لم تكن خطيئتي بقلم سهام صادق ج3

– قدر قوليلي قالتلك ايه..

صمتها وبكائها زاده غضباً نحو شيرين متوعداً لها فمن غيرها ستفعل ذلك… اقترب منها يضمها اليه رغماً عنها

– اهدي ياقدر… اهدي ياحببتي

وارتجف جسده وهو يسمعها تهمس له بصوت مكسور

– طلقني ياشهاب

*****

اتسعت ابتسامتها تُلقي بهاتفها بعدما انهت حديثها مع نهال تُخبرها بتفاصيل ما فعلته.. وهاهي الخادمه تُخبرها بمجئ شهاب إليها

اسرعت بأرتداء ملابسها وترتيب شعرها لتخرج له وعلى وجهها ابتسامة زادت غضبه

– شهاب مش معقول

صرخة متألمة خرجت من شفتيها عندما اجتذب ذراعها يقبض عليه

– أنتي ايه ها.. نفسي افهم ايه الانانيه وحب التملك اللي عندك… عملتي ايه في مراتي انطقي

– متقولش مراتي

صرخ بأهتياج يدفعها عنها

– مراتي ياشيرين… قدر مراتي.. قدر الست اللي حبيتها بجد.. قدر اللي مقدرش استغني عنها.. قدر اللي عوضتني سنين عمري اللي عيشتها معاكي.. قدر اللي رجعت قلبي يدق من جديد وعلمتني يعني ايه دفى وعيله وحب … اقول تاني ولا خلاص

– كفايه… كفايه ياشهاب

– ياريتك بتحسي وبتفهمي

وعاد يجذبها اليه يصرخ بها

– قولتلها ايه وصلها للشكل ده , صور جمانه استحاله تعمل فيها كده

– مقولتش حاجه ديه نهال

– ارجعلي ارجوك ياشهاب… وانا مش عايزه حاجه تاني , انا موافقه ارجع زوجه تانيه ليك… انت كده كده مش هتخلف منها

والحقيقه قد ظهرت وليس هو برجلاً غبي ألا يلتقطها… لقد جرحوها في نفس الشئ الذي طعنها به طليقها

– انتوا ايه الجبروت اللي فيكم … كامل وانا هعرف ازاي اخد حقي منه ومن مراته

ورمقها ببغض حقيقي جعل جسدها يرتجف

– شهاب انا مقصدش

– مش عايز اشوفك بعد كده في حياتي المشروع اللي بينا لو السيد رأفت منزلش يمسكه مكانك او خالد ابن عمك اعتبريني انسحبت منه… حتى السيد نشأت وجودك في معاه هلغي اي حاجه بينا وهتكوني انتي السبب

بكت وصرخت وتوسلت وهو لم يعد لديه طاقه لتحمل المزيد منها

– كفايه ياشيرين كفايه… ضيعتي سنين من عمري معاكي وبعدها ضيعتيني وخلتيني شايف الستات كلها شبهك… لحد هنا وكفايه

ومثلما جاء رحل وانتزع الأمل من قلبها ولم يترك لها الا الندم والقهر

اقتربت منها الخادمه تواسيها تشفق على حالها الذي تستحقه

****

القى بكل مايقع أمام يديه يُحطمه بقدميه…. صرخ حتى تحشرج صوته

وهتف بأسمها معتذراً فقد تزوج ممن قتلتها بل وجعل احشائها تضم طفله