لمن القرار بقلم سهام صادق ج12

غادرت المرحاض بعد وقت طويل بعض الشئ تعقد رابطة المئزر حول خصرها

وجدته يدلف الغرفة ينظر إليها بجمود

– تعالي عشان تفطري وبعد كده نامي

– مش عايزة أفطر, مش عايزة منك حاجة

– فتون

اتجهت نحو الفراش متجاهلة هتافه، زفر أنفاسه حانقًا مقتربً منها

– أنا بقى اللى ليا حق عندك مش أنتِ، لأن بتصرفاتك خسرتي حقك يا فتون

– يعني تتجوز عليا وتقولي حق ومش حق

تجهمت ملامحه فعن أي زواج تتحدث هذه الحمقاء

– قولتلك كان في الحلم، تصدقي إني غلطان عشان ندمت في الحلم إني زعلت على فراقك

اتسعت حدقتيها في ذهول من صراحته، اعتلت شفتيه ابتسامه ماكرة ينظر إليها مستمتعاً

– يتشكِ فيا يا فتون

وبجرائة لم يعدها منها تمتمت وهي تتثاوب

– أيوة، كل الرجاله طبعهم الخيانة

ارتفع حاجبيه في دهشة

– فعلا أنتِ محتاجة تنامي يا فتون

امتقعت ملامحها وهي تراه يأمرها ثانية

– مش عايزة تنامي مش مهم، في حاجات لطيفه تانيه ممكن نعملها

مال نحوها وقد عاد الاسترخاء يحتل قسمات وجهه، دفعته عنها فتعالت ضحكته

– احمدي ربنا إني صبور بزيادة النهاردة وعندي حالة تبلد متتوصفش

اشاحت بوجهها عنه، فعلقت عيناه في ذهول وصدمة يقطب حاجبيه بعدما انتبه للتو للتغير الذي فعلته بحالها

– أنتِ غيرتي لون شعرك يا فتون!

تسأل في دهشة ينظر نحو خصلاتها بتدقيق، فارتفع حاجبيها في إستنكار من نظراته لا تُصدق إنه ترك مشكلتهم الأساسية وغضبها منه عما فعله بها ويتساءل عن خصلات شعرها

تأوهت في خفوت بعدما اجتذب بضعة خصلات بين أنامله يقطب حاجبيه في تساءل ثانية

– هو شعرك قصر أوي ولا أنا بيتهيألي

نظراته القاتمة وتلك التقطيبة المرتسمة بين حاجبيه جعلتها تُحدق بخصلاتها التي مازال يقبض عليها بين أنامله

– كنت عملاها ليك مفاجأة لكن طلعت زيهم، على رأي المدام اللي كانت بتعمل شعرها جانبي ياريت بتقدروا اللي بنعمله

احتدت نظراته، فهو لا يُصدق إنها فعلت فعلتها الشنيعة بالنسبة إليه

– نقدر، ده أنا هقدر أوي يا فتون معاكي النهاردة، يعني جيالي الغردقة لوحدك مع إني قبلها بعتلك رسالة وطمنتك عليا ، وتقوليلي نقدر

التوت شفتيها إستنكاراً بطريقة كانت تفعلها والدتها عندما كانت ترى أمر لا يُعجبها

– رسالة، لا شكراً على تقديرك يا سليم باشا، يا محبوب النساء، يا مثال الوفاء
وعادت نظراتها تحتد تتذكر إعترافه لها منذ قليل ، تدفع يده عن خصلاتها بعدما لانت قبضته