس ازاى سهير: بإنك تعملى اللى عليكى وتسيبى كل حاجه تانيه على ربنا مش انتى متأكدة انه هيكون معاكى؟ سارة: خايفه أتظلم تانى .... مش هتحمل اتظلم تانى يا ماما ... انا تعبت سهير: ربنا مش هيظلمك ... انا عارفه كويس انه مش هيظلمك... انتى اللى هتظلمى نفسك لو فضلتى خمس سنين تانين بتعذبيها من غير سبب.... سبيها على ربنا ... وهو حلال العقد سارة: ونعمه بالله الفصل العاشر إبتسم خالد وهو ينظر إلى هاتفه... تخيلها وهى مغمضه العينين وتجيب على اتصاله بدت غارقه بالنوم وهى تتحدث بعكس ما تقول تماما انها توا قد نامت واتسعت ابتسامته اكثر وهو يشعر بخجلها من نطق اسمه لازالت تخجل كلما نطقت اسمه مجردا من اى القاب عايدة: ياسلام على الرايق اللى هنا وانا بقالى ساعه بقولك الاكل جاهز يا خالد خالد مبتسم: ما سمعتكيش يا امى معلش عايدة: طيب ما تبسطنى معاك خالد: العادى يا امى ... هيكون ايه يعنى؟ عايدة بابتسامه: ولا حاجه طبعا.... يلا الاكل هيبرد. * * * فى صباح اليوم التالى ... حاولت سارة ان ترسم التفاؤل فوق وجهها خرجت ابتسامتها هادئة كعادتها مرت ببائع الجرائد واشترت جريدتها المفضله "العربى" وانطلقت تدندن وهى فى طريقها الى عملها دخلت وهى تلقى التحيه على الجميع صابر: صباح الخير يا استاذة... وشك متغير النهاردة سارة: ... يعنى احسن ولا اوحش يا عم صابر؟ صابر: لا احسن طبعا يا استاذة ... يارب ديما سارة: ربنا يخليك ... عاوزة اشرب قهوة ياعم صابر .. ممكن؟ صابر: من عنيا الاتنين يا استاذة واكمل همسا وهو يضحك -هعملك من قهوة البشمهندس بس ماتقوليش لحد سارة بنفس الهمس: سرك فبير ... جلست سارة تقوم بعملها اليومي وهى تشعر بتحسن بالغ بعد التحدث الى امها تمنت لحظة انها لو كانت منذ زمن بعيد قد استمعت الى نصائحهم وذهبت لزيارة استشارى نفسى ربما كان تحسنها الان حدث منذ زمن ابعد... لكن كل شئ يأتى بموعد صابر: احلى قهوة لست البنات سارة: شكرا يا عم صابر خرج صابر ونظر لها زميلها الذى يسبقها بأعوام بالشركة سيف: عم صابر عامل معاكى احلى واجب ,, رشتيه ولا إيه؟ ابتسمت سارة ابتسامة بسيطه كادت لا تظهر - عم صابر دا طيب اوى ... كفايه تقوله كلمه حلوة بس ابتسم وهو ينظر لعينيها مباشرة: يابخته لم تجب سارة ودفنت وجهها الذى احمر خجلا بين الاوراق عله يفهم لم يتحدث سيف مرة اخرى واكتفى بين وقت واخر بنظرات اليها وهى تتجاهل نظراته عند انتهاء موعد دوامها اقترب سيف منها بإبتسامة جذابة - مش هتيجى اوصلك برضه ؟... اجابته سارة: لا متشكرة اوى سيف: انا عارف انك فطريقى سرة باستغراب : وانت عرفت منين؟ سيف بابتسامة من حقق انتصارا: اللى يسأل بقى يا سارة اكتفت سارة بابتسامة فقط عله يفهم انها لا ترغب سارة سيف: والله ما هتعب ولا اى حاجه ... بقولك انتى فطريقى خالد فجأة يظهر من الا مكان يبتسم ابتسامة لا تمت للابتسام بصله - ماخلاص يا سيف... يلا اتفضل انت عشان زحمه الطريق تعثرت الكلمات فوق شفتى سيف وظلت سارة ذاهله لحظة من ظهورة المفاجئ سيف: تمام يا بشمهندس ... كنت حابب اخدم يعنى خالد: مع السلامة يا سيف ... اشوفك بكرة خرج سيف وتركهم يقفان امام بعضهما نظر خالد لها بنظرة جليديه لا تعلم سببها خالد: يلا بينا سارة بنفس برودة الغير مفسر: شكرا يا بشمهندس هاخد تاكسى زى كل يوم خالد: لا سارة: إيه؟ خالد: عصام مستنينا تحت ... هنروح عنده البيت سارة: بس هو ما قليش ولا هدير خالد: تقدرى تقولى انه قرار مفاجئ صمتت سارة فتحدث بسرعه - يلا؟ سارت سارة امامه حتى المصعد وقفا صامتين حتى هبطا الى الاسفل وسارة متعجبه من تغيرة الغير مسبب ... بالأمس عندما حادثها لم يكن هكذا .. كان شخصا اخر مختلف .. اقرب من الآن عصام: قولتلك هاتها وانت نازل مش تنام فوق ياخالد باشا خالد بتقطيبه: ما اتأخرناش يا عصام ... يادوبك ركوب الاسانسير وكلمتين مع سيف عصام: ماله سيف؟ خالد وهو يغير مجرى الحديث: انت هتفضل تسأل ومفيش غدا ولا ايه؟ سارة وهى تتوقف مكانها : غدا ايه ياعصام؟... انا مش هقدر عصام: ليه ياسارة؟ سارة: انا ما قولتش لبابا ولا لماما انى هتغدا بره وزمانهم مستنين ومينفعش اقولهم وكأنى بحطهم قدام امر واقع وانت عارف كده عصام: بالراحه ياسارة انتى متنرفزة كده ليه؟... عموما انا كلمت عمى عبد الحميد من الساعه 10 الصبح وهو وافق يعنى عندهم خبر وعموما هما معملوش حسابك فغدا هههههههههه فتعالى احسن معايا وبالمرة تشوفى هدير ولا مش عاوزة تشوفيها؟؟ صمتت للحظة وخالد ينتظر ردها زفرت قليلا - لا يا عصام ... هدير وحشانى وعاوزة اشوفها عصام : يبقى يلا بينا خالد بإختصار: هبقى وراك بالعربيه يا عصام وذهب عصام: ماله الاخ؟... هو حصل حاجه ولا ايه؟ سارة:ولا اعرف ركبت سارة السيارة بجوار عصام وهى تقول - عصام سوق بالراح... عصام مقطعا: عارف عارف هسوق بالراحه يا إما هترجعى فالكرسى اللى ورا ... انتى مش ناويه تتخلصى بقى مالعقدة دى سارة: مفتكرش .... وصولوا الى شقه عصام.... فتحت له هدير وابتسامة واسعة ترتسم فوق شفتيها هدير: يعنى هو احنا لازم نشوفكم بالاجبار؟؟.... ما تعملوهاش وتيجو من نفسكوا أبدا خالد: ازيك ياهدير؟ هدير: الحمد لله ياخالد ... ازيك يا ست سارة نستينى خلاص احتضتها سارة : والله ابدا ... بس انتى عارفه اللى فيها بقى هدير: هسامحك وامرى لله. عصام: يعنى سلمتى عالكل وانا لا ... اروح اروح يعنى هدير: هههههههه... ما انت هتروح لهنا ... حمدالله عالسلامة يا حبيبى عصام: ماتدخلوا يا جماعه خطى الجيع الى الداخل - ها هناكل زى الناس ولا اتصل بالاسعاف تستننا تحت عشان مانخدش وقت يعنى؟ سارة: ياسلام عالتشجيع يا عصام هدير: قوليله ... مفيش مرة قالى تسلم ايدك من يوم ما اتجوزنا عصام: كنت بقولك ايام الخطوبه ولا لا؟ هدير: اه عصام: طيب خلاص اعتبريها منحه مقدمة بقى ... ويلا بالله هنموت مالجوع نظرت سارة ناحيه خالد الذى جلس والتزم الصمت فلاحظ عصام نظرتها عصام: وانا هشوف الاخ دا ماله مبوز كده ليه؟؟ هدير: تعالى يا سارة نجهز الاكل وتكلم شويه سارة: ماشى يلا جلس عصام فى مواجهه خالد: مالك يابنى فيه ايه... من ساعة ماخرجت مالشركة وانت مكشر ... حاجه حصلت خالد: العادى يا عصام ... هو الشغل ايه غير شويه وجع دماغ على شويه حرق دم. عصام: كلامك مع سيف ليه علاقه بحرق الدم والحجات دى؟ صمت خالد للحظة.. مالذى يقوله الآن .. يقول انه شعر بغيرة شديدة وسارة تتحدث معه.. يقول انه أوشك على ضربه لمجرد انه سمعه يعرض عليها إيصالها لمنزلها يخبرة انه كاد ينفجر غضبا وهى تبتسم اليه خالد: لا ملهوش علاقة يا عصام.... وبعدين ات يابنى جايبنى تغدينى ولا جايبنى تفتحلى تحقيق عصام: وربنا ما انت طبيعى ... هستعجلهم واجى اطل عصام برأسة فجأة عصام: بتعملوا ايييه؟ شهقت سارة من الفزع واوشكت هدير ان تريق الحساء عليها عصام: ههههه.. هيفضل قلبكوا خفيف كده على طول سارة: مش عارف ان اللى عملته دا حرام؟؟.... اتغير بقى يا عصام عصام: واتغير ليه واضيع احلى احساس انى اشوفكوا كده هدير: ولما كانت الشوربه تقع عليا كنت هتبقى مبسوط برضه عصام بضحكك: وابقى متجوز ام رجل مسلوخه لالا خلاص لم تستطع سارة الا تضحك هدير: اضحكى اضحكى ما انتى معاه على طول سارة: لا يا حبيبتى ... عاوز ايه يا عصام اخلص عصام: عاوز ايه؟؟.... عاوز اكل انا والراجل اللى بميه واحداشر اللى بره ده لم تمنع سارة نفسها من السؤال -هو ماله يا عصام؟ عصام بابتسامة: مش عارف والله يا سارة مش عاوز يقول.... بقولك ايه ما تخرجى تسأليه؟ سارة باستنكار: اسأله؟, لا لا مقدرش هدير: وفيها ايه يا سارة؟... مش مديرك واخر حد نازل معاه مالشركة انتى اعرفى ماله ولو نقدر على حاجه نعملهاله صمتت سارة فأكمل عصام - يلا ياسارة اخلصى عقبال ما اعمل السلطه مع هدير سارة: لا انا هعملها واخلص الاكل مع هدير هدير: لا ياستى هو بيحب يعمل السلطة الحمد لله يلا روحى انتى يمكن نعرف ماله منك استسلمت سارة وتركت ما بيدهاوخرجت ... تشاغل عصام بتقطيع الخضروات وهدير بتحريك الحساء وبمجرد ان ذهبت خرج تركوا ما بأيديهم بسرعه ووقفوا ينظرون من بعيد على ما سوف يحدث ضحكت هدير: وربنا احنا عيال عصام: عارف مهى دى حلاوتها ... تفتكرى هيتكلم ؟ هدير: مش عارفه ... بس تفتكر الموضوع ايه ؟ عصام: ياذكيه يعنى لو انا عارف كنت وقفت الوقفه دى هدير: ما انت مش فاهم.. اقصد تفتكرحاجه تخص سارة ؟ عصام: ممممم ممكن هو اصلا شكله كان مقفول وهو نازل معاها هدير: طيب بالنسبه للاكل اللى هيتحرق ده عصام: ما يتحرق مش مشكله توجهت سارة الى خالد بخطوات مثقله لتجدة شاردا يضع رأسه على يديه سارة: انت كويس؟ رفع خالد رأسه ينظر اليها وابتسم ابتسامة باهته وهو يهز رأسه بنعم جلست سارة وهى تتحدث بارتباك -عصام قلقان عليك ... انت مدايق من حاجه؟ صمت خالد للحظة وهو ينظر اليها بإمعان تحدث فجأة بصوت بدا هادئ خالد: هو سيف عرض عليكى يوصلك قبل كده؟ تلجم لسان سارة أمام سؤاله... لم تتوقع أن يسألها مثل هذا السؤال اجابتة بتعلثم : يعنى ... هى تانى مرة ... بس خالد بتقطيبه: وايه اللى يخليه يعرض تانى . سارة: مش فاهمه خالد: يعنى لو كنتى رفضتى من أول مرة مكنش عرض تانى سارة بعصبية: تقصد إيه؟ خالد: انتى النهاردة لما قال يوصلك ما قولتيش لا ليه سارة بحدة: وانت بتسأل ليه؟ لحظه صمت ثم اجاب بغضب ممزوج بسخريه - أنا آسف شكلى تدخلت فاللى ماليش فيه... دى حياتك سارة: متشكرة ونهضت تاركه ايه بمفردة متوجهه للمطبخ رآها عصام وهدير فتحركوا بسرعه وعادوا لاماكنهم وكانهم لم يتحركوا من قبل هدير: وشك احمر كده ليه يابنتى عصام: عرفتى ماله؟ سارة: لا عصام: طب مالك ؟ سارة: مفيش نظر عصام لهدير وكلمهما يتساءل بصمت عما حدث عصام: يلا يا هدير حضرى الاكل هدير: حاضر جلسوا جميعا الى مائدة الطعام يتناولوا الطعام وعصام وهدير يحاولان إضفاء جو مرح عليهم الا ان سارة وخالد لم يتأقلما جيدا على ما يفعله الزوجان إنتهى الغداء وحان موعد الإنصرف نهضت سارة - انا همشى بقى ياجماعه عصام وهو ينهض: رايحه فين لسه بدرى. سارة بإبتسامة: لا بدرى ولا حاجه... يادوبك الحق اوصل البيت هدير: عصام هيوصلك يابنتى سارة: لا يا حبيبتى مفيش داعى ... هجيلك تانى ان شاء الله خلد فجأة :هوصلك سارة بإختصار: لا متشكرة مفيش داعى انا هاخد تاكسى وبسرعه حيت الجميع وخرجت ... وقفت امام باب العمارة تتظر تاكسيا لتجد خالد يقف بجوارها حدثها بهدوء - تعالى هوصلك يا سارة مش هتلاقى تاكسى دلوقتى سارة: لا هلاقى ان شاء الله... ما تشغلش بالك اتفضل انت خالد يزفر : دماغك ناشفه سارة: لا ناشفه ولا حاجه ... كل ما فى الموضوع انى هروح فتاكسى وبس صمت خالد وهو فى قمة الغضب سارة: اتفضل انت خالد بحده : لما اشوفك بتركبى التاكسى همشى ... فيه اعتراض على دى كمان؟؟ سارة: لا وقفا صامتين دقائق بعدها ظهر تاكسى فأشار له خالد .. فتح لها الباب فقدرت له عمله وصعدت . حاسب السائق فنظرت اليه واوشكت على الاعتراض فأوقفها بنظرة واحدة انحنى قليلا ونظر لها من شباك التاكسى خالد بهدوء: ممكن اطلب طلب ولا مش من حقى؟ سارة: اتفضل خالد: ممكن لما توصلى البيت ترنى عليا سارة: ايه؟ خالد : ممكن؟... عشان ابقى مطمن سارة بإذعان: حاضر عادت سارة الى المنزل بدلت ملابسها وهى تفكر أتتصل به فعلا ام انها تتجاهل رغبته أمسكت هاتفها فى لحظة حاسمه اخذت نفسها عميقا واتصلت به رنين متصل ولا إجابة ندمت انها بانفعال حققت مطلبه ... ألقت هاتفها فوق سريرها واتجهت ناحيه باب غرفتها ... حينها رن هاتفها وجدت اسمه ينير شاشتها فلم تجد مهرب الا ان تجيبه سارة: السلام عليكم خالد: وعليكم السلام ... آسف يا سارة انى مردتش لما رنيتى كنت بوصل الدكتور سارة: دكتور ؟.... دكتور ليه؟... فيه حاجه خالد بصوت متعب: أبدا والدتى تعبت شويه سارة: مالها ألف سلامة عليها خالد: الله يسلمك... ابدا ضغطها نزل فجأة فأغمى عليها سارة بصدق حقيقى :ربنا يطمنك عليها ... طيب هى صاحيه أقدر أكلمها خالد: أيوة صاحيه .. ثوانى انتظرت سارة للحظة وهى تفكر بهذة المرأة الرئعه التى احببتها حقا خالد: سارة سارة: نعم خالد: ماما معاكى اهيه عايدة: ألو سارة بصوت عطوف: سلامتك يا طنط ... ألف سلامه عليكى عايدة: الله يسلمك يا حبيبتى سارة: انتى كويسه دلوقتى؟... حاسه بحاجه عايدة تبتسم : انا بقيت كويسه يا حبيبتى... يلا بقى ذنبكوا تستحملونا لم نقع اهو خالد اتخض وخلاص سارة: ربنا يخليكى لينا يا طنط ... والله احنا من غيركوا ملناش اى لازمة عايدة: ربنا يمتعكوا بصحتكوا يا حبيبتى ... ويجازيكوا عنا خير سارة: امين يا طنط ... انا مش عاوزة اتعبك أكتر من كده ... بس تسمحيلى ابقى اخد رقم تليفونك من خالد أطمن عليكى عايدة وهى تبتسم ناظرة لابنها: طبعا يا حبيبتى ... دا انا هبقى مبسوطة يكون عندى بنوته زيك تسأل عنى سارة: ربنا يخليكى يا طنط ... حضرتك زى ماما وربنا عالم عايدة: وانا اصلا معتبراكى بنتى يا سارة ... ما تتأخريش عليا بالسؤال سارة: حاضر... مش عاوزانى اعملك اى حاجه بجد يا طنط والله عايدة: ربنا ما يحرمنى منك يا حبيبتى سارة: طيب هقول لحضرتك سلام دلوقتى وهكلم حضرتك تانى عايدة: هستناكى يا سارة.. مع السلامة يا حبيبتى ... خالد معاكى خالد: أيوة يا سارة ... متشكر سارة : متشكر على إيه ؟... انا بعتبر طنط مامتى لو تسمحلى يعنى صمت لحظة وهو يعى خفقان قلبه من كلماتها ثم أجابها: اكيد يا سارة طبعا سارة: طيبممكن رقم تليفون طنط ... عشان ابقى اكلمها خالد: طبعا ... اكتبى .. املاهاخالد الرقم سارة: ربنا يحفظهالك يا خالد خالد: آمين ... سارة : مع السلامة خالد: فى رعاية الله ابتسمت عايدة وهى تلاحظ تبدل وجهه ابنها عايدة:خللى بالك كل ما يوم بيعدى بحب البت دى اكتر ابتسم خالد ابتسامه شاحبه : يعنى عوزانى اعمل إيه؟ عايدة : مش عارفه .. تفتكر تعمل ايه؟ لم يستطع خالد منع نفسه من ابتسامة صادقه وهو يفهم والدته - انا من رأيى ما تكلمش دلوقتى وتنامى شويه عشان جسمك يرتاح عايدة: بتهرب؟... ماشى يا سيدى عموما انام مش مشكله ... بس هصحى فايقه وهقعدلك بقى خالد يقبل رأسها: وانا تحت أمرك يا ست الكل اوصد باب غرفة والدتة جيدا وجلس فى الصاله .... فتح التلفزيون وجلس لا يشاهد منه شيئا يسرح فكره فيما حدث اليوم يعاتب فسه على حدته معها " انا ايه اللى عملته ده؟... ازاى اتكلم معاها كده" ظهر جانب من جوانبه التى تعشق حالته هذة " ما انت بتحبها واللى بيحب طبيعى يغير ويعمل اللى عملته دة" " بحبها؟... هو مافيش مفر ولا إيه" "لا مافيش ما انت عارف ... ما تعترفلها وتخلص وتريح نفسك مالتعب ده" "انا مش تعبان" "لا تعبان ... تعبان من مراقبتها ... تعبان من غيرتك عليها ... تعبان من رعبك ماتكونش ليك... تعبان لتحب سيف" فزع خالد لهذة الفكرة "تحبه؟؟... لا ماينفعش" ابتسم جانبه الخفى"شوفت ... خايف ازاى ... قولها وارتاح .. يا تقبل حبك يا ترفضه ..المهم حدد موقفك منها" نهض خالد وتوجه الى الشرفه ينظر الى اللا شئ يفكر كيف ومتى يخبرها؟؟... يخبرها الآن ام ينتظر للوقت المناسب ...لا يدرى ..كل ما يعلمه جيدا انه سقط بمصيدة الحب ولا مفر ربما لم يكن خالد الوحيد المشغول البال بماحدث سارة ايضا لما تستطع النوم وهى تفكر فرد فعله واسألته "هو سألنى ليه السؤال ده؟؟, يهمة ايه اذا كان سيف عرض عليا قبل كده او لا ... يزعله فايه انى رفض ولا اقبل... " اجبت نفسها بسؤال على استحياء " بيغير عليا منه؟؟ بيحبنى؟؟" نهضت من فراشها وهى تستنكر الفكرة.... وتتوق اليها.. ترفضها ... وتتمناها ... عقلها يرغمها على تفسير عقلانى ان كل هذا شئ عادى بين رئيس ومرؤسيه وقلبها يكذب عقلها ويخبرها انه لا يحدث الا من محب لحبيب زفرت وهى تقف امام المرآة وتحدثها - والعمل يا سارة ... والعمل؟؟ تخيلت ان سارة الأخرى تجيبها بإبتسامه " ما قدمكيش غير الانتظار.. ونشوف هيحصل إيه؟" تقبلت الفكرة على مضض ... عادت لفراشها مرة اخرى غمضت عينيها ودعت ان يأتى غدها يحمل الخير صباح اليوم التالى ذهبت سارة لعملها ولم تنس شراء جريدتها حياها سيف وكان لم يحدث شيئا بالامس فتقبلت تحيته بوقار مر يومها بسلام ولم يخلو من بعض الحدة من منصور تقبلتها بصبر فى نهايه اليوم وجدت عصام يتوجه اليها بإبتسامة واسعه سارة: خير يارب. عصام: بقولك إيه فيه رحله خالد نزلها للشركة... وهنطلع سارة بعدم فهم: رحله إيه؟ عصام: رحله كده بيعملهاخالد كل سنه ... وبعدين دىجاية فوقتها بالظبط عشان نرتاح من الشغل شويه سارة مبتسمه: انت بتنسى ليه انك كنت فاجازة لما الشغل كان كتير عصام: يووووه... المهم طالعين سارة: طب ما تروح .. بتقولى ليه؟ عصام: بتقولى ليه ؟... ايه بتقولى ليه دى ... احنا طااااالعين الرحله دى انتى وسارة وانا وخالد سارة: خالد عصام: اه هنطلع شله مع بعضا كده ملناش دعوة بالباقين ... سارة: مفتكرش هقدر يا عصام عصام: يادى النيله على عصام... بصى يا بنتى احنا ه... قطع حديثه للحظة وهو ينظر خلفها - اهو خالد جاى يقنعك هو بقى زادت خفقات قلبها بشكل جنونى تتمنى الا يقنعها ... وتتمنى ان يفعل عصام: تعالى يا سيدى اقنعها مش عاوزة تيجى معانا الرحله خالد: ليه يا سارة؟ سارة: مش هقدر اسيب ماما لوحدها عصام: وعمى عبد الحميد فين؟... مهى موجود ... ماتخنقيش عالناس بقى سبيهم يتنفسوا نظرت له سارة شزرا خالد: عصام عنده حق سارة بدهشه: حق فإيه بقى يا خالد ... انى مديقاهم ضحك خالد وهو يراها تقول اسمه بدون القاب : لامقصدش بس اقصد ان عمى مع طنط وانتى اكيد محتاجه تغيرى جو ولا يه؟؟ صمتت عصام: طيب كويس هى وافقت اهى . سارة: يا سلام عصام: الرحله الاسبوع الجاى يوم الحد هنفوت عليكى ودفعت الاشتراك على فكرة مالكيش حجه بقى.. عازمك وامرى لله سارة: بس ... قاطعها خالد بلطف: خلاص يا سارة كلنا هنبقى مع بعض ماما كمان جايه معايا يرضيكى تزعل لما تعرف انك رفضتى؟؟ سارة بإستسلام: لا طبعا خالد: يبقى اتفقنا الفصل الحادى عشر شاردة... عادت سارة إلى منزلها... تتساءل كيف سيتقبل والديها فكرة الذهاب الى رحله لعدة ايام هى نفسها لما تتقبل هذة الفكرة بعد تراها بعيدة عن نفسها... ربما لانها بعيده لابد من فعلها الم تحاول ان تتغير... ربما يبدا من هنا يكفيها ان خالد سيذهب ابتسمت لنفسها بخجل وهى تهز رأسها وشئ من العتاب يجتاحها الا تعتاد هذة الفكرة سارة: السلام عليكم عبد الحميد وسهير: وعليكم السلام سهير: اتأخرتى يا حبيبتى النهاردة سارة: ضغط شغل يا ماما معلش ... كلهاكام يوم ونرتاح عبد الحميد:ربنا يقويكى يا بنتى ... مبسوطة يا سارة؟ سارة بابتسامة: اوى يا بابا الحمد لله صمتت قليلا ثم أكملت - عاوزة استأذنكوا فحاجه عبد الحميد: قولى يا سارة سارة: دلوقتى الشركه عندنا عامله رحلة ... مش لمكان بعيد يعنى اسكندريه لمدة 3 أيام بس كتغير بعد ما نخلص ضغط الشغل اللى احنا فيه صمت عبد الحميد لبعض الوقت فاكملت سارة -عصام وهدير طالعين على فكرة ابتسم عبد الحميد:عاوزة تروحى يا سارة؟؟... يعنى بغض النظر عن وجود عصام وهدير سارة بتعلثم: انا ماليش رأى يا بابا انا بس بقول لحضرت.. قاطعها بلطف:من غير ما تكلمى انا موافق ... انا عاوزك تروحى تغيرى جو سارة: وانتى يا ماما؟ سهير: مادام هدير وعصام معاكى فانا مش قلقانه اكملت سارة بعفوية: وخالد ومامته كمان عبد الحميد ولازالت ابتسامته فوق وجهه: كمان!! .. طيب كويس دا انا كده ابقى مطمن عليكى اكتر سهير: روحى يا حبيبتى واتبسطى سارة: هو عصام قالى انا عازمك ودفعلى الاشتراك بس انا مقدرتش ما اطلبش الاذن منكوا حتى لو عصام قدر ياخد موافقتكوا سهير: عارفين يا حبيبتى ... عارفين نهضت سارة وقبلت والديها: ربنا يخليكوا ليا... هروح اصلى وارجعلكوا ترتكتهم سارة فتحدثت سهير بهمس : مطمن عليكى أكتر ؟؟.... مش فاهمه عبد الحميد : يعنى أأتمنتهم عليها وهما مرجعنها فوقت متأخر وهخاف عليها وهى فرحله وكمان معاها عصام؟ سهير: ربنا يحميها ويرجعها بالسلامة * * * خالد: إيه رأيك يا عايدة هانم تغيرى جو كمان كام يوم؟؟ عايدة: عايدة هانم!! رايق اوى ... فين يا خالد بيه؟ خالد: اسكندريه يا عايدة هانم فرحله مع الشركة ... تسمحى وتشرفينى بموافقتك. عاية وهى تبتبسم اكتر: والله يا خالد بيه موافقتى تعتمد على موافقه ناس معينه ... هيجوا او لا.... يا خالد بيه ضحك خالد: أيوة يا أمى سارة هتيجى ضحكت عايدة بدورها: موافقه يا خالد بيه نهض خالد : تماام... بس عندنا مشكله صغيرة اوى لسه منتبهلها دلوقتى عايدة: ايه يا حبيبى؟ خالد: هنقعد كلنا فين؟ عايدة بإستغراب: فالشاليه بتاعنا اللى هناك يا خالد هيكون فين يعنى ؟ خالد: لا يا امى مش قصدى... يعنى سارة هتوافق تقعد معانا فالشاليه؟... انا متفق مع عصام على زى كل سنه هنقعد هناك ... بس سارة هتوافق؟ عايدة: هيفرق معاك؟ خالد بمواربة:يعنى اسيبها لوحدها مع الناس اللى جاية وهى ما تعرفش نصهم ... دا غير ان عصام مش هيوافق لا هو ولا مراته ورجلهم هتبقى على رجلها عايدة ببساطة: خلاص محلوله يبقى سارة هتقعد معانا فالشاليه خالد: ماما ركزى معايا بالله عايدة:مركزة يا حبيبى ... وقولتلك سارة هتقعد معانا فهم خالد إبتسامة والدتة مميزة التى تعنى انها تتحدث فى شئ مقضى لم يتستطع خالد الا ان يضحك تحدد موعد الرحله تماما فى بدايه الاسبوع التالى ومكان اللقاء واتفق عصام مع سارة انه سيذهبون لاصطحابها معهم قضت سارة الليله السابقه للسفر بحزم حقيبه صغيرة سهير: أخدتى كل حاجه يا حبيبتى سارة: أيوة يا ماما كله تمام سهير: بصى يا سارة انا مش هقولك كلام الامهات المجنون ده بتاع اوعى.. وخدى بالك والحجات دى ... انا عارفه بنتى اكتر من نفسها كل اللى ان عوزاه انك تنبسطى على قد ما تقدرى عاوزة بعد كام يوم بنتى تدخل عليا بإبتسامة ما تسبيهاش ولا لحظة... اتفقنا؟ احتضنت سارة والدتها: حاضر يا ماما هحاول ... اوعى تكونى زعلانة انى هسيبك كام يوم لوحدك ... والله يا ماما لومدايقه هلغى كل ده عشانك سهير: بطلى بقى الكلام ده ... انا فرحانه انك هتروحى .. اهم حاجه ما تنسيش الصور... عاوزة اشوفلك صور كتير.. انا بوصيكى صحيح وعارفه انك هتعملى نفسك ناسيه عشان مش بتحبيها .. بس انا وصيت هدير كمان وهى وصت جوزها سارة: هههه ايه دا يا ماما انتى محصرانى كده... لا مفر بقى سهير: بالظبط كده فبما انك متحاصرة متحاصرة يبقى تتاخد الصور وانتى بتضحكى احسن ما تتاخد وانتى مكشرة ضحكت سارة: حاضر يا ماما ... انتى تؤمرى فى صباح اليوم التالى وفى ساعه مبكرة جهزت سارة حالها وارتدت ملابس مناسبه فقد ارتدت سروال من الجينز الفضفاض وفوقه قميص هادئ اللون طويل يصل الى الركبه وحجاب مناسب حملت حقيبتها وتوجهت الى الباب فاستوقفتها والدتها سهير : انتى مش هتفطرى ؟ سارة: هفطر معاهم يا ماما سهير: يابنتى انتى ما اكلتيش حاجه من الغدا امبارح سارة مبتسمه: والله هاكل ما تقلقيش انا هنزل بقى استنى عصام وهدير تحت سلام يا حبيبتى .. وقفت سارة أمام العمارة تنتظر ظهور عصام وهدير ظلت على حالتها ما يقارب ثلث الساعه زفرت بضيق فهى تكرة المواعيد الغير منضبطة طلبت رقم هدير سارة: ايه يا هدير انتوا فين؟؟... بقالى نص ساعه مستنياكوا قدام باب العمارة هدير: معلش يا سارة ... احنا اسفين عجلت العربية نامت واحنا فالطريق ... ومستنين عصام يغيرها استنى معاكى اهه عصام:ا يوة يا سارة معلش بقى سارة: ولا يهمك يا عصام ... ودلوقتى ايه الحل عصام: بصى اركبى تاكسى انتى واستنينا عند الاتوبيس فمكان التجمع وانا هغير العجله وهشوف طريق مختصر واكون عندك على طول سارة: ..... طيب ... بالله ما تتأخروا عليا يا عصام عشان خاطرى عصام: والله حاضر مسافه الطريق أغلق عصام معها وتحدث الى هدير بعصبيه عصام: مش عارفه تمسكى الضحك شويه ... كنتى هتكشفينا منك لله هدير: هههههههههه اصلك ممثل فظيع ... اللى يشوف الأسى اللى مرسوم على وشك يقول دا بجد... انا كنت هعيط عشان العجله عصام: ماشى يا خفه ... اقعدى بعيد بقى خلينى اكلمه رنين متصل بعدها عصام: صباح الخير يا خالد خالد: صباح الخير يابنى انت فين ؟... عصام وهو يستلقى على الاريكة الموضوعه بصالون منزله - العجله نامت يا سيدى واحنا جايين وادينى محتاس اهو بغيرها وضعت هدير يدها فوق فمها بسرعه قبل ان تفلت ضحكتها فنظر لها ان تذهب من الغرفه خالد بقلق: يعنى إيه؟... مش هتيجوا؟ عصام: يا سيدى جايين.. بس هنتأخر شويه ... المهم دلوقتى سارة جايه عندك فالطريق ... وانا شكلى هتأخر خللى بالك منها لحد ما نتقابل بره عالطريق. واحنا مع بعض عالتليفون ماشى؟ خالد ببهجه اخفاها : تمام يا عصام ما تقلقش ... اول ما توصل هنتحرك ونتقابل بره... سلام عايدة وهى تجلس بجوارة دخل اسيارة: فيه إية؟ خالد: عصام هيتأخر وسارة فالطريق لهنا ... ف هنخليها معانا مش هتركب فالاتوبيس يا ماما ولا إيه رأيك؟؟ عايدة وهى تفتح باب السيارة : طبعا يابنى ما ينفعش نكون هنا ونسيبها خالد: طب انتى نازله رايحة فين؟ عايدة: هرجع ورا اريح ضهرى مش قادرة. خالد : سبحان الله يا ماما.. دلوقتى ضهرك وجعك عايدة: والله انا غلطانة انى كنت جايه على نفسى وقاعدة قدام معاك عشان ما تزعلش... سارة تبقى تقعد قدام بقى خالد: ما انتى عارفه بتخاف مالكرسى اللى قدام واللى مش عارفه ليه اصلا؟ عايدة تبتسم: يعنى انت مقتنع بالموضوع ده... هى بس اتكسفت تركب جمبك قدام المرة اللى فاتت فقالت كده... افهموهابقى خالد يضحك: مش عارف من غيرك كنت هعمل ايه ؟ عايدة وهى تريح رأسها على مسند المقعد: اسكت بقى خلينى اغمض شويه وانت خللى بالك لاتيجى وما نشوفهاش خالد: حاضر ظلت نظرات خالد معلقه بكل من يأتى... يتلاقون يتصافحون ويمزحون حتى يصعد بعضهم الى الاتوبيس بدامسرورا وهويرى الفرحه التى ارتسمت على وجوههم من شئ صغير كهذا .. الا انه لم يستطع منع نفسه من التقطيب عندما راى "سيف" أغمض عينيه للحظة يحاول تحاشى النظر إليه ... خشى ان يغلبه النعاس ففتح عينيه وبحث عن سارة من جديد وقتها فقط وجدها تقف مع سيف ... لم يتحرك من مكانه فقط راقب ما يحدث ... ليته يعلم عماذا يتحدثان مسحت سارة المكان بعينيها بحثا عن عصام وهدير فلم تجدهما زفرت بضيق وهى تخرج هاتفها حتى تحدثهم مرة أخرى لكن استوقفها صوت سيف سيف: صباح الخير يا سارة. سارة: صباح الخير سيف بصوتِ هادئ جدا: عامله ايه النهاردة اجابته سارة بنفس النبرة لجامدة: الحمد لله بخير صمت سيف لحظة ثم قال : سارة ممكن اتكلم معاكى فموضوع سريع مش هطول عليكى اوعدك. سارة: موضوع إيه؟.... دلوقتى؟ سيف بإبتسامة: صدقينى مش هطول عليكى سرة: اتفضل سيف يجلى صوته: بصى يا سارة مباشرة وبدون لف ودوران انا معجب بيكى جدا .. حتى كلمه اعجاب دى مش حاسس انها قد اللى بتكلم عنه ... بجد انا مبعرفش اشوف واحدة تانيه غيرك ... ونفسى وامنيه حياتى تدينى فرصه عشان اطور علاقتى بيكى ونوصل لارتباط قولتى إيه؟ ظلت سارة ساهمة تحفر الدهشه والاستغراب علامت على وجهها ... كان اكثر ما تتمنى ان تشعر انها مرغوبه من جديد لكن الان لا تشعر برغبتها فى حدوث هذة الامنيه ... سيف: سارة ... قولتى إيه؟ تعلثمت سارة وهى تجيب واصطبغت وجنتيها بلون أحمر - سيف انا مقدرة مشاعرك اوى ناحيتى وكلامك طبعا شرف ليا ... سيف بإحباط: هو انا ليه حاسس ان كلمه بس جيه فالطريق سارة: انا آسفه يا سيف ... بس بجد انا بعتبرك اخ وزميل اعتز بيه... وانا متأكدة ان مليون بنت تتمناك سيف بترجى: بس انا اخترتك انتى . ابتسمت سارة إبتسامة باهته ولم تستطع الرد .. فقط أجابت داخلها " ما انت لو تعرف مكنتش هتقف قدامى الوقفه دى وتتكلم كده" سيف: عموما خدى وقت وفكرى فكلامى يمكن لما تقعدى مع نفسك توصلى لنتيجه مختلفه سارة بإبتسامه: صدقنى يا سيف الكلام ده لدلوقتى وبعدين .. انا بجد متأسفه سيف بإبتسامة حزينه: مش هيأس سارة: ربنا يرزقك ببنت الحلال يا سيف بعد إذنك ابتعدت سارة عنه قليلا وهى لازالت تبحت عن عصام وهدير خالد بضيق: ماما سارة وصلت عايدة: مالك يا خالد؟ خالد: مفيش.. انا هنزل اجيبها واجى خطى خالد خارج سيارتة وهو يسير بخطوات غاضبه خالد بنبرة جافه: صباح الخير سارة بإبتسامة: صباح الخير خالد: عصام هيتأخر وقالى تيجى معايا انا وماما وهنتقابل بره عالطريق سارة : بس .... عصام قالى انه ... قاطعها : عصام لسه مكلمنى مفيش عشر دقايق وقال انه خلاص هيطلع وهنستناه بره .... يلا سرة: طيب انا هركب الاتوبيس خالد بضيق بلغ: يوووووووووه.... بقول يلا ماما فالعربيه لو قلقانه يعنى ... سارة : انا مقصدتش كده خالد: طيب اتفضلى معايا ممكن؟ سارت سارة بجوارة بدون كلمه حتى وصلا الى السيارة , ال يتوقف ع تقلباته الغير مبررة هذة فتحت عايدة بابها عايدة: إزيك يا سارة؟ احنت سارة وقبلتها : ازى حضرتك يا طنط ...؟ عايدة: الحمد لله يا حبيبتى ... كده الرحله ليهاطعم تانى كفايه اننا هنكون مع بعض سارة بابتسامه صادقه : دا يشرفنى يا طنط خالد: اركبى يلا يا سارة ... عشان نتحرك وقفت تنظر للكرسى الامامى بحيرة فعاجلتها عايدة عايدة: معلش بقى يا سارة هتقعدى قدام ... ضهرى واجعنى اوى ومش قادرة خالص . سارة: سلامتك يا طنط ... مفيش مشاكل واكملت وهى تنظر لخالد - بس ممكن تسوق بالراحه لم يجب خالد انتظر حتى صعدت واغلق الباب بعنف جلس خلف عجلت القيادة وصمت يزين المكان انتظر حتى خرج من الزحام وبعدها ولشده غضبه من حديثها مع سيف انطلق بسرعه تشبثت سارة بمقعدها وهى تحاول رغما عنها تقبل السرعه الكبيرة تخشاها... لا تستطع التخلص من عقدتها ... او جزء منها على الاقل ... فيكفيها انا كرهت ركوب السيارات لفترة كبيرة حتى تقبلتها من جديد ... اما القيادة السريعه فلم تستطع التعامل معها من جديد عايدة بهدوء: سوق بالراحه يا خالد... انت مش هتبطل العادة دى بقى اجاب خالد بكلمات مقتطبه جافه: عشان نلحق عصام الطريق متسع أمامهم لا يحوى الكثير من السيارت ويبدو ان خالد انتهز الفرصه وانطلق أسرع بسيارته وسارة تتمنى لو تتماسك اكتر وتتوقف عن حبس انفاسها رن هاتف خالد ففزعت سارة خالد: أيوة يا عصام .... تمام... طيب هتلحقنا احنا مش بعيد عنك بس دوس بنزين ... سلام قالها خالد وزاد من سرعه سيارتة لم تستطع سارة التحمل فنظرت إيه بتوتر : سارة: ممكن تسوق بالراحه شويه؟ رد بسخريه غاضبه: ايه بتخافى ؟ صمتت سارة وهى تبتلع ريقيها بصعوبه خالد: بسألك... بتخااافى. سارة وقد بدأت تفقد ربطة جأشها - سوق بالراحه ارجوك لم يفعل خالد شيئا سوى زيادة سرعته التصقت سارة بزجاج السيارة وذكريات الماضى تهاجمها بعنف سارة: انت ايه خلاك تسيب الفستان فعربيه بابا يا غلس محمود: يا سو عشان نبقى على راحتنا ... أصلك كل شويه هتقعدى تبوصيله ومش هنخلص ضحكت سارة بفرحه: طيب حيث كده بقى شغلى حاجه فرايحى ... انا عرووووووووووووووووسه محمود: ههههههههههه.... قشطه .. واحلى عروسه كمان اسمعى دى وضع اغنية لمحمد منير عشق البنات سارة تصفق كطفله : ياسلام يا موودى عارف دماغى وبدأت تردد مع الاغنيه بسعادة ومحمود يردد معها وبين لحظة واخرى يترك عجله القيادة ويشاركها التصفيق سارة: بقولك ايه يا محمود ما تهدى بقى شويه عشان انا بدات اترعب يابنى محمود يضحك عاليا: عليا ولا على العربيه سارة تخرج له لسانها: عالعربيه يا خفه .... بابا لسه بيدفع تمنها يا مفترى محمود وكانه لم يسمعها: ونعناع الجنينه ... ترراررا عمرى ما هعرف احفظ الاغنيه دى يا جدعان سارة ببعض القلق: ما تسوق بالراحه يا محمود يضحك محمود ويقود أسرع وأسرع شهقت سارة شهقه عاليه ودموعها تتجمع تحدثت بتلقائية وهى تمسك بذرع خالد: هدى يامحمود بالراحه عشان خاطرى نظر لها خالد بقلق واضح عايدة: سارة خالد: سارة انتى مالك ؟ استفاقت تماما وتنبهت الى جذبها بشدة لذراع خالد شعرت سارة فجأة بالاختناق قالت من بين انفاسها المتقطعه - وقف العربيه .... وقفها ارجوك ركن خالد بسرعه ففتحت الباب وظلت تمشى بهروله لا تعرف الى اين وهى لا تستطيع التقاط انفاسها ... جلست فجاة على الارض وهى تنحنى للامام علها تجتذب بعض الهواء ركض بجوارها خالد وكذلك عايدة التى انحنت بجوارها وهى تضمها اليها خالد بجزع: مالك ياسارة حاسه بإيه؟ سارة من بين دموعها وانفاسها المقطوعه: - مش .... قادرة ... اتنفس عايدة: هات ميه ياخالد بسرعه ركض خالد الى سيارته واحضر زجاجة ماء فتحها فسكبت عايدة بعضا منها على وجهه سارة اختلطت دموعها بقطرات الماء , ظلت سارة لما يقرب الخمس دقائق تستجمع شتات نفسها .. حتى هدأت أنفاسها خالد: حاسه بإيه دلوقتى؟ سارة بصوت خافت: احسن عايدة: الحمد لله.... قومى يا حبيبتى استندت سارة اليها حتى وصلت للسيارة نظرت اليها بقلق وعيونها تتجمع بها الدموع خالد بهدوء: اركبى مع ماما ورا يا سارة... هسوق بالراحه ما تخافيش نظرت له بأسف وامتنان وجلست بالمقعد الخلفى ألقت راسها الى المسند واغمضت عينيها اما خالد فلم يتوقف عن مراقبتها حتى وصلوا عصام وهو يضحك : إيه ده احنا وصلناقبلكوا ازاى ... يابنى اتجننت رن عليك خالد : معلش ماسمعتوش خرجت سارة من السيارة وقد هدأت قليلا الا ان حاله الضعف لازالت تجتاحها هدير: مالك وشك أصفركده؟ سارة: ولا حاجه ما تقلقيش عايدة:يلا ادخلوا يا ولاد لاول مرة تلاحظ سارة وقوفها امام شاليه رائع يطل الى البحر مباشرة سارة: احنا فين عايدة: فالشاليه بتاعنا يا حبيبتى سارة: وزمايلنا فين؟ فكر خالد ربما تتحدث عن سيف اتهتم لأمرة؟ خالد: فالفندق ... ما تقلقيش سرة: بس مش المفروض عصام: سارة احنا بننزل هنا كل مرة ادخلوا بقى اتفضلوا زى بيتكوا صعدت سارة درجات السلم وهى تشعر بإرهاق فظيع وقفوا جميعا فى الصاله الواسعه وعصام يختار غرفته لم تتمالك سارة نفسها من قول - معلش يا طنط ممكن اعرف الاوضه اللى هنام فيها فين ... انا حاسه انى .... ولم تكمل سارة جملتها فقد سقطت فى بئر مظلم الفصل الثانى عشر كانت إغماءة سارة مفاجأة للجميع ... برد فعل سريع تلقاها خالد قبل ان تسقط أرضا حملها بسرعه ودخل بها اقرب غرفه وضعها فوق السرير ببطئ وهو يقول بذعر - انا هروح اجيب دكتور مش هينفع كده. عايدة: اصبر يا خالد هحاول افوقها خالد يزفر بضيق : لوما فقتش فخمس دقايق انا هجيب الدكتور هدير بقلق : اجيب برفان يا طنط عايدة: ايوة يا هدير بقى عصام صامتا ... يعلم جيدا ان سارة لا تفقد الوعى الا اذا تعرضت لضغط عالى .... ووجها الشاحب عندما وصولا لا ينبأ بخير عايدة: الحمد لله بتفوق للوهله الاولى لم تعى سارة ما الذى حدث كل ما تذكرة انها لم تكمل جملتها وان الظلام قد اكمل عنها جملتها فتحت عينيها تشهد الوجوه التى تلتف حولها عايدة: سارة ... سمعانى يا حبيبتى سارة بصوت ضعيف: أيوة يا طنط ...سمعاكى.. خالد: انا هجيب الدكتور نتطمن اكتر سارة: لا .... انا كويسه ... هدير : خضتينا عليكى يا حبيبتى سارة: انا آسفه يا جماعه والله ما كــ.... قاطعها عصام بلطف: المهم انك بخيردلوقتى عايدة وهى تهم بالوقوف: انا هروح اعملك حاجه تاكليها ... انتى اكيد مااكلتيش صمتت سارة فتحدث خالد بغضب - إيه اللى ينزلك مالبيت من غير فطار ...؟؟ نظرت سارة إليه واكتفت فقط بتذكر رجائها منذ البدايه بتقليل السرعه ولم يكن يصغى ابعدت نظرها عنه وهى تقول لعصام - عصام قول لطنط ما تعملش حاجه ... انا مش جعانه عصام: مش لازم تكونى جعانه على فكرة عشان تاكلى خرج خالد فجأة من الغرفه وهو يزفر فى غضب ليس منها وانما من نفسه... من غيرته العمياء وما فعله بها .. من سخريته وعدم تصديقه لخوفها .... من صبه كامل غضبه فوق رأسها عايدة: رايح فين يا خالد؟ توقف خالد وتحدث بضيق: هنزل اجيب شويه طلبات للبيت وراجع عايدة: كل حاجه موجوده هنا وانت عارف خالد بضيق اكثر: سبينى يا ماما دلوقتى اروح ... هلف لفه وارجع عايدة وقد فهمت: طيب ظل عصام مع سارة بالغرفه صامتا حتى ذهب خالد عصام: ايه اللى حصل يا سارة؟ سارة:......... عصام: خالد دايقك وانتوا جايين .... تجمعت الدموع بسرعه فى عينيها عصام: فهمينى ايه اللى حصل ... ما تقلقنيش اكتر من كده سارة : محصلش حاجه يا عصام عصام بشك: متأكدة يا سارة .... مفيش حاجه تانيه عاوزة تقوليهالى؟ سارة: لا يا عصام ... صدقنى مفيش عصام: هعمل نفسى مصدقك ... وما تبصليش كده انا اونتى عارفين انك مش عاوزة تتكلمى دخلت عايدة وهدير بعد انتهاء جملته مباشرة عايدة: بصى يا حبيبتى ... انا عملتلك شويه شوربه بلسان عصفور سريعه كده ... بس يارب يعجبك بقى سارة: مكنش له لزوم يا طنط تتعبى نفسك قبلتها عايدة بحب واضح: احنا اللى تعبناكى مش انتى اللى تعبتينا نظرت سارة نحو عصام فنظر لها نظرة يعنى بها " شوفتى انى عارف انك مخبيه حاجه زاى؟" ابعدت عينيها عنه وتناولت الحساء بصمت بعدما انتهت حملت هدير الصينينه من امامها وتحدثت عايدة بإبتسامة عايدة: تناميلك بقى شويه ؟ سرة : ايوة يا طنط هنام حاسه ان دماغى تقيله شويه عايدة: وماله يا حبيبتى.. ومحدش هيصحيكى لحد ما تصحى لوحدك ... وعموما انا اوضتى جنب اوضتك لو احتاجتى اى حاجه هدير: انا هنام معاها فالاوضه يا طنط عايدة: لا يا حبيبتى... انتى هتنامى مع جوزك فأوضتكوا ... يلا يا عصام خد مراتك ووريها الاوضه انت عارف النظام مش محتاجه اوصلك يعنى عصام: خللى هدير تبات معاها يا طنط عايدة:لا... محدش هيبات مع سارة... هى مش تعبانه ولا حاجه ... صح يا سارة سارة: أيوة يا طنط مظبوط... روحى يا هدير مع عصام ... اناكويسه والله خلاص هدير: خلاص زى ما تحبى خرج الجميع وتركوا سارة بمفردها تستعد للنوم... لم تستطع النوم مباشرة وعقلها وذاكرتها ترهقها باللأفكار والذكريات بعد فترة طويله للغايه بدأ النوم يسيطر على اجفانها فلم تجد نفسها الا وقد استسلمت لنوم مضطرب ملئ بالكوابيس محمود يبتسم امامها فترد الابتسام .. يبكى .. فيسيل من عينيه دما تقترب منه بسرعه ... كلما اقتربت كلما ابتعد... يمد يديه لتنقذة... وكلما نادته لا يجيب فقط يبتسم بحزن ودموع من دم تسيل وهى تتقلب فى سريرها تتمنى الاستيقاظ عماد يبتسم بخبث .. يمسك سوطا ..يقترب منها يحاول جلدها تحاول الركوض... تعجز ساقيها عن حملها .. تتراخى... تسقط .. تحاول الصراخ يتجمد صوتها ... يقترب يرفع سوطه عاليا وينهال عليها.... محمود يقف بعيدا دموعه لا تزال كما هى ... تناديه لينقذها وهو يقف بمكانه ولا يتحرك آلم مبرح يجتاح جسدها من ضربه .. تصرخ عاليا يفك قيد صوتها ... تسمع صراخها عاليا ويد قويه تهزها تفتح عينيها بسرعه وهى تعب ما تستطع من الهواء عايدة: بسم الله الرحمن الرحيم هدير: سارة ... اصحى يا سارة .. دا كابوس جلست سارة بسرعه - اعوذ بالله من الشيطان الرجيم هدير: كنتى بتنادى على محمود ... حلمتى بيه ؟ عصام بضيق وهو يقف بجوار خالد عد باب الغرفه : - مش وقته دا يا هدير. استدركت سارة انها تجلس امام خالد وعصام بدون حجابها وضعت يدها فوق شعرها الناعم المتهدل فوق وجهها وهى تبحث بعينيها عن اى شئ تضعه فوق شعرها ادرك خالد خجلها فاسحب بعيدا من أمامها وقف فى مكان لا يستطيع رؤيتها فيه بالرغم من قلقه البالغ ورغبته الشديدة فى رؤيتها والاطمئان عليها وضعت لها عايدة حجابها فوق رسها وهى تبتسم مطمئنه بهمس - خالد مش واقف تورد وجهها ... وهى لاتزال غير واعيه تماما لواقعها... لازالت تشعر بضربات السوط فوق جسدها بعفويه وضعت يدها على ظهرها وكأنها تطمئن ان كل ما حدث لم يحدث هدير: مالك يا سارة؟ سارة: ها؟.... مفيش.... انا اسفة يا جماعه ... عايدة: كابوس يا حبيبتى وعادى بيحصل ترقرت الدموع بعينيها: انا كان لازم ما اجيش معاكوا ... انا بوظت اليوم وخلاص عايدة: بس بلاش الكلام ده عشان ما ازعلش منك وانا زعلى وحش ... يا خالد تعالى قولها كلمتين ظهر خالد وبدا على وجهه التوتر تحدث بلطف :انتى كويسه؟ أومأت سارة برأسها فاكمل - يبقى الكلام داملهوش لزوم عايدة: مش جعانه؟ سارة: لا يا طنط شكرا... هنام هدير: انام معاكى بقى المرة دى ممكن؟ سارة بابتسامة: لا يا هدير... انا كويسه ماتقلقيش ... مش معقول هيجينى كابوسين فليله واحده عصام: بطلى عند وخليها معاكى سارة: لا يا عصام عايدة: خلاص يا ولاد سيبوها على راحتها... يلا تصبحى على خير يا حبيبتى سارة: وانتوا من اهله خرج الجميع من غرفتها ولم يستطع خالد ان يمنع نفسه الا يلقى عليها نظرة اخيرة قبل ان تغلق والدته بابها ارتمت سارة على وسادتها تحدق بسقف غرفتها وتلعن كوابيسها التى ظهرت من جديد بعد نوم طويل استيقظت سارة مبكرة جدا وجفاها لنوم بعدها ظلت تتقلب فى فراشها تحاول تمديد مده نومها وكل هذا لا يجدى نفعا أخيرا ازاحت غطاءها وتحركت ناحية الشرفه .. وقفت تتامل البحر وشاطئه الهادئ كثيرا ثم قررت ان تذهب إليه تقترب منه اكثر... تستغل السكون القائم بدلت ثيابها ... فارتدت عباءة بيضاء واسعه برقه ووضعت حجابا سماوى اللون .. حرصت على ترك ورقه تنبا بمكانها بجوار سريرها حتى لا ينتاب القلق من يدخل غرفتها خرجت بهدوء محاوله عدم إصدار اى صوت فتحت باب المنزل وسارت على مهل حتى الشاطئ وقفت أمامة فترة كبيرة تراقب تكسر أمواجه وتستمع لصوتة لهادئ لم يزأر بعد... ليس موعده الآن... الآن تشير حركه امواجه الهادئة لهدوء داخلى ... ليتها تناله يوما اخيرا وقد تعبت الوقوف ... جلست أمامة ضمت ساقيها إليها ... احاطتها بذراعيها... وهى لا ترفع عينيها عن امواجه الهادئه شردت لفترة حتى أخرجها من شرودها صوته خالد بهدوء: صحيتى بدرى . التفتت اليه سارة : صباح الخير خالد مبتسم بإرهاق: صباح النور سارة: اصل انا نمت كتير اوى ... ومقدرتش ارجع انام تانى.... بس انت صاحى بدرى ليه؟ خالد وهو يجلس بجورها: معرفتش انام من امبارح سارة وهى تطرق بوجهها: انا عارفه انى سببتلكوا دوشه... انا بجـــ.... قاطعها خالد وهو ينظر اليها مباشرة: فعلا انتى عملتى دوشه, ودوشه كبير جدا نظرت اليه سارة مصدومه من تصريحه فإكمل -عملتى اكبر دوشه جوايا ...اكبر حاله لخبطة وتأنيب ضمير لما ازعلك .. وكلام مع نفسى لما احتار فأمرك ... وغضب عليكى منك ... دوشه كبيييرة جدا استمرت سارة فالصمت خالد يزفر: انا آسف يا سارة سارة: على إيه؟ خالد: على اللى حصل امبارح... سارة: أنا اللى آسفه ... مكنش لازم اكون موجودة هنا خالد: كل دا ليه ؟ سارة بابتسامة باهته: يعنى رعب العربية واغمائى وكوابيسى وتقولى كل دا ليه؟؟ خالد: محمود مات فحادثة عربية مش كده؟؟ اطرقت سارة لوهله: أيوة ... وكنت معاه ... هو مات وانا اللى عشت خالد: انا بجد آسف ... سارة بابتسامة: اسف ليه ... دا نصيب خالد: آسف انى مقدرتش خوفك .... انا كان عامينى غضبى منك واتجاهلت كل كلامك سارة بإستفهام: استنى استنى ... غضبان منى انا؟... ليه.. انا لحقت عملت حاجه دايقتك خالد بحدة بسيطه : ايوة ... كنتى بتكلمى سيف سارة: إيه؟ خالد: شوفتك وانتى بتتكلمى وتضحكى مع سيف قدام اتوبيس الرحله سارة بحدة اكبر: يعنى انت امبارح مكنتش بتسمعنى عشان شفتنى بكلم سيف؟ .... قعدت اترجاك تهدى العربيه ومرتضش عشان بكلم سيف؟ ... انا عرفت دلوقتى انت ليه بتعاملنى وحش ديما خالد بغضب ناكرا: معملتلكيش وحش يا سارة سارة بغضب مماثل: لا عاملتنى يوم ما كان عاوز يوصلنى وادى امبارح كمان وكل دا عشان إيه عشان بكلم سيف خالد بغضب هادر: لا عشان بحبك ... بحبك ... توقفت سارة عن الحديث فجأة عند سماع تصريحه ... صمت خالد لحظة وهو يحاول تمالك نفسه ثم تحدث بهدوء بالغ - مبقدرش اشوفك بتتكلمى مع اى راجل ... انا متقبل فكرة كلامك مع عصام لانه يعتبر اخوكى ومتقبلها بالعافيه كمان .. لما بشوفك بتتكلمى مع سيف بخاف ... اخاف تحبيه ... خوفى يتحول لغضب.. برود فمعاملتى معاكى ... حاجه مش بإيدى ...غصب عنى ... غصب عنى عشان بحبك ياسارة الآن... الآن يتحدث .... بعدما راودها اخيها وخطيبها السابق فى كوابيسيها يذكرونها بكل ما مضى .. يتحدث لم تدرك سارة انها تبكى الا عندما تحدث خالد بهدوء وعتاب خالد: بتعيطى؟؟.... ليه يا سارة؟... لدرجادى مش قابله حبى ليكى سارة وهى تمسح دموعها بسرعه: المشكله عمرها ما كانت فيك يا خالد ... ولا فحبك ده مستحيل .... بس ميبنفعش خالد بتقطيبه: هوايه اللى ماينفعش ؟.... مش فاهم حاجه سارة وهى تنهض : دلوقتى ما ينفعش يا خالد ... خلاص مينفعش خالد وهويمسكها من ذراعها: استنى ماتمشيش وتسبينى محتار ... مش فاهم حاجه ياسارة سارة وهى تبكى: بكرة تفهم صدقنى خالد: طيب بس ما تعيطيش .... انا هسيبك دلوقتى عشان واضح ان اعصابك تعبانة وكلامى فجأك ... بس اكيد هنتكلم تانى يا سارة ... دا شئ اكيد ... هأجل كلامنا لما نرجع القاهرة ... واوعدك مش هفتح معاكى الموضوع لحد ما نرجع بس هناك لازم توضحيلى تقصدى إيه. ترك ذراعها فسارت بدون كلمه واحدة الى الشاليه ... دخلت غرفتها وظلت تبكى حتى هدأت أيكون ظهور عماد بكابوسها إشارة لعدم تقبلها ؟؟ حتى لو من ناحية خالد نفسه حتى بعد إعترافه وما تمنته يوما .... ترفضها الآن ...... تموت من أجلها وترفضها طرقات هادئه على بابها أخرجتها من افكارها نظرت الى لمرآة بسرعه لتطمئن لوجهها ... اخذت نفسا عميقا ثم فتحت الباب ... وجدت خالد امامها خالد بهدوء : الناس صحيت ... والفطار جاهز سارة: حاضر ... نظر لها خالد للحظة ثم انسحب من امامها .... يكفيه افكارة التى تعصف برأسه منذ ان تركته على الشاطئ ... يكفيه تساؤله الملح عن جملتها "مينفعش خلاص" ما معنى هذا .... ما الذى حدث لتقول هذا خالد وهو يجلس الى الطاوله: قولتلها وجاية خلاص هدير: ها ؟... هنروح فين النهاردة عصام: يابنتى اصبرى .... عايدة تضحك: سيبها يا عصام ... انا وانتى هنرتب البرنامج مع بعض ماشى؟ هدير: تمام يا احلى طنط فالدنيا سارة: صباح الخير الجميع: صباح النور عايدة: نمتى كويس يا سارة سارة: ايوة يا طنط الحمد لله هدير: جهزى نفسك بقى هنرتب اليوم سارة مبتسمه: ما تخلونى انا بعيد عن موضوع الترتيبات ده عايدة:لا لا لا ... هنرتب احنا وهما ينفذوا عصام: اااااااااه ربنا يستر بقى وما يكنش فيها مولات وكده خالد: طيب لحد ما تخلصوا انتوا ترتيب هسبكوا انا وعصام ساعه نروح نشوف الناس فالفندق ونرجع عايدة: حلو اوى كده ... وما تقلقوش من ناحية الغدا خرج عصام وخالد وجلست النساء يعددن لليوم وفضلت سارة ان تبتعد عن الترتيبات سارة: طيب انا هعمل الغدا وانتوا تخلصوا عايدة: استنى رايحه فين ؟... احنا مش جايين عشان نتعب فموضوع الاكل ده وهما يتفسحوا .... احنا هنطلب الاكل من بره ... ونقعد احنا عالبحرلحد ما يوصلوا سارة: اوك يا طنط قاد خالد سيارتة بهدوء وعصام بجوارة يعبث بإختيار أغنيه ما عصام: هو ايه الملل ده خالد: انت لحقت ... دا احنا لسه بنقول ياهادى عصام: ادعى بس يعملوا حاجه كويسه ... قلبى حاسس ان اخر اليوم هشيل اكياس كتير خالد يضحك .... صمت عصام قليلا ثم تحدث عصام: خالد ,,, فيه حاجه حصلت امبارح وانتوا جايين ؟ خالد : يعنى؟ عصام: بص يا خالد انا عارف سارة كويس حافظها ... يعتبر انا ومحمود اللى مربينها ... ولما اقول ان حصل حاجه يبقى حصل صح؟ زفر خالد: زودت السرعه شويه... فلاقيتها فجأة بتنادينى بإسم محمود .... بعدها اتخنقت ومكنتش عارفه تتنفس ... عصام: كنت حاسس ... سارة من يوم حادثة اخوها وهى بتكره السرعه ... كان ركوبها عربيه تانى من المستحيلات اصلا خالد: محمود بقاله قد ايه متوفى يا عصام عصام بنبرة حزينه: خمس سنين خالد: ياااااااه ولسه لدلوقتى بتخاف عصام: واكتر مما تتخيل وكمل عصام بنبرة ذات مغزى فى نفسه : سارة محتاجه حد يفهمها ... يقدر معاناتها ...يحتويها وما يملش وما يزهقش فيوم مالايام لو ازمتها طولت ... خالد : لو بيحبها هيتحمل يا عصام .... مش الحب بيقوى برضه؟ عصام بابتسامة بسيطة: اكيد طبعا بعد مرور ساعتين ظهر عصام وخالد هدير: اخيرا اهم جم عصام: ها هنخرج ولا نقضيها هنا احسن ... قولوا هنا عشان خاطرى عايدة تضحك: احنا قررنا هنقضى اليوم عالبحر ... وبالليل هنزل نتمشى ونتفسح ... حلو كده ؟ عصام: طب وبالنسبه للاكل .... إييه؟ هدير: بص يا عصام فالاول كنا هنطلب اكل ... بس لما قولنا هنقعد عالبحر قولنا نشوى بقى وامرنا لله عصام: ومين الى هيشوى بقى ويتخنق مالدخان ؟... مش انا طبعا خالد يضحك: انا ياسيدى هشوى مالكش دعوة عصام: حلوة اوى انزل اعوم انا بقى ضحك الجميع كان السكون والتمتع بالاجواء هو سمة اليوم لم يحاول خالد ان يفرض نفسه على سارة ظل على مسافه منها حتى تتمتع برحلتها ومن جانب سارة فهى الاخرى برغم آلمها وحزنها فلم تستطع الا تقاوم فرحتها بعد الراحه خرج الجميع فى المساء ... تنزهوا ومروا بالمحلات التجاريه ولم تختفى المشاحنات الخفيفه بين هدير وعصام كلما طلبت أمرا هدير: بالله عليك يا عصام دا عجبنى اوى ... عاوزة اشتريه عصام: يابنتى ما انتى عندك فساتين كتير ونفس الشكل سبحان الله هدير: لا مش شكله ... عندى الشكل دا ياسارة سارة: لا. بصراحه يا عصام .. الرجاله عموما مش بيهتموا بالتفاصيل عشان كده شايف ان كلهم نفس الشكل عصام: خلاص خلاص ... دا انتوا كمان شويه هتجيبولى ناس من حقوق المرأة ... على إيه ... اتفضلى يا مدام قدامى لمااشوف اخرتها ضحكت سارة وتركتهم واستمرت فالسير حتى توقفت امام محل صغير للفضه وقفت تشهد الحلى الفضيه فالواجهه تتأملها ... خالد: بتحبى الفضه ؟ نظرت جوارها لتجده يحدق بالواجهه هو لاخر - اه بحبها اوى ... اكتر من الدهب كمان ابتسم خالد: تيجى ندخل نتفرج جوة سارة وهى تتلفت حولها: طنط فين؟ خالد: راحت الكافيه تعبت مالمشى هتشرب حاجه وترجع سارة: ما ينفعش نسيبها خالد: صدقينى هى دلوقتى مبسوطه كده ... انا عارف امى كويس ها؟؟ ندخل سارة: طيب خطت سارة وخالد خلفها الى المحل حياهم رجل مسن بإبتسامة .. فردتها له سارة ظلت سارة تنظر الى قطع رائعه الجمال ... توقفت فجأة أمام قلادة ..بشكل بيضاوى عليها نقش لزهرة رقيقة على الوجهين ... بدا لها قفلا من احدى الجوانب فعلمت انها من النوع الذى يفتح الرجل: عجبتك... ذوقك جميل اكتفت سارة بابتسامة خالد: عجبتك ياسارة؟ سارة: اه جميله اوى ... يلا؟ الرجل بإبتسامة بائع: ايه دة تمشى قبل ما تشتريها ؟؟؟ شكلكوا لسه عرسان جداد واكيد العريس مش هيخرجك غير بيها ؟... مش كده يا عريس تورد وجهه سارة بشدة ولم تستطع النطق ابتسم خالد للبائع : لاطبعا ... بكام؟ سارة بصوت خافت: خالد تعمد خالد الا يستمع وهو يتحدث الى البائع ... بعد مساومات حول السعر .. وصل خالد لما يريد الرجل: مبروك عليكى يا عروسه ... ربنايسعدكوا خالد: متشكرين اوى بعدماخرجا من المحل سارة : ليه اشترتها...انت عارف كويس انه بيسوق تجارتة ابتسم خالد: بيسوقها صح صمتت سارة اخرج خالد القلادة من علبتها خالد: ممكن تقبليها منى ؟... ولا هتكسفينى؟ سارة بتعلثم: مش هقدر يا خالد خالد بتنهيدة: وحياة اغلى حاجه عندك ياسارة تقبيلها... اقبليها مش عشان حاجه ... عشان بس انا نفسى تكون معاكى ... لو سمحتى صمتت سارة خالد: سارة ... لو سمحتى نظرت ليه لحظة بعدها تنهدت بإستسلام سارة: حاضر ياخالد ... بس اخر مرة اتفقنا اكتفى بأن يضحك مرت الايام الثلاثه كلمح البصر ... حتى ان سارة لم تصدق نفسها وهى تحزم حقيبتها هدير: كانوا يومين حلويين والله ياريتهم يتكرروا تانى سارة: فعلا ياهدير... انا اتبسطت اوى عصام: الحمد لله ... خالد: هنكررها ان شاء الله كتير عصام: طب يلا بقى عشان ما نوصلش القاهرة متأخر معانا ياسارة ولا مع خالد وطنط؟ عايدة بسرعه: معايا طبعا ... زى ماجينا مع بعض هنرجع مع بعض ... وهنوصلها انت تروح على طول خالد بضحك: الاوامر صدرت ملناش كلمه بقى وصل الجميع واوصل خالد سارة الى منزلها عايدة: مع السلامه ياحبيبتى سارة: الله يسلمك يا طنط... كان وقت جميل معاكى عايدة: انتى الاجمل ... هتطلع معاها يا خالد؟ خالد: ايوة يا امى ... مش هتأخر عليكى سارة: مالهوش لزوم خالد: يلا ياسارة صعدت سارة بجواره وهى لا تتحدث ... استوقفها خالد على بعض خطوات من باب شقتها خالد: سارة ... احنا بقيا فالقاهرة خلاص ... يعنى انا التزمت بكلامى معاكى ... لازم نتكلم ياسارة سارة: خالـــ ... خالد مقاطعا اياها : سارة لازم نتكلم... انا محتاج افهم .. ومش هيحصل غير لواتكلمتى .... أشوفك الاسبوع الجاى ان شاء الله ... تصبحى على خير سارة: وانت من اهله فكرت سارة وهى تطرق الباب " مفيش مفر " مفيش الفصل الثالث عشر والأخير فتح عبد الحميد الباب فوجد سارة امامه مبتسمه بالرغم من ضربات قلبها المرتفعه بعد كلام خالد الواضح ان لابد لهم من الحديث معا احتضن عبد الحميد ابنته : حمدالله عالسلامة يا حبيبتى سارة: الله يسلمك يا بابا ... اخبارك ايه؟ عبد الحميد : بقيت كويس اهواماشوفتك ... ادخلى بسرعه طمنى مامتك عليكى من ساعه ما سافرتى وهى حالتها وحشه ضحكت سارة: ليه كده ما انا بكلمكوا فاليوم اكتر من 5 او6مرت عبدالحميد: وهى دى بالنسبالها مكالمات دلفت سارة واتجهت الى والدتها سارة: ايه ياست الكل مالك احتضنتها سهير: كده ياسارة ... كده ماتسأيش عليا سارة: ههههه بتقولى ايه يا ماما ما انا معاكى كل يوم عالتليفون سهير: داانا كان هيجرالى حاجه اليومين الى فاتوا دول سارة: بعد الشر عنك ياحبيبتى عبد الحميد: اتبسطى ؟ سارة مبتسمه: اوى بابا الحمد لله سهير: يارب ديما يا حبيبتى سهير: قومى يا حبيبتى غيرى وارتاحى شويه .. ولماتصحى نبقى ناكل على سريرها استرجعت سارة كل رحلتها القصيرة ممتلئة بلاحداث بالرغم من بدايتها المؤلمه الا انها من داخلها وفى جانب خفى كانت سعيدة بتصريح خالد وعلى جانب اخر كانت تخشى كل ما يلى ذلك سينتظر من ان يسمع اسبابها ان يفهم كلامها المبهم دعت داخلها الا تكسر من جديد التقطت قلادتها التى اهداها اياها خالد ... فتحتها وهى تبتسم فكل جانب به تجويف بشكل قلب لوضع صورة داخله نهضت من مكانها بسرعه اخرجت كل الصور التى التقطوها بحثت بسرعه على صورة تضمهم جميعا وجدت واحدة وبهاخالد يقف بجورها ... بجنون الحظة احضرت مقصا وفرغت صورته وصورتها وعاينت مقياسها على الاطار تماما ووضعتها فى احد القلبين ووضعت صورتها امام صورته ابتسمت بخجل مما فعلت حدثت نفسها" لومش هيتكتبلى نكون لبعض دلوقتى كفايه تكون معايا هنا" استسلمت لنوم بلا احلام قررت ان تؤجل كل مخاوفها لبعض الوقت ... ستعترف بينها وبين نفسها فقط انها تعشقه بلا حدود بعدما استيقظت من نومها جمعت كل الصور التى التقطتها وخرجت بها لوالديها سارة بإبتسامة:لصور اللى وعدتك بيها اهيه يا ماما سهير بلهفه: ورينى ورينى ... تعالى اقعدىجنبى بقى وورينى مديرك ومامته تضرج وجهها ببعض الحمرة عند سماع اسمه - هو دا يا ماما ومامتة اللى واقفة جنبى دى سهير بتأمل: ماشاء الله عليه ... دا فعز شبابه سارة: قد عصام....اتنين وتلاتين سنه سهير: ومامتة شكلها صغير اوى . سارة: طيبه اوى يا ماما زيك كده سهير: باين عليها بتحبك ياسارة سارة: انا كمان بحبها اوى سهير: ربنا يحبب فيكى خلقه يا حبيبتى سارة: بحب دعوتك دى اوى يا ماما ... اللهم امين فى بدايه الاسبوع الجديد كانت سارة قد اتخذت قرارا انها لن تتحدث فى اى شئ قبل ان يطلب منها خالد اشترت جريدتها المحببه ووضعت ابتسامة هادئة تحاول بها اخفاء ضربات قلبها العاليه قابلها سيف وهى تخطو الى المكتب سيف بابتسامة: صباح الخير ياسارة تذكرت سارة غيرة خالد عليهامنه ففضلت ان تجعل كل شئ رسميا بينهم حتى لا تثير غيرته من جديد سارة بإبتسامة :- صباح النور يا استاذ سيف نظر لها سيف للحظة مستغربا من اللقب لم يستطع التحدث فأى كلمه منه لن تجدى فيبدوا انها قررت الا ينشا بينهما شئ اكملت سارة بسرعه - اومال عم صابر فين ؟... مش باين رد سيف بهدوء لا يعكس احباطه -مجاش النهاردة... الظاهر ان الكل هيعمل حاجته بنفسه ... انا لسه عامل القهوة دلوقتى ... تحبى اعملك؟ نهضت سارة من خلف مكتبها -لا شكرا انا هروح اعمل شاى دلوقتى توجهت سارة الى المطبخ واخذت معها جريدتها تسلى بها نفسهاوهى تصنع الشاى وضعت الماء بالغلاية الكهربائيه ووضعت الشاى والسكر بكوبها فتحت صفحة الحوادث التى ظلت تتابعهامن بعد موت شقيقها اخبار سرقه ... نصب .... ج كبرى -واحد قهوة ياعم صابر نظرت سارة الى الباب لتجد خالد امامها وهويبتسم سارة بإبتسامة: صباح الخير خالد متقمص دورة بضحك: صباح النور يا عم صابر ... فين قهوتى بقى ضحكت سارة: حالا يا خالد بيه خالد: خالد لوحدها هتبقى احلى منك ياعم صابر لم تجب سارة اكتفت بإبتسامة خالد وهويقترب من موضعها:.... عاملة ايه؟؟ سارة: تمام الحمد لله ... هتشرب حاجه اعملك معايا؟ خالد مبتسم: دا هتبقى احلى حاجه اشربها بقى لنهاردة ... هتعود.. خللى بالك تورد وجهها : ها تشرب ايه؟ ابتسم خالد: انتى هتشربى ايه؟ سارة: بعمل شاى خالد: خلاص يبقى نشرب شاى اعدت له سارة كوبا وهى تقرأ الصحيفه خالد: انتى مركزة فيهااوى ؟ سرة : بحب اقرا حاجه وانا بعمل شاى او حاجه سخنه خالد: طيب عموما الميه بتغلى ... امسكى بقى انتى المج عشان زى ما انتى شايفه مفيش مكان خالص وانا هصبلك ..ماشى؟ سارة: ماشى امسكت سارة كوبها ولفت نظرها لوهله لقب الشيمى اعادت نظرهابسرعه الى الاسم وجدته "عماد مصطفى الشيمى" عادت بسرعه الى اول الخبر وقراتة بلهفه "بالامس وعلى طريق القاهرة الاسكندريه الصحراوى تعرض الدكتور عماد مصطفى الشيمى الى حادث سطو مريع والذى تحول الى حادث اغتصاب لزوجته التى حاول الدفاع عنها فانتهى به الامر بكسور وكدمات بالغه" ارتجفت يدها بشدة وهى تقرأ الخبر خالد بفزع: حاسبى سقط الماء الساخن فوق يدها فافلتت الكوب فتهشم أرضا خالد: مالك ياسارة؟ لم تتمالك سارة نفسها من البكاء...بكاء حار لم تعهده من قبل بكاء على ظلم تحصدة منذ خمس سنوات بكاء على دعوات من قلب ام ملتاع بأن يظلم كل من ظلم بنتها بكاء على اب لم يملك فحياته الا الصبر على ابتلاءته الثلاثة خالد: سارة فيه إيه؟... يدك اتحرقت مالميه تعالى قادها خالد الى صنبور الماء .. فتح الماء البارد فوق يدها .... نظرت الى الماء شاردة تتنمى لو يغسل معه كل عذاب السنين الماضيه بقيت يدهاتحت الماء لبضع دقائق خالد:سارة؟.... مالك؟ سارة وهى تهز رأسها:مفيش حاجه ... ممكن اروح؟ خالد: انتى فيكى ايه فهمينى حرام عليكى سارة وهى توشك على البكاءمن جديد: مفيش ياخالد ارجوك محتاجه اروح خالد: طيب... يلا هوصلك سارة وهى توشكت على الانهيار : لا انا هروح لوحدى خالد بعصبيه: لا عصام يظهر فجأة امام الباب : هروحها انا ياخالد لم تستطع سارة الا تبكى عند ظهور عصام سألته بعفويه - شفت اللى حصل لعماد يا عصام ؟ شفت ؟ نظر لهاعصام بعطف: ايوة ...اهدى ياسارة سارة ببكاء : هيموت ياعصام؟ كان خالد ينظر لكلاهما وهما يحدثان بذهول ... اذا هى تحب احدهم .... تحبه وتخشى موته عصام : مش هيموت ياسارة ان شاء الله... يلا هوصلك البيت سارت سارة بجوارة بضع خطوات بعدها التفتت لخالد -متشكرة ... وآسفه لم يجب خالد فقط بقى على حاله يحاول استيعاب ما حدث بعدما خرجت التقط الجريدة الملقاه بإهمال وبحث ع اسم عاد بسرعه فى كل الاخبار قرا الخبر بسرعه .. حدث نفسه " ياترى بتعيطى على اى حاجه ياسارة على اللى حصله؟؟ ولا انة متجوز" ظلت سارة تبكى وهى تركب بجوار عصام حتى وصلت لمنزلها وهوصامت لا يحاول كبت انفجارها فتحت باب شقتها فوجدت والدتها تجلس فوق كرسيها ركضت نحوها وارتمت عند قدميها وهى تبكى سهير: بسم الله .... مالك ياسارة ؟؟... ردى عليا يابنتى ... مالها ياعصام ارتمى عصام على مقعد بجوار سهير عصام : عماد طلع عليه ناس وهوراجع من اسكندريه اغتصبوا مراته وضربوه سهير: ياساتر يارب .... وانتى بتعيطى ليه دلوقتى؟ عصام: صعبان عليها اللى حصلهم سهير وهى تربت على رأس ابنتها: اللهم لا شماته يابنتى بس داين تدان عصام بغضب: ربنا جابلك حقك منه سارة بحدة وهى تبكى: بس مش كده مش كده ...ايوة دعيت عليه بس ذنبها ايه مراته سهير: عشان يحس بطعم اللى عمله فيكى ... مر اوى عصام:دا اللى حصل ... وبرضه مش مستاهل الى بتعمليه ده... لو كنتى لا قدر الله مكانهم مكنش هيقف كتير قدام الخبر وانتى عارفه كده دا واحد استباح اعراض وخاض فيها... مستنيه العقاب يكون ايه؟ سارة وقد هدأت قليلا: اناعاوزه اشوفه ياعصام عصام: لا سهير: تشوفى مين ... الله يسهله بقى بعيد عننا عصام: بطلى تأنيب الضمير اللى ملهوش اى مليون لازمه ده... داين تدان ياسارة زى ماطنط قالت... ومش هنتكلم تانى فالموضوع ده سهير: استهدى بالله يابنتى سارة: بالله ياعصام...طيب اعرفلى حالتهم ازاى عصام: لسه بتحبية ولا ايه ياسارة؟ .... دى تبقى عقدة ستوكهولم بقى سارة بغضب: بطل تريقه ... انت عارف كويس انى خلاص مبحبوش مش بعد اللى حصل عماد: يبقى كلامك كله ملهوش اى معنى .... سارة وقد هدأبكاؤها: مراتة ملهاش ذنب عصام: ذنبها انها مراته ياسارة... احمدى ربنا سارة: الحمد لله عصام: انا هرجع الشركة واشوف خالد .... احنا سبناه فموقف وحش اوى هروح اعتذرله فكرت سارة بسرعه .... خوف مفاجئ اجتاحها ... كيف سيفسر دموعها كيف؟ عصام: وقومى حطى اى حاجه على ايدك اللى دى سهير: ايدك عامله كده ليه سارة: ميه سخنه وقعت عليها سهير: طيب قومى حطى عليهاكماده ولا مرهم للحروق ... قومى يابنتى سارة: حاضر ....عصام؟ عصام: نعم سارة: ابقى عرفنى خالد قال ايه ... ممكن؟؟ نظر لها لثانيه ثم تحدث: حاضر ياسارة * * * بعد ذهاب سارة لم يبق خالد بالشركة لحظة واحدة كان غاضب لدرجه انه خشى على موظفيه من حالته ظل يقود سيارته على غيرهدى حتى هدأت نفسه قليلا عاد لمنزله ودخل حجرته مباشرة ... وماهى الا ثوان وسمع طرقات والدته على بابة خالد: اتفضلى يا ماما عايدة بهدوء: مدايق؟... مالك؟ خالد: مفيش حاجه عايدة: فيه ...قول لا خالد وهوينهض من سريرة بغضب: مفيش يا امى مفيييش ... انا رايح مشوار مهم عايدة: زى ما تحب يابنى خالد يزفر وهو يقبل رأسها: ماتزعليش منى انا آسف ... ورايا مشوار مهم ادعيلى عايدة: ربنا ييسرلك الامر ياحبيبى خرج خالد واستقل سيارتة وهى يعلم جيدا الى اين سيذهب لابد له من بعض الاجابات .... لن يترك نفسه لحيرته طويلا بعد نصف ساعه مرت عليه وكأنها عام كامل وصل خالد صعد درجات السلم بهدوء لا يعكس حالة الغضب التى تملئه رن جرس الباب سهير: ياعزة شوفى الباب عزة: حاضر فتحت عزة الباب خالد: مساء الخير .. ممكن اقابل الانسه سارة؟ سهير: مين يا عزة؟ عزة: استاذ عاوز ست سارة سهير: خليه يتفضل خطى خالد الى الداخل ليجد امرأة تتشابه ملامحها مع ملامح سارة خالد: حضرتك اكيد والدة سارة؟ سهير بإبتسامة: وانت خالد مدير سارة... اتفضل يابنى خالد: شكرا ياطنط.... اقدر اشوف سارة؟ سهير: طبعا يابنى .. ياعزة صحى سارة ...قوليلها استاذ خالد هنا سارة وهى تستمع لعزة: ايه؟... خالد ... طيب انا جايه حالا بعد دقائق خرج سارة نظر لهاخالد لحظة يتأملها ... بدا وجهها مرهق .. مجهد ربما م أثر البكاء سارة: اهلا وسهلا ياخالد اتفضل خالد ببرة حازمة: اقدر اتكلم معاكى شويه سهير: اتفضل يابنى فالصالون سارة وهى تشير الى الصالون: اتفضل دلفا وتركت سارة الباب مفتوحا جلس خالد وجلس سارة أمامة لم تتحدث وظل هو صامتا بعض الوقت خالد فجأة: سارة انتى بتحبينى زى ما بحبك ولا لأ؟ صدمت سارة للحظة من سؤاله ولم تستطع الاجابة خالد ببعض الحدة: جاوبينى ياسارة ... انا محتاج اعرف وافهم ... بتحبينى ولا بتحبى عماد سارة: إيه؟.... خالد: زى ماسمعتينى دلوقتى.... انتى بتحبى واحد اسمة عماد ... اللى كنتى بتعيطى عشانة النهاردة من ساعه ما قريتى الخبر فالجورنال... صح؟ سارة بحدة: لا مش صح خالد: اومال ايه الصح ... انا مبقتش فاهم حاجه.... دلوقتى بتقولى لا مش بتحبيه وفاسكندريه تقولى مبقاش ينفع .... يعنى ايه؟ يعنى ايه؟ سارة: ............. خالد بزفرة: جاوبينى ياسارة ..ريحينى ... بتحبينى ولا بتحبية ولا ايه؟ لم تستطع سارة الرد الا بالدموع خالد: ارجوكى من غير دموع ... انا هتقبل تصريحك ... يمكن اتصدم بس كفايه انى اعرف انا مكانى فين سرة من بين دموعها : عاوز تفهم ياخالد ؟؟ خالد: ارجوكى سارة وهى تنهض وتجفف دموعها: ثوانى ورجعه خرجت سارة ومرت امام والدتها بدموعها سهير: مالك بتعيطى ليه؟ سارة : خالد عاوز يفهم ياماما ... خالد لازم يعرف سهير: هو....؟؟ قاطعتها سارة بابتسامة حزينه: بيحبى وعاوز يعرف انا بحبه ولا لا... وعشان اقول لازم يفهم وقتها هو اللى يقرر مش انا اغرورقت عينا سهير بلدموع ..