لمن القرار بقلم سهام صادق ج9

ابتعد عنها وقد جمده طلبها، يدَّس سيجارته بين شفتيه حانقاً من تلك القواعد التي تضعها في علاقتهما

– جوازنا ومش عايزه تعلني عنه، وسكت وقولت مش مهم دلوقتي.. لحد ما نمهد الموضوع .. ،و دلوقتي تقوليلي بلاش نتقابل الفترة ديه.. طبعا خديجة هانم النجار مظهرها مهم قدام الناس

– أمير حاول تفهمني

اقتربت منه وقد بات القلق يعرف طريقه نحو حياتها

– جوازنا غلط يا أمير، وأنت عارف ده كويس

احتدت عيناه، فعن اي خطأ تتحدث عنه.. وهي التي وحدها من اتأخد طريق الحلال معها، ولكنه كان يعلم أول اسباب هذا الخطأ فور أن اطرقت رأسها أرضاً وكأنها تشعر بالخزي من حديثها

– الناس هتشاور وتقول اتجوزت مجرد عيل بالنسبه ليها، ديه مش سنه ولا اتنين ولا تلاته.. ده عمر

وهل يخجل هو من ذكر ذلك الفارق بينهم، فلو خجلت لن يخجل هو.. فهو من سعى وركض خلفها ليتزوجها.. ، اجتذبها نحوه يُخرصها بجنون مشاعره.. يُخبرها بتوقه الشديد إليها إنه لا يرى فارق العمر بينهم عائق

– قرارنا كان غلط، غلط

هتفت بضعف، بعدما عاد وأثبت لها إنها بحاجة إليه..، بحاجة لتلك المشاعر التي يقدمها لها

– ابن اخوكي اتجوز شهيرة الأسيوطي وفرق بينهم عمر برضوه وخلف منها، مافيش حاجة بتكون غلط يا خديجة ما دام في الحلال..، أنتِ اللي عايزة تشوفي علاقتنا غلط

– المجتمع والناس

– عمر ما حد فرق معايا.. ،طول عمري بعمل اللي أنا عايزه

وبثقل كانت تخرج الكلمات من بين شفتيها

– إحنا مجرد نزوة في حياة بعض يا أمير، أفهم بقى

تركها تهذي بكلمات عدة، جعلها تتنبأ مستقبلهما وعن نهاية علاقتهما، أصاب الجمود ملامحه، فهو لا يراها نزوة ولو كان ظن في البداية هذا الأمر لكن بعدما عرف هوية مشاعره نحوها..،تأكد أن زواجهم ابعد عن أن يكون نزوة

– لو ده تصورك عن علاقتنا، فأنا مش شايفك نزوة يا خديجة..

– افهم بقى، أنت ليه عايز تصعب الموضوع.. أحنا لازم ننفصل.. أنا مش هنفع اكمل في علاقة نهايتها فشل

تركها وكأنه لم يستمع لحديثها، التقط سترته وسار نحو الخارج..فقد اعتاد على تقلباتها وهو رجلاً صبوراً للغاية.

……….

انسابت دموعها وهي تمسح فوق فرو القطة التي أخذت تحوم حولها..، فالقطه على ما يبدو جائعة ولكنها لا تملك شيئاً تُعطيه لها..

– معيش حاجة ادهالك، لا عندي مكان اخدك فيه ولا معايا اكل ادهولك.. أنا زيك بالظبط رموني صحاب البيت لأن مكاني هو الشارع