نفوس قاسية بقلم منى احمد حافظ ج٢

السادسة. حب محكوم بالفشل. ------------------------------------- تركت سهر آدم في حالة من الحيرة والغموض، فحاول أن يفهم معنى كلمتها المبهمة ولكنه لم يستطع أن يصل لشىء، ليقطع عليه شروده وتفكيره دخول مازن المفاجىء يسأله: - قولي بسرعة مين الوجه الحسن اللي لسه خارجة من عندك، إيه يا آدم إنت بتلعب بديلك من ورانا ولا إيه. اشتعل غضب آدم لتعقيب مازن فرماه بنظرات نارية سببها إحساسه بالغيرة وقال بحدة يُنذره: - ملكش دعوة بيها يا مازن أنا بحذرك. ضحك مازن ساخرًا ورفع حاجبه بتحدي وأردف: - طالما بتحذرني يبقى الموضوع مهم وجدًا عندك، عمومًا حذرني براحتك يا ابن عمي وأعتبر تحذيرك وصل بس أبقى وضح تحذيرك دا الموضوع دا وصل لهايدي. حرك آدم مقعدة بعصبية بعيدًا عن مازن وقال: - أنا مش بتهدد يا مازن وأنت عارف كويس أني رافض موضوع هايدي ومش هيحصل، فبلاش أسلوبك دا معايا علشان أنت عارف أن مش أنا اللي أخاف. اضطرب مازن وحاول أن يتمسك بسخريته وقال: - ميبقاش قلبك أسود بقى أنا كنت بهزر معاك إنما بجد قولي مين الصاروخ اللي خرج من عندك بس مش ملاحظ أنها صغيرة شوية، بصراحة هي صغيرة بس إيه طلقة. استدار آدم بعنف وصاح بغضب أعمى: - مازن قلت لك ملكش دعوة بيها فاهم سهر خط أحمر ليك. ابتسم مازن بخبث لإنه استطاع إخراج آدم عن حذره وعقب: - اسمها حلو زي شكلها وماله بس يعني لما تزهق منها إبقى بلغني، أنت عارفني مبيهمنيش أخد اللي يفضل منك. ازداد هياج آدم وغضبه وارتفع صوته وهو يدفع بمقعده نحو مازن يقول: - ازهق من مين يا مجنون سهر دي لو فكرت بس فيها أنا همحيك من على وش الدنيا، وخليك عارف أن أنا لو كنت مردتش على اللي عملته معايا زمان ومن كام يوم، فأنا سايبك بمزاجي إنما لو فكرت بس تهوب ناحيتها فأنا هنسفك. عقد مازن حاجبيه وقال تحدي: - دا الموضوع جد بقى وتفتكر بتحبك وأنت مشلول كدا لله فالله ولا شفقة ولا طمعانة فاللي عندك. زفر آدم لوقاحة مازن معه ووجد نفسه يقول برجاء مُهتز: - سهر متعرفش حاجة عني ولو سمحت لمرة واحدة خليك بني آدم. جلس مازن بهدوء وقال: - اممم وماله هسيبهالك بس هتعمل إيه لو هايدي عرفت. أغمض آدم عيناه بيأس وأجابه: - هايدي ملهاش حاجة عندي، وبعدين اللي كان بيني وبينها انتهى من سنين بس هي اللي لسه عايشة الوهم ولو كنتم اتعاملتم معاها على الأساس دا كان زمانها عايشة حياتها بعيد عني، انتم اللي فارضينها على حياتي أنا مش عارف أنتم ليه مش عاوزين تسيبوني فحالي أنا سبت لكم كل حاجة فلبنان عاوزين إيه تاني. أجابه مازن بصدق: - أنا عن نفسي مش عاوز بس أنت عارف عمك بقى لو عرف هتبقى فخبر كان. شعر آدم بالخوف على سهر من حديث مازن المبطن بالتهديد، فهو لم يفكر في عمه وهايدي ويعلم مدى خطورتهم إن علموا أنها فقط تتحدث معه، فما ستكون ردة فعلهم إن علموا أنه يشعر بحب لها فقال يحاول أن يراجع مازن عن أفكاره: - ما أنت لو مقولتش محدش هيعرف حاجة عنها. وقف مازن ومال صوب آدم وسأله بقلق: - أنت بتحبها ولا إيه يا آدم. أجابه آدم هامسًا: - أيوة يا مازن أنا بحبها وفعلا خايف عليها منكم، علشان أنتم شر ماشي على الأرض دا أنا اللي منكم مسلمتش من شركم، فبلاش يا مازن أرجوك شيلها من دماغك وانسى أنك شوفتها. عاد مازن إلى مقعده وفكر قليلا وأردف: - خلاص يا آدم أوعدك وعد شرف مش هجيب سيرة عنها بس أنت خلي بالك كويس أنا المرة دي اللي بحذرك لو حد عرف بيها ذنبها هيبقى فرقبتك أنت وبس وأحمد الرب إن أنا اللي جيت النهاردة، لإن هايدي اللي كانت جيالك ودلوقتي أنا همشي أشوف حالي وعلى فكرة أنا مسافر عالية على آخر الإسبوع مش محتاج حاجة مني. هز آدم رأسه بعدما غمره القلق وقال: - لا مش عاوز بس لو ينفع تاخد هايدي معاك يبقى معروف مش هنسهولك. ضحك مازن ساخرًا لطلب آدم وقال: - أنا أخد هايدي يبقى أنت نسيت هايدي لما يبقى في حاجة بتعبرها ملكها بتبقى عاملة أزاي. سمعا الاثنان صوتً يقول: - جايبين فسيرتي ليه يا شباب إيه شغل النم دا مش عيب عليكم ولا إيه. التفت الاثنان نحو باب الغرفة وقد علت الدهشة والقلق وجهيهما فقال مازن: - مافيش يا هايدي بنقول أني مسافر عالية وآدم قال أشوفك لو محتاجة حاجة من هناك اجيبهالك. توجهت هايدي صوب آدم وجلست فوق ساقيه واحتضنته قائلة: - مش محتاجة حاجة خلاص أنا معايا اللي أنا عوزاه كله. رفع مازم حاجبه لآدم وغادر في صمت لترفع هايدي يدها وتُدير وجه آدم نحوها وقالت: - ممكن اعرف أنت ليه مسألتش عليا طول الفترة اللي فاتت دي، على فكرة أنت وحشتني كتير يا آدم وحشتني لدرجة لا يمكن تتخيلها. أبعد آدم وجهه عن هايدي وقد امتعضت ملامحه وأردف بحدة: - مليون مرة أقولك بلاش طريقتك دي معايا وأفهمي أن مافيش بينا حاجة تسمح لك تقربي مني بالشكل دا، يا هايدي أنتِ بنت ولازم تبقي خجولة عن كدا. ضحكت هايدي وهي تطبع قبلة فوق وجنته وأردفت: - يا حبيبي أحنا فحكم المخطوبين وبنحب بعض، وبعدين أنت عارف أن دي طريقتي مع اللي بحبهم ومش أول مرة. نظر لها آدم وشرد في خجل سهر وعفويتها وبرائتها وقال: - اتمنى تكون أخر مرة وتحترمي رغبتي وبعدين أنا فهمتك أحنا أصدقاء وبس ومافيش بيني وبينك أي حب وعمر ما هيحصل ارتباط بينا وأنتِ فاهمة كدا كويس. ابتعدت هايدي عنه بغضب ووقفت تتطلع نحوه وصاحت قائلة: - لا يا آدم أنا اللي أعرفه وفهماه أننا لبعض وأنت اللي لازم تفهم كدا كويس أنت ليا أنا وبس يا آدم خليك عارف كدا كويس. حدق فيها آدم بأسف وقال: - خسارة أنك مش قادرة تحترمي كونك بنت وتقدري نفسك. صاحت به هايدي بغضب مستنكرة قوله: - آدم مش ملاحظ أنك بالشكل دا بتهين فيا وأنا مقبلش أبدا أنك تكلمني كدا. انفجر آدم غاضبا بها لتجاوزها حدودها معه وقال: - وأنا مقبلش إنك ترمي بنفسك بالشكل دا عليا أنا فهمتك مليون مرة شيليني من دماغك أنا عمري ما هكون ليكِ مهما عملتي، وعلى فكرة أنتِ لازم تفهمني أن تصرفاتك دي بتقللك من نظري أكتر، وإن كنت ساكت ومش بتكلم وسايب كل واحد يعمل اللي هو عاوزه، فدا علشان أنا عاوز أعيش فهدوء إنما لو فاكرين إن سكوتي ضعف يبقى أنتو اللي هتخلوني أقلب وحقيقي محدش فيكم هيتحمل لو آدم عمران صفى حسابه مع كل واحد أذاه. ابتلعت هايدي غصة خوفها من غضب آدم فهو لم يصل لحالة الثورة هذا من قبل فتراجعت عنه وقالت: - أنا مش قصدي أي حاجة صدقني وعمومًا أنا هسيبك ترتاح شوية تحب اوصلك لسريرك. أدار آدم مقعده بعيدًا عنها وقال: - لا يا هايدي واتفضلي أمشي لو سمحتي. غادرت هايدي وهي تكاد تجن فهي لم تتخيل أن يتحول آدم بتلك الطريقة فقررت أن تعود إليه في اليوم التالي لتحاول إرضاءه ومراضاته. وحين حل المساء كان الندم قد تملك من سهر ونهشها نهشًا فجلست فوق فراشها تبكي وتلوم نفسها لزيارتها لآدم وقد أزداد يقينها أنها خانت محمود وثقته بها، فهي حتى وإن لم تكن تحبه فعليها احترامه والحفاظ على غيبته، فعزمت على عدم تكرار زيارتها لآدم أو الصعود إلى جناحه مرة أخرى. ولكن ليس كل ما يتمناه المرء يدركه فهي ما أن خطت بقدميها الفندق بعدما ودعها محمود، وجدت عصام يقف بانتظارها فأشار إليها أن لتتبعه إلى مكتبه وما أن ولجت خلفه حتى التفت لها قائلًا: - سيبي أي حاجة يا سهر واطلعي لآدم لإنه مشدد أنك أول ما توصلي تطلعي له. خفضت سهر رأسها بحرج وأردفت بصوتٍ مرتبك: - هو يعني مينفعش أي حد غيري يطلع يا أستاذ عصام أنا مش. لم تكمل سهر حديثها فقد تعال رنين هاتف عصام وأجاب وهو يشير لسهر أن تنتظره فوقفت باضطراب ليلفت انتباهها قوله: - أيوة سهر جت وهي واقفة أدامي حاضر ممكن تهدى شوية خلاص هخليها تطلع لك بس خلي بالك كدا الموضوع بقى مبالغ فيه خلاص خلاص سلام. انهى عصام الأتصال والتفت إليها وقال: - معلش يا سهر أنتِ فعلًا لإن آدم حالته وحشة من إمبارح لدرجة إنه كان عاوز عنوانك. شهقت سهر بذعر وأردفت بتوسل وخوف: - لا أرجوك يا أستاذ عصام أوعى تديله العنوان وعمومًا أنا هطلع له عن إذنك. تحركت سهر باتجاه المصعد ولم تلحظ داليا التي وقفت تراقبها وتحك ذقنها بخبث، وما أن وصلت سهر حتى طرقت باب الغرفة ليصل إليها صوت آدم يقول: - أدخلي يا سهر. ولجت سهر ووقفت بجوار الباب وهي تحدق أرضًا ولم تتحرك فسمعت صوت آدم يسألها بعصبية: - واقفة عندك ليه بقلك تعالي هنا إيه مبتسمعيش. رفعت سهر عيناها ونظرت إليه بشيءٍ من الحزن وتحركت لتقف على مسافة قليلة منه وقالت بلهجة رسمية: - حضرتك تؤمر بحاجة يا أستاذ آدم. تطلع آدم نحوها وقد ملأ الضيق نفسه لأنفعاله عليها فقلص المسافة بينهما وأردف متوسلًا: - حضرتي عاوزك تخرجي معايا ممكن وقبل ما تقوليها أيوة أنا بتجاوز الحد معاكِ وهنخرج لإني مخنوق هنا ولو فضلت ممكن ارتكب جر\يمة ومتخافيش عصام هيرتب شغلك ومحدش هيعرف اتفضلي يلا أدامي أظنك عارفة الطريق خلاص. تبعته سهر خلف آدم كالمنومة وما أن غادرت المصعد برفقته حتى استقبلهم سائقه وتولى مساعدة لآدم ليتخذ مكانه، وجاورته سهر باضطراب لتنطلق السيارة بهما سريعًا، وكلما أبتعدت السيارة ازداد إحساس سهر بالقلق والخوف، حينها تذكرت أمر دبلتها فتحسست يدها بفزع وزفرت بارتياح للحظات لتذكرها نزعها إياها كالسابق، ولكنها سرعان ما أحست بالذنب تجاه محمود، لتنتبه سهر على هزة آدم لها قوله: - ممكن أعرف أنتِ بتفكري فأيه لدرجة أنه سرقك مني بالشكل دا، قوليلي يا سهر كنتِ بتفكري فمين وسيباني. التفتت سهر نحوه وحدقت به للحظات لتخفض رأسها وتسأله بحزن: - أستاذ آدم ممكن أعرف حضرتك عاوز مني إيه، وليه الأستاذ عصام بيساعدك وبيسمع كلامك ومش بيرفض لك أي طلب لو سمحت قولي حضرتك تبقى مين علشان مُدير فندق زيه يداري على غيابي وخروجي معاك. لم يكن آدم على أستعداد لكشف أمره في الوقت الراهن ولكن عليه أن يوضح لها حقيقة الأمر فأشاح وجهه عنها وأجابها بتردد: - أنا أبقى واحد من مستثمرين الفندق يا سهر وأعتبر شريك فيه، عرفتى ليه عصام مش بيرفض لي طلب علشان كده أنا عايش فالجناح اللي بتطعي لي فيه لإني بعتبره بيتي. اتسعت عينا سهر وهي تحدق بوجهه لا تصدق أنه على هذا القدر من الغنى، لتُخفض رأسها في نهاية الأمر ما أن وعت أن الفجوة بينهما أتسعت على نحوٍ مُخيف فأردفت بصوتٍ مُنكسر: - لو سمحت أنا عاوزة أرجع شغلي أنا أصلًا مكنش ينفع أطاوعك وأخرج معاك، حضرتك طلعت غير ما كنت متوقعة، أنا كنت فكراك نزيل عادي إنما تبقى واحد من أصحاب الفندق اللي بشتغل فيه روم سيرفيز فدا يبقى كتير ومينفعش أبدًا. سألها آدم عن معنى حديثها: - يعنى إيه كتير ومينفعش وبعدين تفرق إيه إن كنت صاحب فندق أو واحد فقير أو حتى موظف، طالما اللي جوايا ليكِ أنا صادق فيه يا سهر. أجابته بحزن: - تفرق كتير لإن أنا يا دوب واحدة بشتغل فالفندق واحدة بتنضف اوض النزلاء، وحضرتك صاحب الفندق مينفعش أصلآ تنزل بمستواك لواحدة زيي ولا حضرتك حابب تتسلى شوية. قبض آدم بغضب على يدها وصاح بحدة ينهرها: - أنتِ أزاي تفكري فيا وفيكِ بالطريقة دي، أزاي تظني أني بتسلى معاكِ وأنا كنت واضح وصادق معاكِ بأحساسي، أنا مخبتش عنك أعجابي بيكِ يا سهر وبعدين أنتِ ليه بتحبي تهيني حالك وتقللي من نفسك كده، أزاي بتبصي لنفسك على أنك قليلة وأنتِ كبيرة أوي يا سهر وبعدين أنا مش عايزك تفكري فيا على أني غني لأ أنا عايزك تفكري فيا أن أنا آدم اللي أنتِ أنقذتي حياته وهو ووقع فحبك. مدت سهر يدها تخفف ضغط يد آدم على معصمها فنظر لها وترك معصمها وهو يعتذر منها: - أنا أسف حقيقي أسف مكنش قصدي أبدًا أني أنفعل عليكِ بس فعلًا أنا مش حابب أبدًا أنك تشوفيى نفسك بالشكل دا، أنا نفسي تشوفي نفسك بعيوني وبإحساسي لإنك وقتها هتعرفي أنك غالية جدا وغنية بأخلاقك وبرائتك ورقتك. خجلت سهر من مديحه لها وحاولت أن تتحدث ولكن الكلمات أبت الخروج منها حين نظرت لعيناه فتاهت مرة آخرى في عيناه ليصرعها بأعترافه الهامس: - سهر أنا بحبك. انهمرت دموع سهر بلا توقف وهزت رأسها بحزن وعقلها يُخبرها بألم: - النجمة اللي كنت فاكرة أنها مستحيل تكون ليكِ وقعت فحبك وطلعتي ساكنة قلبها. زادت دموع سهر من حيرة آدم وتمنى لو كان بإمكانه أحتوائها بين ذراعيه لينزع عنها ما تحمله من ثقل فوق كاهلها، ولكنه شعر بالعجز فضرب المقعد أمامه مانعًا نفسه من فرضه لنفسه عليها فالتفتت سهر نحوه وهتفت بألم: - أرجوك بلاش تعمل فنفسك كده وصدقني أنا أسفة لو كنت ضيقتك. رفع آدم يده ومررها فوق شعره وقال: - أنا مش مضايق منك أنا مضايق من نفسيى لأني للحظة نسيت نفسي كنت عاوز. لم يستطع آدم إكمال حديثه لشعوره بالخجل منها، فمدت سهر يدها ولمست يده وسألته: - كنت عاوز إيه. زفر آدم بألم وأجابها: - اللي عاوزه مش من حقي يا سهر ومقدرش أعمله. لم يضف آدم المزيد من الكلمات وأشاح بوجهه عنها وأشار لسائقه بالعودة وأخبره بصرامة: - أرجع بينا على الفندق لو سمحت. ما أن صف السائق سيارة آدم بمكانها حتى غادرتها سهر وقبل أن تلوذ بالفرار من أمامه استوقفها آدم بقوله: - كلامي معاكِ لسه مخلصش فلو سمحتي اطلعي معايا. رفضت سهر في باديء الأمر ولكن لهجة آدم الصارمة وحدتها جعلتها تتبعه إلى غرفته ووقفت سهر بعيدًا عنه تلزم الصمت بانتظار بدأه في الحديث، وحين طال صمته سألته بحيرة: - ممكن أفهم حضرتك طلبت مني أخرج معاك ليه، ولما رجعنا صممت أني أطلع معاك وقولت أنك عايز تكمل كلامك معايا، وليه دلوقتي حضرتك ساكت وبتبص لي كأني عملت حاجة غلط ضايقتك بيها. أشار آدم إليها لتجلس أمامه وأردف: - سهر هو أنا لو مدت لك إيدي هتقبلي تمسكيها. حدقت به بحيرة وسألته عن قصده ليمد آدم يده إليها وحدق بها بصمت، فحدقت سهر به وقلبها يخفق بقوة لتمد يدها على استحياء منها وتلمس يده ليغلق عليها آدم كفيه معًا وجذبها نحوه فكادت سهر تتعثر وظنته يُريد منها الجلوس أرضًا وقبل أن تفعلها منعها آدم وأجلسها على مقربه منه وقال: - قلت لك مكانك مش على الأرض أبدًا. ابتسمت له مسلوبة الإرادة ويده تحتضن يدها وقالت: - تعرف أني معرفش سبب أني حابة أقعد أدامك على الأرض وأنا معاك. همس آدم وهو مأخوذ تمامًا بعيناها: - هقولك السبب للمرة التانية رغم أني عارف ومتأكد أنك مش عايزة تعترفي بيه، السبب يا سهر هو أنك بتبادليني نفس المشاعر وبتحبيني زي ما أنا بحبك والأكتر أنك حاسة بكل حاجة أنا حاسس بيها. ازدرد آدم لعابه وهو يحدق بها بوله وسألها بترقب: - بتحبيني يا سهر. تنهدت