وخنع القلب المتحبر لعمياء بقلم سارة نيل ح4

وأخذ يسرد لها ما حدث، وسبب ترك يعقوب لها، وما حدث ليعقوب من بعد ذلك…
التفتت تنظر للبيبة ذات الوجه المغلف بالصمت وقد انبجست عبرات رِفقة من محاجرها..
اقتربت منها وقالت بقوة:-
– ليه كدا … أيه سبب الكره ده كله .. استفادتي أيه لما وصلتيه لكدا!!
ليه مصعبة الدنيا كدا، إنتِ مفكره إنك كدا بتحبيه، فين الحب في كدا…!!
حبك الأناني وصله لأحضان الموت يا لبيبة هانم، يعقوب لو حصله حاجة هيفضل ذنبه برقبتك..

وتركتها رِفقة ودلفت للداخل ولم تُحرك للبيبة ساكن إلا أنها تحركت للطابق الأسفل لمقابلة الطبيب وأثناء سيرها تقابلت مع يامن الذي يقف أمام أحد الغرف بقلق..
توقفت لتتسائل بتعجب:-
– أيه موقفك هنا..

قال بوجه شاحب قلق:-
– يعقوب حصله حاجة .. أنا كنت جاي حالًا..

تنهدت وأردفت بهدوء:-
– مفيش حاجة حصلت يعقوب بخير..
إنت هنا بتعمل أيه..!!

مسح على وجهه وقال بتعب:-
– وأنا جاي على الطريق بعد ما عرفنا إللي حصل ليعقوب خبطت اتنين شكلهم تايه وهما بيعدوا الطريق … ولولا إن ضربت فرامل أخر لحظة خففت السرعة كان زمانهم خلصانين..

تسائلت هي بهدوءها المعتاد:-
– وهما كويسين ولا أيه حصلهم..

ضغط يامن على جسر أنفه بإرهاق وقال بتيهة:-
– عندهم كسور ورضوض وجروح، بس الست حالتها وحشة ومنهارة وبتصرخ إنها عايزه بنتها والدكتور بيقول إنها مريضة قلب وعندها عملية لازم تتعمل بس هي رافضة..
أنا مش عارف أعمل أيه وخصوصًا إنهم شكلهم ناس متبهدلين وشكلهم تايه لا يعرفوا أماكن ولا معاهم أوراق شخصية..
أعمل أيه يا جدتي قوليلي..

كانت نبرة يامن نبرة مستغيثة حركت كل مشاعر لبيبة فرمقته نظرة تطمئنه بها، ثم قالت وهي تسير تجاه الغرفة:-
– طب وديني لهم .. أنا هحل الموضوع..

ولجوا للغرفة لكن فور أن وزعت لبيبة أنظارها ووقعت عليهم نطقت بدهشة:-
– إنتوا..

تمعنت بها نرجس قليلًا هي ويحيى المتمدد فوق الفراش وسرعان ما نطقت نرجس:-
– مدام لبيبة…

وزع يامن أنظاره بينهم بتعجب وهتف:-
– هو إنتوا تعرفوا بعض..!

جذبت لبيبة أحد المقاعد وجلست بهدوء ثم أدرفت:-
– إنتوا متبهدلين ليه كدا وأيه وصلكم لهنا..

تنهد يحيى بثقل ثم قال بأعين غائمة بالحزن وقلب ثقيل بالهموم:-
– إحنا ضحايا الغدر يا مدام لبيبة، حصلت معانا حاجات مش هتصدقيها..
بعد يوم الحادثة وكل حاجة في حياتنا اتقلبت..
مش عارف أقولك أيه ولا أيه..