لمن القرار بقلم سهام صادق ج16

حرك رأسه ينظر إليها وهي مندسة أسفل الغطاء

– عرض مغري زي العرض اللي قبله اللي مخلناش نروح ميعاد الدكتور يا فتون هانم

تخضبت وجنتاها بحمرة الخجل، لا تستوعب حتى هذه اللحظه إنها من دفعته للفراش طالبه منه حقها فيه

– سليم ممكن عشان خاطري

اتسعت ابتسامته ينظر إليها رافعًا كلا حاجبيه لأعلى

– بيتم استغلالي عشان ضعفت.. ماشي يا فتون

تمتم بمزاج لم يعكره شئ بعدما كان حانق من كل شئ في الصباح.
ارتفعت ضحكاتها تتذكر ما كان يُخبرها به وهي بين ذراعيه

– مش أنت قولتلي اتعلم إزاي استغلك يا سليم وانا هرجع اطبق من تاني كلامك أنت وبس

اتسعت ابتسامته شيئًا فشئ يرمقها بنظرات عابثه

– أنا وبس.. أنا كده لازم اخد تعهد منك

اماءت برأسها بحركة مغرية تؤكد له إنها لن تجعل حياتهم بعد الأن مشاعه.. يا اما تسير بعقلها او يكون هو معلمها.

عاد إليها يضمها بين ذراعيه بعدما لم يعد يتمالك حاله من رؤيتها كالقطة الوديعه في الفراش

– كل يوم بتأكد إن يوم ما قلبي اختارك يا فتون كان عارف كويس هو عايز إيه.. فتون خلينا ننجح جوازنا لأن لا أنا ولا أنتِ نقدر نبعد عن بعض.. ضعفك بيخلي القوه اللي عندي تنهار.. أنا مش عايز غير فتون البنت اللي كانت بتبص ليا وكأني الشاطر حسن

– لكن أنت مطلعتش الشاطر حسن يا سليم

ابتعد عنها وقد صدحت ضحكاته بقوه

– يا ستي اضحكي عليا وقولي إني الشاطر حسن

– أنت قولتلي نكون صارحين مع بعض

طالعها بعبوس مصطنع يقضم خدها قبل أن يبتعد عنها

– مش لازم نطبق كل حاجه يا فتون..

تعلقت عيناها به بعدما اتجه نحو المرحاض..، ترسم فوق شفتيها ابتسامة واسعه…؛ فلأول مرة تكتشف أن المرأة لديها اسلحه تتعامل بها وهي كانت اكثر دراية بما يجعله يلين.. جرعه من الحب ينتظرها سليم منها.
…..

اغمضت عيناها تستكين فوق صدره أمام أمواج البحر تقص له عن والديها مستمعه بدفئ ح,ضنه وتلك القبلات التي يضعها فوق رأسها من حينًا لأخر

– كنت هتحبهم أوي يا كاظم.. أنا مش عارفه إزاي قدرت اكمل بعدهم

فاق من شروده على كلماتها التي انسابت معها دموعها.. يُدير وجهها إليه يمسحهم بأنامله

– هما في مكان احسن من الدنيا يا جنات.. وبكره هيكون عندهم حفيد جميل اسمه على اسم باباكي الراجل الطيب

التمعت عيناها غير مصدقه إنه سيُسمي طفلهم على اسم والدها
– بجد يا كاظم هنسمي أبننا عبدالرحمن
– اكيد يا حببتي…