سهر ووجدت نفسها تجيبه بهدوء نابذة مقاومة عقلها وحثها لها على الصمت: - أيوة بحبك يا آدم. تسارعت أنفاس آدم وارتفع نبض قلبه آدم ما أن سمع اعترافها، فحدق بها بحب وتنهد بسعادة وقد عزم على طلب يدها للزواج، ولكنه انتفض حين صدح صوت هايدي في الغرفة يسأل بصخبِ غاضب: - مين دي يا آدم وأيه القعدة اللي أنت وهي قعدينها دي، بقى معقول يا آدم تنزل بمستواك لحد للدرجة دي أنا مش مصدقة بقى آدم عمران يوصل بيه الحال أنه يقعد يحب فخدامة. نزعت سهر يدها من بين كفيه وهبت عن مقعدها بعدما طعنتها إهانة هايدي، فالتفتت نحوه بانكسار واعتذرت منه لتغادر، لتمنعها هايدي بقبضها على ساعد سهر وغرزت أظافرها فيه متعمدة إيلامها وحدقت بوجه آدم باستفزاز ليصيح بها بحدة قائلًا: - سيبيها يا هايدي. رغعت هايدي حاجبها بتحدي وعقبت بقولها: - اسيبها يعني إيه وبعدين دي تطلع مين عمومًا أنا هفتشها لتكون سرقت حاجة منك وهي قاعدة تسبل لك. نهرها آدم وقد أستولى عليه الغضب: - قلت سيبيها وإلا صدقيني هتصرف معاكِ تصرف مش هيعجبك. ابتعدت هايدى واتجهت لتجلس فوق ساقه رُغمًا عنه وأحاطت عنقه بساعدها وقبلته أمام سهر وأردفت بدلال: - خلاص متزعلش يا آدم أنت عارف أنا بغير عليك قد أزاي. وتعمدت هايدي النظر باتجاه سهر بتعالي وكِبر وقالت بلهجة آمرة: - أنتِ يا... مش مهم اسمك بقلك تعالي خدي جزمتيأمسحيها كويس وخلي بالك منها لإنها غالية وتمنها يساوي ضعف مرتبك فسنة. تجمدت سهر بمكانها تقاوم رغبتها في البكاء في حين اتسعت ابتسامة هايدي الشامتة لتُشيح سهر بوجهها عنها وتُردف بصوتٍ مهتز: - أسفة أنا مش بس دا مش شغلي. ألقت سهر كلماتها وغادرت جناح آدم ولكنها لم تستطع الابتعاد فوقفت تحتضن جسدها المرتعش وأستندت إلى الحائط، تشعر بأهانة هايدي تؤلمها بقوة فكتمت صوت بكاؤها حتى احست أن طاقتها نفذت منها، لتستمر بأداء عملها كدمية بلا روح لتنتبه قبيل مغادرتها لصوت محمود يسألها: - خلصتِ شغلك يا سهر ولا لسه. أجابته سهر بآلية: - لا أنا خلصت ثواني هغير هدومي وأجي. وقفت سهر تُبدل ثوبها غافلة عن نظرات داليا إليها وحين استدارت لمحت ابتسامة داليا الساخرة منها فلم تعرها أدنى أهتمام وغادرت غرفة الأستراحة لتتبع خطى محمود إلى الخارج وقبيل بلوغهما المنزل التفتت سهر نحوه وقالت بصوتٍ فاتر: - محمود كنت عاوزة أقولك أن أنا فكرت فكلامك عن الشغل وناويت اسيبه. اتسعت ابتسامة محمود وأردف بسعادة: - أحبك لما تسمعي كلامي وتعملي الحاجة اللي ترضيني وعمومًا مش عايزك تقلقي ولا تخافي من اللي اسمه فؤاد، علشان أنتِ مش هتقعدي فالبيت مع والدك أنا هتكلم مع بابا يتفق مع عمي خميس أنك تقضى طول الوقت مع والدتي علشان ترتبي الحاجات اللي عيزاها، والحمد لله أنه أصلًا بطل يجي زي الأول، وبعدين أهي خلاص هانت كلها أسبوع ونكتب الكتاب ويبقى قعادك معانا فوق عادي وتخلصي من فؤاد وقعدته مع والدك. لم تستطع سهر النوم فعقلها لم يكف عن التفكير في إهانة هايدي لها، فأهانتها فاقت كل ألم تشعر به وفكرت أن تركها العمل هو قرار سليم، فعليها قبل أي شيء أن تحترم دبلة محمود التي وافقت على ارتدائها، وحديثها مع آدم لن يؤدي إلا لألم الجميع، قطع عليها تسلسل أفكارها رنين هاتفها فنظرت إلى اسم محمود وتنهدت بعمق أكثر وسألته بقولها: - منمتش ليه يا محمود أيه مسهرك. أجابها محمود بسعادة: - بفكر فحبيبة قلبي وبعد الساعات اللي باقية علشان تبقى على اسمي وليا إنما بقى حبيبة قلبى سهرانه ليه. تنهدت سهر وأجابته: - مش جايلى نوم فكنت هقرا شوية لحد ما أحس أني عايزة أنام. همس محمود بتهور قائلًا: - سهر طيب ما تيجي نطلع السطوح نقعد شوية مع بعض براحتنا وأهو خلاص زي ما قولت لك هو أسبوع وتبقي مراتي يعني مفيهاش حاجــ... صاحت سهر باستنكار ومنعته من أكمال حديثه بقولها: - أنت بتقول أيه يا محمود بردوا كده يعني أنا بحمد ربنا أن فؤاد له كام يوم مختفي وأنت تقول الكلام دا، يا محمود أنا قولت لك أني مقدرش أعمل حاجة حرام فبلاش تحسسني أني سهلة وقليلة فنظرك. أسرع محمود معتذرا: - مش قصدي يا سهر بس أنا قولت لك أنها هانت وتبقي مراتي وبعدين لو حصل حاجة بينا أنتِ عارفة أني مش هسيبك لإني بعشقك. زفرت سهر بحنق لأصراره على تفكيره وهتفت تقول: - محمود لو سمحت بلاش الكلام دا تاني لو فعلًا بتحبني وبتحترمني. اعتذر لها محمود بتذمر: - خلاص حقك عليا ولو عليا فأنا هتحمل بعدك عني وربنا بصبرني. همست سهر لتُنهى المحادثة بعدما أحست بالسقم: - تصبح على خير يا محمود يلا علشان تعرف تصحى تصلي الفجر سلام. ------------------- في صباح اليوم التالي اتجهت هايدي إلى مكتب عصام وجلست محله فوقف عصام ينظر نحوها بضيق وهي تعبث بمحتويات مكتبه فالتفتت له ونظرت إليه بتعال وقالت: - عاوزة أشوف كل البنات اللي شغالة هنا يا أستاذ عصام. أجابها عصام بتذمر: - هو في حاجة يا انسة هايدي. حدقت هايدي به بضيق وهتفت بصوتٍ حاد قائلة: - اللي بقوله يتنفذ من غير ما تسأل اتفضل أجمع لي البنات. بعد مرور دقائق وقفت الفتيات أمامها فحدقت هايدي بهم بتذمر والتفتت بغضب نحو عصام وسألته بهجوم: - دول مش كل البنات أنا عايزة أعرف مين اللي مجتش فميعادها ولا حضرتك يا أستاذ عصام سايب كل واحدة تيجي على مزاجها. أجابها عصام بسخط: - لأ طبعًا مافيش الكلام دا ولو في حد من البنات مجاش فدا بيبقى لأسباب وعمومًا اللي مجتش هي سهر. أشارت هايدي للفتيات بالمغادرة وأردفت: - يتخصم لها أسبوع على التأخير يا أستاذ عصام. غادر عصام يتابع سير عمله وبعدما تأكدت داليا من ابتعاده طرقت الباب وولجت فنظرت إليها هايدى وسألتها بتبرم: - عايزة أيه أنتِ كمان. أجابتها داليا بخبث: - كنت عاوزة أقول لحضرتك على حاجة عن سهر. أراحت هايدى ظهرها على مقعدها ونظرت لداليا بتمعن وقالت: - أنتِ اسمك أيه. أجابتها داليا: - أنا اسمي داليا يا فندم. أشارت هايدي لها بالجلوس وقالت: - أنا هديكي مكافأة حلوة لو نفذتي اللي هقولك عليه ها أيه رأيك يا داليا. لمعت عينا داليا ما أن أحست أن كلمات هايدي ستجعلها تثأر لنفسها من سهر فأجابتها بعيون لامعة: - أنا تحت أمرك ومن أيديك دي لأيدك دي. ابتسمت هايدي بخبث وقالت: - طيب اسمعيني كويس بقى ومش عاوزة أي غلطة منك فاهمة. ولجت سهر إلى مكتب عصام دون أن تُبدل ثوبها فرفع نظره عن أوراقه وسألها بدهشة: - أنتِ ملبستيش اليونفورم ليه يا سهر لحد دلوقتي. تنهدت سهر بحزن وأجابته: - أستاذ عصام أنا كنت عايزة حضرتك في موضوع. زم عصام شفتيه وأردف: - قبل ما تقولي أي حاجة أنا عايز أقولك أن للأسف بسبب تأخيرك النهاردة أتخصم لك أسبوع. أومأت سهر وهتفت بلامبالاة: - مش مهم يا أستاذ عصام أساسًا أنا جاية علشان أقول لحضرتك أني هسيب الشغل، أصل أنا اتخطبت ومش هينفع أكمل فالشغل. حدق بها عصام بحيرة وقال: - بس يا سهر أنتِ كان المفروض تبلغيني قبل تسيبي الشغل بوقت علشان أعمل لك إخلاء طرف، معلش لكلامي بس أنا أسف أنتِ مضطرة تفضلي فالشغل معانا أسبوع على الأقل علشان تسلمي أي عهدة كانت معاكِ، أصل دي إجراءات معروفة. تنفست سهر بهدوء وقالت: - زي ما تحب يا أستاذ عصام ولو جت على أسبوع فانا هكمله عمومًا أنا هروح أغير على ماحضرتك تحضر لي جدول الشغل بتاع النهاردة. ابتسم لها عصام بحرج وقال: - ما أنتِ عارفة المطلوب. نظرت له سهر بتردد وقالت: - هو يعني مينفعش حد غيري يطلع يا أستاذ عصام. أجابها عصام وقال: - معلش يا سهر اطلعي واتحملي هو أسبوع وخلاص ماشي. صعدت سهر تجر قدميها تجبرهما على الوقوف أمام باب الجناح وطرقت الباب وفوجئت بأدم يفتح الباب لها وأفسح لها الطريق لتلج إلى الداخل فلزمت سهر مكانها وسألته برسمية: - حضرتك هتفضل هنا علشان اشوف هبدأ منين يا أستاذ أدم ولا هتخرج. أجابها أدم بسخط: - أدخلي يا سهر أنتِ مش هتعملي حاجة أنا عاوز اتكلم معاكِ ولا أقولك تعالي ننزل نقعد فأي مكان. خفضت سهر عيناها وقالت: - مش هينفع حضرتك أنا هنا علشان أرتب الجناح ومقدرش أسيب شغلي وأخرج فلو حضرتك مش عاوزني أعمل حاجة فأنا هنزل علشان ورايا شغل تاني. لم يستحسن آدم لهجتها بالحديث معه فصاح بها بغضب: - على فكرة كلامي اللي اقوله أمر يا سهر وبعدين أنا مش باخد رأيك. انهى آدم قوله وغادر الغرفة أمامها والتفت إليها ليراها تقف بمكانها فرفع حاجبه وأدرف بصرامة: - واقفة كدا ليه مش قلت لك يلا. هزت سهر رأسها بالرفض وهتفت: - أنا أسفة مش هقدر أخرج معاك. تنهد آدم بإرهاق فهو لم تغمض له عين بسبب ما حدث لسهر من هايدي وشعر بالألم كونه لم يتمكن من الدافع عنها كما يجب فعاد ليقف بجانبها وقال: - طيب ممكن تقعدي معايا جوا أرجوكِ يا سهر أنا عايز اتكلم معاكِ فحاجة مهمة. جلست سهر تشعر باضطراب مشاعرها وحين حاول آدم أن يلتقط يدها رفضت سهر وشبكت كفيها معًا ليزفر آدم بحزن ويقول: - أنا أسف على اللي حصل من هايدي إمبارح واوعدك أنه مش هيتكرر تاني. أجابته سهر وهي تستعيد إهانة هايدي لها وقالت بانكسار: - عادي يا أستاذ آدم أنا متعودة على كده ولا يهمك. حدق بها آدم وهو يشعر بحرجها ومد يده والتقط يدها رُغمًا عنها وقال: - سهر بصي لي لو سمحتي أنا عايزك تبصي فعيني وتسمعي كلامي كويس علشان أنا محتاج فعلًا أنك تحسيه وتصدقيه. رفعت سهر عيناها لتغرق بعيناه فأغمضت عينيها وقالت تهرب من حديثه الذي أحدث اضطرابا في قلبها: - مفتكرش إن هيبقى في بينا أي نوع من الكلام. حاولت سهر سحب يدها منه فمدت كفها الأيمن ليخفض آدم نظره وحدق مصدومًا بيدها وقبض عليها ورفعها لتنظر إلى دبلتها ففرت دمعتها فسألها آدم وهو لا يصدق ما يراه: - إيه اللي فأيدك دا يا سهر. جذبت يدها تشعر بخجل وأدارت وجهها عنه وبكت، فمد آدم يده وأدار وجهها إليه وهتف بحدة: - بصي لي هنا وجاوبيني أنتِ اتخطبتي امته ولمين وليه. أجابته ببكاء: - اتخطبت من كام يوم لمحمود. اتسعت عيما آدم لا يصدق خداعها له وتجهم وجهه وأظلم وهو يصيح بها: - أزاي يعني تتخطبي لمحمود وهو دا ينفع يا سهر فهميني أزاي والدك وافق على حاجة زي كده وهي متنفعش أصلًا. أجابته سهر بألم وحسرة: - عادي ينفع أو مينفعش أهو حصل وبقيت خطيبته. أشاح آدم ببصره عنها وسألها: - وأنا يا سهر وأحساسي اللي كنت فاكرك حساه من أول مرة شوفتك فيها وبعدين أزاي امبارح اعترفتي لي بحبك وأنتِ مخطوبة، فهميني أزاي وافقتي وخرجتي معايا وسبتيني أقولك بحبك انطقي وقوليلي ليه سمحتي لنفسك أنك تخدعيني بالشكل دا. ازداد نحيبها ودفنت وجهها بين كفيها فهي لم تعد تتحمل أن ترى نظرات الأتهام بعيناه وأردفت بصوتٍ مهتز: - غصب عني أنا وافقت على الخطوبة غصب عني ومتسألش ليه لأني مش هقدر أقولك أي حاجة أنا أسفة أني خبيت عليك بس صدقني أنا مكنش قصدي لا أخدعك ولا أكذب عليك. تعاظم إحساس آدم بالألم وأحس بأنه بات على مشارف الموت، فها هي الفتاة التي أحبها سُلبت منه هي الآخرى كما سُلبت منه حياته من قبل فقال يسألها بألم: - بتحبيه يا سهر ماهو الحب هو الحاجة الوحيدة اللي تخليكي تقبلي وضع زي دا. وقفت سهر وهي تهز رأسها بالنفي وهتفت: - هتصدقني لو قلت لك أني معرفتش يعني أيه حب إلا لما عرفتك، آدم أنا مكذبتش عليك لما قلت لك أني خايفة من الحب ومحبتش قبل كدا. استدار عنها آدم وقال: - أومال وافقتي ليه على محمود اللي مينفعكيش بكل المقاييس أنه يرتبط بيكِ. ودت سهر أن تحكى لآدم كل شيء عنها ولكنها خافت أن تسقط من نظره أكثر فهمست: - أنا أسفة وأتمنى أنك تسامحني. أعاد آدم سؤاله إليها بصوت أكثر حدة: - مجاوبتيش عليا يا سهر أنتِ بتحبى محمود. توسلته همسًا: - أرجوك اعفيني من الإجابة. أثارت إجابتها غيرته فصاح وهو يستدير إليها: - تبقي بتحبيه صح أنتِ بتحبيه يا سهر ومش بتحبيني وكذبتي عليا لما قولتي إنك بتحبيني. أنهارت سهر أرضا وصرخت بلوعة: - لا مش بحبه مش بحبه أنا بحبك أنت والله بحبك أنت وصدقني أن عمرى ما هحب غيرك فحياتى لحد ما أموت. اقترب آدم منها وجذبها بقوة لتسقط أمامه وهتف: - خلاص سيبي محمود ونتجوز أنا وأنتِ حالًا. شهقت سهر وسألته بصدمة: - أنت بتقول أيه نتجوز أنا وأنت طب ومحمود وخالتي صفية وبابا. عقد آدم حاجبيه وأردف بحنق: - ولا حد منهم مهم لأن المهم أنا وأنتِ وبس، يا سهر أنا مش مراهق ولا بتسلى، يمكن أنتِ متعرفيش عني كل حاجة بس لما نتجوز أنا هعرفك على حياتي واحدة واحدة وهفهمك طباعي وحياتي ماشية أزاي وهتبقي شريكة حياتي طول العمر و... قطع على آدم إكمال حديثه رنين هاتفه فنظر إلى الرقم بضيق ليجده رقم عصام فعبس وأجابه وسمع كلمات عصام لتتسع عيناه بغضب وهو يقول: - مصيبة يا أدم هايدي اتهمت سهر إنها سرقتها وطلبت لها الشرطة لما فتشت شنطتها وطلعت الأسورة بتاعتها من الشنطة والشرطة والبنات حتى محمود الكل طالع الجناح عندك. السابعة. رويدًا يا صدمات فأنا بشر. ------------------------------------------- جلس محمود فوق سطح منزله يشعر بأحاسيس مختلطة فما حدث اليوم أفقده اتزانه حاول أن يهدأ ويتمالك أعصابه ولكنه فشل، ففضل الابتعاد عن الجميع وأغلق هاتفه حتى لا يتحدث مع أحد فالغضب بداخله يتزايد ولا يهدأ، وغيرته على حبيبته الصغيرة التي شعر بأن هناك من يتسلل إلى قلبها تنهشه وتستعر بداخله براكين خاف أن تنفجر فيها، فأنزوى بعيدا ولكن ذكرى ما حدث صباحا لا تريد أن تدعه يهدأ فهي تهاجمه بضراوة كأنها تطالبه بأن يثأر منها ولا يدع الأمر يمر مرور الكرام... فقد كان يجلس في مكتبه يدخل بيانات الاجتماع الأخير على الحاسب حينما سمع جلبة وأصوات عالية بالخارج ليتفاجأ بداليا تقتحم مكتبه وتقول: - ألحق يا محمود قصدي يا أستاذ محمود الآنسة هايدي أتسرقت أسورتها وهي صممت تفتش كل اللي شغالين فالفندق وو... حدق محمود بملامحها بحيرة وسألها قائلًا: - وأيه يا آنسة داليا ما تكملي كلامك. تصنعت داليا الأسف وأجابته بصوتٍ حزين: - الآنسة هايدي فتشت شنطة سهر وطلعت الأسورة بتاعتها منها. هب محمود عن مقعده واقفا وصاح غير مصدق: - إيه الكلام الفارغ دا يا آنسة داليا مستحيل سهر تعمل كدا وأنا لا يمكن أصدق طبعا. كتمت داليا غيرتها التي أثارتها كلماته ونظرت إليه باستمتاع لرؤيته مرتبك عاجز هكذا وأردفت: - لو حضرتك مش مصدق تعالى مكتب الأستاذ عصام الآنسة هايدي لما لقت الأسورة بلغت الشرطة وهما على وصول. غادر محمود مكتبه وأسرع نحو مكتب عصام وولج بوجه مُشتعل غاضبًا وصاح