وخنع القلب المتحبر لعمياء بقلم سارة نيل ح4

أخذت تمسد على شعره وهي تتحدث بتفائل ويقين:-
– مش عارفة ليه قلبي حاسس إن النهاردة هتحصل حاجات حلوة أوي يا أوب..
أنا عارفة إنك سامعني وحاسس بيا، وأنا واثقة إنها فترة إنت بترتاح فيها وهترجع..
ماما فاتن وبابا حسين ويامن وكريم وعبد الرحمن كلهم بيجولك وبيتكلموا معاك كل يوم…
تعرف كمان أنا بقيت أشوف كويس أووي الحمد لله، بروح أحط أكل لرِين وأجيب هدوم وأرجع جمبك عالطول..
أنا غيرت جو الأوضة دي خالص يا أوب، إللي يشوفها دلوقتي مش يصدق إنها أوضة في مستشفى، غيرت ستاير المستشفى الكئيبة وفرش السرير والكراسي والزينة وكل حاجة، لما تفوق هتنبهر بيا…
والأحلى من كدا إن ختمت القرآن على أسماعك مرتين، وقرأتلك كتابة (لا تحزن) أيوا الدكتور أكد ليا إنك بتسمع وبتحس بينا وبتميز الروايح إللي بتحبها..

وعند تلك النقطة شرد عقلها في هذا اليوم عندما كان يتمدد واضعًا رأسه على فخذها وهي تسأل بينما يُجيبها…
وقتها تسائلت بصوتها الهادئ:-
– قولي يا أوب .. أكتر ريحه بتحبها أيه، يعني ريحتك المفضلة..

اتكأ واقترب منها يشتم رائحتها بنهم ثم قال بصدق وعشق:-
– ريحتك يا رِفقة … ريحة الطهارة المنبعثة منك، ريحتك هي بقت هوسي ونهمي، ريحة برائتك ونقاءك ده…

ابتسمت رِفقة بعشق على كلماته الصادقة واقتربت منه تحويه بأحضانها وهي تهمس بغصة باكية:-
– أنا هنا يا يعقوب .. أنا جمبك وريحتي مش بتفارقك ولا لحظة … ليه مش راضي ترجع ليا..!

ابتعدت تنظر له وهي تتحسس وجه بحنان ثم قالت:-
– بس أنا واثقة إنك هترجع وهتفوق، واثقة وعندي يقين، قلبي مليان يقين بالله، لأن دعيت بكل يقين وواثقة إن الإستجابة قريبة مني..

لكن تزلزل فؤادها وهي ترى خطان من دموع يعقوب يهبطان من نهاية عينه المغلقة نحو أذنه، هرعت أصابعها تمحيهم بحنان قائلة ببكاء وهي تضع جبينها فوق جبينه:-
– والله كل حاجة بخير يا يعقوب .. أنا هنا جمبك..

وخرجت مسرعة تنادي الطبيب بلهفة تخبره عن هذا التطور..
قابلها لتقول مسرعة:-
– دكتور .. دكتور في حاجة مهمة حصلت..

استفهم بقلق:-
– خير يا مدام رِفقة، يعقوب باشا حصله حاجة..

أجابت مسرعة:-
– لا .. لا … يعقوب بخير … بس في دموع، عينه نزل منها دموع..

ابتهج وجه الطبيب وردد بسعادة واطمئنان:-
– دا مؤشر كويس جدًا جدًا..
دا بيدل إن يعقوب باشا عنده مقدار من الوعي وحاسس بإللي يحصل حوليه ولو كان نسبة بسيطة، يعني هو مستجيب للمؤثرات إللي حوليه..