لمن القرار بقلم سهام صادق ج9

– أنتِ لسا قاعده وسطيهم، وبتسمعي كلامهم الفارغ

تذمروا من حديث والدتهم، فرمقتهم السيدة عبلة بمقت

– مش عجبكوا كلامي، قومي يا بنت بطني روحي شوفي جوزك وسيبك منهم

– سليم عارف إني هبات معاهم النهاردة

لطمت السيدة عبلة صدرها مع شهقة خرجت من بين شفتيها غير مصدقة ما تسمعه

– تنامي بعيد عن جوزك..، إيه الخيبه اللي بقيتي فيها ديه.. قومي تعالي عايزاكي في كلمتين

واقتربت منها تنتشلها من مكانها، وقد هتفت إحدى شقيقاتها معترضه

– ما هي طول الوقت معاه، إحنا مش بنشوفها خالص

ولكن من نظرة واحده رمقتهم بها السيده عبله، ابتلعوا حديثهم وانشغلوا في العراك مع بعضهن

اقتربت فتون من والدتها، تعترض ثانية علي نهوضها من بينهم

– بلاش خيابه، الست الناصحه تفضل ديما جانب جوزها.. ، مش كفايه لحد دلوقتي بطنك ما شليتش منه حتت عيل..

واستطردت في حديثها، تُخبرها عن سبب إنجابها الكثير بمعتقداتها القديمة التي عفا عنها الزمن

– الراجل لازم يتربط بالعيال، وأنت يا بنت بطني مش متجوزه أي راجل..

– عشان كده جبتينا تمانية، وظلمتينا

امتعضت ملامح السيدة عبله وهي تستمع لعبارتها

– اومال اربط ابوكم إزاي، وهو شايف نفسه عليا..بسبب حلاوته.. ،ده انتِ متعرفيش انا عملت إيه عشان اتجوزه

ارتفع حاجبي فتون في ذهول، فلأول مرة تخبرها والدتها عن هذا الأمر , ولكن قبل أن تسألها ماذا فعلت حتى تحصل على والدها..،
كانت السيدة عبلة تدفعها لخارج الغرفة

– روحي لجوزك وبلاش خيبة، مش هتفرحي لما تطلقي مرة تانية

طعنتها عبارة والدتها، ولكنها تجاوزتها كما تجاوزت الكثير من قبل..
دلفت للغرفة بملامح متجهمة، وقد أخذ يُنهي مكالمته مع صغيرته التي باتت الليله برفقة والدتها خارجاً
طالعها في دهشة.. فقد قررت أن تغفو الليلة جوار شقيقاتها

– مش قولتي هتنامي مع اخواتك

سألها وقد اقترب منها، ينظر داخل عينيها بعدما لم يسمع جوابها

– مالك يا فتون؟

حاولت نفض بعض المشاعر السلبيه عنها، وعادت لدروسها التثقيفيه تبتسم إليه

– سليم أنا بحبك اوي

التمعت عيناه وهو يسمع عبارة حبها، ثم ضافت هذه المرة بمرح

– مش عارفه هحبك اكتر من كده ازاي، قلبي ممكن ينفجر فجأة

وهنا لم يتحمل المزيد من حديثها، فجذبها إليه في عناق يبث فيه مشاعره وقد تناسي شعور الحنق خاصة بعد حديثهم داخل السيارة.
………….