فاحتضتها سارة. - ما تعيطيش يا ماما ... انا عارفه ان دا نصيبى ... تركت سارة والدتها ودخلت غرفتها احضرت ملفا وعادت للصالون مرة اخرى جلست سارة بعدها تحدثت وفى صوتها غصه الوشك على البكاء من جديد سارة:ممكن تسمعنى للاخر وما تقاطعنيش لو سمحت خالد: اتفضلى سارة وقد فرت اول دمعه منها -من خمس سنين انا كنت مخطوبه لعماد ... خطوبه تقليديه جدا واحد شافنى اتقدملى ووافقت عليه ... وليه لا ... معيد فالجامعه وليه مستقبل وعيله محترمة اتخطبنا ... مع الوقت حبيته اوى كان اول واحد فحياتى وكنت فاخر سنة فالجامعه وفرحانه .... اديتله كل مشاعرى... كت بحس نى مش بتنفس غير فوجودة تململ خالد وزفر وهى تتحدث عن عماد ..كات غيرته تتآكله وهو يحاول تمالك نفسه اكملت سارة وهى تبكى بدون وعى - عماد سافر ياخد الدكتور من المانيا وسابنى ها اجهز لفرحنا ... عملت كل حاجه بإيديا ... ولما خلصنا روحت انا وبابا وماما ومحمود نشترى الفستان بتاعى ...واشتريناه واحنا راجعي كنت انا مع محمود فعربيته ... عملنا حادثة صمتت للحظة وهى تتمنى الا تكمل خالد بهدوء: كملى ياسارة سارة: العربية اتقلبت بينا اربع مرات دا على كلام بابا انا اتطرت بره العربية بعد تانى قلبة ومحمود كملت بيه لحد ما بقت كلها كتله واحدة مش باينلها ملامح معرفتش كل ده غير لما فوقت فالمستشفى بعد 3 يام فغيبوبه فوقت بكسور مضاعفه فرجليا من اول وسطى لحد تحت ودراع مكسور و خبر موت اخويا ابتلعت ريقيها للحظة وخالد يراقب الالم المرسوم فوق وجهها ابتسمت بحزن بالغ : كل ده وعماد ما كلمنيش غير مرتين مرة يطمن الكسور درجه خطورتها ايه ومرة عشان يعزينى وبرضه التمستله عذر انه مشغول فالمناقشه بعد شهر ونص فالمستشفى رجعت البيت على عكازين ... كا لازم اعمل علاج طبيعى .... فضلت اتعالج ست شهور كاملين ومكالماتى مع عماد عشان بس يعرف هنتجوز بعد قد ايه؟؟ بابا قاله لما تنزل نبقى نتكلم وانى بدات اتحسن كت مستنيه لحظة رجوعه بفارغ الصبر ... بعد شهرين رجع ومعاه الدكتوره يوم ما رجع كلمنى وقالى هجيلك بكرة عشا نتفق على تفاصيل كتب الكتاب قولت لبابا لقيت وشه ضلم ومبقاش عارف يتكلم خالد: ليه؟ نظرت اليه سارة وكأنها تعى وجوده للمرة الاولى واكملت وهى تخرج تقرير من الملف وتمد يدها بها اليه - عشان يدينى التقرير ده.... تقرير طبى بيقول انى فقدت عذريتى فحادثة العربية شعر خالد ان الزمن توقف وهو يسمع كلماتها وكأن احجارا ثقيله تلقى فوق راسة اكملت سارة بالرغم من ذهوله البادى محاوله التماسك - ما اتحملتش الصدمة اغمى عليا... بعد ما فوقت بابا ماكنش عرف يعمل ايه ... اقنعته ان عماد بيثق فيا وانه هيسمعنى وكل دا بالنسباله مش هيفرق عشان بيحبنى ضحكت وهى تبكى: بس زى ما بيقولوا تأتى الرياح بما لا تشتهى السفن... عماد طبعا اول ما عرف ... ضربنى بالقلم واتهمنى انى كنت على علاقة برجاله وهو مسافر برة واننا زوروا التقرير وفرصه ان الحادثه دى بقى حصلت وجاتلى هدية ههه شكله مكنش واخد باله ان اخويا مات فالحادثة دى ... مقدرتش غير انى اردله القلم فحلفلى انى هندم...وبصراحه مقصرش بعدها هو واهله ... عروسه تتساب وفرحها خلاص وكل حاجه جاهزة ليه؟... عشان العريس اكتشف ان سلوك عروسته سلوك بطال ... كل الكلام لما وصل لابويا وامى ... ابويا احتسب وامى من الصدمتين وقعت مشلوله وانا دخلت فإنهيار عصبى حاد مخرجتش منه غير بعد سبع شهور لما والدى طلعنى عمره معاه عزلنا وجينا هنا عشان مقدرناش ثبت اى حاجه عكس اللى قالوه انا لو واحده منهم كان عادى جدا اروح لدكتور تحت السلم ومحدش يعرف حاجه ... بس انا معملتش حاجه غلط عشان اعمل كده نظرت له سارة : ودلوقتى عرفت كل حاجه .... وما افتكرش انك هتسأل تانى سؤالك... حتى لو بحبك مينفعش نهضت سارة وهى تتحدث بجمود: دلوقتى حضرتك تقدر تتفضل وانت مرتاح وعارف كل حاجه... واعتبرنى حضرتك مستقيله من الشغل مش هظهر فأى مكان حضرتك فيه تانى خالد: سارة ... انتى ... سارة وهى تحاول كتم عبراتها: ارجوك كلمه اتهام او شفقه انا مش محتجاها دلوقتى... انا عاوزة اكون لوحدى ... ارجوك اتفضل ... اتفضل امام الحاحها خرج خالد وتركها ... خرجت سارة لوالدته بعدماذهب نظرت اليها سهير فبادلتها سارة الظرة وهى تقول بإبتسامة من بين دموعها - شكلى هيبقى مكتوب عليا انى اتظلم تانى بكت سهير فارتمت سارة بين احضانها وهى تبكى بمرارة خرج خالد على غير هدى لا يصدق كل ما سمع ... قرأ التقرير للمرة العاشرة وهو لا يصدق انه كل هذ يحدث لسارة بدت معاناتها محطمة حتى اقوى رجل يصعب عليه تحملها ا تصل خالد بعصام خالد: عصام انت فين؟ عصام: انا فالشركة كنت جايلك خالد: ماتمشيش عاوزك فى خلال نصف ساعه كان عصام يجلس امام خالد خالد بإقتضاب:انت ليه ما قولتليش ان سارة كانت مخطوبه اللى اسمة عماد ده عصام: وانت عرفت منين؟؟ خالد: انا لسه راجع من عند سارة ... وعرفت منها كل حاجه عصام: كل حاجه يعنى ايه؟ خالد بغضب يعنى كل حاجه ... يعنى حادثتها ياعصام صمت عصام للحظة بعدها: ومصدقها ولا هتظلمها زى ما عماد عمل وكل اللى حواليهم عملوا؟؟ خالد: انا بحبها ياعصام .. بحبها عصام:عارف ... باين عليك... بس برضه هتعمل إيه؟ خالد: مقدرش أظلمها ... محدش يحصل معاه كل ده وتفكر تظلمه تانى عصام: دى كده شفقه ياخالد خالد: لا عمرى ما اقدر اشفق عليها ... انا عاوز اعوضها عن اللى شافته ياعصام .... عصام: فاهمك.... وبالنسبه اللى قالتهولك فارق معاك ؟ خالد: مش فارق معايا غيرها عصام: هتظلمها فيوم مالايام.... دلوقتى وخداك حماسة الموقف ياخالد خالد بغضب: انا مش عيل صغير ياعصام... ولا مريض زى عماد ده عصام: طيب طيب اهدى بس... من رأى تروح البيت وتقعد مع نفسك شويه برضه مش هيضرك ... بس اوعدنى يا خالد ان قاطعه خالد: ماما مش هتعرف حاجه ... مش عشان دا وصمة ... عشان دا بينى وبين سارة مش من حق حد يعرفة غيرنا ابتسم عصام: يبقى تمام .... عارف يا خالد ... انا لو اتميت حد لسارة مش هتنمى غيرك وبرضه نفس الموضوع ليك خالد: ربنا يقدم اللى فيه الخير مر يومان وسارة تحبس نفسها بغرفتها... لا تقبل على الطعام ولا على محادثة احد .... فقط تفتح قلادتها تظر ليه وتبكى فمساء يوم ما رن جرس المنزل وفتحت عزة لتجد عصام وزوجته عصام: ادخل ياعمى ولا إيه؟ عبد الحميد: ما تدخل ياعصام انت هتستأذن؟ عصام: بس انا معايا ضيوف نهض عبد الحميد: يتفضللوا يابنى .... الله... اهلا ياخالد ... خالد بإبتسامة: معلش جاي من غير معاد بس العشم انى جاي بيتى عبد الحميد: اتفضل يابنى ادخله عبد لحميد الصالون عبد الحميد: عصام ... خللى هدير تصحى سارة بسرعه .. بعد دقائق كانت هدير تجس بجوار سارة على سريريها هدير: يلا ياسارة .. خالد برة سارة: ليه هدير: معرفش بس يلا ودلوقتى نعرف سارة: هدير.. هدير: والله ما اعرف يلا ارتدت سارة ملابسها بسرعه ووضعت حجابها وخرجت اليهم سارة: السلام عليكم خالد: وعليكم السلام ازيك ياسارة سارة : الحمد لله خالد:... عمى انا هدخل فالموضوع على طول ... يشرفنى انى اطلب أيد الانسه سارة ذهل الجميع من طلبه فسكتوا لبعض الوقت خالد: قولت ايه ياعمى ؟ عبد الحميد : بس يابنى .... خالد: بعد ازنك سارة قالتلى كل حاجه... ودا ملهوش مجال يتذكر .... قولت إيه نهضت سارة فجأة: لا خالد وهو ينهض هو الاخر: ليه ياسارة ؟ سارة: متشكرة للشفقه خالد: بس .... انتى فيكى يه عشان اشفق عليكى معافاه وسليمه الحمد لله ... وانا بحبك وبقولها قدامهم كلهم وعارف انك بتحبينى سارة : لا غمغمت هدير بصوت مسموع : اه لا بأمارة صورته اللى فالسلسله سارة: هدير خالد مبتسم: يبقى ليه لا ياسارة جلست سارة وهى تبكى وقف امامها خالد: قولى موافقه ياسارة... واقسملك بالله قدام ربنا وقدامهم انك عمرك ما هتعرفى طعم لحزن دا تانى ويوم ما يحصل عصام: هكسرلك دماغك خالد: شوفتى ... وانا قابل ... قولى موافقه ياسارة صمتت سارة ثم ظرت لوالدها فهز رأسه بأن توافق سارة: اللى يقوله بابا عصام: يبقى نقرا الفاتحه بعد قراءة الفاتحه تحدث خالد خالد: بعد إذنك ياعمى ... ممكن نعمل الشبكة اخر الاسبوع والاسبوع اللى بعدة كتب الكتاب؟ عبد الحميد: وليه الاستعجال يابنى؟ خالد: وهستنى ايه؟ ارجوك وافق ياعمى عبد الحميد: موافق يابنى ربنا يسعدكوا سعدت عايدة بزواج ابنها برغم من تأيبها له على ذهب م دونها لك لتعويض اتى بإعدادها حفل كتب الكتاب بعدها ذهبوا لمنزلهم شعرت سارة بالخجل الشديد وهى بين احضان زوجها... لكنها نعمت بوم هادئ خالى م اى كوابيس فقط احلام سعيدة استيقظت سارة على قبله رقيقه فوق خدها لتجد خالد ينظر اليها بحب واضح خالد : صباح الخير حرمنا المصون ابتسمت سارة: صباح الخير ياحبيبى خالد: الله ... تعرفى انك اول مرة تقويهالى خجلت سارة خالد: بموت فجخلك ده .... على فكرة عاملك مفجأة سارة: مش عاوزة حاجه يخالد .. كفايه انت معايا خالد: اصبرى على رزقك عبث بدرج وارخ ظرف مغلق: فتحيه فتحته سارة لتجد تذكرتي عمرة سارة بفرحه هعمل عمرة ... خالد: ايوة ياحبيبتى سارة وهى تحتضه بعفويه: بحبك اووى اووى ربنا يخليك ليا يارب خالد بخبث: الله ... دا انا هجيب تذاكر كل يوم بقى تراجعت سارة صمتت للحظة ثم قالت سارة: خالد... انت ... مش زعلا ... يعنى خالد: هششششششششششش ... بطلى الكلام الاهبل ده قومى قومى عشا نفطر... بدا ما افطر عليكى يلا فى احدى غرف المستشفيات فتح شاب الجريدة ليصادفه خبر زواج سارة من رجل الاعمال خالد رأفت ابتسم بمرارة ولسان حاله يقول " ربنا يسعدك ياسارة .... ويعوضك عن ظلمى ليكى " تمت الحمد لله.