وخنع القلب المتحبر لعمياء بقلم سارة نيل ح4

بدأت نظرة يعقوب تجاه راجح تتبدل، فالصدق والخجل من أفعال والدته باديان على وجهه، من الجلي أنه شخص جيد يختلف عن العقرب عفاف وبناتها .. يبدو أنه النبتة الوحيدة الصالحة بكومة أشواك تلك المجرمة..

رددت رِفقة ببشاشة:-
– إللي فات إنتهى يا راجح وكل واحد أخد جزاءه، مش دايمًا كنت تقولي وأنا صغيرة جُملتك الشهيرة “كل مؤذي سيؤذى، إنها الأيام”..
وأنا مش هنكر وأقول إن خالتي عفاف وأمل وشيرين مش أذوني، لأ هما أذوني كتير أووي واستغلوني وجرحوني، بس أنا سامحتهم وقفلت على صفحتهم، إنت طول عمرك وإنت قدامي مثال للأخلاق والتسامح كنت أخ كبير ليا وعلمتني كتير أووي .. ونصايحك وكلامك عمري ما نسيتهم واتحفروا بعقلي وبدأت اطبقهم في حياتي..
إنت ملكش أي ذنب في إللي حصل يا راجح، وطالما هما ندموا واعترفوا بأخطاءهم فربنا غفور رحيم..

نظر لها راجح بفخر واستقام ليقول:-
– يبدو إن التلميدة اتفوقت على أستاذها يا رافي..
طول عمرك قلبك صافي ونقية، ربنا يسعدك في حياتك وتحققي كل أحلامك، ولو في أي حاجة أو محتاجة لأي حاجة هتلاقي أخوكِ الكبير في ضهرك..

واتجه يصافح يعقوب وهو بالكاد يتماسك وقال له:-
– خد بالك منها وشيلها جوا عينك، رِفقة أطهر حد ممكن تقابله في حياتك وهي تستاهل كل خير..

بادله يعقوب المصافحة وطالع رِفقة بعشق وحماية:-
– من غير ما تقول دي أغلى من روحي..
إنت شرفتنا يا أستاذ راجح..

قال راجح وثمة غصة مريرة تكومت بحلقه:-
– أنا هستأذن أنا .. خدي بالك من نفسك يا رِفقة..

قالت رِفقة مسرعة وهي تهم بالسير تجاه المطبخ:-
– طب استنى تشرب حاجة يا راجح …هو إنت لحقت..

قال باعتراض وهو يقف أمام الباب للخروج بصحبة يعقوب:-
– مرة تانية إن شاء الله، معلش علشان ملحقتش أرتاح من السفر … يلا السلام عليكم..

وخرج مسرعًا قبل أن ينهار أمامهم..
لم يُبالي بعدد الدرجات التي هبطهم فظلّ يهبط بسرعة وكأن وحشًا يُطارده حتى أصبح أسفل البناية..
سار تجاه دراجته النارية بترنح ليستند عليها بلهفة وهو يشعر بأن العالم يدور من حوله، إنهزام وكسرة لم يشعرها بحياته..
المحاربها لأجلها ولأجل عشقه ستأذيها وستقف عائق أمام حياتها التي اختارتها..
ما يُقدمه الآن لرِفقة لأجل سعادتها هي التضحية والتخلي والرحيل … يجب عليه أن يتخلى عنها لأجلها ولأجل سعادتها..