باستنكار: - إيه الكلام اللي سمعته دا يا عصام سرقة إيه اللي بتتهموا بيها سهر ما تفهمني وبعدين هي فين سهر أصلًا. أجابته هايدي التي أحتلت المقعد الرئيسي مكتب عصام بهدوء مستفز: - وأنت تطلع مين أنت كمان علشان تتكلم بالطريقة دي، وبعدين مالك محموق عليها كدا ليه هو أنا يعني كنت بتبلى عليها دا أنا طلعت الأسورة بتاعتي من شنطتها الحرامية اللي مشغلها الأستاذ عصام علشان تدخل أجنحة الفندق وتنضفها وتسرق براحتها أدام البنات كلها، دا غير أن مافيش غيرها اللي بيطلع ينضف جناح آدم خطيبي وأنا كنت سايبة الأسورة أمبارح فوق وملاقتهاش لما رجعت. أنفعل محمود بحدة أمام لهجتها المبطنة بمعاني خفيه وتفجر غضبه منها: - وأنتِ بأي حق تفتشي شنطتها أساسا كان مفروض تستني لما الشرطة تيجي علشان أنتِ مش من حقك تفتشي أي حد. صاحت هايدي بغضب: - من حقي أعمل أي حاجة لأني صاحبة الفندق اللي سيادتك بتشتغل فيه ومن حقي أدخل مكتبك نفسه وافتشه وقت ما أحب الظاهر كدا إن ليها شركا هنا وإلا مكنتش تبقى خايف بالشكل دا. حاول عصام أن يهدأ من حدة الحوار بعدما لاحظ ثوران محمود وانفعاله وقال: - الأستاذ محمود من اكفأ الموظفين هنا يا آنسة هايدي و. صرخت هايدي وقاطعته وقالت: - مش مهم لازم الأستاذ يعرف هو بيتكلم مع مين ودلوقتي شوف الهانم دا فين أحسن تكون بتسرق من أوض النزلاء. ضرب محمود سطح المكتب بانفعال وقال: - أنا مسمحش لحد يتهم سهر بأي حاجة سهر دي خطيبتي واللي يمسها يمسني وأكيد حد حطها فشنطتها، فين كاميرات المراقبة اللي فكل مكان هي اللي هتبين الحقيقة. شهقت داليا لسماعها قول محمود فتجهم وجهها وأحست بنيران الحقد تشتعل بقلبها وازدادت رغبتها في التخلص من سهر كونها سلبتها الإنسان الذي تحبه والذي تغافلت داليا أنه لا يشعر بها نهائيًا، وفي خضم أفكارها انتبهت داليا لمحاولة منال لفت أنظار عصام فاقتربت منها وضغطت على ذراعها وهمست بصوت كفحيح الأفعى: - هتحصليها لو قولتي كلمة واحدة أنتِ فاهمة. ازدردت منال لعابها بخوف ولزمت الصمت فهي تحتاج إلى عملها بشدة ولا تستطيع تحمل أن تطرد منه، لتنتفض كلتاهما حين ارتفع صوت صياح محمود وهو يسأل: - فين تسجيل الكاميرات يا عصام. اضطرب عصام وأجابه بأسف: - للأسف يا محمود الكاميرات مسجلتش حاجة غير دخول سهر اوضة البنات وخروجها و. قاطع عصام دخول أحد الضباط فوقفت هايدي وقالت: - فين سهر يا عصام ولا هربت. لم يعرف عصام ماذا يفعل ولكن نظرات الاتهام لاحقته فقال مرغمًا: - سهر فجناح الأستاذ آدم. كتمت هايدي غيرتها وضحكت بتهكم وأردفت: - يبقى أكيد طلعت تكمل سرقة من الجناح فوق. القت قولها بوجه محمود واستدارت نحو ضابط الشرطة وأشارت له أن يتبعها لأعلى والتفتت بشماتة وأمرت الفتيات بالصعود أيضًا، ومع مغادرة أخر فتاة أسرع عصام وأبلغ آدم هاتفيًا بما حدث وما هي إلا لحظات حتى وصل الجميع إلى جناح آدم، فشاهدوا سهر وهي تقف بجانب آدم تبكي فأسرع إليها محمود يضمها بين ذراعيه ويقول: - اهدي يا حبيبتي متخافيش أنا عارف أنك مستحيل تعملي حاجة زي دي. أجابه آدم بهدوء وقال ليصدم الجميع حتى سهر نفسها بقوله: - سهر فعلا معملتش حاجة ووجودها هنا أمر عادي لإنها المساعدة الشخصية ليا والأسورة أنا مقدمها هدية ليها لما عرفت بخطوبتها، دا غير أنها من أكفأ الناس اللي بتشتغل فالفندق. انهى آدم قوله والتفت إلى الضابط وأضاف موجهًا حديثه إليه: - أنا حقيقي أسف لسوء الفهم اللي حصل واللي خلى الآنسة هايدي تبلغ وعمومًا هي هتعتذر عن اتهامها بالغلط لسهر وأظن أن سهر هتتنازل عن رد الأتهام وعلشان كدا اتمنى أن حضرتك تتفهم الموقف ومتعتبرش بلاغ الآنسة هايدي ازعاج للسلطات وبلاغها كيدي. أومأ الضابط بتفهم والتفت نحو هايدي وقال: - حضرتك مفروض تشكري الأستاذ آدم والآنسة سهر لإني فعلًا كنت هوجه لك تهمة أزعاج السلطات عن أذنكم. تابع آدم مغادرة الضابط والتفت بمقعده وحدق بوجه هايدي المحتقن غضبًا وأردف ساخرًا منها: - مسمعتش اعتذارك يا هايدي. صاحت هايدى بغضب: - أنت اتجننت يا آدم بقى عايزني أنا أعتذر للبتاعة دي، دا مستحيل طبعًا أنا مش هعتذر لخدامة بتشتغل عندي. فجرت هايدي بكلماتها غضب آدم فصاح بها بصوت أرهب الجميع: - هايدي أنا مش هسمح لك تهيني سهر أبدا لا هي ولا أي واحدة من اللي بيشتغلوا فالفندق ولعلمك سهر مش خدامة دي سكرتيرة آدم عمران وأنتِ فاهمة كويس مين هو آدم عمران أكبر مستثمري الفندق وعلى فكرة أنتِ لو معتذرتيش لسهر مرتين على أهانتك أنا هيبقى لي تصرف تاني معاكِ. حدجته هايدي بكراهية شديدة ورمت سهر بنظراتٍ نارية وغادرت المكان بوجه مشتعل وسط صمت الجميع فزفر آدم أنفاسه بحدة وأردف: - سهر أنا بعتذر لك عن أي أهانة أتوجهت لك وأوعدك أني هرد لك أعتبارك أدام الكل وكمان بعتذر لمحمود على الموقف البايخ اللي حصل. وأشاح بوجهه عن رؤية محمود وهو يشدد احتضانه لسهر ووجه كلماته إلى عصام وقال بضيق: - عصام لو سمحت خد البنات وانزلوا. ازداد انهيار سهر حين استغل محمود انشغال آدم بالحديث إلى عصام وضغط على خصرها بقوة وحدق بها بغضب كامن ومال نحوها وهمس بصوتٍ خافت: - الهانم كانت ناوية تبلغني أمته بشغلها الجديد، عمومًا دا مش وقته ودلوقتي اشكريه واعتذري عن شغلك معاه خلينا نمشي. لم تقو سهر على النظر إلى محمود لخوفها بسبب لهجة التهديد التي غلفت كلماته فسارعت بالدفاع عن نفسها بكلماتٍ مهتزة هامسة: - أنا موافقتش على عرض الأستاذ آدم وكنت هقولك وأخد رأيك والله يا محمود أنا كنت هقـــ... أنذرها محمود بنظراته الغاضبة لتصمت وحفرت أصابعه بغضب خصرها فكافحت لتخفي تألمها حين أردف بحدة وهو يستدير بها ليغادر: - على فكرة سهر مستقيلة هي لا هتشتغل فالفندق ولا هتبقى مساعدة حضرتك الشخصية عن أذنك. أغمض آدم عيناه حتى لا يظهر حزنه وغيرته واقتربه منه وأردف: - لحظة يا أستاذ محمود لو سمحت بص أنا عارف إن اللي حصل مهين لسهر، بس صدقنى شغلها سكرتيرة معايا ولو لفترة مش هيخلي أي حد يظن فيها حاجة وهيحفظ لها كرامتها دا غير أن محدش هيقدر يمسها بكلمة. تنهدت سهر لتخفف عن نفسها ما تشعر به من ألم وادارت وجهها وهي تدعو أن ينتهي عذابها ذاك، واختطفت نظرة نحو آدم لتُدمي قلبها ملامح الحزن والغيرة التي سكنت عيناه ووجهه، ليزيد محمود من حدة الموقف بقوله: - لعلمك سهر هي اللي مش عايزة تشتغل لإنها هتبقى مشغولة بتجهيز بيتنا أصلنا خلاص هنتجوز كمان شهر، وأنا بالنيابة عنها بشكرك لموقفك النبيل، وبالنسبة للهدية فأنا أسف مضطر أرفضها لإننا مش هنقدر نرد لك حاجة بنفس قيمتها عن أذنك. تجمدت ملامح آدم وتابع مغادرة محمود الذي استحوذ على سهر أمامه دون أن يترك لها أي فرصة للنظر نحوه للمرة الأخيرة، فخفض رأسه وصرخ بألم لفقدانه سهر. وما أن غادرا الفندق حتى حاولت سهر أن تتحدث إلى محمود ليمنعها بنظراته القاتمة ولجهته الآمرة حين قال: - مش عايز أسمع صوتك فياريت تكتمي نهائي ولما نوصل البيت تاخدي بعضك وتدخلي بيتكم من غير ولا كلمة ودا رحمة مني بيكِ، علشان لو خالفتي كلامي وأصريتي فساعتها مش عارف أنا ممكن أعمل فيكِ أيه فاهمة. لزمت الصمت طوال الطريق وتابعته وهو يتبع خطاه إلى الأعلى لا تعلم ما عليها فعله أتلحق به وتتحدث إليه أم تنفذ ما أمرها به، لم تدر سهر لما صعدت لتُخبرها صفية عن وجوده بالأعلى فاستكملت خطاها وصعدت إليه، ووقفت تحدق بظهره المتصلب وتقدمت منه باضطراب ولمست كتفه لينتفض محمود أثر لمستها فالتفت إليها وحدق بها بغضب وأشاح بوجهه عنها مرة أخرى، زادتها نظراته ندمًا فاستسلمت لدموعها ليأتيها صوته يسألها بصوتٍ غاضب: - كنتِ عند آدم بتعملي إيه يا سهر وكنتِ بتعيطي ليه وقت ما دخلنا عليكم، عايز أعرف وافهم بأي حق يديكي هدية غالية زي دي، وهو مين أصلًا علشان تقبلي حاجة منه وكنتِ هترديهاله إزاي يا آنسة يا محترمة ولا أنتِ مش عارفة أن هدية غالية كده لازم تترد ويدفع تمنها. لم تدر سهر بما تجيب فخفصت عيناها أرضًا لتزيد بتصرفها من غضبه ليصرخ بوجهها قائلًا: - ردي عليا يا سهر أيه بينك وبينه علشان يقدملك الهدية دا غير موضوع الشغل اللي ظهر وأنا نايم على وداني. تراجعت عنه خطوة بفزع وهزت رأسها بالنفي وأجابته: - مافيش أي حاجة بيني وبينه وموضوع الشغل هو قال أتكلم عنه علشان ينقذني من الموقف اللي اتحطيت فيه. أثارت غيرته عليها بدفاع آدم عنها فقبض محمود على ساعدها بقوة سألها بحدة: - يعني أيه ينقذك وهو عرف أزاي أننا طلعين، أتكلمي متخلنيش أطلع عليكِ جناني وغضبي وصدقيني هزعلك. أجابته سهر على مضض: - الأستاذ عصام اتصل وقال للأستاذ آدم على اللي حصل وهو طلب مني أني اسكت وهو اللي هيتصرف، والله يا محمود هو مدنيش حاجة أنا طلعت علشان علشان أرتب الجناح. رفع محمود حاجبه ساخطًا وأردف ساخرًا: - سمعيني تاني كدا طلعتي ليه علشان ترتبي الجناح، طيب قولي سبب مقنع شوية يا سهر ولا أنتِ شيفاني مغفل وهصدق أي كلام منك، دا غير أنك كنتِ معاه ومكنش في أي أدوات معاكِ يبقى هترتبي أزاي. وقبض على كتفيها غارسًا أصابعه بقوة ألمتها أكثر وسألها: - كنتِ معاه ليه يا سهر اتكلمي بدل ما أقت\لك. بكت سهر وقالت: - والله مافيش بيني وبينه حاجة أنا طلعت أبلغه أني هسيب الشغل ومش هشتغل معاه زي ما طلب، وعيطت لما عرفت أنهم بيتهموني بالسرقة وخوفت يظن أني بسيب الشغل علشان سرقت، بس هو مصدقش وقال اللي قاله أنا والله ما أخدت هدايا منه ولا عمري أقبل بحاجة مقدرش على تمنها. سألها محمود وقد خف غضبه قليلًا: - ولما هو الموضوع كده بتكذبي عليا ليه، أقولك كذبتي ليه علشان عارفة أنك بتعملي حاجة غلط. ترك محمود كتفيها بعدما أحس أنه يؤلمها من دموعها وملامحها وقال وهو يشعر بالألم: - للأسف أنا ثقتي فيكِ اتهزت يا سهر وياريتك أصلًا حاسة بيا، لعلمك أنا جوايا نار قايدة من اللي حصل، وعايز أفهم ليه آدم يدافع عنك وليه مش مصدق إن مافيش بينكم حاجة. حدقت سهر بوجهه بشرود وودت لو تخبره: - هقول إيه يا محمود هقولك أني بحب آدم وهو بيحبني وأنه طلب يتجوزني وأنا قلت له لاء، علشان خاطرك أنت وخالتي صفية اللي لو سبتك هتقول عني نكرة الجميل ومطمرش فيا الخير اللي عملته، ولا هقولك أنك مش حاسس بعذابي ووجع قلبي اللي خسرته مع آدم وأني هعيش معاك من غير روح ولا قلب، أنت ليه مش حاسس بيا ليه مش حاسس أني صغيرة على كل دا ومفروض أني أبدأ أعيش حياتي اللي مش لقيالها حياة أساسًا، بس أنت ملكش ذنب أنت بتحب وأنا عذراك لأني عارفة يعني أيه تحب وقلبك يوجعك بسبب اللي بتحبه. زفر محمود بحدة لملاحظته شرودها عنه فاقترب منها وأردف وهو يلاحقها بنظراته: - خلاص يا سهر أنا هنسى اللي حصل دا كله ومش عاوز أسمع أي حاجة عنه تاني وموضوع شغلك مع اللي اسمه آدم تنسيه، علشان أنا مش هسمح لك تبقى معاه لوحدك تاني وأتمنى أنك تحترمي أنك مرتبطة براجل مش عيل، وأنا هراعي أنك صغيرة ومش فاهمة الدنيا كويس ومش هحاسبك بس مش هسمح لك تغلطي تاني أنتِ فاهمة. لم تدر لما شعرت سهر بإنقباض قلبها والخوف الذي هجم عليها فجأة وقلقها من نظرات محمود فهزت رأسها موافقة وهي تفرك كفيها ورددت بحزن: - اوعدك أني مش هغلط تاني. استدارت سهر لتغادر ولكنها تجمدت ما أن ضمها محمود إليه وهمس بالقرب من أذنها: - رايحة فين خليكِ قاعدة معايا شوية أنا ماصدقت أننا سوا، وبعدين أنتِ مصلحتنيش على اللي عملتيه. ازداد انهمار دموعها حزنًا وودت لو تعود إلى غرفتها لتبكي قلبها المعذب، ليزيد محمود من لمساته إليها فدفعته عنه وهي تخبره بتيه: - متزعلش مني يا ابيه. بدت وكأنها صفعته بقولها وزاده غضب رفضها قربه منها وملاطفته لها فصاح محمود وهو يعيدها إليه: - هو أنتِ مش هتنسي كلمة ابيه دي ما تفهمي بقى يا سهر أن أنا حبيبك وخطيبك وهبقى خلاص جوزك وأعرفي بقى أنك بقيتي بتاعتي وملكي. رفضت كلماته التي أحستها تُبخسها حقها وهزت رأسها بالرفض لتضرم برفضاها نيران غضبه عليها فهاجمها محمود وقبلها عنوة لترتعد سهر ذعرًا بين ذراعيه، لتُفجر بضعفها وخوفها رغبته بأن يثبت لها أنه صاحب الكلمة العليا في حياتها وأنه وحده يمتلك كامل الحق فيها، وأن عليها تقبل عقابها لها على تعاملها سرًا مع آدم، وزاده تفكيره بآدم عنفًا عليها ليبتعد عنها ما أن تذوق دمائها بعد أن مزق شفتيها. تضرعت إليه بأن يتركها فقست ملامحه لرغبته بالمزيد منها ولكنه تمالك نفسه وأردف: - أعملي حسابك أن كتب كتابنا هيبقى بكرة لإني مش هستنى عليكِ أكتر من كدا. --------------------- وبداخل مسكن غسان جلست هايدي بجانبه تشعر بالغضب لدفاع آدم عن تلك الفتاة واحراجه لها أمام الجميع وزفرت بقوة وهتفت: - عجبك اللي آدم عمله معايا يا عمي بقى أنا هايدي يحرجني ويقولي أنتِ ملكيش مكان فأي حاجة أملكها إلا لو اعتذرتي ومش كده لأ دا عيزني اعتذر لها أدام الكل، أنا خلاص مش عارفة البنت دي لحق يعرفها أمته ويتعلق بيها علشان يرفضني. لاحقت هايدي وجه غسان وزمت شفتيها لصمته لتسأله بضيق: - أيه يا عمي هو حضرتك هتسكت على حصل من آدم، معقول هتسيبه يتصرف على مزاجه كده. نفى غسان وربت يدها وأردف مُبتسمًا: - اطمني يا هايدي أنا مش هسكت وهرد رد يرجع لك حقك ويكسر آدم والبنت دي. ألقى غسان قوله ثم التفت ببصره نحو مازن وأردف بلهجة غامضة: - واللي هينفذ هو مازن. انتفض مازن ذعرًا وحدق بوجه والده بصدمة وأردف بحدة: - أنا مش هنفذ أي حاجة وياريت متعملش حسابي أنا خلاص خرجت نفسي برا لعبك أنت وهايدي وكفايه اللي حصل لآدم لحد كده ولعلمك المرة دى مش هتقدر تجبرني زي ما عملت المرة اللي فاتت حتى لو هتق\تلني. دفع غسان بمقعده ليسقط أرضًا وصاح بصوتٍ جهوري: - مازن أنا مش باخد رأيك وكلامي هيتنفذ وأنت اللي هتنفذ فاهم ودلوقتي اتفضل على اوضتك أنت لسه ليك حساب معايا لأنك كنت عارف بموضوع البنت اللي دخلت حياته ومبلغتنيش. التفت مازن ورمى هايدي بنظراتٍ نارية وأردف: - أنا مش عارف أنتم هتفضلوا تموتوا فآدم كل شوية لحد أمته ما تسيبوه يعيش حياته هو مش اداك كل حاجة. سحب غسان نفسا من سيجارته وأجابه بحقد: - آدم مدنيش ألا حق الإدارة إنما مش حق البيع يا مازن، يعني أنا مأخدتش أي حاجة لسه ولحد ما أوصل للي أنا عاوزه هتفضل تنفذ اللي أأمرك بيه، وبكرة هتنفذ اللي هقول عليه أنت فاهم. انهى غسان قوله وغادر المكان وتابعه مازن وهو يشعر بالخيبة كون والده يطمع بمال ابن اخيه ويريد وضع