وخنع القلب المتحبر لعمياء بقلم سارة نيل ح4

<<<<<<بقلم/سارة نيل>>>>>>

بروح مُفتتة إلى أشلاء بين أضلعه ينتقل عبر سيارة الإسعاف المسرعة بجنون وفوق صدره العاري الكثير من الأجهزة الباردة والأنابيب الرفيعة..
بجانبه تجلس لبيبة بدران تُمسك يده وتمسح على شعره بحنان، بالكاد تتماسك وأصبحت تشعر بألم قوي بجانب صدرها الأيسر..
تفتح أعينها بشق الأنفس كي لا تسقط في بئرٍ مُظلم، لقد احتفظت بقوتها لأجله … لأجله فقط..
بِهِ تسقط كل حصونها … بِهِ تثكل كل ثباتها..
همست بوجع وأعين كاد الدمع أن يتدحرج منها:-
– كنت خايفة عليك يا يعقوب … وكان لازم أعرف إن هي تستحقك وإنت تستحقها وإنك بتحبها بجد ومش شفقان عليها ولا بتتحداني بيها، ومستعد تعمل أي حاجة علشان خاطرها..
كان لازم أتأكد إن هي عندك أولى من أي حاجة وإن إنت مش أناني معاها .. وإن إنت مش هتتخلى عنها…
العواقب دي بتسيب جروح يا يعقوب حتى الزمن مش بيقدر عليها..
لا لا مش جروح دي بتغيرك وبتحولك لشخص تاني إنت مش عارفه .. دي بتقتل روحك يا يعقوب …. بتخليك تفقد الأمان إللي في الدنيا دي .. والثقة..

وقفت سيارة الأسعاف أمام مشفى بدران ليقابلهم فوج من الأطباء والطاقم الطبي وتم سحب يعقوب الغارق في الظلام حيث العناية المركزة وأخذوا يركضون للداخل وقد أصاب المكان حالة من الهرج الشديد وانقلب حال جميع من فيه..

وقفت لبيبة بمنتصف الرُدهة وصاحت بصوت مرتفع جهوري يحمل الكثير من التهديد والتحذير الشديد والرعب:-
– لو خدش بس صاب يعقوب باشا هأهد المستشفى دي على راسكم واعتبروا نفسكم انتهيتوا..

انحنى الأطباء باحترام وولوجوا للداخل يركضون ثم شرعوا في فحص يعقوب بدقة بعدما تم وضع جسده أسفل الأجهزة وقناع التنفس فوق أنفه..

كانت صامدة من الخارج لكن داخلها ممزق، فقط هدوء ظاهري، تدك الأرض ذهابًا وإيابًا والرعب يأكل قلبها..
أقترب كريم الذي يقف بأخر الممر منها وهو يرى شحوبها الظاهر التي تحاول إخفاءه والظهور بشكل قوي..
مدّ يده بزجاجة الماء وقال لها برفق يتخلله الثقة:-
– لبيبة هانم، إهدي علشان صحتك .. اتفضلي اشربي مايه .. أنا واثق إن يعقوب قوي وهيرجع ويبقى كويس .. مستحيل يحصله حاجة علشان خاطرها .. هي ملهاش غيره في الدنيا دي..

ترقب غضبها وثورانها لكنها ظلت هادئة ووقفت أمام غرفة العناية تنظر إلى محاولات الأطباء في إفاقة يعقوب … تارة يحقنونه ببعض الأدوية وتارة أخرى يعملون على إنعاش قلبه وهو مازال غارقًا بغيبوبته..