لم تكن خطيئتي بقلم سهام صادق ج3

– اموت مين يابت.. ده جوزي

وتنهدت بسأم من وقوع اختيارها على تلك الخادمه

– اعملي اللي قولتلك عليه وانتي ساكته ومتخافيش اوي… ديه مية محبه عشان سيدك يرجعني

تهللت اسارير الخادمه عندما رافقت لطيفه كلامها بالمال لتلقط منها المال تشمه بسعاده

– ده جوزك ياستي وانتي أحق بي.. ده حتى جوازته التانيه ديه مفيش بينهم اي حاجه وعلطول صوت سيدي عالي ده بقى حتى بيكره البيت

والسعاده كانت تغمر لطيفه وهي تستمع لكلام الخادمه… وكما حذبته قديماً لها بالسحر ستعيده اليها.. فمعركتها مع فتحي شقيقها مازالت طويله وتلك المره حامد لم يرحمها وانقلب عليها

*****

بصعوبة أخرجت الزجاجه التي دستها في ملابسها… انتهزت فرصه إعطاء السيدة رسمية ظهرها لها وفروغ المطبخ الا منهما لتكسب محتوي الزجاجه في طبق الكوارع الخاص ب حامد وقد طلبه اليوم من السيده رسمية

وضع الطعام لتشتم هي رائحته بتلذذ… فمنذ يوم اتفاقهم على الهدنه وأنها مجرد ايام تقضيها وعاد المنزل يتسم بالهدوء حتى عملها لم يحجر عليها بقرارته بل تركها تفعل ما تُريد ففي النهايه هي زوجة في العقد لا أكثر وانشغل هو ببناء المصنع الذي يُشارك به عاصم كما انشغل في امر فتحي…فحامد العزيزي لا ينسى حقه مهما طال

تعلقت عيناها ب رسمية التي وضعت طبق الكوارع فوق الطاوله

– ايه ديه ياخاله رسميه

ابتسمت المرأة بحب

– ديه كوارع يابنتي… حامد بيه طالبها

شهقت بسعاده تلحس شفتيها

– كوارع… انا بحبها اووي انا اخر مره كلتها من تلت سنين

اندهشت رسمية من حبها لتلك الاكله فلم تتوقع أنها تُحبها.. ألتقطت رحمه الطبق وبدأت في التهامه .. تحت نظرات رسمية المصدومه

استمعت رسمية لنحنحة حامد تخشي غضبه… ولكنه أشار إليها بيده بأن تنصرف

راقته هيئتها الغارقة في الطبق تمصمص شفتيها واصابعها بتلذذ

– مكناش نعرف ان الاستاذه بتحب الحاجات ديه كنا عملنا حسابك بدل ما اخدتي طبقي

هتف عبارته لترفع عيناها نحوه ترمقه شزراً

– ومحبهاش ليه… ابقوا اسألوني بعد كده عن الأكل اللي بحبه ده انا حتى ضيفه وبكره افتكركم بكرمكم

صدحت ضحكته وهو يسحب مقعده حتى يجلس

– وماله نكرمك ونعملك كل اللي انتي عايزاه حق خدماتك برضوه

هزت رأسها تبتلع الطعام وقد شعرت بسخريته

– خدماتي عليك كتير.. مش كفايه وشي اللي لسا مخفش