يده عليه بأي ثمن، زفر مازن واستدار بجسده لتصطدم عيناه بعينا هايدي ليقول لها بكراهيه: - مرتاحة أنتِ كده أنا مش عارف أنتِ أزاي تقبلي تهيني نفسك بالشكل ده مع واحد رافضك فحياته، عارفة أنتِ خسارة أصلًا أن الواحد يتكلم معاكِ من الأساس عن أذنك. لم تهتم هايدي بكلمات مازن وابتسمت قائلة: - مش هايدي اللي تخسر حاجة عوزاها أنا بس اللي أرمي واسيب لما ازهق وحتى لما أزهق اللي ارميه ميروحش لغيري أبدًا. ------------------ جلست سهر تبكي في غرفتها فقد عانت كثيرا ليتركها محمود بعدما عذبها بقبلاته العنيفة التي أجبرها على تقبلها منه، وتذكرت قراره بعقد قرانه عليها في الغد واقترابه منها مرة أخرى، ليزداد خوفها منه أكثر حين همس لها برغبته في أن تسلم نفسها له وحينما رفضت وأبعدته عنها فوجئت به يصفعها بقسوة ويقول: - بترفضيني ليه مليون مرة أقولك حسي بيا وباحتياجي ليكِ أحنا خلاص هنبقى متجوزين بكرة، وأنتِ متأكدة أن مش هسيبك ولا هتنزلي من نظري لو ادتيني اللي أنا عايزه، أنا عايزك يا سهر ومبقتش قادر أتحمل بعدك عني أكتر من كده. صرخت سهر بوجهه لجرأته عليها وأنانيته فهو لا يرى إلا رغباته وغايته وأحتياجه دون أن يرى ما تريده هي وهتفت بصوتٍ رافض غاضب: - وأنت ليه عايز تغصبني على حاجة أنا مش عيزاها ليه مش حاسس أني خايفة منك، خايفة من اللي أنت بتطلبه خايفة من الحاجات اللي أنت حاسس بيها وأنا مش فهماها، ليه مش مقدر أنك أكبر مني وإن في كتير حاجات مش عرفاه ليه يا محمود مش شايف إلا نفسك وبس. حدق بها للحظات وجذبها مرة أخرى نحوه وأحاطها بذراعيه وقال بصوتٍ هامس: - أنا هعلمك يا سهر هعلمك وأعرفك يعني إيه حب وجواز واخليكِ تعشقي الحب معايا، حبيبتي أنا مش عايزك رغبة ولا نزوة أنا عايز أعيشك الحب، عايز أسعدك وأسعد نفسي معاكِ، عمومًا أنتِ معاكِ حق أنا فعلا ناسي فرق السن بينا بس ده لإن وأنا معاكِ بحس أني مراهق محتاج لك أوي. مرر محمود شفتيه فوق جبهتها وانخفض ليقبل وجنتها وهمس باعتذارٍ مهتز: - حقك عليا أني ضربتك صدقيني غصب عني أول ما سمعت منك كلمة لأ فوقت احتياجي ده خلاني فقدت أعصابي متزعليش مني ممكن. عادت سهر إلى واقعها وكفكفت دموعها لتنتفض بخوف حين تعال رنين هاتفها رمت هاتفها بنظرة رفض وأشاحت ببصرها عنه وحين عاود الرنين مدت يدها وهي تشعر بالأختناق وأجابت بصوت باكي دون أن تقرأ اسم المتصل لظنها المتصل محمود وقالت: - نعم يا محمود في حاجة تاني. ضرب سمعها صوت تنفس غاضب أصابها برعشة لأدراكها هوية المتصل فهمست بصوتٍ مهتز وقلبها ينبض بقوة: - آ د م. أجابها آدم بغيرة واضحة: - أيوة آدم يا سهر مش محمود عمومًا أنا بتصل اطمن عليكِ وبعتذر أن أخدت رقمك من عصام، عصام اللي فهمت أنك طلبتِ منه أنه يرفض يديني ملفك أو أي بيانات عنك خصوصًا عنوانك، ودلوقتي طمنيني محمود ضيقك أو زعلك لما روحتي. أجابته سهر وهي تحاول أن تبدو طبيعية وقالت: - أنا كويسة اطمن يا أستاذ آدم. يدرك كذبتها فصوتها يخبره بكل شيء قلبه المنتفض بين ضلوع صدره يخبره أنها ليست بخير فزفر بقوة وأردف: - بلاش تكذبي عليا يا سهر أنتِ مش كويسة ومعيطة قوليلي اللي اسمه محمود عملك أيه مد أيده عليكِ اتكلمي. تنهدت سهر بحزن ووضعت يدها فوق قلبها وأردفت تنفي بقولها: - مافيش حاجة هو بس كان مضايق من اللي حصل وبعدين رجع طبيعي تاني لما فهم الموضوع. نيران مشتعل بصدره ترفض أن تكون لغيره فهمس برجاء: - سهر أرجوكِ غيري رأيك وسيبي محمود وأنا هتجوزك وهحميكِ منه صدقيني ارتباطك بمحمود أصلًا غلط ومينفعش. توسلته سهر ببكاء: - مينفعش يا آدم اسيبه صدقني مش هقدر وأرجوك تنساني وتسامحني. زاده بكاءها غضب فصاح يقول: - أنا مستحيل اسمح لك ترتبطي بمحمود أنا ممكن أقوم الدنيا عليه لو نزلت خبر ارتباطك بمحمود على النت هخلي الناس تهاجمه دا غير أني ممكن استغل العصبية اللي فمصر وامنع جوازكم. كادت تسأله عن قصده ولكنها تراجعت فهي لا تريد أن تعطيه أمل زائف بنقاشها معه فبعد قرار محمود لم يعد هناك فرصة لتجمعهما سويًا وعليها تأكيد ذلك فقالت: - لو سمحت يا آدم بلاش تكلمني تاني وأنساني وبلاش مشكلات أنا مش حمل أي مشكلات أرجوك لو بتحبني أبعد عني وأنساني. انهت سهر الاتصال بقلبٍ منفطر وهمست باختناق: - سامحني يا آدم دا اللي لازم يحصل أنك تنساني. ------------------------ شعر مازن بأن عليه أن يحذر آدم بما خطط له والده فأستيقظ مبكرا وغادر منزله قبل أن يراه والده وتوجه إلى الفندق، زلج مازن إلى جناح آدم ليصدمه رؤيته له ممدد فوق الأرض فاسرع نحوه بقلق وسأله وهو يجلس إلى جواره: - آدم أنت إيه اللي مقعدك كده، أنت وقعت ولا أيه. حدق آدم به بحزن وعيون حمراء من أثر دموعه وعدم نومه وقال: - وقعت واتكسر قلبي يا مازن، أنا أول مرة أحس بالوجع دا حتى لما عرفت أني مش همشي على رجليا تاني متوجعتش قد ما اتوجعت لما سهر اختارت محمود ورفضتني. ساعده مازن لينام فوق فراشه وقال: - طيب ما تحاول مرة تانية معاها يمكن تغير رأيها بعدين أنت بتقول اختارت مين محمود وأهلها وافقوا عادي كده عمومًا أنت لو فعلًا بتحبها حاول معاها مرة تانية اتصل بيها وكلمها وأطلب منها تقابلك واول تقنعها. تنهد آدم بألم وعقب بانهزام: - حاولت يا مازن بس هي قافلة موبايلها وعصام حسيته اتغير فكلامه معايا فجأة ومش راضي يديني الملف بتاعها. ربت مازن يد آدم وأردف: - ولا يهمك خمس دقايق واجيبلك الملف تعرف عنوانها وتروح تفاجئها. حدق آدم بمازن بريبه وتفرس بملامحه وسأله: - غريبة بقى أنت اللي هتساعدني أنا يا مازن. زم مازن شفتيه وزفر بقوة وأجابه: - صدقني يا آدم أنا لو كنت غلطت فحقك فكان غصب عني، عمومًا أنا هثبت لك أني أتغيرت وهنزل اجيب لك الملف وو. بتر مازن حديثه ما أن تذكر هايدي ومخطط والده ليسأله آدم بحيرة: - وأيه مالك متنح كده. سحب مازن نفسًا وأشاح بوجهه مُجيبًا إياه: - آدم أنا مش عايزك تقابل هايدي خالص النهاردة مهما حصل ممكن. أشاح آدم ببصره عنه وقال: - أنا أصلًا مش قابل وجودها ومش عايز اشوفها بعد اللي عملته المهم سيبك من الكلام عنها وانزل بقى ومتتأخرش. لم يمضي وقتٍ طويل إلا وظهر مازن وعلى وجهه إمارات الحزن كأن هناك كارثة حدثت معه، فأحس آدم بالقلق مما أرتسم على وجه مازن من صدمه وسأله بقلق: - في إيه يا مازن وفين الملف هو في حاجة حصلت لسهر مالك ساكت ليه مازن. أغمض مازن عيناه واستدار عن آدم وأجابه بحزن: - أنساها يا آدم سهر مستحيل تكون ليك أبدًا. رفض آدم تقبل كلمات مازن وأحس بأن هناك خضبٌ ما فصاح بحدة: - يعني أيه ما تفهمني أنت نزلت تجيب الملف أيه يخليك تقول الكلام ده، بص لي يا مازن وأتكلم ليه مستحيل. تحرك مازن وجلس بجانب آدم وقال: - آدم أنت تعرف أيه عن سهر. كاد صبر آدم ينفذ فأجابه وهو يحاول أن يجذب مقعده: - أعرف إنها بتحبني وأنا بحبها وده كفايا لينا. مد مازن يده ليمنع آدم من التحرك وأردف: - سهر كتب كتابها النهاردة يا آدم. حدق آدم بصدمة في مازن وصرخ: - مستحيل يحصل مش هسيبها ساعدني أقوم أنا لازم أمنعها. صرخ مازن بوجه آدم هاتفًا: - أنت مفهمتش معنى كلامي، بقلك كتب كتابها فاهم يعني أيه كتب كتاب يعني سهر مسلمة يا آدم. الثامنة. ضربات متتالية. ----------------------------- استيقظت سهر من نومها تشعر بالحزن يحتل قلبها ويغرقها فحاولت أن تهرب إليه مرة أخرى ولكنها لم تستطع كأن النوم يعاندها ككل شيء في حياتها، تركت غرفتها تبحث بعينيها عن والدها فلم تجده فعلمت أنه ما زال نائمًا فلم تقترب من غرفته حتى لا يغضب عليها، وأخذت تجول ببصرها في أنحاء المنزل لتتنهد وتبدأ بتنظيفه فكيف سيمر الوقت معها أن لم تشغل عقلها عن التفكير به، حين انتهت سهر من ترتيب الشقة تعجبت لتأخر والدها بالنوم كل هذا الوقت فطرقت باب غرفته لتُفاجأ بخلو الغرفة منه وأنه لم ينم في فراشه، عبست وتساءلت كيف غادر ولم تشعر به، واغلقت باب غرفته وقبل أن تلج إلى غرفتها اوقفها رنين جرس الباب فأسرعت تفتح ظننا منها أنه والدها، ولكنها وقفت تحدق بتلك التي تنظر إليها وتبتسم ابتسامه مبهمة فسألتها سهر بتهكم: - حضرتك جاية هنا ليه إيه يا ترى في حاجة اتسرقت تاني وجاية تتهميني بيها. خفضت هايدي بصرها وأجابتها بصوتٍ منكسر: - لا أنا جاية اعتذر لك واخدك معايا الفندق علشان اعتذر لك أدام كل البنات. اتسعت عينا سهر وسألتها بحيرة: - جاية تعتذري ليا أنا. تنهدت هايدي بحزن وأجابتها: - ايوة يا سهر علشان لو أنتِ مجتيش آدم هيفسخ خطوبته معايا علشانك. اجهشت هايدي بالبكاء وأستأنفت حديثها: - يرضيكِ بعد خمس سنين خطوبة آدم يسيبني، للأسف هو مصمم أن لو معتذرتش أدام الكل فالفندق هيفسخ الخطوبة. صفعتها هايدي بقولها فحدقت بها بصدمة وسألتها بصوتٍ مهتز: - هو آدم خطيبك. كفكفت هايدي دموعها وأردفت: - ايوة أنا وآدم مخطوبين من قبل ما تحصل له الحادثة، واللي عرفت بعدها أنه كان يعرف بنات كتير وحتى بعد الحادثة كل يوم والتاني يدخل فعلاقة مع واحدة شكل، وأنا ساكته لإني بحبه وأمبارح بعد اللي حصل صمم أني أعتذر لك ورهن اعتذاري ليكِ باستمرار علاقتي بيه، فأرجوكِ يا سهر تعالي معايا الفندق وساعديني أنقذ خطوبتي أنا مقدرش أعيش من غير آدم وصدقيني لو سابني أنا ممكن انتحر. توقف عقل سهر عن التفكير فكلمات هايدي حطمت قلبها وآمالها وبدت لها وكأنها تتحدث عن شخص مختلف عن آدم، فكيف له أن يخدعها ويوهمها حبه وهو يحب أخرى وعلى علاقة معها، زفرت سهر بحزن وحدقت بهايدي التي دفنت وجهها بين كفيها تبكي وازدادت شفقتها نحوها فأردفت بانكسار: - حاضر يا آنسة هايدي أنا هاجي معاكِ اتفضلي ارتاحي على ما ألبس وننزل. لم تدر كيف وصلت إلى الفندق بعقلها الشارد الغارق بأحزان قلبها وحبها المغدور، وانتشلها من حالتها البائسة صوت داليا تقول: - كل حاجة جهزت زي ما حضرتك أمرتي تحبي اجمع البنات. هزت هايدي رأسها بالنفي وأجابتها: - مش دلوقتي يا داليا معلش أديني نص ساعة وهتصل أبلغك لإني دلوقتي هاخد سهر واعتذر لها أدام آدم الأول وبعدين ننزل كلنا. ثم التفتت نحو سهر وقالت: - يلا بينا يا سهر. رافقتها سهر إلى الأعلى لا تدر كيف ستنظر في عينا آدم بعد كذبه عليها لتنتبه لصوت هايدي تقول: - اتفضلي يا سهر أنا هدخل أبلغ آدم أنك هنا مش هغيب عليكِ. جلست سهر تشعر بالارتباك وأرادت أن تغادر ولكن رجاء هايدي سبب لها الألم خاصة أنها شعرت بالذنب كونها إحدى الفتيات التي أوهمهم آدم بالحب، وبعد دقائق غادرت هايدي وهي تبتسم وتقول: - آدم مش مصدق أنك جيتي حقيقي أنا بشكرك يا سهر أنتِ متعرفيش المعروف اللي هتعمليه معايا النهاردة دا هينقذني أزاي. أجابتها سهر بحزن: - دا واجبي يا آنسة هايدي. اتسعت ابتسامة هايدي وقالت: - طيب على ما يخرج آدم خلينا نشرب عصير سوا أنا وأنتِ. ----------------------- مساءًا بمنزل صفية.. جلست صفية بجوار سهر تقرأ بمصحفها وعيناها تترقرق بالدموع، وحين وصل إليه صوت طرقات خافت أذنت للطارق بالدخول، فولج محمود وعلى وجهه أمارات الخوف والقلق، ليسألها وهو يقترب من الفراش: - هي لسه نايمة يا أمي. هزت صفية رأسها بالإيجاب وتحركت بهدوء لتغادر مصطحبه محمود برفقتها وأغلقت الباب بهدوء وقالت: - أنا قلقانة عليها يابني دي ليها سبع ساعات نايمة طمني معلش هو الدكتور قال إن نومها دا طبيعي. جلس محمود على معقد قريب من باب الغرفة وأجابها وهو يحاول السيطرة على حركة قدميه التي أهتزت بتوتر: - الدكتور قال نسيبها تفوق لوحدها علشان الجرعة اللي وخداها كبيرة وهتاخد وقت على ما تفوق، والحمد لله أنها بخير يا أمي حقيقي أنا مش مصدق لحد دلوقتي اللي حصل. فرت الدموع من عينا صفية وأردفت بغضب: - منهم لله يا بني حسبنا الله ونعم الوكيل فيهم على كانوا عاوزين يعملوه فالغلبانة دي، أنا مش عارفة هي الناس دي جابت الجبروت ده منين. تنهد محمود وشرد عن والدته بما حدث سابقًا صباحًا، فهو كان كعادته يجلس بمكتبه يفكر جديا بتقديم استقالته لشعوره بالغيرة لوجود آدم أمامه فتوجه إلى مكتب عصام وسأله: - فاضي شوية يا عصام. وضع عصام الأوراق التي بين يديه فوق مكتبه وأجابه: - وحتى لو مش فاضي هفضالك تعالى يا محمود مالك شكلك عامل كدا ليه. تنهد محمود بضيق وأردف: - أنا مخنوق أوي يا عصام وبفكر اسيب الشغل هنا بصراحة أنا مبقتش قادر أكمل. اعتدل عصام وهتف مستنكرًا: - لا طبعًا أزاي تفكر تسيب الشغل بعد المكانة اللي وصلت لها، حرام عليك يا اخي ولو على حصل فالكل عرف أن سهر بريئة. ازداد تجهم وجهه وأجابه وعقله يفكر بأمر آدم: - أنا عارف بس خايف حد يتكلم عليها أنت عارف الناس اللي شغالة هنا لو حد بس قال كلمة عليها ما هيصدقوا وهيخوضوا فسيرتها، تعرف الموضوع يبقى عادي أمته لما نعرف مين اللي حط لها الاسورة. - أنا هقول لحضرتك. التفت عصام ومحمود إلى باب المكتب وحدقا بوجه منال المحتقن فسألها عصام: - أنتِ عارفة حاجة يا منال وساكتة. تلفتت منال حولها بخوف وولجت ووقفت أمام محمود وقالت: - داليا هددتني أني هلبس قض\ية زي سهر لو قلت أنها هي اللي حطت الاسورة فشنطة سهر، بصراحة أنا خوفت لأني محتاجة الشغل أوي بس بعد ما شوفت قد أيه كسرتها قولت ربنا هو اللي بيرزق فمقدرتش اسيب حد يظن فيها حاجة وحشة لأنها طيبة ومتستحقش اللي حصل. ازداد غضب محمود وهم بمغادرة المكتب ليمنعه عصام بقوله: - اقعد وأهدى وبعدين أنت مينفعش تعمل حاجة دلوقتي ولازم نفكر بالعقل. ثم التفت إلى منال وقال: - روحي يا منال ومتخافيش من حاجة. انصرفت منال تشعر براحة ضميرها لترتطم بمازن الذي كان يسرع نحو مكتب محمود فنادته بقولها: - - يا أستاذ مازن على فكرة الأستاذ محمود موجود فمكتب الأستاذ عصام لو عايزه. أسرع مازن إلى مكتب عصام واقتحم المكتب وحدق بمحمود وقال باضطراب: - محمود قوم تعالى معايا مافيش وقت. وقف محمود ونظر لمازن بدهشة وقال: - اقوم معاك على فين وبعدين أنت مين أصلًا. أجابه عصام موضحاً: - ده الأستاذ مازن ابن عم الأستاذ آدم. عبس محمود وحدق به بضيق وقال: - خير عاوزين تتهموا سهر بحاجة تانية. تفاجىء محمود وعصام بمازن يجذب محمود من يده ويقول بصوت مهتز: - لو مجتش معايا مش هتبقى سرقة هتبقى مصيبة أكبر. احس محمود بقلبه يهوى بين قدميه وهو يجرى خلف مازن وولج معه المصعد ليتفاجأ بمازن يقتحم جناح آدم، فتجمد محمود بمكانه ورفض التقدم فالتفت مازن نحوه وأردف: - متقفش