وخنع القلب المتحبر لعمياء بقلم سارة نيل ح4

خرجت من الغرفة مسرعة وهي تتحسس طريقها وفور أن وقعت أعين راجح فوقها لم يستطع إلا أن يتأملها بعشقٍ جارف..
وهنا لم يطيق يعقوب الصبر ووقف حائلًا أمام رِفقة ثم لكز راجح بقوة في صدره وهو ينظر له بتحذير شديد بخفض عينيه..

توسعت إبتسامة رِفقة وقالت بسعادة:-
– راجح…

اشتعل قلب يعقوب بالغيرة وصاح بنبرة حادة غاضبة:-
– ودا مين راجح ده إن شاء الله..

لم تأفل إبتسامة رِفقة ومازالت زهراء اللون كالقمر الطالع ورددت:-
– راجح يبقى ابن خالو عاطف ويبقى أخويا الكبير وقدوتي في حاجات كتيره أووي منهم أخلاقه..

كلمات كانت عالأسواط على قلب راجح الذي غلّف وجهه الظلام وكتم جميع ألآمه بقلبه، كعادته يُجيد إخفاء ألمه وحزنه وفقط القوة من تراها على وجهه بينما بالداخل هو يتمزق..
هي له كل شيء وهو لها مجرد شقيق أكبر..

قالت رفقة بسعادة لم تلقى استحسان عند يعقوب:-
– الحمد لله على سلامتك يا راجح، دي كلها غيبة غيبتك عُمر … رجعت إمتى؟

قال راجح بنبرة ثابتة غزاها اللُطف كعادته عندما يتحدث معها:-
– بقالي يوم، أعمل أيه إنتِ عارفه إن كان لازم أسافر علشان ابني حياتي..
المهم إنتِ عاملة أيه وأخبارك يا رافي مبسوطة ومرتاحة كدا..

رمقه يعقوب شذرًا بينما أردفت رِفقة بسعادة :-
– أنا بخير يا راجح وكويسة جدًا وسعيدة، اطمن عليا متقلقش..

وأمسكت بيد يعقوب وأكملت:-
– يعقوب شخص كويس جدًا فوق ما تتخيل، وأنا معاه في أمان وهو شايلني في عيونه..
ومبسوطة أوي إنك افتكرتني أول ما رجعت، كنت مفكره هتنساني..

نغزات قاسية بجانب صدره الأيسر، داخله أصبح حطام لكن هيئته وملامحه مازالت يعلوها القوة والصمود، ابتسم راجح مُجبرًا لتخرج رغمًا عنه إبتسامة شاحبة فاترة وأردف بانكسار وخذلان:-
– حقك عليا يا رِفقة … أنا أسف وبعتذر لكل حاجة عملتها أمي وأخواتي فيكِ..
أنا مش عارف أقولك أيه بعد إللي إنتِ عملتيه بعد كل إللي عملوه فيكِ..
أنا أسف لكل لحظة وجع وعجز وحزن مرت عليكِ، أقسملك بالله مكونتش أعرف عمايلهم ولا إللي جواهم من ناحيتك، وأنا مسافر كنت بسأل عليكِ عالطول بس هما دايمًا كانوا يقولولي نايمه أو برا إلا الكام مرة إللي كلمتك فيهم، علشان كدا أنا مكونتش بشك ولو مجرد شك بسيط..
قوليلي أعمل أيه علشان أكفر على كل إللي عملوه مع إني متأكد إن مفيش أي حاجة تغفر وتعوض إجرام عفاف وبناتها..