يا محمود وتعالى معايا بس الأول أنا عايزك تمسك أعصابك ومتتهورش من اللي هتشوفه لإنه جر\يمة بتحصل فحق سهر وآدم، بس لازم تعرف أن آدم مظلوم هو وسهر. كاد محمود أن يصرخ بوجه مازن ولكن مازن أسرع ووضع يده فوق فمه وقال: - وطي صوتك علشان هايدي متخدش بالها. تسلل مازن ومحمود حتى باب غرفة نوم آدم وفتح مازن الباب ببطء فوقع بصر محمود على مشهد كاد يصيبه بالشلل، فأمامه مالت هايدي صوب سهر تنزع ثيابها عنها فلم يتمالك أعصابه واقتحم الغرفة وهو يصيح بصوت جهوري غاضب: - يا مجرمة يا حقيرة ابعدي ايديك عنها بدل ما اقطعهالك. صرخت هايدي برعب لرؤيتها محمود يهجم عليها صافعًا إياها بقوة ودفعها بعيدًا عن سهر وجذب الدثار ووضعه فوق جسد سهر يحميه عن العين ليكشف عن جسد آدم النائم على الطرف الآخر فاعتدل وسب هايدي: - مكنتش اتخيل إنك واطية للدرجة دي. ترك سهر من يده وجذب هايدي من شعرها وصفعها مرة أخرى ليُفاجئه مازن بحقن هايدي بعنقها لتتهاوى أرضًا فاقدة الوعي فحدق به بدهشة وسأله: - أنت بتعمل أيه يا مجنون. أشاح مازن ببصره بعيدًا وهتف: - غطي سهر الأول وبعدين هقولك. أعاد محمود ملابس سهر كما كانت وحملها للخارج ومددها فوق الاريكة وعاد للداخل ليرى مازن يحمل هايدي ويضعها مكان سهر فسأله بريبة: - أنت ناوي على ايه. نظر له مازن بغموض وقال: - هقلب الوضع ودلوقتي تعالى ساعدني نلبس آدم ونطلعه برا. ساعد محمود ومازن آدم على الجلوس بمقعده ليراه يفيق من نومه فالتفت وحدق بوجه سهر فوجدها كما هي غافية فابتعد وسأل مازن بخوف: - هي سهر مفقتش ليه زي آدم أنا عاوز افهم في ايه. كان جواب مازن على محمود جذبه إلى الغرفة من جديد وشروعه بنزع ثيابه وقوله: - طلع موبايلك وصورني مع هايدي. ختم مازن قوله واقترب من هايدى فأشاح محمود بنظره عنهم واستدار مستنكرًا ما يحدث وقال: - أنا مستحيل أعمل اللي بتقوله أنت مجنون دي مهما كان بنت أزاي عايزني اصورها معاك وأنتم بالشكل دا. صرخ مازن بغضب فيه قائلًا: - لعلمك هي مكنتش هترحم سهر كانت هتيجي وأنتم بتكتبوا الكتاب وترمي الصور اللي هتاخدها لسهر وأدم أدام الناس وتفضحها وتقول إنها على علاقة بخطيبها الـ.... صمت مازن حين صرخ به محمود بغضب يمنعه من إكمال حديثه هاتفًا: - أنتم ايه مش بني ادمين أنا مش عارف أنتم بتفكروا أزاي، للدرجة دي سمعة البنات ملهاش قيمة عندكم. أغمض مازن عيناه بأسف وأردف: - أنا عارف أن الموضوع صعب بس أنا مقدرتش اسيبها تعمل كده هي البنت اللى خدرت آدم، بص يا محمود أنا لازم أكسر هايدي علشان متجيش جنب سهر تاني والصور اللي هنتصورها هي الوسيلة اللي هتحمي بيها خطيبتك من أي فضيحة خصوصًا لما تعرف أنها كانت ناوية تستغل أننا أقباط وأن سهر مسلمة وتشوه سمعتها وسمعتك. جلس محمود وقد شعر بقدميه عاجزة عن حمله وكاد يبكي من التفكير الشيطاني الذي وصلت له هايدي للانتقام من سهر، والذي يجهل لما تريد بشدة تدمير سهر هكذا فوقف مرة أخرى وقال بكراهية: - خلص وأنا هصوركم وربنا يعينك على التعبان اللي بين ايديك. غادر محمود الغرفة ووقف يحدق بآدم الذي حرك مقعده ليواجه سهر النائمة والغافلة عما يحاك لها في الظلام، وحين شعر آدم بوجود محمود أبتعد معتذرًا: - أنا مش عارف اعتذر لك على أيه ولا أيه، الحقيقة مازن لما قالي متخيلتش أن أقع بالفخ رغم حذري ومكنتش أعرف أن ليها مساعدة هتخدرني أنا كمان، عمومًا أنا اوعدك أني هجيب لسهر حقها من هايدي على كل اللي عملته. أجابه محمود وهو يشعر بغيرة تنهش قلبه لأقترابه من حبيبته: - أنا عاوز أفهم ليه كل دا وليه سهر بالذات وسهر أيه اللي جبها هنا من الأساس. قص آدم ما يعرفه عن خطة هايدى وذهابها إلى منزلها والمجىء بها لغرفته وخداعها لسهر وتخديرها لها، فاخبره محمود عما علمه عن داليا ليقف حين ظهر مازن ليقول الأخير: - أنا أسف يا آدم مكنتش أعرف حاجة عن داليا أنا افتكرت أن هايدي هي اللي هتخدرك، المشكلة دلوقتي أن سهر لو عرفت ممكن نفسيتها تتأذى فأنا شايف إن من الأحسن أنها متعرفش أي حاجة، ولو يسمح لي محمود أننا ناخد سهر واوصلهم للبيت وارجع لك تاني، بس توعدني أنك تفضل بعيد عن هايدي وعمومًا هي هتفضل نايمة لحد ما ارجع ووقتها نفكر هنعمل أيه. أغمض آدم عيناه حينما حمل محمود سهر بين ذراعيه وهمهم بصوتٍ منكسر وهو يستدير بمقعده عنهم: - مبروك جوازكم يا محمود وخلي بالك من سهر لأنها تستحق الأحسن وأكيد أنت الأحسن ليها. ------------------- جلست سهر تضم جسدها بين يديها وهي تستمع لحديث محمود مع والدته وكتمت صوت بكائها بعدما علمت ما كانت تنويه هايدي لها، وشعرت بالخوف والذنب حين أوضح محمود حقيقة ديانة آدم، فأخذت تبكي وهي تستغفر الله على حبها المحرم لآدم، وبعد بعض الوقت ولج محمود ليطمئن عليها فأدرك مما رآه أنها علمت ما يخفيه عنها فجلس بجوارها وقال: - احمدي ربنا أنه حفظك وسلمك، لإن لو هايدي عملت اللي كانت عوزاه مش عارف وقتها كان هيحصل أيه. نظرت له سهر بحزن وقد تناست حبه لها وقالت بتيه: - هو ليه بيحصل لي كل دا ليه يا محمود حياتي مش زي كل الناس، ليه مش من حقي أي حاجة ليه الإنسان اللي قلبي دق له طلع متحرم عليا، وليه هايدي عاوزة تأذيني كده وداليا أنا معملتش ليها حاجة علشان تساعدها، أنا تعبت من حياتي ونفسي أموت وأرتاح من عذابي دا. اجهشت سهر في البكاء غافلة عن محمود الذي صدم باعترافها أمامه بحبها لآدمو حاول أن يتمالك غيرته ويهدأ من تصاعد غضبه ولكنه لم يستطع وسألها: - أنتِ بتحبي آدم. حدقت سهر به بصدمة لتدرك أنها أعترفت دون أن تدري وتنهدت بألم لإحساسها بأنها لا تستطيع إكمال خداعه فهي لن تستطيع منحه الحب الذي يريده، فنزعت دبلته من أصبعها ومدت يدها بها إليه، حدق بها محمود ليفاجئها بأعادتها إياها مرة أخرى قائلًا: - هنسى اللي سمعته وهنسى إنك خلعتي دبلتي وهنسى إنك خرجتي مع هايدي من غير ما تتصلي تبلغيني، وهنسى أنك مش بتحبيني وهنسى كل حاجة وهبدأ معاكِ من جديد لأني عارف أنك صغيرة وأكيد آدم شغلك وأنتِ معندكيش أي خبرة فالدنيا، علشان تعرفي أن أنا بحبك وبعشقك ومقدر أنك صغيرة ودلوقتي يلا قومي أغسلي وشك وأنسي أي حاجة حصلت ولا أنتِ عاوزة هايدي تنتصر عليكِ وتضيع مننا اليوم. صمت محمود للحظات وعيناه تجول فوق ملامحها الحزينة وأستأنف قوله متعمدًا: - أنا كان ممكن اسيبك لحد إمبارح إنما بعد اللي حصل واللي عرفته مينفعش اسيبك، لأن لو سيبتك هايدي هتحاول تأذيكي، بصي يا سهر حبي ليكِ هيكفينا سوا وأنا مش عايز منك غير أنك تقبلي بوجودي فحياتك وصدقيني مع الأيام أنا هقدر اخليكِ تحبيني اتفقنا ولا أنتِ عايزة تزعلي الست الطيبة اللي برا اللي ماصدقت أن ابنها خلاص هيتجوز. همست سهر وهي تكفكف دموعها: - لا طبعا ميرضنيش اكسر خاطر خالتي صفية. ------------------------- عاد مازن ليتفاجأ بإختفاء آدم فأسرع إلى غرفه نومه ليجد هايدي كما تركها فغادر الجناح وحاول الاتصال به ولكنه لم يجيب على اتصالاته، في حين جلس آدم داخل سيارته فوق جبل المقطم شارد الذهن يفكر فيما حدث والقى نظرة إلى اتصالات مازن به واهملها وطفرت عيناه بدمعة خانت تماسكه المزيف فمسحها وهو يهمس: - لازم اكلمها ولو لمرة أخيرة واللي يحصل يحصل. مد يده وأجرى اتصاله بها، بينما كانت سهر لا زالت جلس في غرفة صفية بعدما تركها محمود وحين اهتز هاتفها رجف قلبها وعلمت أن المتصل هو آدم فابتعد عن هاتفها بخوف لتزدرد لعابها حين أتاها أشعارًا برسالة، مدت يدها المرتعشة والتقطت هاتفها وقرأت رسالته التي توسلها أن تُجيب اتصاله بها، وانتفضت حين عاود الاتصال وأجابته مُسرعة: - خير يا أستاذ آدم بتتصل ليه. تنهد بحزن لصوتها الفاتر وأجابها: - عارف أنك مش عايزة تكلميني ولا تسمعي صوتي وفاكرة أني كذبت عليكِ وخدعتك بس أنا مش هحلف علشان تصدقيني أنا هطلب منك تسألي قلبك وهو هيدلك على الحقيقة اللي عمرها ما هتغير حاجة فاللي جوايا ليكِ، سهر أنا لسه عند طلبي سيبي محمود وخلينا نتجوز أنا وأنتِ وصدقيني أنا هعرف أحميكِ من أي حد و... قاطعته سهر بعصبية: - أنت أكيد مجنون يا استاذ آدم اللي بتطلبه ده مستحيل حضرتك مسيحي وأنا مسلمة وجوازنا حرام وبعدين هتحميني أزاي وأنت معرفتش تحمي نفسك أو تحميني من اللي كان هيحصل لي بسببك من خطيبتك اللي بتحاول ترجعك ليها بأي طريقة حتى ولو على حساب سمعة غيرها. حاول آدم تمالك أعصابه ولكنه فشل تمامًا فأجابها بعصبية واضحة: - اولا هايدي مش خطيبتي أقسم لك أن أنا وهي سيبنا بعض من سنين ولو في حاجة فهي أوهام من ناحيتها، إنما أنا مش بحبها أنا بحب واحدة بس وأنتِ عرفاها كويس بصي يا سهر أنا هثبتلك وهثبت لأهلي فعاليا وللعالم كله أني بحبك وهعمل اللي مفروض يتعمل علشان اتجوزك، أنا هروح الأزهر وهعلن إسلامي وهتقدم لك رسمي بس أنتِ كمان لازم تعملي الخطوة اللي عليكِ وتسيبي محمود، سهر أنا مش قادر أعيش من غيرك أنا بحبك وحبك الحاجة الوحيدة اللي بتديني القوة، فخلي حبك ليا يقويكي صدقيني أحنا مش هنعمل حاجة حرام فاجوكِ يا سهر ساعديني. سلبها نبضة لا بل سلبها حياتها بأكملها أحقًا يريد أن يفعل هذا من أجلها، أيمكن أن يكون هناك حبًا كحب آدم لها ارادت أن تتأكد فهمست تسأله: - آدم أنا مش مصدقة معقول أنت عايز تاخد الخطوة دي علشاني، أنا أنا مرعوبة طيب أنت مش خايف. أجابها بثقة: - قلت لك حبي ليكِ مديني القوة ودلوقتي أنا عايزك تلغي كتب الكتاب وأنا زي ما قُلت لك هروح الأزهر وهاجي أتقدم لك ولو عيزاني اجيلك حالًا أنا مستعد. لم تدر سهر ماذا تفعل فصمتت تفكر لتعود وتخبره بحقيقة ما تشعر به: - أنا مش عارفة أعمل أيه ولا عارفة أفكر، أنا خايفة يا آدم لو رفضت محمود اكسر قلبه واكسر بخاطر عمي خميس وخالتي صفية و. اغضبه تخاذلها وضعفها فصاح بعصبية مقاطعًا لها: - سهر هما ولا أنتِ وأنا وحياتنا، هما وتعيشي حياتك تعيسة مع واحد مش بتحبيه ولا قادرة تحسي بيه ولا حياتنا سوا جوبيني يا سهر هتختاري نفسك وقلبك وحياتك ولا غيرك. كادت تجيبه ولكنها انتفضت بخوف حين أحست باقتراب أحدهم فأخبرته بصوتٍ خافت: - آدم وحياتي تقفل دلوقتي أحسن في حد جاي شوية وأنا هكلمك تاني معلش. أغلقت سهر هاتفها وبداخلها تشعر بتوتر يغمرها وازداد ما أن رأت خميس يستأذنها للدخول، فأذنت له وتعجبت لتجهم وجهه فأيقنت أن محمود أخبره ما حدث معها، ولكنها تفاجأت بصفية تتبعه وتخطتفها بين ذراعيها تبكي فعقدت حاجبيها وابتعدت عنها وسألتها: - بتعيطي ليه يا خالتي صدقيني أنا كويسة اطمني. التفتت صفية وحدقت بوجه زوجها المكلوم فازدرد خميس لعابه وأردف بصوتٍ حزين: - شدي حيلك يا بنتي. بادلت سهر بصرها بين وجه خميس وصفية وسألته بحيرة: - أنا مش فاهمة يعني أشد حيلي هو في ايه حصل يا خالتي. أجابها محمود بعدما رأى والده لا يقوى على أخبارها: - عمي رشدي يا سهر تعيشي أنتِ. بهتت ملامحها وتلفتت ببصرها بين وجوههم المكلومة لتنفجر فجأة في الضحك وهي تضع يدها فوق قلبها وتقول: - والله أنت هزارك بايخ يا محمود. احتضنتها صفية وهي تبكي وأردفت: - يا حبيبتي يا بنتي الصدمة مخلياها مش مصدقة، ربنا يلطف بيكي يا سهر ويصبرك وأنتِ مؤمنة بالله وعارفة أن الأعمار بيد الله وكل واحد له عمره. ابتعدت سهر عن صفية وحين تقدم محمود منها أشارت إليه ليبتعد عنها وهزت رأسها بالنفي وهتفت: - أنتم عاوزين تقنعوني أن الدنيا حرمتني حتى من الضل اللي كنت عايشة جانبه رغم أنه مكنش بيحبني، لأ أكيد الدنيا مش قاسية كده علشان تيتمني بالشكل، أنتم ليه بتكذبوا عليا على فكرة بابا ممتش هو عايش هو خرج الصبح بدري فمشوار، أنا أنا هنزل استناه فبيتنا تحت، بابا لا يمكن يموت طيب أزاي يموت وهو مخدنيش فحضنه وطبطب عليا زي ما كنت بدعي ربنا، أنا مش هصدق كلامكم أنا عارفة أنتم بتعملوا كده علشان هو مكنش راضي يجوزني لمحمود حرام عليكم تقولوا أنه مات بالكذب حرام. انهارت سهر بالبكاء تشعر بالقهر يأكل قلبها والحسرة فأخذتها صفية بين ذراعيها وضمتها إليها وأردفت: - وحدي الله يا بنتي وحدي الله. اجهشت بالبكاء وهي تختبأ بين ذراعي صفية بخوف وهتفت بقلب ممزق: - أنا عاوزة بابا يا خالتي بالله عليكِ خليني اروح له قوليله أني هعمل كل حاجة هو عاوزها بس ميحرمنيش منه قوليله يا خالتي بالله عليكِ يرجع لي وأنا مش هزعله تاني حتى لو عاوز يجوزني لفؤاد هوافق، هو زعلان علشان فؤاد مبيجيش من وقت ما محمود خطبني صح يا خالتي. ابتعدت سهر وحدقت بوجه صفية بتوسل وأضافت: - أنا تعبت ومبقتش قادرة أتحمل بجد تعبت. غادر محمود وخميس بينما جلست سهر تبكي برفقة صفية ليبادر خميس بسؤاله لمحمود: - قولي يا محمود الظابط اللي جه من القسم مقالش عمك رشدي مات أزاي. تنهد محمود بحزن وأجابه: - لا يا بابا هو قال لازم حد يروح القسم فأنا هروح وأشوف أيه الموضوع وأنت حاول مع ماما تهدوا سهر ربنا يلطف بيها. جلس محمود منتظرا أن يسمح له الضابط بالدخول ليغادر له أحد الضباط ويقول: - معلش هنتعبك معانا هتيجي معانا المشرحة تتعرف على الجث\ة ولما التحقيقات تخلص النيابة هتسمح لكم باستلامه ودفنه. سأله محمود بقلق: - تحقيق ليه حضرتك. نظر الضابط إلى محمود بأسف وهو يتحرك أمامه ليلحقه محمود ويسمعه يقول: - تحقيق علشان نعرف اتقت\ل أزاي ومين اللي قت\له ورماه فالطريق. --------------------- مر شهر وسهر معتزله الجميع أغلقت هاتفها وأغلقت عليها غرفة والدها تجلس بداخلها ليل نهار بعدما رفضت محاولات صفية بأن تجلس برفقتها، وكانت كلما حاول أحد أم يخرجها من حالتها تلك انغلقت أكثر خاصة بعدما علمت بأن والدها قُت\ل غدرًا وقُيدت الحادث ضد مجهول، وبالأعلى ولجت صفية إلى غرفة محمود ونظرت إليه بحزن وقالت: - يا ابني هو أحنا هنفضل سيبين البت لوحدها وقافلة على نفسها، يا ابني سهر عدمت تحت وبقت جلد على عضم أنا خايفة عليها لدرجة أني بنزل اطمن عليها كل شوية لتعمل حاجة فنفسها، بالله عليك يا محمود تحاول تتكلم معاها يا ابني أنت ساكت ليه هو أنت مش خطيبها أنا مش فاهمة أنت ليه سايبها لوحدها ما تتصرف وتعمل حاجة تخليها تخرج من اللي هي فيه ده. زفر محمود بضيق وقال: - تعبت يا أمي صدقيني تعبت من كتر ما حاولت وهي بترفض للأسف مافيش فايدة معاها إلا لو هي اللي عايزة تخرج من الحالة دي، دي بقت كل ما تشوفني تدير وشها ومش بتديني أي فرصة للكلام بتفضل تعيط وتطلب مني أرجع لها والدها الله يرحمه، وأنا مش عارف أعمل أيه معاها وزي ما أنت عارفة الحج مش راضي يخليني أكتب كتابي عليها بيقول لما تفوق لنفسها وتبقى بخير وأنه مينفعش تتجوز وأبوها لسه ميت، ولما قولت له طول ما هي خطيبتي مش مراتي مش هعرف أتصرف قالي لأ. عبست صفية وقالت: - طب والحل يا ابني البت بالشكل ده هتضيع مننا وذنبها هيبقى فرقبتنا بص أنا هكلم أبوك وأحاول أقنعه وهو هخليه يتكلم معاها بالعقل والدين وأكيد هيعرف يعمل اللي مش عارفين نعمله. وفي جناح الليل متخفيا متواريا سار بحذر شديد ودلف إلى المنزل يتلفت يمينا ويسارا ليطمئن ألا يراه أحد، أخرج مفتاح الشقة من جيبه وفتحه بهدوء وسار على أطراف أصابعه فتح غرفتها ولكنه لم يجدها فعبس وأخذ يبحث عنها فلم يبقى غير غرفه والدها فتح بابها بهدوء فرأها نائمة تحتضن ملابس والدها، أقترب ببطء من الفراش وأخرج من جيبه زجاجة سكبها منها فوق منديله ووضعه على أنفها، ولكنه تفاجأ بيدها تختطف المنديل وتلقيه بعيدًا عنها وقد تأثرت رأسها قليلًا بفعل المخدر، فزاغ بصرها وحين اوشكت على الصراخ هجم عليها مكممًا فمها وأخرج سلا\حه ووضعه فوق رقبتها مهددًا إياها قائلًا: - أيوة خليكِ بوعيك أحسن علشان تحسي بكل حاجة يا سهري. التاسعة. وهل ينسى الألم. ------------------------------- العمر ككل شيء في الحياة يمر ولكن الجراح لا تندمل فهي تترك أثرها بعمق الروح قبل الجسد، وجراح سهر بدأت من منذ ولادتها كأن الحياة لم ترغب بها يومًا فأرادت أذلالها فأحاطتها بنفوس قاسية بذلت كل ما فِي وسعها لأزهاق روحها، ولكن سهر واجهت كل جرح وضعف وكل كسر وقهر بابتسامة زادت من ندية الحياة لها وعدوانها عليها، لتُعلن سهر استسلامها وتقبلت تحطيم الحياة لقلبها وخضعت للضعف، فها هي وقد مرت عليها خمس سنوات تعيشها على هامش الحياة بعدما حاولت التخلص من حياتها عدة مرات قوبلت بالفشل والرفض من أن تدعها الحياة أن تستريح، كأن عذابها أصبح هو الغرام. وفي صباح يوم وقفت سهر تصيح بصوت منهزم وهي تتحدث بإنفعال مع محمود: - أنا عايزة أفهم أنت ليه مش عاوز تتجوز ليه مصمم تعذب نفسك معايا هتفضل سايب نفسك بالشكل دا قاعد زي العانس جنب واحدة متنفعش، يا محمود ارحمني واتجوز بلاش تفضل مشيلني ذنبك العمر كله، بص لخالتي صفية وحالها وكسرة نفسها عليك وأنت ليك خمس سنين متجوز ومعندكش عيال راضيها يا محمود. اعتلت ملامح محمود الألم والحزن كعادته وقال وهو يتمالك أعصابه معها كحاله دومًا: - وأنا مليون مرة أقولك يا سهر أنا متجوزك وأنتِ عندي بالدنيا وكفايا إنك فبيتي وبشوفك ومطمن إنك معايا وجانبي، ولما ربنا يريد أنتِ اللي هتكوني أم ولادي أفهمي كده ومتعمليش أمي حجتك أمي لو أنا قعدت العمر كله مستنيكِ ومعنديش ولاد عمرها ما هتقول حاجة فشيلي الفكرة دي من دماغك. تناسى محمود حالتها وأقترب منها يضمها بعدما أنهى حديثه معها فتجمدت سهر وبدأ تنفسها يسرع لتشرع في البكاء والكلام دون وعي: - لا أبعد أبعد متلمسنيش لا لا. ليتحول كلامها لصرخات فأبتعد عنها محمود بخوف وحاول أن يهدأ من خوفها وقال: - خلاص بعدت أنا أسف أهدي يا سهر وحياتي أهدي. لم تتمالك سهر نفسها فأنهارت أرضًا وهي تنتحب وتلطم وجهها فأتت صفية مسرعة تنهر محمود وتقول: - عملت لها إيه مش قلت لك كلامك معاها من بعيد أنت ليه مش مقدر اللي بنتى فيه روح اوضتك يا محمود وسيبني اهديها. أخذتها صفية بين ذراعيها وبدأت تقرأ لها آيات من القرآن حتى بدأت في الهدوء فرفعت سهر عيناها إلى صفية وقالت: - خليه يتجوز يا خالتي ورحمة عمي خميس خليه يتجوز أنا مش عاوزة أشيل ذنبه كفايه ضيع من عمره السنين دي وهو معايا لازم يفهم أني خلاص مبقتش أنفعه وحياتي يا خالتي قوليله يرحمني ويتجوز. دمعت عين صفية وقالت: - أنتِ عوزاه يتجوز عليكِ يا بنتي بقى في واحدة عاقلة تقول لجوزها كده. ابتعدت سهر عن ذراعي صفية وقالت: - أحنا مش هنكذب على بعض يا خالتي أنا عمري ما كنت مراته هو متجوزني علشان اللي حصل وأنا استحالة ابقى أنانية واسيبه يضيع حياته ويفضل موقف حياته علشاني، محمود لازم يعيش حياته مع واحدة تستحقه وتشرفه هو أنتِ يا خالتي مش عاوزة يكون لك أحفاد نسيتي وصية عمي خميس تربي ولاد محمود على الدين والحب. بكت صفية حينما تذكرت زوجها الراحل وقالت: - بتلوي دراعي يا سهر علشان اطوعك ليه كده يا بنتي. أجابتها سهر بتصميم: - علشان ده الصح يا خالتي ده اللي مفروض يحصل من. قطع عليها إكمال حديثها قول محمود: - انسي يا سهر أنا مش هتجوز عليكِ ومش عاوز عيال أنتِ ليه مش قادرة تفهمي إني بحبك وعلى قد اشتياقي ليكِ إلا أني مستعدة استناكي العمر كله لحد ما تقبلين فحياتك. خرجت صفية بهدوء حتى لا تسبب لهما حرجًا فسمعت سهر تقول بحزن: - ليه يا محمود ليه قابل بيا فحياتك بعد كل اللي حصل ليه مرمتنيش بطول دراعك وعشت لنفسك ليه قبلت تذل نفسك وتشيل عاري أنا مستحقش إنك تعيش بالشكل ده، أبوس أيدك اتجوز وخلف وملكش دعوة العروسة مش هتحس أني موجودة مش هتحس أنك متجوز غيرها اصلآ أرجوك يا محمود متعذبنيش أكتر من كده. صرخ بها محمود وقد أعماه غضبه فقبض على كتفيها يهزها بقوة متناسيا خوفها ورعبها ولكنه تألم من حديثها وطلبها الزواج من أخرى فأراد أن يؤلمها باقترابه منها وقال: - أنا اللي بعذبك أنتِ مش حاسه مين فينا اللي بيتعذب أنا اللي بموت كل يوم وأنا شايفك نايمة فحضن أمي ومش قادر ألمسك وأنتِ حلالي ومراتي، أنا اللي بموت لما كل ما أقرب منك تصرخي أنا اللي بحبك وأنا عارف ومتأكد أنك مش بتحبيني ولسه قلبك معاه حتى بعد السنين دي أنا حاولت معاكِ كتير ومستعد أحاول بس أنتِ اديني فرصة اداويكي اديني فرصة انسيكي اللي حصل بس أنتِ اللي رافضة ومش عاوزه ورغم كده بردوا مش عارف أكرهك ولا اسيبك كل ما تبعدي عني بقرب أكتر منك أفهمي بقى وحسي بيا وبحبي ليكِ. بكت سهر وهي تتلوى بين يديه تحاول إبعاد قبضتيه عن كتفيها فدفعته عنها بعنف وقالت: - وأنا مش قادرة أنسى مش قادرة غصب عني يا أخي حس بيا أنا اللي عشت اللي حصل مش أنت أنت عمرك ما هتعرف أنا بكره نفسي قد إيه كفايه إن كل ما أشوف نفسي افتكره وافتكر الذكرى اللي سيبهالي فجسمي، عاوز تكمل جوازك مع مين معايا أنا اللي بقيت متشوهة من جوا روحي ومن جسمي حرام عليك نفسك وارحمنا سوا، بص يا محمود أنت لو متجوزتش وعشت حياتك يبقى تطلقني وملكش دعوا بيا إن شا الله أموت حتى خلاص أنت أنقذتني مرة وكفايه أوي لحد كده أنا مبقتش العيلة الصغيرة بتاعت زمان أنا كبرت وعجزت وشخت من جوايا واطمن أنا حتى الحب مبقتش قادرة عليه لأن قلبي مات زي روحي ما ماتت. تركته سهر ودخلت إلى غرفة صفية لتغلقها على نفسها مانعة دخول أحد إليها، نظر محمود إلى والدته التي جلست بجانب النافذة تنظر إلى البحر وقالت: - أسمع كلامها يا محمود واتجوز سهر معاها حق عيش حياتك العمر بيتسرق منك وكفايه إنه اتسرق منها. جلس محمود أسفل قدمي والدته وانخرطت فِي بكاء مرير فانفجرت صفية هي الاخرى بالبكاء وسمعت محمود يقول: - مش قادر أشوف غيرها يا أمي مش قادر أفتح قلبي لواحدة تانية صدقيني هظلم أي واحدة تدخل حياتي غير سهر هي شيفه إني أتجوزتها علشان أستر عليها ونسيت إني بحبها وإن مهما حصل عمري ما هحملها ذنب اللي فات أبدا كلميها يا أمي خليها توافق تروح للدكتور النفسى أنا متأكد إنها لو قبلت هتبقى كويسة وترجع تحب الحياة تاني وتعيش أنا مستعد استناها فوق الخمس سنين العمر كله بس تحبني. رفعت صفية وجه إبنها ومسحت عنه دموعه وقال: - سهر اختارت تعيش كده يا محمود علشان تحمي نفسها قبلت باللي الدنيا عملته فيها وأنت لازم تفكر فنفسك فرحنيى يا ابني قبل ما أموت أني أشيل عيالك وحياتي يا ابني ولو ليك نصيب مع سهر هتلاقيها رجعت لك. حدق محمود في والدته وقال: - أنتِ اخدتي صفها وعاوزاني اتجوز يا أمي. تنهدت صفية وقالت: - أبوك نفسه لو لسه عايش كان هيوافق على كلام سهر اتجوز يا ابني قبل ما تلاقي نفسك عجزت وملكش عيل يقف جانبك فالدنيا. وقف محمود وتوجه إلى غرفة سهر وطرق الباب وقال: - افتحي يا سهر أنا أنا هنفذ اللي انتو عوزينه. فتحت سهر الباب ووقفت تنظر لمحمود بحزن وقالت: - وعروستك عندي يا محمود وتتمنالك الرضى ترضى. ------------------------ وهناك في أمريكا جلس خلف مكتبه يتابع سير عمله بعدما استقر هناك منذ سنوات وتفاجأ بباب مكتبه يفتح دون إذن فدخل مازن كما تعود فرفع آدم عيناه عن الأوراق التي يقرأها ونظر إليه وقال: - المرة الجاية هسيب خبر عند الأمن تحت ينمع دخولك المؤسسة علشان أرتاح من دخولك بالشكل ده عليا. ضحك مازن وقال: - متقدرش على فكرة أنا عارف إنك بتحبني قد إيه يا دومي. قام آدم من على مقعده ووقف أمام مازن وقال بضيق: - جاى ليه يا مازن أنت ليك شهرين مختفي ودلوقتي ظهرت أنا نفسي أعرف بتختفي بالشهور وترجع تظهر مرة واحدة وكل مرة معاك مصيبة شكل. ضحك مازن بمرح وقال: - لا والمرة دي المصيبة حلوة مفاجأة اللي قاعد أدامك دا بقى أب يا آدم. حدق آدم بمازن وضيق ما بين عيناه ونظر له بحيرة وقال: - بقيت أب أزاي هو أنت أتجوزت أمته ومين ولحقت تخلف كمان أنا بجد مبقتش فاهم أنت عايش حياتك إزاي. رفع مازن عيناه لآدم وقال: - طيب أقعد وأنا هقولك بس عاوزك هادي وتسمعني بالراحة. ابتسم آدم بسخرية وقال: - طالما بديتها كده يبقى الكلام الجاي مش هيعجبني اتفضل عرفني مخبي إيه يا مازن. ابتلع مازن ريقه وقال بقلق من ردة فعل آدم: - أنا اتجوزت هايدي من سنتين. وقف آدم بحدة وقال: - أطلع برا يا مازن ومتجيش المؤسسة تاني. وقف مازن بأرتباك وقال: - يا آدم هايدي اتغيرت اللي حصل لها بسببي كسرها وكسر غرورها وذلها صدقني هايدي بقت واحدة تانية. رفع آدم يده ليوقف مازن عن إكمال حديثه وقال: - مش عاوز أعرف أي حاجة وطالما أنت على صلة بيها فأنا ميشرفنيش أني أعرفك أنت كمان. تنهد مازن بيأس وقال: - اسمعنى يا آدم أنت ليه مش مصدق إنها اتغيرت يا آدم كلنا اتغيرنا أنت نفسك اتغيرت وغيرت حياتك 180 درجة أنسى اللي فات بقى و. قاطعه آدم بحدة وعنف وقال: - أنسى اللي فات أنسى إيه يا مازن أنسى إنها ضيعت مني حياتي أنسى إنها ساعدت أبوك وفكت فرامل عربيتي وعملت الحادثة وأنت اللي اتحملت الذنب بدلهم، أنسى أنهم سرقوني أنا اللي هنساه حاجة واحدة وهي أني أعرفك أطلع برا يا مازن ومترونيش وشك تاني. توجه مازن برأس منكسة للباب وقال: - لو فكرت فيوم تتعرف على ابني آدم هتلاقيني فبيتي فمصر وشكرا يا ابن عمي. أجابه آدم بحدة ليؤلمه فقال: - أنا مش ابن عمك يا مازن أنت أسمك مازن غسان وأنا آدم محمد. و أدار وجه له ليسمع باب مكتبه يغلق فجلس آدم على مقعد مكتبه دافنا رأسه بين كفيه وهو يهمس: - أنتِ فين يا سهر ضيعتي مني فين وضيعتي عمرى وراكي. ------------------------ طرقت هدى باب شقة سهر ففتحت صفية لها، فنظرت هدى لها وابتسمت وقالت: - السلام عليكم يا طنط صفية حضرتك عاملة إيه النهاردة. ابتسمت صفية لهدى وقالت: - الحمد لله يا بنتي أنتِ عاملة إيه ووالدتك أخبارها إيه. أجابتها هدى برقة وقالت: - الحمد لله بتسلم على حضرتك كتير إنما فين سهر كنت عايزة استلف منها رواية. ابتعدت صفية عن الباب وهي تقول: - ادخلي يا هدى هي قاعدة فالبلكونة. دخلت هدى وهي تنظر أرضا بخجل وتوجهت إلى البلكونة فشاهدت سهر شاردة تنظر للبحر فقالت وهي تحتضنها من الخلف: - سرحان فايه يا جميل. هبت سهر وهي تصرخ وترتعد خوفا ونظرت لهدى وعيناها مليئة بالذعر فتفاجأت هدى من ردة فعل سهر وتراجعت لتجد صفية تدخل بسرعة وتضمها لصدرها قائلة: - أهدى يا بنتي دي هدى بتهزر معاكِ. تنهدت سهر وهي تتشبث بحضن صفية وابتعدت ببطء وصدرها يعلو ويهبط بحدة فزدادت دهشة هدى وقالت: - أنا آسفة والله مكنش قصدي أبدا اخضك بالشكل ده سامحيني يا سهر. حاولت سهر تمالك نفسها ورسمت ابتسامة باهتة على ملامحها لم تصل إلى عيناها وقالت بتعب: - معلش يا هدى أنا اللي أسفة كنت سرحانة تعالي ندخل جوا متخافيش محمود فالشغل ولسه وقت على ما يرجع يعني هتبقى براحتك. أحمر وجه هدى ودق قلبها بقوة حين سمعت اسم محمود وحاولت إخفاء احساسها وخفضت عيناها لتتنهد بحزن وتدخل خلف سهر وصفية فقالت وهي تجلس بجانبها: - أنا كنت جاية أخد الرواية وهطلع على طول علشان ماقولتش لماما أني هتأخر كمان علشان خالي جاي من القاهرة وطالب كيكة شيكولاته مخصوص فعملها له. ابتسمت سهر وقالت: - طيب خليكِ شوية أنا هتصل بطنط وأقولها إنك قاعدة معانا شوية ولا إيه يا خالتي. نظرت سهر لصفية وغمزت بعيناها فحدقت فيها صفية ثم ابتسمت وقالت: - تصدقي معاكِ حق يا سهر. واقتربت من هدى وربتت على ظهرها بحنو وقالت: - على ما سهر تجيب لك الرواية هعمل لنا شاي وادوقك كيكة سهر ونشوف بقى عمايلك ولا عمايل سهر. ابتسمت هدى بخجل فأستئذنتها سهر ودخلت إلى غرفتها وهي تنظر للساعة وجلست على فراشها تحتضن الرواية وتنتظر. دخل محمود إلى الشقة وهو ينادي: - يا صفصف يا قلب محمود يا سهر أنتم فين. صمت محمود حين شاهد هدى تقف بارتباك وتنظر للأرض فقال: - ازيك يا آنسة هدى. همست هدى بصوت منخفض مرتبك وقالت: - الحمد لله ازي حضرتك. استدار محمود عنها وقال: - الحمد لله إنما الجماعة فين وسيبينك لوحدك كدا. أجابته هدى وقالت: - طنط فالمطبخ وسهر بتجيب لي رواية. التفت لها محمود وقال: - طيب اتفضلي اقعدي واقفة ليه. واستئذن منها وهو يدخل إلى غرفة أخرى فتعجبت هدى لما لم يدخل إلى نفس الغرفة التي دخلتها سهر لتفيق على صوت صفية يقول: - اتفضلي يا بنتي اومال أنتِ كنتِ بتكلمي مين. أجابها محمود وهو يخرج من غرفته: - بتكلمني أنا يا أم محمود أومال فين سهر. أشارت صفية إلى الغرفة وقالت: - جوا يا حبيبي. استئذن محمود منهم وطرق باب الغرفة ودخل فشعرت هدى بالغيرة فوقفت فجأة وهي تشعر بألم وقالت: - أنا هطلع علشان ألحق أخلص الحاجة قبل خالي ما يوصل وهبقى أنزل وقت تاني أخد الرواية أبقى سلمي لي على سهر يا طنط. خرجت سهر وخلفها محمود لتقول سهر بارتباك: - معلش اتأخرت عليكِ أصل مكنتش لاقية الرواية اتفضلي يا هدى. أخذت هدى الرواية وغادرت مسرعة مغمضة عيناها عن قرب محمود من سهر بتلك الطريقة، مال محمود برأسه لرقبة سهر وقال بهمس: - حركاتك مقفوشة وانسي هدى متنفعش يا سهر. ابتعدت سهر بخوف عن محمود وهي تلف يدها تحتضن نفسها وقالت: - بالعكس هدى هي اللي تنفعك لانها بتحبك اديها وادي نفسك الفرصة وهتشوف. استشاط محمود غضبا فدفع المقعد من أمامه للارض بحدة وتحرك إلى باب الشقة مغادرا وهو يغلق الباب بقوة، فنظرت سهر إلى صفية وقالت وهي تشعر بألم فِي قلبها: - بكرة دماغه تلين ويوافق لازم يوافق علشان مصلحته. تفرست صفية في ملامح سهر وقالت: - بذمتك مش غيرانة إن واحدة تانية هتاخد منك جوزك وتشاركك فيه. استدارت سهر لتخفي ملامحها عن صفية وقالت: - محمود مش جوزي يا خالتي ولا عمره هيكون أحنا جوازنا هيفضل على الورق وبس وهدى فرصة محمود علشان يعيش فبلاش كلامك ده يا خالتي عن اذنك. دخلت سهر غرفتها وجلست على الفراش واختطفت إحدى الوسادات لتكتم نجيبها وصراخات الألم التي تمتلىء بها فقلبها يشتغل بالألم على حالها فهي حاولت كثيرا أن تتقرب من محمود ولكن جسدها يرفض بشدة هذا التقارب فتتجمد غصبا ويتملكها الرعب والفزع فلا تشعر بصرخاتها التي أصبح محمود يخشاها حتى لا يتساءل الجيران عن صرخات زوجته فأدركت أنها لن تستطيع أن تكون تلك الزوجة التي يتمناها محمود فقررت محاربته ليقبل بزواجه من أخرى حتى وإن كان قلبها يشعر بالألم لتعودها على حنانه ومعاملته الطيبة لها. ---------------------------- لم يدر آدم إلى أين يذهب فبعدما طرد مازن من مكتبه وقرر إبعاده عن حياته لما فعله احس بالذنب لمحبته لمازن الذي سانده كثيرا وبحث معه عن سهر كثيرا ووقف بجانبه داعمًا لكل قرارته التي اتخذها بعدما يأس من إيجادها، ليسافر معه إلى أمريكا بعدما أشهر إسلامه في الأزهر الشريف ليخوض تلك الجراحة التي لم يصدق أنها ستعيد له قدرته على الحركة وانطلق معه فِي رحله استشفائه خطوة بخطوة والذيى ضحى بالكثير من الوقت ليكون بجانبه، وها هو الآن يطرده وينفيه بعيدا عن حياته فقط لانه أختار ما يريده فهو يعلم جيدا أن مازن لن يتزوج إلا إذا أحب ولكنه لم يتخيل للحظة أن يربط مازن حياته بهايدي تلك الفتاة الفاسدة المتبجحة، تنهد آدم ونظر حوله ليرى أنه يقف أمام الفندق الذي يقطن فيه مازن فنزل من سيارته ودلف إلى مكتب الاستقبال وسأل عنه ليعلمه الموظف الذي ما أن رآه حتى ارتبك فآدم يعتبر أحد مستثمري، صعد آدم بعدما حذر الموظف من إبلاغ مازن بوجوده وأخذ منه المفتاح الماستر، وقف آدم يشعر بقلق مفاجأ ففتح باب الغرفة فوقف مصدومًا بعدما شاهد هايدي تجلس أسفل قدم مازن وتقبل يده معتذره، التفت مازن فرأى آدم فوقف سريعًا غافلا عن هايدي التي اسقطها أرضًا فابتسم آدم بسخرية وقال: - حاسب مراتك يا ابني وبعدين فين الواد اللي سميته على اسمي. أسرع مازن واحتضن آدم وهو يمسح الدمعة التي فرت من عيناه ويقول: - أنا كنت عارف أني مش ههون عليك. والتفت إلى هايدي التي مأزالت على حالها تجلس أرضًا وتنظر أرضًا حرجًا من آدم، فدفعه آدم عنه وقال: - قوم مراتك وهات الواد علشان يتعرف على عمه ولا أنا مش عمه يا مازن. تنهد مازن براحة وقال وهو يساعد هايدي لتقف: - أنا يشرفنى إنك تبقى عم ابني يا آدم. و احتضن هايدي التي لم تستطع رفع عيناها وقال لها: - هاتي آدم من جوا يا هايدي. أسرعت هايدي لتدخل إلى غرفة النوم الأخرى وحملت طفلها النائم بحب وخرجت لتقترب من آدم بأرتباك وقالت: - سامحني يا آدم. تنهد آدم ومد يداه ليأخذ من هايدي الصغير ولكنه لم يستطيع النظر إليها فتحرك بعيدا عنها وجلس على أقرب مقعد وهو يضحك للصغير ويضمه إلى صدره فتسللت هايدي إلى غرفتها وهي تبكي فدخل مازن خلفها وقال: - متعيطيش يا هايدي أنتِ عارفة كويس أن آدم مش هيسامحك بسهولة اللي عملتيه فيه مش سهل. ربت مازن على رأس هايدي التي أرتمت تبكي بين ذراعيه ليسمعا آدم يقول: - يا أبو آدم أنت يا فاشل تعالى خد ابنك الظاهر انه عملها. خرج مازن وهو يضحك على ملامح آدم التي امتعضت من رائحة ابنه ليحمله بحنان وحب ويقبله ويقول: - بكرة لما تبقى أب مش هيهمك أي حاجة غير إنه يكون فحضنك وبس. قطب آدم حاجبيه وأغمض عيناه وقال وهو يحتوي ألمه في صدره: - أنا همشي وأبقى خليني أشوفك قبل ما تختفي تاني. خرجت هايدي مسرعة وقالت ترجوه: - آدم وحياة سهر عندك تسامحني و. عبس مازن لاختيار هايدي تلك الكلمات التي غيرت ملامح آدم لغضب أسود جعلها تصمت وتبتلع باقي كلماتها خوفا فأقترب منها آدم ليقبض على ذراعها ويقول منفعلا: - اسم سهر أطهر من إن لسانك ينطق بيه ومتفتكريش إنك علشان عرفتي تخدعي مازن هتخدعيني أنا كمان وانسى اللي عملتيه وحتى لو نسيت وسامحتك فأنا مستحيل أسامحك على كنتِ هتعمليه فسهر. وترك ذراعها كأن لمستها بعثت في نفسه السقم وترك الغرفة صافقا الباب بقوة خلفه فنظر مازن إليها وهي تبكي وتقول: - أنا فعلًا اتغيرت ولو كنت عرفت مكان سهر كنت هخليها تسامحني صدقني يا مازن أنا مبقتش هايدي بتاعت زمان. احتضنها مازن وهو يشعر بالأسف على حالها ولكنه ألتمس لآدم العذر فجراحه لم تندمل بعدما فقد سهر ولم يعثر عليها. ------------------------- مر الأسبوع وسهر وصفيه تحاولا بشتى الطرق إدخال سيرة هدى في كل حديث يدور مع محمود حتى سأم ألحاحهما عليه فقال وهو يجلس بجانب صفية ويحدق بسهر البعيدة عنه: - بجد أنتم الاتنين تزهقوا أنا خايف أنام تطلعولي فالحلم وتتكلموا عنها كفايه كده بجد علشان الموضوع بقى بايخ، لانكم مش واخدين بالكم إن والدة هدى هترفض تجوز بنتها لواحد متجوز لا وتعيش معاه هو ومراته وأمه أنهي واحدة فالدنيا هتقبل بالكلام ده ولا بالوضع ده. نظرت سهر إلى صفية فهي لم تفكر في تلك النقطة فقالت سهر بهدوء خشية انفعال محمود: - بسيطة أنقل أنا وخالتي صفية لشقة تانية وأنت أتجوزها هنا و. هب محمود واقفا وهو يقول بحدة فخافت سهر من نظراته: - كلمة زيادة أقسم بالله ما هيعدي الموضوع على خير أنا استحالة اسيبكم تعيشوا فمكان مكنش موجود فيه وطالما أنتم قررتم إني اتجوز أنا شرطي إن كلنا نعيش سوا فمكان واحد عجبكم على كده أهلا وسهلا مش عجبكم أنا مرتاح من غير جواز عن اذنكم. عبست سهر وهي تنظر لصفية ثم لمحمود الذي دخل غرفته واغلق خلفه الباب وقالت: - وبعدين يا خالتي ابنك حط لنا العقدة فالمنشار هنتصرف أزاي. أجابتها صفية بهدوء: - هنكلم هدى وأمها ونشوف لو رفضت وقتها يحلها ربنا. تنهدت سهر وأردفت بتصميم: - لازم توافق يا خالتي ولازم محمود يتجوز حتى لو حكمت على طلاقي منه. عقبت صفية تثنيها عن حديثها ذاك: - استعيذي من الشيطان يا سهر ولمي الدور وكفايه إنه وافق ولو على موضوع العروسة ده قسمة نصيب وسبيه على ربنا. نفوس قاسية بقلم منى_أحمد_حافظ العاشرة .لم أنسى. ----------------------- لماذا أدخلتني في تلك الدوامة الطاحنة لمشاعري ولم تراعي قلبي الذي يفيض بحبها فقط أيعقل أن تكون حتى اللحظة لم يشعر بي قلبها، أيعقل ولم تتحرك مشاعرها تجاهي أنملة، ألهذا الحد حبي لها شفاف لم تراه لتجبرني على الزواج من غيرها، ألهذا الحد وصلت قسوتها بي لتختر لي زوجة تشاركني الحياة بدلا منها، زوجة يصبح لها حقًا في قلبي ولها حق في تملك جسدي، أيتحمل قلبها تلك القسوة منها لتنفض أمري هكذا، كيف لهذا القلب البريء الذي سحقته الحياة بقسوة باردة أن يظلم بمثل هذه القوة، إنه خطأي وحدي فأنا من سلمتها قلبي لتحطمه أسفل قدميها فلم تراعي عذابي وهي أمامي ولا أستطيع لمسها وأنا صاحب الحق فيها، ولكن أنسيت ما حدث لها ما عانته وأنت لم تستطع الحفاظ عليها ولا حمايتها كيف لم تشعر بعذابها وهو يجردها من براءتها ويتركها جث\ة مشوهة بلا روح، أنسيت صُراخها الذي ابكَ الحجر والبشر في المشفى وهي تنبش بأظافرها جسدها تحاول محو أثاره عنها أنسيت كيف حاولت مرارًا إزهاق روحها لتنقذها طبيبة تارَة وينقذها أباك تارَة وأنت غافل عنها، كيف لك أن تحاسبها وأنت ابتعدت عنها وهربت منها كأنها المذنبة ألم تتنكر لها وتنبذها ألم تراها في ذلك اليوم جسدًا ملوث أبت نفسك أن تمسه وعفت عيناك عن النظر أليها، ولولا صفعة أباك ما كنت عدت إلى رشدك وعدت إليها ولكن طعنتك لها أغلقت في وجهك ذلك الثقب الذي أرادت منك أن تدلف منه إليها فتركتها جريحة الروح تنزوي حول نفسها فأصبحت كتلة صماء لا حياة لها، أنت لم تخسرها وحدها في ذلك اليوم بل خسرت والدتك أتذكر قولها لم تعد ابني فمن حملته بين أضلعي لا يتجبر هكذا، واليوم تفتح لك أملًا لتخلصك من وزر زواجك منها تمد لك يدها لتدعك تعيش الحياة قبل أن تضيع منك هباء، ماذا دهاك يا محمود أستنصاع لطلبها وتنفذ لها رغبتها الوحيدة ورجائها، لا أنا لست بمثل هذه الشجاعة لأرحل عنها إلى أخرى أبثها الحب والغرام كيف أفعلها وهي تنام بجواري يفصلنا ذلك الجدار، كم أود أن احطم ذلك الجدار الذي شيدته حولها لتمنعني عنها كم أود أن اخطفها لأحضاني أنسيها الماضي أطهرها من دنس عار ليس لها ذنب به آه لو تعطني فرصة واحدة فقط فرصة، أنتفض محمود على صوت زميله في مكتب المحاسبة الذي يعمل به منذ خمس سنوات بعدما أتى إلى الإسكندرية مهاجرًا من القاهرة، أعاد صوت أحدهم الوعي لمحمود ليُدرك مكانه فالتفت يحدق بوجه زميله بحيرة وبعد لحظات اعتذر منه وسأله عما يُريده: - أنا أسف يا أشرف سرحت شوية المهم أنت كنت بتقول إيه. ابتسم أشرف بتفهم وأردف يسأله: - بسألك إن كنت هتوافق على الأنتداب لفرع الشركة في القاهرة ولا هترفض زي كل مرة. أجابه محمود وهو يفكر بأمر سهر وحياته معها: - ما أنت عارف مش هقدر أسافر وأسيب أهلي لوحدهم فأكيد هعتذر زي كل مرة. ترك أشرف مقعده واقترب من محمود وأردف يحثه على قبول الأنتداب: - بس دي فرصة كويسة أوي ليك يا محمود وأنت بصراحة محاسب شاطر جدًا وهما كل سنة يطلبوا منك تسافر شهرين للفرع الرئيسي، فبلاش تضيع منك الفرصة علشان دي ممكن تغير مستقبلك كله ، فياريت لو تفكر كويس قبل ما ترفض بدل ما تندم. زفر محمود وأغمض عيناه وهمس محدثًا نفسه: - وهو أنا لسه هندم أنا للأسف ندمت واللي كان كان وخسرتها. ليعود محمود وينتبه لصوت زميله أشرف وهو يقول: - لا أنت مش معايا خالص وحالتك حالة أيه يا صاحبي أوعى تكون بتحب جديد. ابتسم محمود بأسف وحدق بوجه أشرف وقال: - أنا هقوم أخد إذن وأروح لإني حاسس بتعب ومش قادر أركز. وبالمنزل وقفت سهر تحث صفية على ارتداء عبائتها بقولها: - يلا يا خالتي علشان نلحق ننزل قبل ما محمود يجي ويعملها حكاية. رمقتها صفية بنظرات سخط عبر المرآة وأردفت باستنكار: - ومالك مستعجلة على إيه تصدقي أنا اللي اسمي أمه مش عاوزة الموضوع ده يتم، وبعدين أنا مش مصدقة بقى معقول أنتِ هتقدر تخرجي برا باب البيت وأحنا ياما اتحيلنا عليكِ تنزلي حتى تقعدي على البحر شوية معانا ومكنش فيه على لسانك غير لاء وأنتِ عارفة بقى اللي بيحصل بعدها. أغمضت سهر عيناها هربًا من تحديق صفيه بها وهتفت بصوتٍ حزين: - علشان خاطر محمود أنا ممكن أرمي نفسى فالنار يا خالتي، المهم أنه يفوق لنفسه ويتجوز علشان أنا نفسي أبقى عمة أوي. شهقت صفية وضربت على صدرها بيدها وهتفت بعتاب: - عمة ودي تيجي أزاي يا سهر ومحمود جوزك مش أخوكي، يا بنتي ما أنتِ لو حاولتي تدي نفسك فرصة وتنسي بدل ما هتبقي عمة زي ما بتقولي هتبقي أنتِ اللي أم وتفرحيني وتفرحي محمود. غامت عين سهر بالدموع وأردفت وهي تبتعد عن صفية: -أنا معدتش أنفع يا خالتي وبلاش السيرة دي بالله عليكِ أقولك أنا هستناكي برا على ما تجهزي. أنهت صفية ارتداء ثوبها وهي تشعر بالحزن على حال سهر وغادرت غرفتها وأبتسمت لها وأردفت: - يلا يا سهر أنا خلصت. توجهت صفية إلى باب الشقة ووقفت تنتظر سهر التي تقدمت إليها ببطء لتقف أمام الباب المفتوح وتتجمد وقد تبدلت ملامحها، ليحتلها الرعب وارتفع صوت تنفسها وبدأت تتراجع إلى الخلف مرة أخرى وهي تهز رأسها بخوف لتتفجر دموعها وهي تهتف بذعر: - أنا مش عارفة أتحرك وومش قادرة أخرج، أنا مش هقدر يا خالتي صدقني مش هقدر أ. لم تستطع سهر إكمال جملتها وجلست أرضًا بعدما خانتها قدميها ولم تستطع حملها وأحاطت رأسها بكفيها واجهشت في البكاء حينها اغلقت صفية الباب سريعًا وجلست بجوار سهر واحاطتها بذراعيها وهتفت تقول: - طب أهدي يا بنتي وبلاش منه المشوار ده ومتجيش على نفسك بالشكل ده. غاب عنها أدراكها وأستولى عليها الهذيان وأخذ جسدها يرتحف بين ذراعي صفية وصوتها يردد: - هو قال لي أنه هيوصل لي تاني لما جالي المستشفى وحلف أنه مش هيسبني وهيرجع تاني، هو قال يا خالتي أنه هيرجع وو، لا ابعديه عني وخبيني منه يا خالتي أبوس أيدك متسبيهوش يعرف مكاني وخبيني جوا حضنك أوعي تسبيني يا خالتي. أدمى هذيان سهر قلب صفية فانهمرت دموعها شفقة وحزنًا على حال سهر وشددت من احتضانها لها لتطمئنها أنها لن تتركها أبدًا، وحين فُتح الباب صرخت سهر بذعر وانتفض جسدها وتشنج لينتهي بفقدانها للوعي فالتفتت صفية صوب ابنها الذي جمده رؤيته لحالة سهر وصاحت: - ألحقها يا ابني وشيلها معايا دخلها جوا. أحس محمود بقلبه يتمزق فقد وقف مصدومًا بما سمعه قبل أن يفتح باب الشقة، وانحنى وحمل سهر ووضعها فوق فراشها بغرفة والدته، ورأى والدته تحمل زجاجة العطر تحاول أفاقتها ولكنها أستمرت على حالها غائبة عن الوعي فصرخت صفية بوجه محمود تقول: - أعمل أي حاجة البت هتضيع مني روح شوف دكتور ولا أي حد أتصرف يا محمود. أسرع محمود وغادر وهو لا يرى خطواته بسبب خوفه ليرتطم بقوة بجسد هدى التي كانت تهم بالصعود فوقعت أرضًا ووقف محمود يحدق بها بأسف وانحنى وساعدها على الوقوف واعتذر منها هاتفًا: - أنا أسف يا هدى معلش مأخدتش بالي أنك طالعة. أحست هدى بحرارة تغزوها أثر قربه الشديد منها وأجابته وهي تبعد عنه بحرج: - حصل خير يا أستاذ محمود بس مالك في حاجة حصلت. زفر محمود بحزن وأجابها: - سهر تعبانة ومغمى عليها فوق وأنا رايح أجيب لها دكتور. أوقفته هدى قبل أن يتحرك وهتفت بقولها: - وتشوف دكتور ليه أطلع حضرتك وأنا هنادي على خالي حمدي ينزل يشوفها ويطمنك عليها. مد محمود يده بتلقائية وأحتضن كفها وقال: - بجد يا هدى أنا بشكرك جدا وحقيقي مش هنسى لك المعروف ده. وتركها وصعد سريعًا ووقفت هدى تنظر لكفها بذهول وبعد ثوان انتبهت لحالها وأخرجت هاتفها وهاتفت والدتها وأخبرتها بما حدث وطلبت منها أن ترسل خالها إلى شقة محمود، وصعدت هدى ووجدت خالها يقف أمام باب محمود فابتسمت له وطرقت الباب ليفتح محمود وعلى وجه علامات القلق والخوف فأشار لحمدي إلى غرفة سهر وحين ولجا سويًا هتف محمود بقوله: - الدكتور وصل يا أمي أبعدي وخليه يشوف سهر ويطمنا عليها. اقترب حمدي وأبتسم يطمئن والدة محمود ونظر إلى سهر فشعر لوهله برجفة تسير بجسده لمرأها، فهي كانت كلوحة تجذب العين إليها بشعرها المنثور حولها بعشوائية وعيناها المغمضة وملامحها الرقيقة التي رغم فقدانها للوعي ترتسم عليها الحزن بوضوح، جلس بجانبها ينهر نفسه لتفكيره بها وغض بصره عنها وبدأ في أفاقتها، في حين حدقت هدي بوجه محمود وأحست بالغيرة عليه لخوفه على سهر حينها لم تدر أنها اقتربت منه وحين التفت إليها ابتسمت بحرج وأردفت: - اطمن إن شاء الله سهر هتفوق وهتبقى بخير ربنا يقومها ليك بالسلامة. أحست سهر بأن هناك من يحثها على الاستيقاظ رغمًا عنها فعقلها يرحب بتلك الغفوة التي تريحه من الضغوط التي تثقله بالتفكير، يخبرها بأن تظل داخل تلك الهوة السوداء ولكن تلك الوغزة التي أحست بها جعلتها تفتح عيناها ببطء، لتصدمها رؤيتها لوجه غريب عنها قريب منها يحدق بها فجحظت عيناها برعب ورفعت يدها لا إراديا تدافع عن نفسها وهي تصيح: - لا لا أبعد ألحقوني. تفجرت مخاوفها دفعة واحدة ودفعته عنها مطلقة صراخات جعلت قلب هدى يهوى بين قدميها وهي تستمع لرجاء سهر المغيبة عن الواقع، وبدت أمامها وكأنها ترى أحدًا ما غيرهم وترجوه أن يبتعد عنها، وشهقت فجأة حين ابتعدت سهر إلى أقصى فراشها وانحصر ثوبها كاشفًا عن ساقها اليمنى وظهرت ندبة بشعة المنظر بدأت من أسفل ركبتها وامتدت إلى أعلى ولم تعلم إلى أى مدى وصلت، والتفتت ببصرها تحدق بوجه خالها الذي سارع وأشاح بوجهه عنها وهو يشعر بالحرج فما كان من صفية إلا أن أسرعت وأخفت جسد سهر أسفل الدثار وعلى وجهها أرتسم الحزن، فحك حمدي ذقنه بقلق وهو يفكر وبعد دقيقة أخرج حقنة أخرى من حقيبته وقال: -ياريت لو حضرتك تمسكيها كويس علشان أقدر أديها الحقنة دي لإن واضح أن عندها نوبة فزع ولازم تهدى قبل ما جسمها يتخشب. والتفت حمدي ونظر إلى محمود وأردف: -ياريت لوتمسكها معاها لو سمحت. اتسعت عينا محمود بخوف ليقينه أنه لا يستطيع الاقتراب من سهر ويعلم أن باقترابه منها سيزداد فزعها ويحدث مالا يحمد عقباه، فابعد بصره عنها وحدق بوجه هدى التي علت ملامحها الدهشة والصدمة وقال: - معلش يا هدى امسكيها أنتِ مع أمي علشان أنا معنديش أعصاب. وبالفعل أحكمت هدى قبضتها مع صفية حول جسد سهر لتمنعها عن الحركة والتلوي بجسدها، واقترب منها حمدي وسط صرخاتها المؤلمة وعويلها لينتهي من حقنها وابتعد عنها ونظر إلى محمود بعين ملائها التساؤل، فأشار له محمود ليغادر برفقته وأغلق الباب وترك سهر بين يدي والدته وهدى، جلس محمود منكس الرأس أرضًا فسمع صوت حمدي يسأله: - هي الحالة دي بتجيلها كتير. رفع محمود عيناه وهو يمسح وجهه بكفيه وأردف: - ليها حوالي خمس سنين وهي على الحال ده. عبس حمدي وسأله بفضول: - وأزاي سيبينها بالشكل ده دي المفروض كانت تتعالج وتابع مع دكتور نفسي لحد ما الحالة تروح، أنا مش قصدي أخوفك إنما الوضع كدا خطر عليها. هز محمود رأسه عاجزًا وأخبره بأسف: -سهر رافضة العلاج أحنا حاولنا معاها بس هي مرضتش. شعر حمدي بحزن يحتله على تلك الفتاة التي لمس عذابها الحبيس بداخلها فأراد أن يعرف ما اوصلها لتلك الحالة فسأله محمود بحرج: - أسف للسؤال بس هو إيه السبب اللي وصلها للحالة دي. تنهد محمود بحرقة ولم يدر بما يخبر له حمدي فأشاح ببصره هربًا منه وأردف: - حادثة يا دكتور من وقت ما والدها اتوفى وهي بالحالة دي. أدرك من تردد صوته أنه لم يخبره بالحقيقة فأومأ ووقف وأخبره بصدق: - عمومًا لو احتجت لأي مساعدة أنا معاك وأقدر أدلك على دكتور كويس تروح له ويعالجها وقت ما تحب. كاد محمود أن يجيبه ولكنه لزم الصمت حين غادرت هدى تتبعها والدته فاقترب منها وسأله باهتمام: -طمنيني يا أمي سهر هدت. كفكفت صفية دموعها وأجابته: - أيوة يا محمود الحمد لله هديت وغمضت. وبدلت صفية بصرها ونظرت إلى حمدي وأردفت: -أنا مش عارفة لولا يا ابني كان حصل لبنتي إيه، حقيقي شكرًا ليك ولتعبك معانا. ابتسم حمدي بحرج وخفض وجهه وقال: - هي عمومًا جسمها ضعيف ومحتاجة اهتمام شوية بالغذا كمان حاولوا تخرجوها تغير جو بعيد عن البيت وأنا هكتب لها على أدوية مقوية للأعصاب وإن شاء الله هتبقى احسن. أنهى حمدي قوله والتفت إلى ابنه شقيقته وأشار إليها بقوله: - هتطلعي معايا يا هدى ولا لسه قاعدة. اقتربت منه هدى وأجابته بحرج: - هطلع معاك يا خالو. استئذن حمدي وسار ليضم هدى إليه وغادر، في حين جلست صفية وهي تشعر بالضعف وقالت هامسة: - الدكتور عايزنا نخرجها طيب أحنا هنخرجها أزاي إن كان اللي حصل ده علشان وقفت على الباب دقيقة. اقترب محمود من والدته وضمها إليه وأخبرها بحنو: -ادعي لها يا أمي وأنتِ بتصلي ودلوقتي قومي ريحي حضرتك وأنا هاخد بالي منها لحد ما تصحى. ساندها محمود وأدخلها غرفته وغادر إلى غرفة سهر وجلس بجوارها يحدق بحزن ويتحسر على ملامحها التي ازداد عمرها كثيرًا بسبب حزنها الدائم، ومرر يده فوق شعرها ومال دون وعي منه يشتمه، فأغمض عيناه بألم وهو يشعر بأشتياقه إليها يؤلمه حد الموت، وتنهد وما أن أبعد وجهه عنها قليلًا حتى حركت سهر وجهها ليواجهه فحدق بشفتيها رغمًا عنه ومال نحوهما ولثم شفتاها التي كانت ترتعش دون سبب، فغرق بقبلتها وتعمق أكثر وحين سمع أنينها أحس بأشتعال رغبته بها، فانتفض مبتعدًا وهو ينهر نفسه لتفكيره المُشين وغادر الغرفة مُسرعًا وولج إلى غرفته واغلق الباب واستند إليه فاعتدلت صفية بجلستها وحدقت به بقلق وسألته بريبة: - مالك يا محمود وشك مخطوف كده ليه طمني هو في حاجة حصلت لسهر. نظر محمود لوالدته بصمت وحاول أن يسيطر على رغبته ليفاجئها بقوله: - أنا موافق على جوازي من هدى فأي وقت وبأي شروط يا أمي وفاقرب فرصة هاخدك ونطلع نطلبها. ألقي قوله وغادر المنزل نهائيًا، وحين استمعت صفية لصوت أغلاق الباب انتفضت من مكانها وأسرعت نحو غرفة سهر وولجتها بخوف واقتربت منها لتقف على بعد أنشات منها تتفحصها وزفرت بقوة وحمدت الله أن ظنونها لم تكن بمحلها وجلست إلى جوارها وضمتها إليها لتغفو برفقتها. ---------------------- جلس مازن يمازح آدم ويقول: - الواد آدم تقول طالع شبهك يا دومي عيل رخم وغتت وفصيل بيختار أوقات متنفعش ويبدأ وصلة العياط وإيه يوميًا يا ابني. ابتسم آدم وقال: - وهو أنت فاكر إنك هتبقى أب بالساهل ربنا يحفظهولك ويفرحك بيه، المهم أنا عايزك لما تنزل مصر تمر على فرع الشركة الرئيسي وتعمل الاجتماع العمومي مكاني أنا مش حابب أنزل مصر المرة دي وأبقى تابع معايا أون لاين خطوة بخطوة. أجابه مازن قائلا بضيق: - ما بلاش أنا يا آدم أنت عارف اللي فيها أنا مصدقت أني بعيد عن شغلك وشركتك بلاش بدل ما يعرف ويرجع يحوم تاني. وقف آدم بحدة وقال: - أنا عايزه يرجع يحوم تاني يا مازن علشان أرجع كل اللي سرقه مني هو فاكر إنه كده أخد مني كل حاجة والدك ده عايش فالوهم إنه قدر يضحك عليا هو ومراتك ويسرقوني فاكرين أنهم لما مضوني على ورق بيع وسط ورق الفندق يبقى كده أخد مني كل حاجة خليه يوقع براحته يا مازن ولا أنت لسه خايف عليه. أرتبك مازن وقال بحرج: - متنساش أنه فالأول والآخر والدي يا آدم ومهما عمل مش هقدر أنكر أني بحبه لسه، علشان كدا بقلك أبعدني أنا عن شغلك وسيبه فاكر أنه سرق منك كل حاجة بلاش أنا يا آدم تحطني أدام بابا. تنهد آدم بضيق وقال: - ياريته يعرف أنك خسارة فيه هو مكنش يليق بيه إلا هايدي. وقف مازن بضيق وتوجه إلى باب المكتب ليغادر فشعر آدم انه تسبب بأحراجه فقال: - أنا أسف يا مازن بس حقيقة مش عارف أنسى متزعلش مني عموما أنا واثق إن مراتك اتغيرت لأنها لو كانت زي ماهي فأنا متأكد إنك عمرك ما كنت هتتجوزها. التف مازن له مرة أخرى وقال: - حاول تنسى يا آدم وتسامح هايدي لإن اللي حصل لها مكنش شوية ولولا اني لحقتها فالوقت المناسب كانت اتقت\لت، أنا عايزك تعرف إن أذى بابا مكنش ليك لوحدك بابا باع هايدي لعمها وأداله الصور اللي صورتهالها وعمها عذبها كتير، وهي شافت اللي ميخطرش على بالك يكفي أني أقولك إنه دفنها عايشة فحاول تسامحها. غادر مازن وترك آدم يحدق في الفراغ يفكر أن لا أحد منهم سلم من الأذى والألم ولكن بطريقة مختلفة، فوقف ينظر من النافذة التي ترتفع لعنان السماء ليقع بصره على وريقات الزرع التي تحيط بنافذة مكتبه ليتذكر تلك الجنة الخضراء التي عشقها وتمنى أن يسكنها ليتنهد مرة أخرى وهو يعقد حاجبيه ويقول: - وحشتيني يا سهر. ---------------------- جلس محمود مع والدته أمام حمدي ووالدة هدى سميرة وهو يشعر بشجاعته تنساب منه فشعر بتعرق يداه فسمع حمدي يقول: - شرفتونا يا أستاذ محمود وحضرتك يا حجة صفية وياترى بنتك عاملة إيه دلوقتي. أجابته صفية قائلة بابتسامة: - الحمد لله أهي النهاردة أحسن من اليومين اللي فاتوا شكرا ليك يا دكتور حمدي. و صمتت قليلا ثم اكملت: - أنا عارفة إنكم بتسألوا أحنا طالعين ليه. صمتت صفية مرة أخرى ونظرت إلى سميرة وقالت: - أحنا جايين نطلب أيد هدى لمحمود ابني. شهقت سميرة ووقفت فجأة وهي تسأل بأندهاش: - جايين تطلبوا أيد مين لمين. أجابها محمود بهدوء وهو ينظر لحمدي: - أنا جاي أطلب هدى للجواز. ضحكت سميرة بسخرية وقالت: - ومجبتش مراتك معاك ليه يا أستاذ محمود هي كمان. أشاح حمدي ببصره عن محمود حين سمع قول شقيقته وقال يلطف الأمر: - اقعدي يا سميرة الكلام أخد وعطا وسيبي محمود يقول اللي عنده قبل ما تقولي اللي عندك. شكر محمود حمدي وقال: - سهر كانت فعلا جاية تطلب هدى منك ليا يا حجة سميرة بس تعبت والدكتور حمدي وهدى شافوا حالتها كانت عاملة أزاي، وقبل ما تقولي حاجة أنا هصارحك باللي عندي من البداية كده أنا معنديش استعداد أطلق سهر ولا اسيبها لأنها ببساطة ملهاش إلا أمي وأنا فالدنيا كلها ولو سبتها يبقى معنديش أصل، أما سبب إن سهر اختارت هدى وطلبت أني اتجوزها فعلشان حست قد أيه هدى أخلاقها كويسة وشبهنا فحالها وهادية وقلبها طيب وكمان علشان يبقى عندي ولاد لأنها مش بتخلف ولو حضرتك والدكتور حمدي وافقتم أنا هنفذ لكم كل طلباتكم إلا أني اسيب أمي وسهر زي ما قلت. كانت سميرة تستمع لمحمود بدهشة عقدت لسانها فنظرت إلى شقيقها لتتفاجأ به يقول: - وأحنا مش هنلاقي أحسن منك لهدى بس أدينا مهلة نعرف رأيها ونرد عليك. أجابته صفية بصدق: -وأنا بطمنكم إن هدى هتبقى بنتي التانية وعمرها ما هتحس إن محمود متجوز غيرها وهنشيلها فوق راسنا وجوا قلوبنا، ولو عاوزين ليها شقة لوحدها محمود هيجيب لها شقة تانية بس علشان نبقى على وضوح مش هتبقى شقة تمليك هتبقى إيجار لظروف خاصة شوية وعمومًا أحنا هنستنى ردكم وربنا يوفق هنستئذن أحنا سلام عليكم. كانت هدى تقف خلف باب غرفتها تستمع لحديث محمود وصفية لتقفز فرحًا بعدما علمت أنه يرغب في الزواج منها، فاخيرًا يتحقق لها حلمها لتتفاجأ بخالها يقف أمام الباب ينظر لها وعلى وجهه ابتسامة وقال: - احمدي ربنا إن أنا اللي فتحت الباب والدتك لو شافتك كانت خنقتك بس تعالي هنا هو أنتِ فرحانة إنه طلبك، يابنتي أنا أول مرة أشوف واحدة فرحانة أنها هتتجوز واحد متجوز بس بصراحة هو ميتعيبش الراجل مز بجد. ضحكت هدى وهي تحتضن خالها وتقول بصوت منخفض: - أنا مش بخبي عليك حاجة يا خالو وأنت حاسس بكل حاجة، المهم قولي حضرتك هتقدر تقنع أختك ولا هتتخلى عني وتبيعني. بعثر حمدي شعر هدى وقال: - قبل أي حاجة وقبل ما نوافق لازم اتأكد من حاجة الأول أنا عاوزك تنزلي وتقابلي سهر وتعرفي هل هي راضية زي ما قالوا ولا. أجابته هدى مسرعة: - هنزل حالًا اسألها. ضحك حمدي بقوة وهو يمسك يد هدى ويقول: - أهدي يا مجنونة تنزلي فين دلوقتي استني يومين وتنزلي ومحمود مش موجود تحت وبعدين لازم تفكري هل عاوزة تعيشي معاهم تحت ولا عاوزة شقة لوحدك هسيبك بقى واروح أشوف أختي واقنعها. ليقف فجأة وينظر إلى هدى ويقول: - بس اللي أنا مستغرب له إحساسي أنك هتبقى زوجة محمود الأولى مش عارف ليه مش حاسسهم متجوزين. عبست هدى قليلًا وقالت: - أنا كل يوم بيتأكد لي نفس الإحساس دا يا خالو، هما جيرانا ليهم خمس سنين بس عمري ما شوفت سهر دي إلا من سنة ونص اتعرفت عليها لما شوفتها مرة فالبلكونة ووقع مني الغسيل عندها ونزلت اجيبه وقابلتني بوش جميل وبشوش ومن وقتها وأنا بحسها أختي، أنت عارف إنها أصغر مني بأربع سنين بس بصراحة صعبت عليا أوي لما شوفت رجلها تفتكر حصلها إيه علشان تبقى كدا. ------------- بعدما دخل محمود إلى شقتهم وجد سهر تقف أمام باب غرفتها فأشاح بوجهه عنها ودخل إلى غرفته وأغلق على نفسه يستند إلى الباب منعزلا عن والدته وسهر، فهو منذ يوم انهيارها يتحاشى التواجد معها ولا يبادلها الحديث فهو لم يغفر لنفسه لحظة ضعفه بعدما كاد أن يتغلب عليه شيطان رغبته بها، انزوى بعيدًا يؤنب نفسه وهو يراقب ملامحها التي زاد حزنها، سمع محمود والدته تقص على سهر ما حدث ليسمع باب غرفتها يغلق فخرج ببطء فوجد والدته تجلس في البلكونة كحالها إن لم تجد شيء تفعله وأقترب من غرفة سهر ليقف مصدومًا وهو يسمع صوت بكائها المكتوم فلم يتمالك نفسه وفتح الباب ليجدها تدفن وجهها في وسادتها وتبكي بقهر، فأغلق الباب خلفه لتحدق به سهر ووتبتعد إلى قرب نافذتها ليقترب منها يراقب ملامحها ولم يستطع قرائتها فهمس وهو يقف أمامها: - ليه بتعملي فينا كده يا سهر ليه بترميني بأيديكي لغيرك. أجابته سهر وهي تسمح دموعها بظهر يدها وتنظر له بقهر: - عاوز تعرف ليه يا محمود أنا هقولك علشان لحد دلوقتي مش عارفة أنسى كلامك مع عمي خميس الله يرحمه وهو بيترجاك تتجوزني وأحنا فالمستشفى وتستر عليا، فاكر ردك عليه كان أيه لو مش فاكر يا محمود أنا فاكرة كويس ومحفور جوايا ردك حرف حرف ومش قادرة انساه ولا أنسى شكلك وأنت بتقوله. - اتجوز دي اللي اترمت من أيد فؤاد وبقت مستعملة أنا مستحيل أتجوز واحدة رماها غيري لا يمكن ألمس بواقي فؤاد، روح شوف لها أي صايع واديله قرشين وخليه يسترها إنما أنا لاء لاني بقيت بقرف ابصلها. - عرفت ليه لازم تتجوز غيري لأنك انجبرت عليا، أنت عمرك ما حبيت سهر يا محمود أنت حبيت شكلي الحلو وصغر سني وقتها وأني معنديش أي فكرة عن الدنيا وهتبقى واثق أني خام وقلبي مدقش لحد، أنت حبك ليا كان حب لجسمي وبس ولما فؤاد عمل اللي عمله قرفت مني ولولا عمي خميس واللي عمله فيك مكنتش أبدًا اتجوزتني، واللي متعرفوش يا محمود أنك السبب أني لحد دلوقتي عاوزة أموت فمتشيلنيش ذنبك اكتر من كده. نفوس قاسية #منى_أحمد_حافظ